انقذوني من خالتي وبناتها

[صبر جميل والله]

http://http://www.q8yat.net/showthread.php?t=654177&highlight=%C7%E4%ED%C7%C8+%CE%C7%E1%CA%ED

هذا موضوعي القديم ..

بس انا الحمد لله الحين رجعت لزوجي .. وزوجي اعترفلي انه اهله كانوا يحرضونه

بس يا بنات انا :0bee2e8d89: اللي مضايقني انها مطلعه حجي شكثر عني حتى

كلام يفشل بصراحه بشرفي وكرامتي ما احترمت حتى ولدها انا وكل الناس ندري انه

حجيها خرطي .. بس هيا عوووووووبه وراعية لسان اذا انهد على احد الله بس اللي يستر

عليه .. :eh_s(4): و انا تعبت نفسيا منها جننتني لسانها معاي عسل وبظهري تنقط سم

هيا وبناتها والله مع اني ما اكرهم بس اللي اكتشفته انها غيره لان زوجي يمدحني .. قدامهم ..

بس المشكله زوجي حيل يحاتيها بكل تصرفاته معاي ما قام يعطيني وجه مثل اول

وما يقعد عندي كله عندها مع اني مدللته دلال بس علشان لا يصدق كلامهم عني ..

شنو الحل تكفون :eh_s(1): ما اقدر استحمل انصحوني ..

 

[Tom ♥ Jerry]

/


الله يعيييينج حيآتي ..
و الله مآدري شقولج .. بس كلمي ريلج
أو دخلي أحد بالسالفه أمج أبوج



.

 

[قلبي سلومي]

صبر جميل والله المستعان
الله يعينج

 

[شانييل]

من اسمج صبر جميل والله المستعان
كل وحدة عندها خلة ماتخاف الله بتحس بمعاناتج

وحماة أو مرت أخو أو مرت حماة ما تخاف الله راح تسوي وتسوي

مو تسمعين كلام مرت أخوي وإهية وحدة من الي ما يخافون الله تقول أنا ليا كرهت الوحدة أقول فيها وفيها وفيها بعدين أقول ما أحط بذمتي!!!!!!!!!!!!
تخيلي يعني تجذب أشكرة

ولعلمج أنا أعاني من خالة تجذب وللاسف شكلها تقولين هذي صاجة إمية بالامية وممكن تعطيج بالتفاصيل والوقائع الي طبعا كلها تأليف وجدام الحريم

فلاااااااااا تعليق ما أقول إلا حسبي الله ونعم الوكيل وربي بكفينيهم بما شاء

لاهم ما تخلين حياتج معروضة جدامهم ولا تكونين تحت العين والمجهر

صيري بعيدة أخبارج ما توصل لا تسسولفين بكل شي
سولفي بالاشياء الي تضيق الخلق.......... يعني لا تتلكمين بأي شي يحرهمولا يشمت فيج جدامهم
وعلمي ريلج قوليله العين حق لا تقول لما تسالك أمك إهيا معاك بالسيارة خل يقول لا أنا طالع برة ليش ما أقول خل يجذب بس أقول علشان ما تحتر وتقثة وقثج
لأن هالنوع من الخالات يكونون حسودين وحساسين وأي شي يحرهم حملتي يحترون وما يقولون مبروك
درستي انقهروا لو بايدهم منعوج
سافرتي عصبوا على ريلج وزعلوا سنة جدام كل مرة يذكرونه

الله كريم يا الغالية والله يفرجها علينا وعليج

 

[صبر جميل والله]

ما ابي ادخل اهلي لانهم ودهم يطلقوني منه .. هو بعد عليه حركات بايخه بس

يهون عنهم .. واهلي توهم ارتاحوا ما ابي ارد اغثهم مره ثانية ..

لان اهلي مساكين هم حاشهم منها طشار ..

انا ودي اني اوقفها عند حدها بطريقه محد يلومني فيها ..!!!

 

[جولنار زماني]

الله يكون في عونك
انتي ان شاء الله على نيتك وربي ما يخلي احدما قريتي قول الله تبارك وتعالى
(ادفع بالتي هي احسن فإذا الذي بينك وبينه عداوة كأنه ولي حميم؛وما يلقاها إلا الذين صبروا وما يلقاها إلا ذو حظ عظيم)

 

[ابلة لولوة]

حسبي الله ونعم الوكيل على كل من تقذف بنت شريفه وتطعنها

والدنيا دوارة وماتدووم لحد .

 

[++MesK++]

؛
؛


لا حول ولا قوة الا بالله العلي العظيم

؛
؛

 

[Tulips]

الله يعينج قعدي مع زوجج وصارحيه .. وقوليله لا يمدحج جدامهم

 

[ام هلال]

الله يعينج عاى هالنوعيه

 

[ماكنتوشة***]

حصني نفسج اختي بالذكر وان شاء الله يكفيج ما اهمج
وهذي امه .....احترميها من احترامه
وطوفي بترتاااحين

 

[لجين]

رد : انقذوني من خالتي وبناتها

الله يكون بالعون ..

 

[احلى سماء]

قاطعيهم مره وحده
لج شغل بزوجج وبس
واذا قالج روحي لامي قعدي عند خواتي
قول انت تدري يكرهوني ويحرضونك علي
انا الانسان اللي جذي مالي علاقه فيه
انا قاعده ببيتي ومكاني وقاعده لزوجي
الناس الثانيه ما قصرت معاها وما قدرتني ولا مجبوره تقدرني
انا علي من زوجي وبس
اقطعي عنهم مره وحده
عشان يحسون انج مو مهانه ولا مذله يهينونها وتعطيهم وجه ولا جنه شي صار

 

[كات 511]

شقولج همج نفس همي مالنا الا الصبر والشكر والذكر وحسبي الله ونعم الوكيل

 

[انتظر حبه]

الله يعينج

 

[al-musk]

الله يعينج

 

[كنوشة 2009]

بالنسبة لزوجك دام ادعي بين الاذان والاقامة{ ربنا هب لنا من ازواجنا وذرياتنا قرة اعين واجعلنا للمتقين اماما}
وبعد {اللهم ملكني قلب زوجي واجعلني ماء عينه ودم قلبه اللهم غض بصره و سمعه عن الحرام}

 

[نور الدنييا]

رد : انقذوني من خالتي وبناتها

مشكله الوحده الي تسكن مع حمولتها والله مشاكل ماتتهي
بس لاتنزلين وايد عندهم حيل قللي

 

[هيبة ملك]

لا حول ولا قوة الا بالله العلي العظيم

 

[You FOR Me Only]

الله يعينج