انفلونزا الخنازير ( تم دمج جميع المواضيع)

[British Girl]

رد: كنتي حاجزه لدولة وكنسلتي بسبب انفلونزا الخنازير تعالي

بناااات انا توني راده من ماليزيا والله العظيم الامر جدا عادي
وااايد عرب هناك ومستانسين ولا مهتمين وانا رحت والحمدالله اذا الله كاتب اني يصير فيني
جان صار فيني حتىا وانا بالكويت
والله توني راده من ماليزا اليمعه اللي طافت وكان حده عادي الوضع عندهم
وروحوا واستانسوا ولا تكدرون عمركم

 

[Killer^Girl]

رد: كنتي حاجزه لدولة وكنسلتي بسبب انفلونزا الخنازير تعالي

مصر متروسه انفلونزا الخنازير

 

[girla]

رد: انفلوانزا الخنازير !!!

بنات بليز ردوا علي
صج اللي رادين توهم من اوربا غصب عليهم يمرون الامراض السارية يوم وترك ويفحصون اذا فيهم حرارة ولا لا؟؟؟؟؟؟؟؟؟
توه رفيج ريلي راد ويقول لازم يوم وترك لمدة شهر بعد الردة من الدول الاوربية
وغصب ولا سجن او غرمة
والله اعلم
ودي ارووووووووووووح ديزني بس اذا عقب ما ارجع اراجع يوم وترك بالسارية
بتطلع السفرة من خشمي
شرايكم علموني منو سامع بهالشئ؟؟؟؟؟؟ومنو توها راجعة من اوربا وفحصوها؟؟؟؟؟؟؟؟؟؟؟[/quote


لوووووووووول حبوبه أنا امس راده من فرنسا كنت رايحه سويسرا وايطاليا وبرشلونه وباريس والله ولا يدرون شالطبخه الأوادم لا كمام ولا شي انا ماخذه كمامات وقلت بلبس بالمطار ريلي قالي يضحكون عليج الأوادم
لا وشعبهم طايحله أكل بهالخنزير يعني ماكو شي

بمطار الكويت عطونا ورقه عبينها فيها بياناتنا وقالولنا لازم خلال 72 ساعه نراجع مراكز صحيه حاطينها بالورقه علشان يختمها الطبيب بس وفي غرامه 50 دينار أو سجن شهر حق اللي ما يراجع
ترى ماكو شي بس اهني بالكويت الاوادم اتسولف عن المرض

 

[دانه الهيرات]

رد: كنتي حاجزه لدولة وكنسلتي بسبب انفلونزا الخنازير تعالي

ودي اسافر بس خايفه من الانفلونزا .

الله يهداهم ما طلعوا لنا هالشغله الا بالصيف ؟؟؟ جان قالوا بالشتاااا
هاهاهاي

 

[!green apple!]

رد: هذا الموضوع حق اللي الحين متواجدين في الدول الأجنبية المصابة بانفلونزا الخنازير

يعطيكم العافية بنات يعني صج اعلامنا يصرقع؟؟؟؟؟
والله خرعونا .....انزين والاطفال ماكو خطر عليهم
؟؟؟؟؟؟؟؟؟ وجزاكم الله كل خير

 

[بــدويه]

رد: هذا الموضوع حق اللي الحين متواجدين في الدول الأجنبية المصابة بانفلونزا الخنازير

ألف ششكررٍ ع الموٍضوٍع ..
وإن شآء الله الكل يستفيد ...

 

[نـدمـآنـه]

رد: كنتي حاجزه لدولة وكنسلتي بسبب انفلونزا الخنازير تعالي

انا اخوي اليوم راح حجز لأمريكا ولا كنسلنا بسبب انفلونزا الخنازير

لأن اختي في نيويورك و تقول عاادي الوضع مافي شي

 

[مي الصغيره]

رد: هذا الموضوع حق اللي الحين متواجدين في الدول الأجنبية المصابة بانفلونزا الخنازير

انا سالت جم شخص برة نعرفهم عن الموضوع بلندن يقولون الوضع عادي بس في حالات مصابة
هالمرض يخوف لانه يصيب الصغار اكثر ويمكن يقتل
احنا كنسلنا على كل حال :krkrkr: و قاعده افكر بسفرة عادية لربعنا الخليج بس ما تسوا ولا تطيب الخاطر الجو حار :0bee2e8d89:

 

[مي الصغيره]

رد: انفلوانزا الخنازير !!!

بصراحة ماادري شا اقول
انا ما كنت بروح اي مكان الا اذا عشان موعد ولدي بلندن
بس خايفة عليه
وبسبة الدوام و الضغوطات وما صدقت ولدي يصير عمره سنه اسمه الله علية ودي اههههههج اسافر
ارتاااااااااااااااااااااااااااااااااااااااااااااااااااااااااااااااااااااااااااااااااااح

بس خايفة
و العروض ما تتطوف :0bee2e8d89:

الواحد ما يلقي بنفسة بالتهلكه
والله يحفظناااااااااااااا

 

[الزمن ماله أمان]

رد: انفلوانزا الخنازير !!!

والله انا حجزت والحافظ الله الكويت طلع فيها قل لن يصيبنا الا ما كتب الله لنا

 

[الثريا]

رد: انفلوانزا الخنازير !!!

بنات دكتور عيالي يقول سافروا ولا تخافون ماكو إلا العافيه
بس لا تروحون للمزارع وبس

 

[@شمس الضحى@]

رد: انفلوانزا الخنازير !!!

يابناااااااات ماكو الا العاااافيه والخير
اخوي بلندن صارله 20 يوم يقول الوضع عااااااادي وجدا طبيعي وكل يوم بمطعم وسوق وحدايق
واحنا بنروح للندن عقب ايام باذن الله توكلو على الله سبحانه..

 

[ررريهام]

رد: انفلوانزا الخنازير !!!

بنات الى بيسافر على فينا اى النمسا يارت يقولى
ابى الرد على الخاص
ولكم الشكر

 

[ندى]

رد: انفلوانزا الخنازير !!!

الله يستررررر من هالمرض


وان شااءالله ماكو الا العاااااافيه


وقدر الله وماشاااااااءفعل

 

[SPIDER-WOMEN]

رد: هذا الموضوع حق اللي الحين متواجدين في الدول الأجنبية المصابة بانفلونزا الخنازير

الحمدلله ماكو شي بس الهظوال من الاعلام ومانقول الا وقل لن يصيبنا الا ماكتب الله لنا
في نيوكاسل بريطانيا احدى المناطق الي ظهر فيها المرض وماكو شي والحياة ماشية طبيعي ولا كأن في شي

 

[انا كويتية]

رد: هذا الموضوع حق اللي الحين متواجدين في الدول الأجنبية المصابة بانفلونزا الخنازير

انا الحين بمانشستر ببريطانيا وراجعة اول امس من هولندا ... مافي اجراءات بالمطار ابدا ولا شفنا احد لابس كمام ابدا .... والوضع جدا جدا عادي

 

[شرطيه حلوه]

رد: انفلوانزا الخنازير !!!

أنا مسويه فيزا حق أمريكا وكنت ناويه أروح بس الحين خايفه
قلت بحول على أوروبا بس والله متردده يعني ناس تقول ماكو شي وناس تقول وباء ومادري شنو
أخنا صج ضايعين بالطووووووووشه

 

[hanonah]

رد: انفلوانزا الخنازير !!!

نصيحة بنات اللي بيسافر يسافر لاتكنسلون شي الاوضاع الحمدلله عاديه مرررررررررررة
انا في كندا وسمعت انهم مكتشفين بمقاطعتنا 11 حاله بس والله الاوضاع مطمئنة مررررررة والناس عادي وكل شي تمام نطلع ونمشي وناكل برى وكل شي الحمدلله تمام مافيه شي بس دائما الاعلام هو اللي يهول كل شي
الحمدلله مافيه الا العافيه واذا كنتي خايفة عاد مالك الا لاوصلتي للديرة اللي بتسافرين لها تاخذين جرعه انفلونزا الخنازير قيمتها 20 دولار عندنا ولاتعيشين بوسواس طول السفرة وماتتهنين
سافرو واستانسو ولاتخلون الوساوس تحرمكم حنا الاوضاع اكثر من عاااااااااااااااااااااااااااااادي عندنا والناس عايشة ومافيه ولاشفت شي اسمه كمامات ودوامات ودراسة وروحات
اتكلوا على الله بس

 

[donya q8]

رد: انفلوانزا الخنازير !!!

عيل انا بسافر استراليا والله الحافظ انشاءالله ماكو الا العفية
وانا قريت في google ماكو الا حالة وحدة في استراليا وانشاءالله مايزيدون:0bee2e8d89:
وسفرتنا يوم 22-6 ...........ز والله يحفظ الجميع من هالامراض الي طالعتلنا

 

[Shiny Star]

رد: انفلوانزا الخنازير !!!

الله يبعد عنا كل شر يا رب