انفلونزا الخنازير ( تم دمج جميع المواضيع)

[الورد الأبيض]

الله المستعان

 

[ملح مكتت]

والله بروووح واخذ الويت وايبس وادني بعيد عن العالم اعييش حيااتي وادير بالي على نفسي وورا اي شي نغسل ايدنا وماكو شي بيصير اللا باذن رب العباد حتى لو صاااكه على نفسج بابج

 

[white**angel]

رد: علاج للأنفلونزا الخنازير

الله يبشرج بالخير

 

[white**angel]

اي والله مثل ماقالت ملح مكتت وانا معاج الي الله كاتبه بيصير

 

[مشمشة رمانة]

رد: انفلوانزا الخنازير !!!

بنات ترة الاخبار والتلفزيون واييد مهولين الموضوع

انا حماي بامريكا يقول ماااكوشي كلشي طبيعي وعادي

اليهال يروحون المدرسة والكبار يروحون الدوامات عااادي

والاسواق والمجمعات متروووسة ولا اكوشي زاايد

فلاتخرعون روحكم على الفاضي باقي على سفركم شهر ونص او شهرين

عني انا بنطر لانة سفرتي بعد شهر بالضبط فليش الخوف لانة هذا الحجي صار بسبوع بس ...!!

والله يحلها إن شاء الله

 

[باونتى]

رد: انفلوانزا الخنازير !!!

بنات تتوقعون ان جرايدنا مسوييين ضجه كبيره ؟؟؟ بصراحه انا ضاق خلقى من سمعت الخبر لان ما راح نسافر ونغير جو

 

[مس كيوت]

الله يستر

 

[OmRashed]

رد: انفلوانزا الخنازير !!!

انا بعد حجزت التذاكر ودفعت قيمتهم بروح لندن بقعد شهر ونص تقريبا وبروح اكثر من دولة اوربيه

ولحد الحين ماكنسلت لان موعد السفر 12\7 وبنطر ليما هالوقت يمكن اتعدل الاوضاع ان شاءالله

 

[الاسطورية]

منو توها رداه وجربت فحص المطار او تعرف شلون؟

مرحبا بنات


ابي الي توها راده الكويت شلون فحصوها للتاكد من ان مافييها المرض ابي اعرف الطريقه لعوزه ولاعادي زحمه ولاعادي
:0bee2e8d89:

 

[miss_art]

رد: علاج للأنفلونزا الخنازير

مشكورة حبيبتي الله يبشرج بالخييييير

 

[hello!]

رد: منو توها رداه وجربت فحص المطار او تعرف شلون؟

سمعت ان تمرين على جهاز وبس وفي مثل جهاز يحطونه باذنج ويشوف والله مادري هذا الي سمعته

 

[طاسه حنا]

رد: منو توها رداه وجربت فحص المطار او تعرف شلون؟

والله ماعندى فكره

 

[ظلال القرآن]

رد: انفلوانزا الخنازير !!!

حجزنا 18 /7 والطيران دقو اليوم قالو يا تقطعون ولا ينلغي الحجز لانه عرض

والشقق اجلنا بنشوف عقب اسبوعين جذي شيصير واكيد اذا انتشر اكثر نصيف بالخيران

 

[برميت]

رد: منو توها رداه وجربت فحص المطار او تعرف شلون؟

امي توها راده من السفر لا فحصوها و لا شي

 

[برميت]

رد: علاج للأنفلونزا الخنازير

اهئ
انا كنسلت شهر العسل الي مفروض يوم الخميس من هالخنازير الله ياخذهم اهئ اهئ

 

[برميت]

يوم الاربعه حاطين بتو الليل عن فلونزا الخنازير جان يدق دكتور مصري و يتكلم عن هالمرض و حط ارقامه حق الاستفسار او اذا احد شاك انه فيه هالمرض

جان اقوم و ادق عليه و قلت له بسافر استراليا و ماليزيا جان يقولي ضروري و لا لا قلت له ايي ضروري
قالي لا تحتكين بالناس و لا تروحين اماكن استوائيه و فيها حيوانات و لا تروحين حمامات عموميه عزكم الله
ولا تاكين الا الاكل الي متأكده انه نظيف 100% و غسلي ايدج كل ما تمسكين شي و جل الديتول لا يطيح من ايدج

يعني ما يسوى علينا سفره

خوو استراليا ماراح تطير
و اول ما قلنا حق السفريات انه نبي نكنسل و احنا دافعين المبلغ كامل على طول رد لنا المبلغ لانه كل الناس كنسلت

والحين ريلي قاعد يساحلني و كل يوم بيقعدني بفندق و منتجع يعني مسافرين شهر العسل ..العوض و لا القطيعه

 

[أسيل]

الله يكافينا وياكم شر الامراض

 

[أسيل]

الله يكافينا وياكم شر الامراض

 

[منورة الكويتية]

رد: انفلوانزا الخنازير !!!

والله يابنات تذكرو قل لن يصيبنا الا ماكتب الله لنا
الله الحافظ
اذا ربي كاتب ايلنا هالمرض بييلنا لو سكرنا على نفسنا بيبانا
كاهو وصل البحرين
ف انا اقول توكلو على الله وروحو
ومني لي الصيف اكيد بيلقون حل ان شاء الله
وعلى فكرة الاعلام معروف وايد يهوووول المواضيع وخاصه هالسوالف وبعدين ماصار الموضوع كله الا بظرف اسبوع
ف نطرو شهر وشوفو شنو راح يصير

 

[أم عبداللطيف]

الله يكافينا الشر

ياناس ياعالم استغفروا واقتربوا من ربكم هذي علمات الساعه قام تطلع ديروا بالكم خلو السفر يولي احد يروح للموت بيده

الله يكافينا الشر ياربي