انقذوني... دزة اخوي<<ابي صناديق كشخه؟؟>>

[حيادر]

مرحبا بنات

اخوي بيملج انشالله فبنودي دزة حق العروس

من وين يشترون صناديق كشخة ؟

وشنو احط بالدزة بما اني اخته العودة فلازم اباشر الموضوع بنفسي :ggdw:

انا فكرت اخذلها صندوق بخور وعود من المرشود

و بيجامات وملابس داخلية وقمصان نوم من اويشو و لاسينزا وغيره

و مكياج

بعد شنو احط؟؟



انا مفكرة اني اسوي مجسم طاووس صغيرونو نفس اللي بموضوعي هذا وازينه بسواروفسكي علشان احطه فوق طاولة تقديم لها ريول عجلات يعني تندز وتحت الطاولة يكون صندوق المرشود

http://q8yat.net/showthread.php?t=149618


شرايكم ؟؟

تم توضيح العنوان لتسهيل الدخول عليه ونقله للقسم المختص

bnt_7waa

 

[غرشة عطر]

رد: انقذوني... دزة اخوي

اولا بالمبارك عرس اخوج

انا اسوي ناديق دزه فيها بخور وعطور فرنسيه وخمريات وغيره شوفي هالروابط وان شاءالله يعجبج وهذا رقمي لاي استفسار 65820322 ام خالد

http://q8yat.net/showthread.php?t=231602


http://q8yat.net/showthread.php?t=213057

 

[حيادر]

رد: انقذوني... دزة اخوي

الله يبارك فيج حبيبتي

شغلج حلو ماشالله الله يوفقج

رقمج صار عندي

خل اشوف انشالله اللي اقدر اسويه وانشالله خير

بنات يالله قولولنا حق دزة اخوانكم شسويتوا؟

حق دزتكم شيابولكم ؟

 

[سنا الفضه]

رد: انقذوني... دزة اخوي

بدزه اخوي العود قبل جم سنه اخذنا له صندوق فضه من الركن المبارك بزهره ورصينا المهر ولفيناهم بالورد وحطينا تحتهم قطع بخوور وهم لفينا الصندووق كله بالورد عند محل الورد

بنت عمتي كانت دزتها حلوه

حطوا لها الفلووس وتحتهم الخردده اشكككثر مع الدبله فووق الفلوس محطوطين بطريقه اتوونس هم مزيينهم عند بيت الهدايا

بس عجبني مبخر عوود عند جنيد لمن كنت بالعمره وااايد حلوو وداخله غراش فاضيه نفسه تعبينهم عود + علبه للبخور والمبخر يتسكر من فووق على المهر والغراااش واايد كانت فكرته حلوه وعمليه

برااايي ابتعدي عن القمصان والبيجامات وهالسوالف خليهم لها وعلى ذوقها اذا انتي حابه شغله لها ولامها مثلا ممكن عبايه وشيلتها وبخور او حتى الاثواب التقليديه ملوت السامري الي تتطرز عليهم اسمااء حطي مثلا اسمها واسمه على الثووب وطرشيه

واذكر بمره بمحل كاكاو بالجابريه داسكليداس عنده عربانه ذهبيه اتيننن واايد حلوه تقدرين تحطين فيها الدزه بصندوق ركبيه عليها مع كاكاو

هذي جم فكره يمكن تعجبج

 

[خذاني الشوق]

رد: انقذوني... دزة اخوي

بدزة اخوي سوينا عند بوابة الهدايا بالرقعي وفرعه الثاني بمعرض افكاري بالرى عنده فناتق عجيبه واخذنا كاكاوو من سابليه وكيكيه وديناها للعروس تجمعنا كلنا ورحنا..

 

[SOFTY^LADY]

مرحبا بنات

اخوي بيملج انشالله فبنودي دزة حق العروس

من وين يشترون صناديق كشخة ؟

وشنو احط بالدزة بما اني اخته العودة فلازم اباشر الموضوع بنفسي :ggdw:

انا فكرت اخذلها صندوق بخور وعود من المرشود

و بيجامات وملابس داخلية وقمصان نوم من اويشو و لاسينزا وغيره

و مكياج

بعد شنو احط؟؟

بصراحه ماني معاج بفكره البجامات والملابس الداخليه امبيه ليش ليش ليش

هذه دزه حبيبتي مو هديه يعني لازم تدزون لها شيء له قيمه معنويه مثل البخور والعطور ومع الفلوس طبعا ووتصير احلى اذا خليتيها كاااااااااااااااااش _03BA:

واسمحيلي هذا رايي لاتزعلين مني

 

[ليالي نجد]

الله يوفقه

في محلات العطور الكبيره يسوون لج صندوق الدزه ويضبطون لج كل شي واذا تبينه ناعم واتزيدين عليه من ذوقج اكسسوارات احسن بعد

احنا اخذناه من الدر المنثور كان عندهم شغلات حلوووه ايامها ومادري عنه الحين!!

 

[حيادر]

مشكورين بنات

لوووووول سوفت ليدي:tomato2:

احنا دزتنا مال اول :dddds:

قبل ايام اول قمصان نوم وسوالف جذي يعني ابيها دزة تراثية عرفتي شلون

يعني عبايات وقمصان نوم ومكياج وقطع قماش وهالسوالف:ggdw:

بس طبعا بدون قطع قماش :dddds:



طبعا صندوق العود والبخور هذا ضروري و قلتلكم باخذه من المرشود

سنا الفضة انا فعلا فكرت اخذلها عبايات كشخة من الغالي مع شيلهم
ومفكرة اخذلها شيلات سواروفسكي حلوين ونقشاتهم غريبة بما انها متحجبة


بس ابي بعد افكار :eh_s(6):

 

[GaZoZiYa]

صناديق دزتي كانو ذربين حيل
من دبنهامز
جلد مكعبين مو مستطيل... 4 صناديق ب90 دينار تقريبا

 

[أم بدير]

في صناديق بالتراث الهندي روعه
وفي صندوق مبيت أصلي قديم عوووووووود فيه ثلاث ادراج من حدر
هذا مايحتاي تاخذون منه اثنين او ثلاث
واحد يكفي تحطون فيه الدزه والتزيين وتودونه ويصير فنتق بعد ان شكله قديم ويظل كديكور يحتفظون فيه لأن جد روعه شكله تحسين فخم

اختي كانت دزتها حلوه
عباره عن شجرة ورد وفيها جذوع عليهم مثل اسطوانات خشبيه مادري شلون اشرحهم بس داخل كل اسطوانه مبلغ من المهر وفي بعد بعش الاسطوانات فيها هدايا ملفوفنه هذا غير الدبل الي كانت معلقه بعلب مع التزيين بوسط الشجره

بس هم احس فكرة الصندوق المبيت العود أحلى

 

[NeloFaR]

انا بعد ما انصحج تحطين بجامات و قمصان نوم ..

الدزة حلاتها بالعطور و البخور و الفناتق و التزيين و الكل يشوفها و يتمقلون فيها الناس و تكشخون فيها قدام العروس .. مو حلوة الناس تشوف قمصان نومها و بجامات و هالسوالف عرفتي .. اتمنى تتقبلين رايي و عسى الله يبارك لكم و يوفق بينهم يا رب

 

[حيادر]

الله يبارك فيكم بنات

حتى امي تقول مو الا قمصان نوم

تقولي شرايج بعد تحطين لها ديرم وحنة :dddds:
تقولي عيوز عيوز :krkrkr:


ام بدير حياتي من وين هالصندوق العود؟

من التراث الهندي ولا من وين؟

انا رحت بياع الورد ولقيت عنده صناديق حلوة

ولقيت صناديق صغااار حلوين يونسون قلت اصبغهم بني محروق واحط عليهم مسامير مدورة علشان يصير نفس صندوق مبيت

سويت مثله من قبل بس حقي بس صغير شوي و
طلع اينن بس حسافة يوم انتقلنا من بيتنا مادري وين راح ميتة قهر :0bee2e8d89:

قلت بسوي نفسه بس كذا واحد بيصير اينن

والحين فكرت اخذ معاه هذا اللي قلتي عنه ام بدير

بس من وين تكفين ؟

 

[أم بدير]

شوفي اهو كبير وايد مايحتاي تحطين معاه صندوق اصغر
اذا عندج شغلات صغار استخدمي اليرارات حطي فيهم الشغلات الصغيره
اهو الله يسلمج بمحل ما اعرف اسمه
بس يكون صوب محلات الكلف بالبلوكات
لما تخلين محلات الكلف على يسارج تكملين سيييييييييييييده تلقين اخر المحلات محل يبيع اكسسوارات هندية وتحف هنود
تلقينه عارض الصندوق بالفترينا شحلاته عود ولونه روعه ومبين عليه كشخه وراقي
سألته بجم قالي بحدود اميه على ما اذكر او شي جذي
اعتقد عرضة متر وارتفاعه سبعين سم تقريبا
احس حده كافي حق كل الشغلات الي تبون تحطونها يشيل شغل ثلاث صناديق احجامهم مختلفه

 

[اللافندر]

حبوبة في عضوة اسمها هبسا ....عندها شغلات روعة

 

[MeLLoN_LoVeR]

شايفه صناديق دزه صج صج حلوه وكشخه عند قلعة الهدايا على ما اضن جذي اسمه قبال المهلب

 

[اوملييتا]

حبوبة حطو لها الهدية مالت الاسطوره
عباره عن ليره ذهبية بقيمه معينه
و بعدين اهي تروح
تشتري فيها اللي تبي

 

[جرح الليالي]

شوفي بدزة ولد اخوي كانو حاطين لها بدل

وعباية وشيلات وقميص نوم محترم خخخخخخخخخخخخخخخ

وسوالف البخور والعطور بصندوق

والمهر بصندوق المهم كان كذا صندوق والصناديق مزينة بطريقة حلوة وايد

اهم شي لا تنسين القران

عسى الله يوفقكم

وان بغيتي شي ما يردج الا الكيبورد