((انـــا مـعـكـ بس,, قـلـبـي مـع غــيركـ)) >> قصه كويتيه حقيقيه <<

[ღ TőOőma ღ]

الجزء العشرون

دلال انصدمت ماقدرت تتكلم:.......

سجى حست بنفسها وتحسفت ليش قالتلها:...أأ...دلال...

دلال تبجي:...شلون؟؟؟ومتى واهو بأي مستشفى الحين..؟؟

سجى:امس بليل...في مستشفى مبارك...

دلال موقادره تتكلم حست ان اهي السبب:...شلونه..الحين..

سجى:الحمدلله مـ...

دلال ماقدرت تتحمل وصكرت الخط على طول....

سجى:الووو....الو....دلال...؟؟....

ميس:انتي ليش تقوليلها؟؟

سجى:اول وتالي راح تعرف

فجر:بس حرام..شبتسوي بنفسها الحين

سجى:تعرف مني احسن من ماتعرف من احد ثاني وتلومني ليش ماقلتلها بعدين....

ميس:انتي دايما مستعيله..الحين شبتسوي بعمرها البنيه..؟؟امبييي والله حرام سجوو مااقدر احط نفسي مكانها..دقي عليها شوفيها

سجى خافت عليها حسن ان طريقتها كانت غلط وعلى طول دقت...

فجر:شنو ماترد؟؟

سجى:لاااء...امبيه انا المفروض مااقولها بهالطريقه

ميس:دقي على بيتهم او على اختها

فجر:لااا من صجج..ليش تخوف امها بتفضحون البنت؟؟

سجى:الله يستر..شسوي

ميس: خلج قاعده تدقين لمن ترد عليج

سجى:...انشالله ترد عاد



((بيت دلال))

دلال صكرته منها ومومستوعبه...وشوي شوي قعدت تتذكر اللي صار بينها وبين سعود..من اول ما سجى درت ولمن دقت عليه ومارد...بعدين استوعبت ان اللي مسعته كان صج...

بدون شعور قامت تبجي موقادره تمسك نفسها...حست بالذنب..سمعتها شجن كانت توها طالعه من غرفتها....

شجن بطلت الباب مخترعه:دلاال...؟؟شفيييج شصااااير..؟؟

دلال موقادره تتكلم.....

شجن:اهدي شوي وقوليلي شفيييج..؟شصاير دلووول تكفين لاتوقفين قلبي...

دلال:..ســ...سـ.....عــ...

شجن فهمت ان قصدها سعود:سعوود؟؟؟شفيه؟؟شصايرله فيه شي؟؟

دلال ماتحملت وخذت سويجها ركضت تحت...

شجن لحقتها:دلااال تعاالي وين رايحه...قوليلي شفيييج....

دلال ماردت عليها لمن وصلت يم الباب مسكتها شجن...

شجن:دلال...ماتروحين مكان وانتي بهالحاله...قولي شفييج؟؟هدي شوي

دلال:خليني......سعود.....

شجن:شفيييه سعوود

دلال زادت بجيها:بالــ...مــ...ســ..تـ....شـ....فـ....ى...

شجن:بالمستشفى؟؟ليش شصايرله

دلال ماقدرت تتكلم...

شجن:لاتروحين نطريني دقايق ابدل وايي وياج اووكي امانه دلول خلج لاتروحين

دلال ههزت راسها وموقادره تتكلم...

ودلال قعدت تتذكر كلام سعود لها واللي سواه عشانها وقلبها يتقطع...((انا السبب...كلا مني...جان زين اكون ميته قبل لااسوي فيك جذي...سعود لاتخلينيييي والله امووت...حياتي بدونك ماتسوى..اسفه والله موبيدي غصبن علي هديتك والله ماكنت ابي هالشي يصير))..




افتكرلى اى حاجه كانت حلوه منى

مش هجرح تانى قلبك حبيبى خلاص سامحنى

انا مش عارف ابعد عنك

انا مش عارف حتى اعيش

واللى تعبنى بحبك اكتر

وانته بعيد ومبتشفنيش

معقول قادر تسيبنى وفرقنا سهل عندك

عديهالى عشان خاطرى حبيبى دنا حته منك

ايامى حبيبى فى بعدك والله مبيعدوش
انا ايه خلانى اخترت البعد لما انا مش قده


http://www.4shared.com/file/52719561/f47e9e41/_online.html?s=1




شجن نزلت تركض وكانت يايبه معاها ماي حق دلال....

شجن:هاج شربي واهدي شلون تبين تسوقين وانتي بهالحاله..؟؟

دلال شربت ماي حاولت تهدى بس ماقدرت...راحو بسيارتها مستشفى مبارك وطول الطريج بالها مع سعود وتدعي ربها ان مايكون فيه شي جايد ويقومه بالسلامه بأسرع وقت...




((بيت بوبدر))

بدر توى داش البيت وشكله ماله خلق شي..

ام بدر:بدر...؟؟انت وينك..؟؟شلون سعود الحين..انا كلمت ام سعود بس ماطمتني عليه..متى تبي تروح ابيك تاخذني وياك

بدر:ماكو حالته مستقره..وانا بروح اتسبح وارتاح شوي بعدها اوديج معاي

ام بدر:أي يمه روح ارتاح انت شكلك كلش مونايم...

بدر:وين ابوي

ام بدر:ابوك طلع قبل ربع ساعه مع بوسعود المستشفى...

بدر:اوكي انا اذا قعدت اودبج

ام بدر:اوكي يمه..

بدر صعد غرفته وكانت صاكه فيه الدنيا يفكر في سعود وحالته..وشنو بيصير فيه..موقادر يتخيل ان رفيج عمره واخوه يصير فيه جذي بيوم وليله..راح الحمام عشان يتسبح..طول مااهو تحت الدووش يفكر فيه...


طلع بدل ملابسه توى بينام ولا يرن تلفونه...

فرح يتصل بك...

بدر:الوو

فرح:وينك انت ماتسال ماتدق ماتدري صاحيه ميته عايشه منتحره مريضه

بدر:فرووح ممكن تنجعمين مووقت سخافتج..شايفه وقته الحين؟؟

فرح:شقلت انا؟؟

بدر يبي يسكتها ماله خلق لسانها:اسف عمتي..شلونج شخبارج..اللي بقا براسج..

فرح:يمه اسملله علي وعلى اهلي انشالله عدوينا واللي يكرهوناا قوول آآميييين...شفيك تفاول انت

بدر:اسف والله لمن اتضايق الكلام بروحه يطلع..خخخ

فرح:تطنز علي حضرتك..؟

بدر:ههههههههههه لانج خبله

فرح:مشكور هذا وانت متضايق تغلط علي

بدر:عادي نفسج حتى وانتي تبجين تضحكين

فرح:عادي تييلي حالات جذي مو عناد والله

بدر:ههههههههههههههه شنو تييلج حالات مينونه انتي ولا مطلعينج من المصحه هههههههههههه

فرح:هه هه هه تنكت

بدر:خلاص اذا مانزل معاشي اوديج هناك عالاقل اخذ فيج 160 مادري حم

فرح:تقدر؟؟؟

بدر:أي اقدر

فرح:لاوالله يعني لهدرجه انا رخيصه عندك؟؟ممكن نتكلم عدل شوي لاتخليي اترفز

بدر:اموت واعرف انتي شسالفتج كل شوي شخصيه..اليوم صايره ذربه بزياده

فرح:ذربه غصبن عليك لايكون موعاجبك بس؟؟قول موعاجبك عشان ماتشوف ويهي مره ثانيه

بدر:ههههههههههههههههههههههههههههههههههههههه شفيج قلبتي كملي فلمج عالاقل 5 دقايق على طول تحول الموجه ماتقدر خخخخ

فرح:هه هه هه يمه يمه بطني...عداال يالمسكت..وايد ذرب ودمك خفيييف..لاتنرفزني ارجوك

بدر:كااااااااااااااااااااك حلواااا

فرح:بــــــــــدر...؟؟

بدر:لا صج صج انتي في جم فيوز ضارب بمخج..الظاهر طارو ويا دعمه السياره

فرح:آآف..بسكت بشوف لي متى..ناوي املق عليك كمل

بدر يبي ينرفزها عشان تسكت:لا صج صايره مهرج وايد تستظرفين دمج...ليش ماتشتغلين بسيرك احسن روحي ناقزي ويا الشواذي..

فرح:هــــــــــــــي...تستعبط انت؟؟

بدر:شفيييه ههههههههههه

فرح:ترى موقاعده اتنرفز حاول تنرزفني لي باجر انا بسكت عشان حالتك الصحيه ماتسمح لك معني اشوف عكس جذي لسانك اطول من ريولك صاير

بدر:الحين شنو اللي قلتيه بالضبط؟

فرح عصبت قامت ترقع باللي يمها:وااااااااااااااااااي

بدر:ويعاي..جم مره اقولج لاتصرخييين

فرح:ليش تحب تشوفني معصبه

بدر:مو تقولين مراح تتنرفزين..؟؟

فرح:.............

بدر:...الوو

فرح:...............

بدر:فرح ويهد

فرح:شرايك تقوم تطقني مو احسن..؟؟

بدر:شفيج يبه اتغشمر ويااااج

فرح:غشمره بايخه ماابي

بدر:والله ماينعرفلج..انتي موانسان واحد.. كل شوي اسلوبج يتغير قمت اشك انج مينونه صج

فرح:اهاا..صج..انا بصكره

بدر:زين مووقت ملاقتج تكفين

فرح:انا ولا انت؟؟؟شبعت تمليق الحين حقي تقول بسج

بدر:ههههه مادري أي لغه تتكلمين شنو انتي متربيه عند خدامتكم؟؟

فرح:اوووووه

بدر:جم مره اقولج لاتصرخين

فرح:شنو هذا يعني شكو خدامتنا بالسالفه

بدر:والله كلامج يضحكني جنج سيلانيه ماكو جمله صاحيه لازم تبدلين..

فرح:شسوي يعني الكلام يطلع جذي

بدر:الحمدلله والشكر....

فرح:عليك...لاتقول جذي

بدر:زين سمعي

فرح:نعم

بدر:...انا بنام شوي قعديني بعد ساعتين عشان اروح المستشفى حق سعود...

فرح:اووكي عاد بدق مره اذا ماقمت كيفك

بدر:موبكيفج

فرح:وااااااااي زين..جنا ماكو منبه بالتلفون

بدر:كيفي مااحب صوت المنبه

فرح:زين لسااانك بس..بقعدك خلاص

بدر:ههههههههه اوكي حياااتي

فرح:ايييييي هذاا اهوو تنرفزني وتشبع وتخلص اخر شي تقول كلام حلو يعني بترقعها

بدر:شكوو ههههههههه

فرح:أي خوو هذا الصج..

بدر:اليوم بليل لمن ارد اعلمج..الحين مالي خلقج...

فرح:جييين..

بدر:ههه يالله باي

فرح:بااي





((في المستشفى))

يوسف كان رايح بروحه وبوسعود وبوبدر توهم طلعو من المستشفى...

يوسف كان قاعد عند غرفة سعود بالكراسي اللي برى وساند ايدينه بويهه...

دلال كانت توها واصله قامت تركض جنها مينونه وشجن موقادره عليها..راحت سألت عن اسمه لمن دلوها على غرفته...

شجن:دلول شوي شوي

دلال:خليني..بروحله...بشوفه...يارب مافيه شي يااارب يااارب ياارب عسى يومي قبل يومه والله ماتحمل اعيش وسعود مو موجود عندي وماسمع صوته

شجن:لاتفاولين على عمرج جذي شفيج ينيتي...؟؟وشوي شوي لاتركضين

دلال كل ماتقرب خطوه قلبها يطق زياده وتحس انها قاعده تختنق...

وصلت عند غرفته وقفت ودموعها قامت تنزل..مانتبهت على يوسف اللي قاعد يطالعها...

يوسف((منو هذي..؟؟وليش قاعده تبجي..))

دلال راحت تركض عند الباب واهي تبجي وتنادي سعود... شجن لحقتها ومسكتها...



دلال:خليينييي...سعوود...تكفا لاتروح وتخلينيييي...سعووووود...

شجن تبجي:خلاص دلال لاتسوين بعمرج جذي اهو موقاعد يسمعج

يووسف كان واقف يحاول يهديها:..اختي...ممكن تهدين..وممكن تقوليلي منو انتي..؟؟

شجن تمسح دموعها:اسفين اخوي..هذي دلال اختي...حبيبة سعود

يوسف عرفها من يوم اللي دقت:..هلا والله..الله يهداج ليش يايبتها هني..؟؟شلون تشوفه واهو بهالحاله

دلال:بشووفه تكفا خلني اشووفه والله مراح اسوي شي بس بدش اشووفه الله يخليك

يوسف كسرت خاطره:انشالله بخليج تدشين بس اهدي اول ومسحي دموعج

شجن:انزين منو انت اخوه؟؟

يوسف:أي انا يوسف اخوه

شجن:هلا والله..اسفين بنتعبك اليوم بس والله ماخلتني الا تبي تيي تشوفه

يوسف:والله ادري عاذرها

دلال:يوسف..تكفا ودني..

يوسف:متأكده تبين تشوفينه؟؟

دلال بسرعه:أي أي اكييد بس تكفا ودني

يوسف:مسحي دموعج واهدي عشان اوديج...

دلال حاولت تسكت بس دموعها ماوقفت....

يوسف تعالي لبسي شي فوق هدومج ودشي عليه...

راحت معاه دلال لبست يت تبي تدش ولا توقف شوي عند الباب كانت متردده وقلبها يطق حييل...

شجن:دلال لاتروحين تكفين..شالفايده بس بتعوررين قلبج ليش

دلال ماسمعت كلامها وعلى طول بطلت الباب ودشت...

اول ماشافت شكله شلون الاجهزه حوالينه بكل صوب...جسمه مجبس من كل مكان وولاشي يبين منه الا صدره..حست انها ممكن تخسره بأي لحظه وان اهي السبب بالي صارله..قامت تبجي حيييل وراحت عنده...

شافت ويهه ماكان مبين منه شي ملامحه وارمه وفيها كدمات..مسحت على راسه شوي شوي واهي ميته من البجي مو مصدقه ان هذا اهو نفسه سعود...

دلال:سعووود انا اسفه..والله اسفه..ادري انا الغلطانه وكل هذا مني...انشالله فيني ولافيك وياارب عسى يكون يومي قبل يوومك...الله يخليك سعود لاتخليني..ادري انك تسمعني..انا اسفه..والله احبك حياتي بدونك ولاشي..انت حياتي كلها..الله يخليك ردلي....((موقادره تتنفس من البجي تحس ان بيغمى عليها))...ماااانسييتك والله للحين احبك والله انت كل شي بحياتي...تكفا لاتخليني بروحي انا محتاجتلك



مشتـاق له ميت عليه
وينه بعد عمري أبيه
بحـكيله عن كل اللي صار
عن غيبته ليل ونهار
وبلـهفتي بأحضن أيديه
وينه بعد عمري أبيه
حسـيت بأغيابه بحزن
مريت في أصعب ظروف
ليتـه يجي ليته يحن
وبعينه أحوالي يشوف
مـن ياخذ أشواقي إليه
وينه بعد عمري أبيه
راح اللي بعيونه الهنـا
وغـاب الفرح في غيبته
ليـله ورا ليله وأنا
بس أنتظرها رجعته
وأتخـيل إيديني بأديه
وينـه بعد عمري أبيه



http://www.4shared.com/file/47692046/ec589bd7/__-____.html?s=1




يوسف قعد يطالعها من ورا الجامه حس فيها شكثر تحبه...:روحي ناديها حرام كافي جذي

شجن كانت تشوفها وتبجي:انشالله

دشتلها داخل ودلال كانت ميته من البجي...

شجن:دلول حبيبتي امشي وياي...خلاص اهو موقاعد يسمعج الحين...امشي نرد البيت

دلال صرخت:لااء اهو قاعد يسمعني انا ادري ان قااعد يسمعنيييي ...سعوووود قولها انك تسمعني تكلم لاتسكت اذا تحبني لااتسكت...

شجن:دلااال..لاتسوين بعمرج جذي..انشاالله يقوم بالسلامه بأقرب وقت ويردلج..

دلال موقادره ترد عليها موحاسه بنفسها:......

شجن:دلااال تعالي وياي كافي جذي...

دلال:ابيي سعووود قوليله خل يقوووم لايهدني...والله انا استاهل اللي قاعد يصيرلي

يوسف شاف شكلها منهاره دش عليهم...:دلال الله يهداج موزين تسوين بعمرج جذي...

دلال موقاعده تسمعهم بس تصرخ وتبجي لمن اغمى عليها

شجن شهقت:دلاااااال...

يوسف:لاحول ولاقوه الا بالله...دقيقه انادي الدكتور

شجن تبجي:بسرعه الله يخليك....

بعد دقيقه وصل الدكتور ياب معاه وول جير قعدوها عليه وودوها...

الدكتور قاس ضغطها وعطاها مهدأ ونامت...

شجن:دكتور اختي شفيها؟؟

الدكتور:انهيار بسيط انشالله ماكو الا العافيه لاتحاتين

يوسف:لاتخافين انشالله مافيها شي...

شجن:زين شقول حق امي الحين..ياربي شهالمصيبه

يوسف:وينهي امج؟؟

شجن:فبيت خالتي..وممكن انها بأي لحظه تدق شقولها؟؟

يوسف:لاتخافين انشالله ساعه بالكثير وتصحصح بعدها تقدرين تاخذينها مو جذي دكتور

الدكتور:مااعتقد بهالسرعه..شكلها تعبانه لازم ترتاح شوي

شجن:ماكو الا اقولها ان رفيجتها مسويه حادث واول ماشافتها اغمى عليها...

يوسف:اللي تشوفينه بس ديري بالج عليها خل ترتاح شوي

شجن:انشالله

قعدت عندها واهي قاعده تفكر شتقول لأمها...مر وحده سمعت صوت دلال تون بأسم سعود..عورها قلبها عليها وراحت عند راسها تقرا قرآن وتمسح على شعرها....




((بيت ام سعود))


غرفة ميس….


سجى:متى بتروحون مافيني صبر…اكييد راح نلقى دلال هناك…ياربي ماترد علي شسوي

فجر:دقي على اختها

ميس:اي صح بس سألي عنها لاتييبين طاري شي…وامي تقول اول ماابوي يرجع يودينا..

سجى:والله اخاف ادق تقولي شي يوقف قلبي

ميس:شدعواا…

فجر:صج مـ…

ميس شهقت…

فجر:شفيييك

سجى:خرعتينا شفييييج

ميس ماسكه تلفونها وعيونها تغورق…

سجى:شفيييييج..؟؟!!

فجر سحبت منها التلفون وقرت كان مسج من مشاري….

((طلعتي صج حقيره وبينتي انتي شنو واشوه اني عرفتج على حقيقتج بس والله انا كنت حالف اني ماااخليج تروحين بس جذي..ومن عقبي راح تمشين وراسج بالارض..يالـ(..)…يا بنت الـ(…) انا طوول عمري فووووق عاااالي محد يقدر ينزل من مستواي و يدوس علي انا اللي ادووس عليكم فاهمه…وشوفي شنو بسوي..يالـ(…) وراح تردينلي مثل الـ(..) واخر شي بقولج ياه تفوووو عليييج (...)….)


فجرعصبت ودها تذبحه:هذاا شنووو…على شنو شايف نفسه؟؟وهذا اللي فالح فييه يهدد نفس الحريم صج ان موريال وماكو شخصيه

سجى:اشووف شداز…امبييييييه هذا من صجه..؟؟ميس لاتهتمين حق كلامه واللي مو واصله بإيده واصله بريله..هذا مريض نفسيا اي شي استقبلي منه

ميس:اخاف يقول حق امي..والله اهي موناقصه حرام عليه صج…

فجر:اهو حيوان لان لو كان ادمي جان حس على دمه واحترم نفسه..صج اكرررهه اكرهه الله لااايوفقه انشاااااالله ويلاقيها بأهله اللي ماعرفو يربونه…

ميس تبجي:لاتعدين حرام...واهله مالهم شغل اصلا حرام يكون عندم ولد مثل هذا..والله كثر ماكنت احبه كررهته كرهته مااابيه لاايدق علي والله مااابيه..كافي اللي سواه فيني بعد شبقى ماقاله وماسواه…؟؟

فجر:خلاص لاتردين عليه وانشالله يحس ويذلف

سجى:لاتردين اهو يبي يخوفج بس..خليه يولي…



ميس:صج مووقته اللي فيني كافيني شيبي فيني الحييين خلاااص اذا كان شايفني وصخه خلاص لايكمني موغصب

سجى:خلاص حبيبتي هذا واحد مايستاهل انج تنزلينله دمعه وحده…مالت عليه…محمد وين وهذا وين

ميس:محمد...والله ان ماتمر ثانيه الا واهو في بالي..صج منقهره على اللي سواه فيني للحين و قلبي يعورني بس همن احبه وراح احبه طول عمري...

فجر:ممكن تنسينه شوي بس؟؟

سجى:ميس شيليه من بالج..خلاص لي متى بتسوين بعمرج جذي

ميس دمعت عيونها:والله احبه..لاتصدقون اني اقولكم كرهته.. وصج اني ولا يوم شلت بقلبي عليه..بس مااقدر اسامحه لان اللي صار فيني منه موشوي..كسر قلبي وجرحني والله كل مااتذكر قلبي ينقمت..

سجى:الحين انسى وذكري الله روحي غسلي ويهج وبدلي بعد شوي بنروح...

ميس:انشالله...

قعدت ميس تفكر((احبك..بس قلبي مايقدر يسامحك..ليش سويت فيني جذي...الله يوفقك وين ماتروح والله يعوضني فيك))



آه مـنـك منقـهـر ولا بقى عندي صبـر

لا تبرر لي خطـاك ما أبي أسمـع عـذر

روح وانساني خلاص وقول فرقنـا القـدر

كم شلتك في العيـون بين رمشي والجفـون

ما هقيت انك تخون وتالي تجزيني غدر

كيف يهنا لـك منـام وأنت ظالم في الغرام

بعت حبي يا حـرام من بعد عشرة عمـر

يامـا دللـتـك دلال واعتبرت انك مثـال
كنت إلهـام وخيـال في مواعيـد الشعـر

يا عسى عمرك مديد وتحيا أيامـك سعيـد

لو أنـا عنـك بعيـد ومن فراقـك منقهـر




http://www.4shared.com/file/123998749/4707d9c0/__-__.html?s=1





((بيت بوبدر))

بدر توه قعد من النوم على صوت التلفون...

بدر:الووو

فرح:قووم انشالله خماااده كل هذا نوووم شنو دب؟؟

بدر:فرح لاتصرخين لااشق حلجج

فرح:تقولي قعديني وانت سكب فيني...زين رديت جان كملتها نومه لي عقب باجر

بدر:تكفين يرحم امج جم مره دقيتي؟؟

فرح:شنو جم مره الحين بس..

بدر عصب:مره وحده وقاعده تتحلطمييييين؟؟؟تبيني ادوس في بطنج

فرح:اكيد بتحلطم عقب متى رديت...كان بيفصل عقب رنه

بدر:عقب رنه عقب عشرين رنه قعدت ولا لأ..؟؟شنو انتي لازم تغثيني؟؟؟

فرح:بسملله شسويت انا؟؟خلاص اسفين يبه

بدر:ماكو فايده..الساعه جم

فرح:ماادري

بدر:انتي بعرف وين عايشه؟؟

فرح:في بيتنا

بدر تنرفز:للحيني ماسك نفسي...

فرح:لا انا امسكك احسن

بدر صرخ:تبيني انكد عليج قبل لااروح ولا شنو؟؟

فرح:شوي شوي انت كفو احد يتغشمر وياك؟؟

بدر:مانبي غشمرتج لانها نفس ويهج

فرح:أي يعني حلوه

بدر:يااالله..يلا طسي بقوم ابدل

فرح:خخخخخ شفيك شفييييييك

بدر:فرح..مووقتج بروح تاخرت

فرح:أي صج..اذا رحت طمني عليه...شوف لقوله قطع غيار ولا بعد

بدر صرخ:انتي هييييي....تستعبطين ولا شسالفتج؟؟تبيني اعدل ويهج بكف..؟؟

فرح:شقلت انا؟؟؟الصبي صج متكسر ماغلطنا

بدر:هالسوالف فيها غشمره بعد؟؟؟انتي ياهل ماينشره عليج

فرح:شوي شوي لاتعصب الشرهه علي بضحكك

بدر:ثمني كلامج شوي مو بأي شي يتغشمرون..يالله روحي بقوم ابدل

فرح:والله مااصكره جذي

بدر:شلون تبيني اصكره حجيه فرح؟؟

فرح:هههههه بدر تكفا لاتزعل مني والله اطفرك احبك لمن تتنرفز خخخخ

بدر:كاوليه عاديه تحبين اللي يصرخ عليج ويجعمج...

فرح:زين قوم بدل وروحله اذا رديت دق علي

بدر:اوكي عيل يلا تبين شي

فرح:سلامتك وسوووري ممواااح

بدر:هههه اوكي...يلا باي

فرح:باي




((عند دلال في المستشفى..))

دلال توها قاعده وشافت امها قاعده يمها وتبجي...

دلال:يمه...شلون دريتي اني هني

ام دلال:شجن قالتلي..ليش ماقلتيلي انج تعبانه من زمان..؟؟

شجن:يمه اهي مره وحده تعبت ماكان فيها شي

ام دلال:وليش تعبت مره وحده شفيها شصايرلها؟؟

دلال تذكرت سعود وقعدت تبجي

ام دلال فزت من مكانها:دلااال يمه شفيج...تكلمي قوليلي شصاير

شجن:أأ...يمه وحده من رفيجاتها مسويه حادثت والحين بالعنايه

ام دلال:وييييه..!!منو هذي..؟؟وليش ماقلتولي وييتو بورحكم

شجن:يمه من اول ماسمعت ماقدرت تتحمل وبغت تروح بروحها بس انا لحقت عليها

دلال تبجي:يمه طلعوني من هني تكفون طلعوني...

ام دلال:لا ارتاحي اول اول ماتتحسنين نطلعج

دلال زادت بجيها:ابي سعوووود طلعووني من هنيي بشوووفه بشوف سعووود

ام دلال راحت تهديها ولا تستوعب:منو سعود؟؟؟

شجن ماعرفت شترد:.............

ام دلال:شجن....!!

شجن بترقعها على طول راحت تنادي السستر...

دشت ويا الدكتور عطوها مهدأ وطمنو ام دلال على حالتها وطلعو...

شجن بقلبها((الله يدهاج دلال..هذا وقته..؟؟شقولها الحين..؟؟))

اد دلال:شجن...

شجن:...هلا يمه

ام دلال:ماينفع تخشين علي شي كل شي واضح...قوليلي منو سعود

شجن:..............






((عند سعود))

ميس وفجر وسجى وام سعود وام بدر وبدر توهم واصلين...

ام سعود:يمه يوسف..قولي شلون سعود ماطمنوك عليه...؟؟

يوسف ماحب يخوفها:أي يمه الحمدلله حالته احسن

ام سعود:الحمدلله

ام بدر:انا بدش اشوفه

بدر:تعالي يمه انا اوديج...

وصل مسج حق بدر من فرح....((عندي مفاجأة حقك بس بعدين اقولك))

بدر:والله فاضيه..

يوسف راح عند ميس:ابيج شوي تعالي..

ميس خافت:خير شصاير..؟؟

يوسف:اليوم يت وحده اسمها دلال ويا اختها عند سعود..

ميس انصدمت:دلاااال...؟؟متى وشصار ووينها الحين؟

يوسف:والله كانت حالتها تكسر الخاطر..دشت عنده داخل واخر شي اغمى عليها

ميس شهقت:امبييه...والحين وينها..؟؟

يوسف:روحي سألي عن رقم غرفتها مادري وين ودوها

ميس سحبت فجر وسجى وياها....

سجى:أي عورتيني شفييج وين بتودينا

فجر:خير شصاااير عورتي اييديي

ميس:دلااال

سجى سمعت اسمها وقفت مكانها:ميس دلال شفيها

ميس:اليوم كانت هني..

سجى دمعت عيونها:والحيين وينهاا..؟؟؟؟

ميس:انتي امشي وياي ويعدين تعرفين....



راحو سألو عن رقم غرفتها وصعدو لها....

سجى اول مابطلت الباب ركضت لمتها واهي تبجي:دلااال شفيج..انا اسفه والله ماكان قصدي

ميس انتبهت على ام دلال وحبت تنبه سجى:هلا خالتي شلونج؟؟

ام دلال:الحمدلله بخير انتي شلونج..وشلون سعود انشالله بخير

ميس وفجر انصدمو من اللي سمعوه..

ميس:أأأ...الحمدلله

سجى ماعرفت شتقول:أأ...خالتي اسفه توني انتبه عليج شلونج...؟؟؟

ام دلال:تمام بخير

شجن توها دشت الغرفه:سجى..؟؟

سجى:هلا شجن شلونج شخبارج؟؟

ميس:انتي اخت دلال..؟؟

شجن:أي انا اختها..انتي ميس رفيجة سجى موجذي..؟؟

ميس:ههه أي انا

شجن:أأ...سجى تعالي معاي شوي ابيج

سجى:اوكي...

طلعو بره الغرفه...

شجن:سجى...امي درن عن سعود

سجى:شنوو؟؟

شجن:مثل ماسمعتي..دلال قامت تبجي وتنادي بأسمه الصراحه ماعرفت شرقع..وقلتلها عن كل شي

سجى:وييه..؟؟زين وامج شقالت..؟؟

شجن:سألتني شلون عرفته ووين ومن هالسوالف...بعدها قالت لي تحسنت حالة دلال بتعرف منها كل شي

سجى:اهااا..زين ودلول شلونها ماطمنوكم عليها

شجن:يقولون ضغطها نزل شوي وتعبت..عطوها مهدأ وانشالله ماكو شي

سجى:انشالله....






((عند غرفة سعود))


بدر كان قاعد ويا يوسف ام بدر وام سعود يقرون قرآن...

بدر رن تلفونه...

يوسف:ههه انت شنو تلفونك مايسكت

بدر:وقتها هذييي

يوسف رد شوفها شتبي...

بدر:الووو

فرح:زين ردييت

بدر:قايلج اول ماارد البيت ادق..شفيج انتي

فرح:تعال يم الباب

بدر:أي باب؟؟؟

فرح:المستشفى...

بدر قام على طول من مكانه:انتي مينونه؟؟شكو يايه

فرح:اشوفك واتطمن عليه ومره وحده اشوف اختك

بدر صكره بويهها وعلى طول راح صوب الباب...

مسكها من ايدها وعصب:انتي شسالتج

فرح:أي اييدييي هدني شفييك

بدر:والله فرح وانا حلفت اذا مارديتي البيت الحين بتشوفين شي عمرج ماشفتيه

فرح بتبجي:بدر الحين زين مني يايه عشانك

بدر:سألتيني قلتيلي بتيين؟؟؟هذا مكان تشوفيني فيه شنو خلصو الاماكن؟؟وقته يعني؟؟

فرح:بدر خلاص هدني

بدر هدها ومشى عنها..

فرح لحقته واهي تبجي:بدر...الله يخليك لاتزعل والله يايه عشانك ماادري انك بتعصب جذي.أسفه والله اسفه

بدر:ردي بيتكم

فرح:مابي ارد الا لمن ترضى علي

بدر:اقولج ردي..لمن اوصل ادق عليج ويصير خير

فرح:...اوكي بس لاتكشت فيني

بدر مشى وخلاها

فرح وقفت شوي مكانها بعدها راحت........

في وحده كانت واقفه تطالعهم من بعيد:هذا مو جنا بدر؟؟؟


((بعد ربع ساعه ميس سجى وفجرنزلو من عند دلال))..

ام سعود:وين كنتو

ميس:عند دلال رفيجه سجى

ام بدر:رفيجتها؟؟شيايبها هني وشفيها؟

سجى:ماكو تعبانه شوي


يالهم الدكتور كان يبي يجيك على حالة سعود شلون صار...

ام سعود:دكتور الله يخليك طمنا عليه

الدكتور:انا اليوم طمنت بوسعود..اهو حالته مستقره بس احنا شاكين بجم شي وانشالله بعد الاشعه راح نعطيكم خبر لمن نتاكد

ام سعود خافت:ياارب تطمني عليه

يوسف:يمه لاتخافين مافيه شي اليوم ابوي مكلم الدكتور ومطمنه على حالته

ام بدر:زين دكتور بشنو شاكين؟؟؟

الدكتور:مااقدر اقولكم شي الحين..لازم نتأكد قبل كل شي..

ام بدر:الله يسهل انشالله

ام سعود تبجي:ياارب يقوم ولدي بالسلامه ومايكون فيه شي يااارب

الدكتور:خلاص انا بدش اتطمن عليه الحين وانشالله اذا طلعت نتايج الاشعه نعطيكم خبر بأسر وقت

يوسف:انشالله ويعطيك العافيه ماقصرت

الدكتور:العفو هذا واجبنا

ميس خايفه:يمه مافيه شي صح

ام سعود:لاتخافين انشالله مافيه شي

سجى فيها بجيه:انشالله

ام بدر:سجى حبيبتي ردي البيت مع اخوج

سجى:ليييش؟؟

ميس:خالتي خليها ويانا

ام سعود:انتو بعد ردو..مالها داعي قعدتكم هني

ميس:لااء تكفين مانبي نرد

يوسف:خلاص بسج حنه امشو انا اوديكم...

ام بدر:وين بدر

يوسف:راح شوي يتكلم بالتلفون ويرجع

يوسف:خلاص اهو خل ينطرني هني مراح اطول..

ام سعود:فجور روحي البيت درسي شوي مابقى شي وتبدون متحانات الفاينل

فجر:انشالله

يوسف:يلا امشو

راحو ويا يوسف السياره...وصلو البيت بعد نص ساعه لان كان في حادث بالطريج

ميس:يوسف متى نروحله مره ثانيه

يوسف:باجر انييبكم خلاص موحلاو 24 ساعه قاعدين عنده بدون فايده

ميس متضايقه:اوكي

سجى:يوسف

يوسف قلبه فز من مكانه:هلا

سجى:قول حق امي بنام عندكم اليوم

يوسف:اوكي ماعليج راح تنامين عندنا..بس شنو ماعندج جامعه باجر

سجى:لاء ماني مداومه خلصنا كل شي بي بقت امتحاناتنا

يوسف:اهاا اوكي عيل الله يوفقج

سجى:مشكور..يلا باي

يوسف:مع السلامه اذا بغيتو شي دقو





((بيت ام سعود بغرفة ميس))

سجى:ميس ام دلال درت عن سعود

ميس:أي شي...شلون

سجى:دلال كانت قاعده تبجي والظاهر قالت اسمه بدون ماتحس

فجر:ويييه

ميس:وشقالت امها؟؟

سجى:ماكو سألت شلون عرفته ووين وجذي بعدين سكتت

ميس:اهاااا

سجى:فجور روحي درسي شوي

فجر:بعد شوي خل اقعد عندكم بسولف اول

ميس:وقتج انتي..اي صج ماقتلكم

سجى:شنو

ميس:اليوم لمن نزلت تحت قبلكم عشان اشتريلي كرت حق التلفون

سجى:ايي؟؟

فجر:زين شصار

ميس:شفت اخوج بدر واقف يسولف ويا وحده..والظاهر كانو يتهاوشون

سجى.صج...؟؟ههههههههههههههه

ميس:هههه والله اخوج طلع مو هين وانا عبالي بعيد من هالسوالف

فجر:ههههههه والله موهين..

سجى:صج؟؟؟لاحقته لي هناك بعد ههههههههههههه

ميس:هههههههه ليش منو هذي

سجى:اكييد فرووحه حبيبته خخخ

فجر:منو فروحه؟؟

ميس:بدور يحب؟؟يحليله..وانتي شدراج

سجى:اهو في احد في البيت مايدري...؟؟طول الوقت مطيحله سوالف وياها واحنا بس نسمعه ونضحك فلم حدهم

فجر:صج؟؟؟من متى ووين شافها

ميس:وانتي شكو؟؟...تعالي اهو قالج شي عنها ولا من كيفج دريتي

سجى:لاماكان قايلي..انا شكثر كنت اسمعه يسولف وياها اخر شي سللته وقالي سالفتهم

فجر:أي شلون عرفو بعض

سجى:كان داعم سيارتها خذت رقمه يعني عشان يصلحها بعدها قامو يكلمون بعض

فجر:يحليله هههه

وصل مسج بتلفون ميس...

ميس ماتت من الخرعه قبل لاتشوفه:ياربي انشالله مايكون مسويلي قصه يديده

فجر:خل يولي زين لاتخافين منه

سجى:لاتردين عطيه طاف

ميس شافت الرقم ولا رقم غريب....

بطلت المسج ولاتقراه((mmkin aklmich shway))

دزلته((mno m3ay??))

بعد دقيقه دزلها((ana m7amd))

ميس:.....................










سوري بنات البارت قصير شوي بس بالغصب كتبته لان اليوم كلش ماعندي وقت والله سوريانشالله اعوضكم فالبارت الياي
وثاانكيوو لكل المتابعين حباايبي اعضاء منتدى كويتيات والزوار احبكم كلكم:tek:​

 

[Ms.dndona]

Way Laa2 Tkfeeeen Toma La Tgolen Nhaytha 7zeenaaa Tra Wallah al7en Ag3d Abchiii Tkfeeeen

Oo S3ooood Wrbeee Kaasr 5a6ree :S bsbat dlal :S alla ysam7ich ya dlal

Way Laaaaaaaaaaa2 Tkfeeeeen kmliii 6ol Elwgt afkr bl89a ::

 

[ღ TőOőma ღ]

way laa2 tkfeeeen toma la tgolen nhaytha 7zeenaaa tra wallah al7en ag3d abchiii tkfeeeen

oo s3ooood wrbeee kaasr 5a6ree :s bsbat dlal :s alla ysam7ich ya dlal

way laaaaaaaaaaa2 tkfeeeeen kmliii 6ol elwgt afkr bl89a ::

حيااااااااااااااااتي سووري والله وانشالله انا بطلع اول ماارد اكتبلكم البارت الياي

لاتحاتين انشالله يقوم بالسلامه خخخ

فديييييتج حوووبي والله ممواااح

 

[روح اهـلـها]

ياااي كسسرت خااطري دلال

امهاا شبتسوي بعديين الله يعيينهاا:0bee2e8d89:

وبدر لييش عصب جذ1ي على فرح حراام عليه:eh_s(14):

صج البارت يعوور القلب

فديتج تومااا ويعطييج الف 10000عافيه الباارت رووووعه

وعااذريينج حبيبتي :eh_s(6):

 

[Ms.dndona]

Waay Laa s3ood oo dlal 7raaaaaaaaaaaaaaaaaaaaaaaaaaaaaaaaaaaaaaam Kla mnich ya dlal

Oo mys allah y3eenha la mn mshare la mn o5ohaa la mn m7md Way Laa2

La tkon Nhaytha 7zena Plllllllllllllllllllllllllllllllllllz :

 

[عاشقة المسك]

امبيه كملي لايوقف لايوقف لايوقف

 

[Ms.dndona]

Eeeeh oo 3la bdr :S 7ram Laish 39b 3la fr7 Bs hmn fr7 yaya blwgt el'9ay3 bs mo che

 

[n00ni]

وين البارت اللي يفرح توماااااا ؟

والله كسرت خاطري دلال
مسكينه حاسه بالذنب

بدر زين يسوي بفرح
كلش هالبنيه مو حاسه باللي يمر فيه

ثانكس على البارت
وترى البارت طويل

 

[وردة الكون]

مشكوره toooOOma
وااي دلال وسعود مساكين

 

[الصبر له حدود]

حساااااااااااافه البارت قصير بس الله يعطيج العافية حدددده ماقصرتي
يلا نننتظررررر شنو يصير ب(سعود) .. توما احسج معيشنتا بالقصة وعايشه معاها ..
ايييييننن البارت ..يلااااااااااا انطر ومشكوووووووووووره حياتي وفددددددددددديتج يالغالية امممممواه​

 

[صب القفشه]

يسلموو تووما ع البااارت


بليييز جووفي الخاااص توني دزيت عليج

 

[7aw7aw]

توماا خبيبتي احنا نحبج بعد فديتج ياقلبي الله يستر شراح يسير بميس
والله يشافي سعوود انشالله

 

[عاشقة البحر 93]

امبيه الباااااااااااااااااااااارت يعور القلب حرام دلال وسعود ان شاء الله ما فيه والاشعة اتكون سليمة يارب

واشوه زين محمد دز لها مسج يارب يارب يردلها واترد له بس خل تفتك من هالاذية>>>> شرشبيل مشاري

لووووووووووول

فديتج توومة ناطرينج باجر حدي متشوقة بعرف شنو يصير
يعطيج العافية حبيبتي

 

[FoOwFoOwa]

انشالله سعوووود مافيه شي ،،

و الي تقول البارت قصير ترا عندها ظروف و حمدوا ربكم قاعده تكتب و كل يوم قاعده تحط بارت !!••

و فرح وربي على نياتها و اهيا مو قصدها و بدر صج قسا عليها بس لانه كان قاعد يمر بظروف عشان جي أنا عاذرته ههههههههه

احبج فطووم حياتوؤو ثانكس عالبارت عجيييييب ؛**••

فدييييتج اخذي راحتج بالبارت الياي مو لازم يكون مبجر حتن لو كان يوم كامل ؛***••

 

[mano0no]

يعطيييييج الف عافيه والبارررت حده حلووو
وسعوود حده معور قلبي
وناااطرييينج

 

[katko0o0ta99]

ثانكس توماااااااا حوووووووووووووووووووووبى عالباااااااااااااااااارت


كسرت خاطرى دلوووول

وفرح صج فاااضية كلش ماتقدر هههههههههههههه

 

[MeeMeeYoo_2]

مسكيييييييينه دلوووول

وشكله في اكشن يديد مع ميس ومحمد

ناااااطرين
مشكوووره حبيبتي

 

[كويتيه قويه]

أمبي مووصج ..

عساج على القوة تومآ

انا عايشه جو ..
حاطه أغنيه هاديه و أقرا

بس دلول والله مسكينه ..

و محمد شيبي بميسووو بعد ؟

أعتقد يبي ينقذها من مشاااري خخخخخخخخخخخخخ

ننطر البارت الياي بااجر ..

و عسااااااااج على القوة حبيبتي

 

[كرسبي كريم]

كسرت خاطري دلول مسكينه
وفرح ليش ملقوفه لووووووووووووووووووووووول
وعساج علي القووووووه والله يوفقج بدراستج
ولا يووووووووووووووووووووووووووووووووووووووقف
لا يووووووووووووووووووووووووووووووووووووووووووقف

 

[عاشقة البحر 93]

انا بسمي مشاري
>>>>>>>>>>شرشبيل مشاري<<<<<<<<<<
قطيعة ما عنده احساس لما بتعدل يصير خوش واحد بس ياربي اذا في بني ادم جذي الله يعين اهله عليه والله ويهديه