انيستقرام و زوجي ساعدوني

[نور وشموع]

يارب يطمن قلبج

 

[قطوووة]

انكاره يثير الشك

 

[خالتي قموش]

تبين نصيحتي
لا تواجهينه ولا جنج تدرين
لان اذا قلتي رفيجتي قالت بتطلعين جذابه بعينه و اذا قلت ان انتي اللي عرفتي
ما راح يثق فيج
شوفي وقت مناسب و تناقشو بلموضوع بشكل عام

حتى لو هو غلط
بيطلع العيب فيج و راح يشبك جدامج و يحرق قلبج علبونه انج دريتي
او انه يستعمله عشان يقهرج

خليج متغافله احسن لج صدقيني
مو داايم المواجهه تنفع
تغافلي ولا تنبشين وراه عشان ترتاحين ويرتاح راسج
هذه هبة و بتزول مع الايام

اشغلي نفسج عنه

 

[Tom ♥ Jerry]

,


مثل ما قالت خجل

 

[لولي قطر]

حبايبي ماقصرتوا صح إنكاره يثير الشك

 

[ترف بابا]

ليش لاعبة فيج النفسية

مادام حاط صورته واسمة خلاص يعني موخايف من احد

بس انتي غيران عليج لا تضيفين احد .. الله يهديكم لبعض

 

[Laidy n3ooma]

الحين منو ماعنده تويتر وانستغرام وغيره

العالم صار مفتوح وماتقدرين تمنعينه وكل الشباب يحطون صوورهم واساميهم

اذا البنات قاموا يحطون صورهم !!!

بس المشكله ان هو نكر وقال ماعنده انا اشوف مافيها شي

 

[نبض السعاده]

ياحافظ. حاط. اسمه يعني ماراح. يسوي شي غلط. خليه على راحته. ريحي بالج. توكلي على ربج. لا تخلين الواسواس يخرب حياتج. حتي اذا. انكر. يمكن ما يبي. احد يشوف اسمج. يضيفج. خلي. حياتج حق ربج. ادعيه. ربي يسخر. لج.

 

[رقـة الاحسـآس]

الله يسخره لج و يسخرج له يارب

 

[ضــمــاد]

عــادي .. أشفيها اذا عنده أنستغرام ؟ أو حساب بتويتر أو الفيس بوك ؟


في نـاس يحبون يكون لهم مساحه خاصه ,,


أنا أستغرب من اللي تسوي مشكله على ولا شي !


خصوصا انه الزوج حاط أسمه ..


نصيحتي : لا تتطفلين عليه .. أحترمي مساحته الخاصه عشان يحترمج


ولاتقولين له رفيجتي ما رفيجتي ..لا تعمينها مره وحده .. لانه مو ياهل تقصين عليه


بأختصار .. أحترمي خصوصيته .. صج أنه شي حلو لو الزوج ضاف زوجته و بــــرضاه


لكن بنفس الوقت .. مو ضروري يضيفها .. أهم شي لازم تعرفينه انه كل أنسان له مساحته الخاصه


لما نفرض نفسنا بمساحتهم .. أما أنهم بيدخلونا من باب المجامله لكن بنكون ناس ثقيلين عليهم , أو انه بيطردونا


لكن لما نتصرف بذكاء ومانفرض نفسنا .. مع الوقت أهم بكل رحابة صدر بيدخلونا بمساحته (الخاصه)

 

[ضــمــاد]

وسالفة أنه أنكر ..


يمكن لانج تحنين عليه والريال مايبي يضيف أحد من أهله


ويمكن لو قالج عندي .. بتقولين له ضيفني ..


وان قالج ماراح أضيف الاهل .. يمكن تبتدين تشكين .. وتيتدين بالاستجوابات وهالشي اللي مايبيه


فأختصر على نفسه وأنكر من البدايه ..


أحسني الظن فيــه ..

 

[al-musk]

وليش يمنعج بالاساس ..انا شايفه البرنامج حلو ومفيد وكل شي حسب طريقة استخدامه وواجهيه ليش مانعج ومجذب ان عنده حساب ..!!

 

[وردة الدوحه]

انتي أهون من زوج رفيجتي اللي يقولها في عمررره ما استخدم بلاك بيري وجدامها قاعد على النوكيا هههههه

 

[لولي قطر]

الريايل مالهم اماان والله

 

[نواره قطر]

فديتج ريحي بالج ولاتقعدين تدققين بهالامور
صدقيني ماورا التنبش الا التعب
تغافلي هالاشيا وولاجنج شفتي شي
اشتري راحه بالج وبال ريلج
وخلي حياتج ماشيه بدون مشاكل
صدقيني ان كلمتيه بتفتحين ع نفسج باب انتي بغنى عنه

 

[جولينار]

انتي أهون من زوج رفيجتي اللي يقولها في عمررره ما استخدم بلاك بيري وجدامها قاعد على النوكيا هههههه

هذا تحفه تمشي ع الارض


كيف استحمل نوكيا ؟؟ ههههههه

 

[نونه المنكوشه]

حبيبتي سويلج حساب باي اسم وضيفيه واكيد بيقبل الاضافه بعدها شوفي كل الصور اللي عنده وبعدين اذا مافي شي موزين يعني ربعه وجذي هدي اللعب واذا رد قوليله انا دريت عندك انستغرام شفته بالصدفه وليش جذي طبعا بدلع ومساحل بس اذا ضايف بنات ومسخره لاخليج حازمه معاه ودشي بخلاقه وقوليله راح اسويلي احساب واضيف اللي ابي وووووويعني خرعيه واللغي البرنامج بكبره من تلفونه قوليله اما نفتح مع بعض وله مافي بس احب اقول شغله الاستغرام في بلاوي انا انصدمت منه وتقدرين اتكلمين خاص وبنات في برنامج كيك ديربالكم منه تري كله مسخره اي وحده اتشوف ابفون ريلها هالبرنامج خل تلغيه انا ماكنت اعرفه بس وحده بالانستغرام قالتلي عندج كيك قلت اي توني ماكله هههههههه امبيه حسيت نفسي عبيطه قالت لا برنامج كيك قلت شنو هذا المهم نزلت البرنامج بشوف شنو هذا وله مسخره تقريبا نفس طقة الهوز هير ولغيته

 

[اندرويديه]

والله انا لو مكانج اييب خبره
اسوي اكاونت لي باسم بناتي ودلوع واسويله فولو ولو قبل اضافتج يبدا الموضوع .. وشوفي نوع صوره وفي شي معين بيكون لج اهني بكل دهاء المراه وحيلها وتمسكنها تيين له انه خيب ظنج وانتي ما ترضين تخونينه وبيتحسف
واذا لا والله ما قبلج وفك الفك ارتاحي نفسيا... بس مو معناه ما تقولين له بالعكس باسلوب هادي مو بصراخ يا فلان والله ضايق خلقي من شغله وتغيري شويتين جم يوم ولا تعطينه ويه بزياااده ومنعي شوي الاكل جدامه هههه متعبه هذي عشان يلاحقج يبي يعرف اشفيج تالي قولي له شفت ان عندك كذا كذا وانت خشيت وما هقيتها منك وشوفي شيصير

 

[Mamselle]

هو عادي جدا ان يكون عنده..بس انه يقول لا ماعندي هذا الغريب في الموضوع
والصراحة ما أايد تقولين له رفيجتي شافتك..لانه ممكن يقولج من رفيجتج و لا كلميها جدامي .. لا تطلعين نفسج جذابة

اذا تبين..جيبيها في سوالف عاديه و هو في قمة روقانه..او فتحي الاكاونت جدامه يعني بالصدفة وانج ما تدرين و شوفي ردة فعله

اهم شي حافظي على هدوئج و احترامج له

 

[i'm so happy]

انا من رايي تفاتحينه بالموضوع وبالتفاهم كل شي ينحل