انقذوووني بنتي بتنبط من السمنه ...

[ديانا سبنسر]

دكتور تغذية

 

[LuLiTa]

حبووبة دخليها نادي سبااحة ترا حيييل تحرق و تضعف و انتي اشتركي معاها عشاان اتقلدج او دخليها مع بنات اختج ,,الحلويات قطعيها عنها ,, كثريلها من الخضار و الفواكه و الماااي

 

[ام ناصر 2009]

رد : انقذوووني بنتي بتنبط من السمنه ...

وي الله يعينج حاسه فيج وربي انا زوجي وزنه حيل وتعبانه معاه بس ابيه يضعف تعبني

 

[om al ghaleen]

حبيبتي ذكري الله حرام البنت نفسيتها مفتوحه وهذي نعمه من الله
خليها تآكل بس خل تمشي او دخليها نادي رياضه
وابعدي عنها الوجبات السريعه

والله يحفظهآ ..

 

[إنسانه وأكثر]

ههههههههه
انا كنت جذي بس صدقيني يتني فتره من بلغت بديت اهتم مااقولج صرت منيكان بس ضعفت عن اول الحين اذا طالعت صورتي قبل اموت من الضحك بطه وزانطه نفسي بالحجاب

وصح مثل ماقلتي صار فيني سكرمن عمر 13 سنه

الله يعينج ويعطيج القوه عشان تنقذينها من الوزن الزايد


موفقه

 

[غير كل الناس]

اسم الله عليها الله يحفظها يارب

واعرف وحده نفس معاناتش عقب شفت بنتها ضعفانه

تقول من كثر ماهي مقابله البلاس شتيشن نست الاكل

عموما انتي جربي الرياضه المشي

 

[كويتيه ذربه]

الله يخليها لج ويحفظها ياااااارب

مره شفت اعلان بالجريده مادري جنه مستشفى السيف مو متاكده اي مستشفى عندهم برنامج ريجيم حق الاطفال ورياضه مثل نادي خاص لتخسيس الاطفال تاكدي احسن
ومن رايي اذا ماتبين قبل لاتسجلينها باي نادي تاكدي قبل من دكتور متخصص عن افضل رياضه حقها

 

[نـ(المطيري)ـازكـ]

رد : انقذوووني بنتي بتنبط من السمنه ...

شوفي عشان تشجعينها لازم انتي وياها تشتركون بنادي .. هذي شغله

شغله ثانية كافئيها قوليلها اذا نزلتي كيلوين اشتريلج الشغلة الفلانية << والله جد ما اتغشمر .. هذي شغلة ثانية

الشغلة الثالثة والاهم سويلها تحاليل يمكن فيها شي لا سمح الله ..

 

[srsr]

انا شفت اخصائي تغذيه مقابلينه على دبي
واتصلت وحده ولدها نفس الشي تقوول بس يااااااكل ووزنه كل ماله ويزيد
قال سويله نـــفــــيـــش اترسي صحن وحطيه قدامه وهو يطالع التلفزيون ولاقاعد عالكمبيوتر وخليه ياكل فييييه الين يقووول بس ويشرب معاها ماي
يقول النفيش ياخذ وقت طوووويل علشان تهضمه المعده هذا اولا
وثانيا لما يشرب الماي النفيش بينفش زياده داخل المعده وبتمتلي المعده ورااح يحس بالشبع لمده طوويله وماراح ياكل
بس شوفي فيه نفيش فيه سعرات حراريه اقل وان شاءالله تستفيدون كلكم من هالمعلومه

والله خوش فكرة صاجة النفيش اشبع وسد النفس بجربها ان شاء الله

 

[يااسمينه]

انا نفس مشكلتكم لكن انا بنتي ماتاكل وايد اكلها طبيعي واحيانا اقل من الطبيعي ..

 

[srsr]

انا نفس مشكلتكم لكن انا بنتي ماتاكل وايد اكلها طبيعي واحيانا اقل من الطبيعي ..

والله حبيبتي الضعف احسن لها وحق صحتها وخااااصة البنت وراها زواج الله يخليها لج حبيبتي

 

[دلوعة المطران]

انا اقول لازم تودينها دكتور تغذيه مختص للاطفال لان حرام اذا ماقدرتي عليها الحين صعب تقدرين عليها بعدين خاصه لما تتخزن الدهون بجسمها واهيا توها حرام ..

 

[روعه 99k]

رد : انقذوووني بنتي بتنبط من السمنه ...

سبب سمنة الاطفال هم الأهل
اذا توفرين لها الاكل وتقولين لا تاكلين شلون بتمسك نفسها
عموما انصحج بالاتي
لا تطبخون الا آكلات صحية وكل واحد ينحط له بصحن خاص اكله
وهيا خففي لها الكمية بالتدريج
وعليك بالمشي يوميا يبدأ شوي ويزيد ولا تقطع ولا يوم وعندك القاري خليها تروح معاج الممشي بالقاري مرتين باالاسبوع علي الاقلً
قطعي الاكل اللي ما منه فايده
وكل اسبوع قيسي وزنها واذا نزل كافآيها
كلفيها بمهام بالبيت وشغل
خليج شديده معاها لا تتساهلين اذا سأفتح جاده بالموضوع راح تخق وتخاف
وآخر نصيحه
اكيدانتي طباخه نصيحتي لج
بلاش فناتق بالاكل وعيوش
مو شرط كل يوم عيش
الريجيم للطفل سهل صدقيني وبسرعه بتنزل لو طبقتي كلامي
تخفيف اكل
حركه كثيره ومشي
وخلج جاده وادقريها لا تعطينها. ويه*

 

[صحفية]

لا تسوون عيش كل يوم اذا ماكو عيش من وين بتيبه ؛)

مثلا الغدا خضار مع بطاط مهروس،،،، او دياي مشوي من غير خبز ،، او ستيك ،،، او اي شي بدون عيش وخبز

حتى الهامبرغر بدون صمون ،،،،، العشا شوربه ( وعدي وخربطي من انواع الشوربه ) يعني لا تقولين بتمل !!

اخذيها معاج السوق خل تشوف الملابس وان ماكو مقاسها ( حتى بدون لا تعلقين أهيه راح تفهم ) ويزوق قلبها على الملابس

ولازم تحطيلها مقدار معين تاكله ،، مو تخلينها تااكل تاااكل وتنسى نفسها

لازم تاخذينها الممشى كل يوم ،،، ودائما طرشيها بالبيت عشان تتحرك

وعندج التمر لو تاكله قبل الأكل راح تشبع ،، وعلى الاقل مفييد ؛)

تقبلي مروري ،، *

 

[LiL MaMa]

رد : انقذوووني بنتي بتنبط من السمنه ...

روحي اخصائية تغذيه و دخليها نادي على طوول مو بس بالعطله

و اهم شي السباااحه تحرق سعرات حراريه واااايد

 

[جمالي ايطالي]

حاولي تتفاهمين معاها لان الطق والهواش يزيدها


وان شاءالله تضعف بصحه وعافيه اسم الله عليها

 

[eman12]

حبيبتى انا عندي لج شويه اسئله
بنتج من اي عمر سمنت
ولما سمنت شنو كان بدايه شراهتها في ( كاكاو بسكوت معكرونه وجبه من برا
اذا ماكانت سمينه وفجاة تغير جسمها في شئ بحياتكم تغير يعني صار عندكم بيبي جديد عندها اخت او اخو مريض وتعتنون فيه )
وياليت تراسلينى على الخاص لانى عندي نفس حالة بنتج بس انا سمنها كانت لها اسباب

 

[Pissy Missy]

في دكتورة تغذية في رويال حيات متخصصة في سمنة الاطفال

لما اروح اشوف صور يهال قبل وعقب ما راجعوا عندها وايد ضعفوا ما شاءالله

جربي تروحين لها وشوفي شنو تقولج

ليش ما تجربين تشركينها في دايت كير

انا اعرف وحدة عمرها 12 سنة وكانت وايد سمينه يمكن فيها 70 كيلو

اشتركت في دليت كير 3 اشهر وما شاءالله وايد نزلت بس لازم تلتزم وبس تاكل وجباتهم والحلو فيها انها ماراح تحس بالحرمان حتى الحلو تاكله

 

[Pissy Missy]

و نسيت اقولج جيكي على هرموناتها والغدة

 

[Pissy Missy]

سوري كتبتلج رويال حياة وانا اقصد مستشفى السيف