((انـــا مـعـكـ بس,, قـلـبـي مـع غــيركـ)) >> قصه كويتيه حقيقيه <<

[shaja]

يعطيييج العافية حبيبتي صج احلى رواية قريتها
الله يوفقج بدراستج حبيبتي

 

[عاشقة البحر 93]

ناطرينج تومة بعد عمري فديتج يا احلى تووومة وحدي متشوقة بعرف شنو الي راح ايصير

بس ان شاء الله انه دلال ما تترك سعود حرام اهوا محتاجه

 

[عاشقة المسك]

اي والله فطوم لايوقف لايوقف لايوقف

 

[دانة المريخات]

السالفه طويله
لي عودهه لقراءتها بتمعن
يعطيج ربي العافيه والى الامام

 

[كادي::::]

ناطرييييييينج القصة روعة روعة روعة روعة روعة

 

[ღ TőOőma ღ]

يعطيييج العافية حبيبتي صج احلى رواية قريتها
الله يوفقج بدراستج حبيبتي

الله يعافييج حوووبي تسلميييين :eh_s(6):

وصج صج صج احبج وفديييتج وشحلاااتج ممموااااح

واجمعين انشالله ثانكيو:eh_s(6):

 

[ღ TőOőma ღ]

ناطرينج تومة بعد عمري فديتج يا احلى تووومة وحدي متشوقة بعرف شنو الي راح ايصير

بس ان شاء الله انه دلال ما تترك سعود حرام اهوا محتاجه

وووواااي انتي حبيبتي والله:eh_s(6):

ياااحلى عشوووقه فديتج وانشالله مابقى شي واحط البارت الياي :eh_s(6):

 

[ღ TőOőma ღ]

اي والله فطوم لايوقف لايوقف لايوقف

انشالله حوووبي شوي وانزلها:ggdw:

 

[ღ TőOőma ღ]

السالفه طويله
لي عودهه لقراءتها بتمعن
يعطيج ربي العافيه والى الامام

حبيبتي الله يعافيج ونورتي :eh_s(6):

اخذي راحتج ياقلبي :ggdw:

 

[ღ TőOőma ღ]

ناطرييييييينج القصة روعة روعة روعة روعة روعة

فديييتج وانتي روعه روعه روعه روعه حبيبتي:eh_s(6):

 

[bint cute]

هاااااااااااي

توني طالعه من المحاضره وابي بارت الحين =(

 

[دكتوره دلال]

مشكووووووووره على البارت
حرااام لا تفرقين بين دلال وسجى خليهم يتصالحون

ومتى بتنزلين البارت ؟؟؟؟
يعطيج العافيه

 

[ღ TőOőma ღ]

مشكووووووووره على البارت
حرااام لا تفرقين بين دلال وسجى خليهم يتصالحون

ومتى بتنزلين البارت ؟؟؟؟
يعطيج العافيه

العفوو ياقلبي فديتج:eh_s(6):

وانا بحط اللي صارمو بكيفي خخخ بعدين تعرفين

انشالله بعد شوي احط البارت..والله يعاافيج حوووبي:eh_s(6):

 

[ღ TőOőma ღ]

هاااااااااااي

توني طالعه من المحاضره وابي بارت الحين =(

هااايوو حوووبي

يعطيج العافيه:eh_s(6):

وانشالله شوي وانزله مابقى شي

 

[bint cute]

waiting

waiting

waiting

 

[zedjalia]

waiting sweety

 

[ღ TőOőma ღ]

الجزء السابع عشر

فجر وميس طالعو بعض...وسجى ماتكلمت ولاقالت ولاكلمه

دلال:سجى..ماتبين تسلمين علي..؟؟

سجى:........

ميس وفجر سلمو عليها..

ميس:شلونج دلال

دلال:مراح اكون بخير الا لمن سجى تكلمني

ميس طالعت فجر بنظره يعني قومي نطلع...

فجر:.أأ...ميس قومي معاي شوي

ميس:يالله نخليكم الحين سجوي اذا بغيتيني انا تحت اووكي

سجى هزت راسها يعني اوكي..

دلال قعدت جبال سجى ورفعت راسها:سجى..

سجى وخرت ايدها بسرعه...:ليش تسوين فيني جذي..؟؟

دلال شوي وتبجي:سجى حرام عليج تدرين ان مالي ذنب..

سجى تبجي تدري ان دلال مالها ذنب بس بتطلع حرتها بأحد:دلال..انتي غاليه عندي وانا احبج وايد...بس للأسف انا انجرحت منج صج

دلال ماتحملت كلامها وقامت تبجي:سجى والله وغلاتج ماكنت ادري ان اهو ولا كـــ...

سجى قاطعتها:ماتدرين؟؟؟ليش لمن اسألج عنه تضيعين السالفه؟؟وماتقوليلي شي وتتهربين..وتتدودهين؟؟كل هذا ليش

دلال:سجى تكفين فهميني..والله لان ميس كانت موصتني مااقولج عنه شي لانها كانت تبي تقولج بوقت ثاني..سالتها ليش قالت اول مااتأكد اقوولج..مااجذب عليج الصراحه شكيت ان اهو سعود نفسه بس ماكنت متأكده ونسييت السالفه بعدين

سجى عصبت لمن قالت هالكلام:لاوالله..هذا وكنت اسولفلج عنه واقولج كل شي تدرين اني اموت فيه وان اهو كل شي بحياتي لازم بمجرد شك منج تحسين وتخلينه بحاله..رفيجتج تسوين فيني جذي؟؟

دلال انهارت ماتوقعت رده فعل سجى بتكون بهالقسوه:سجى..لاتقولين جذي...والله ماكنت ادري وغلاتج عندي ماادري..لو تبيني اهده والله راح اهده عشانج كل شي اقدر اعوضه الا انتي والله سجى انج غتليه علي اكثر من اختي((وقامت تبجي))

سجى كسرت خاطرها وحست انها انانيه:دلال

دلال تبجي:..........

سجى غورقت عيونها:دلال انا اسفه..

دلال:لاتتأسفين والله انج غاليه ومااقجر ازعل منج....

راحت عندها وقامو يلمون بعض ويبجون...

سجى مسحت دموعها:دلال تكفين بقولج شي سمعيني ولاتقاطعيني اوكي

دلال:اوكي قولي

سجى حابسه بجيتها:انا صج احب سعود..بس اهو ماحبني.وانا اوهمت نفسي انه يحبني وماسمعت كلامج انتي وميس..والغلطه هذي غلطتي انا لازم اتحملها ومااقدر اخليكم تتعذبون كلا مني...انتي حبيتيه واهو حبج..انتي الي سعود تمناها تكون له..وانتي صبرتي لمن الله رزقج بواحد نفس سعود..اهو ماكو منه لاتضيعينه من ايدج والله وعد مني وغلاتج عندي اني مراح ازعل ولا راح اشيل عليكم بالعكس اللي تحبه تمناله الخير..وانا احبكم...دلال والله هالكلام من قلبي وانا فكرت اليوم دريت ان هذا اهو الصح..اذا صج تحبيني خلج وياه..لاتخسرينه مثل ماانا خسرته...((قعدت تبجي ودلال لمتها))

دلال ماتوقعت سجى بترد عليها جذي:سجى..هالشي مستحيييل حتى لو انتي رضيتي انا مااارضى..اصلا مااتخيل نفسي اكون مع واحد رفيجتي كانت تحبه..شتقولين انتي؟؟

سجى:دلال قلتلج اذا تحبيني سوي جذي..لاتكسرين قلبه اهو يحبج والله مراح تلقين نفس سعود لاتضيعينه من ايدج

دلال:سجى ممكن تصكرين الموضوع..؟؟انا يايتلج اتطمن عليج واتأكد انج مسامحتني مو عشان تقولين هالكلام

سجى:بس...

دلال قاطعتها:وغلاتي عندج مووقته

سجى:براحتج..بس تذكري كلامي...لو شنو تسويين ماازعل منج وراضيه والله..الله يوفقكم انشالله

دلال:سجى بس لاتعورين قلبي

سجى بتضيع السالفه:ميس طولت تحت بروح اناديها..


((نزلت عند ميس وسجى كانو قاعدين مع ام بدر))

ميس:ليش نزلتي..؟؟

ام بدر:ها انشالله تراضيتو

سجى:ابشرج أي هههههه

ام بدر الحمدلله

فجر:وييه اشوااااا

ميس:الحمدلله ايي هذي سجوووي اللي اعرفها ماتزعل من احد خخخخ

سجى:هههههه زين يلا امشو معاي

واهما بالدري بالدري ميس وقفت..

ميس:سجى..تعالي قبل لاندش قوليلي شصار

فجر:وييه خرعتيني

سجى:حرام البنت بروحها امشي وياي اول ماتروح اقولج..

ميس:عسى بس ماخرتيها

سجى: شوي خخخ

فجر:هههه أي لازم انتي تخورينها اول شي بعدين ترقيعن

سجى:صح هههه..زين يلا امشو

((راحو غرفة سجى وقعدو مع بعض سوالف وضحك جنا موصاير شي))




((بيت بوسعود))

يوسف توه داش البيت قعد ينادي خدامة..اسمها ((متاباي)) خالته يابتها عندهم تساعد ام سعود..لان خدامتهم اليديده للحين ماوصلت...

يوسف:اميتااااب..

متباي:انا اسم متاباي..

يوسف:بباي متاي موشغلي..اسم شطوله مادري شسالفة اهلج هدو الاسامي كلها مالقو الا هذا...

متاباي:انت سنو يقول؟؟؟...

يوسف:سنو يقول ها..!!لايكثر بس...انت سوي قسل فنيله؟؟

متاباي:انا في ودي فوق..ولايسوي صرك<<((تصرخ))

يوسف:اشوفج طيحتي الميانه..!!يلا مناك لا اصكج كوع على خشمج العوي

متباي:انا في قولي ماما..

يوسف:لاتكفين..ولي يرحم والديج..يعني بتخوفيني ويه ويهج..؟؟تبين العب فيج كره بالحوش

متباي راحت واهي تتحلطم موعاجبها....

يوسف قام يضحك على شكلها شلون معصبه...راح فوق بيتسبح ولايتذكر ميس ويدق عليها...

ميس:هلا يويو

يوسف:شالطاري راضيه علي هههه

ميس:اخوي بعد لازم

يوسف:زين متى تردين ابيج ضروري

ميس:قول شتبي

يوسف:لمن تيين اقولج الحين ماينفع

ميس:خلاص انا شوي وراده وين امي؟؟

يوسف:امي بالمطبخ وابوي يالدوام وسعود مادري عنه

ميس:خلاص عيل دقايق ونيي

يوسف:اوكي وسلمي عالحب

ميس:خخخ يوصل

يوسف:ههه يالله باي

ميس:باايوو



((بيت بوبدر))

فجر:شيبي يوسف

ميس:ولا شي يبيني ارد البيت بيكلمني بموضوع

سجى:لاااا لاتروحون

فجر:طولنا عندج فشله خلاص نييج بليل؟؟

ميس:أي والله ولو تيين معانا احسن بعد

سجى:لااااا مابي ايي

ميس:سجى..!!احنا خلصنا من السالفه صح؟؟وحليناها ليش تصعبين كل شي عليج لي متى؟؟

سجى:أي عدل كلامج..مممم..خلاص ايي وياكم شسوي مااقدر استغني عنكم خخخخ

ميس:ييس عيل يلا قومي

فجر:انا بسبقكم لاني بتسبح اول شي

ميس:اوكي روحي احنا شوي ونيي

سجى:ههههههه روحي عفنتي

فجر:يصير خير خخخ باي

سجى:باي

ميس:يلا روحي بدلي...

سجى:اوكي




((بيت بو سعود))

سعود كان توه راد البيت وراح عند امه المطبخ...

ام سعود:زين ردييت وينك انت شهالشغل اللي طلعلك من الصبح؟؟

سعود:ماكو طلعت اودي سيارة رفيجي القراج

ام سعود:ياهل انا تقص علي..؟؟ورفيجك مايقدر يودي سيارته بروحه

سعود((شقولها يعني))..:هذا واحد انا اتعامل معاه واهو مايدل وين مكانه

ام سعود:زين..المهم روح دق على ابوك اسأله ساعه جم بيي عشان اعرف متى اسخن العيش

سعود:انشالله..

ام سعود:سعود..

سعود:هلا يمه

ام سعود:يمه شفيك متضايق جذي..؟؟

سعود:لاتحاتين مافيني شي بس تعبان وبنام

ام سعود:انت ولدي ماتعلمني فيك..قول شصاير وياك..لايكون على سالفة سجى..؟؟لان هالسالفه للحين موراضيه تدش مخي

سعود:شتبيني اقولج يعني؟؟

ام سعود:ابي اعرف الصج..انا امك محد راح يقدر يساعدك غيري

سعود:والله تعبان

ام سعود كسر خاطرها اول مره تشوفه جذي..خذته وقعدت يمه بالطاوله

ام سعود:سعود حبيبي يمه لاتخش علي محد بيحل مشاكلك غيري..قولي شصاير وياك

سعود ماقدر يتحمل الضغط اللي عليه وقعد يبجي اول مره يبجي سعود معروف عنه شخصيته قويه مايهزه شي ودمعته ماتنزل بسهوله...

ام سعود قعدت تبجي ماصدقت اللي يصير..اول مره تشوف سعود مكسور جذي واول مره تنزل دموعه جدامها...:ســعـــود..!!يمه انت قاعد تبجي؟؟

سعود مارد عليها..لمته وقعدت تمسح على شعره وتبجي:حبيبي يمه قولي شفيك؟؟منو مزعلك؟؟شصاير وياك..؟؟انت محتاج شي تبي شي..؟؟قولي يمه حاجني

سعود:يمه تعباان والله تعبااان

ام سعود:سلامتك انشالله بعدوينك...من شنو تعبان قولي

سعود:يمه والله مادري شسوي..احبها والله احبهاا

ام سعود:تحب منو؟؟؟

سعود:اللي احبها طلعت رفيجة سجى.

ام سعود:من اول ماسجى راحت تبجي وانا موفاهمه شالسالفه كل واحد يقولي شي

سعود:حبيت وحده ولقيت كل شي كنت ابيه فيها..عقب ماكرهت شي اسمه حب اهي خلتني اعيشه مره ثانيه..حبتني و حبيتها بعدين عرفت انها رفيجة سجى..والمشكله سجى تحبني وانا ماادري...واخرتها صرت انا السبب في اللي قاعد يصير بينهم واللي قاعد يصير فقلبي

ام سعود:يمه حبيبي انت لاتفكر ولااتعب نفسك انشالله اذا ربك كاتبلك نصيب معاها تردلك واذا لأ هذا قضاء وقدر شتسوي يمكن مو مكتوبلك نصيب وياها..؟؟شالفايده تعذب نفسك جذي..؟؟هالدموع وضيقه الخلك بشنو بتفيدك..!!يمه حبيبي انت كبير الحين ولازم من كيفك تعرف هالشغلات..

سعود ارتاح شوي من كلام امه:انشالله يمه احاول

ام سعود:تبيني ازوجك؟؟قولي من باجر ادورك احسن واحلى وحده..

سعود:الله يهداج قايلج ماني متزوج وحده قلبي مع غيرها..ليش اعذبها معاي؟؟لاهالفكره مو فبالي كلش

ام سعود:براحتك بس فكر عدل

سعود:انشالله يمه..انا بقوم اصلي واتسبح تامريني على شي

ام سعود:سلامتك يمه وريح شوي لاتقعد تفكر وايد وتأذي نفسك عشاني

سعود باس راسها:انشالله لاتحاتين

ام سعود:انشااله ياااارب الله يعطيك على نيتك ويوفقك وين ماتروح ياربي ياكريم

((في الافنيوز))

بدر:وينج انتي أي صوب؟؟

فرح:انا عند كرسبي كريم انت وينك؟؟

بدر:حلو خلج لاتتحركين مليت وانا ادور عليج جنا توم وجيري اييلج شرق تروحين غرب

فرح:لاا اروح مرينا خخخ

بدر:باي

فرح:تعاااااال

بدر:العن ام ملاقتج مو جذي يملقون هههه لاتلوعين جبدي قبل مااشوفج

فرح:اوكي اعلمك

بدر:بسج دلع ويالله صكريه خل اييلج

فرح:اووكي

بدر:تعالي رفيجتج وينها لايكون يمج؟؟

فرح:لاتخاف صرفتها

بدر:اووك عيل دقايق واكون عندج

فرح:اوكي باي قلبي

بدر:باي


فرح كانت واقفه صوب كرسبي كريم ومتسنده عالطوفه تلعب بتلفونها...

ياها بدر من ورا ونغزها بخصرها:قوه ياحلوه

فرح نطت من مكانها:امبيييي بدر خرعتني شهالحركات عيب جدام الناس تسوي جذي

بدر:هههههه

فرح قاعده تطالعه((يااربي كل يوم يحلوو زياده...شهالجماال ماشالله الله يخليك لي))

بدر:شفيج تنحتي بويهي اول مره تشوفيني

فرح:عااد بدووور كلش مافيك رومنسيه..

بدر:ههه شفيج اليوم

فرح:احبك

بدر:لاتخليني ابوسج الحين جدام الناس

فرح:ههههه لا يمعود

بدر:امشي وياي نقعد برى..

فرح:اووكي

مشى بدر ويا فرح واهو ماسك بإيدها...اول مره يحس بقيمتها وان يحبها هالكثر

طلعو برى وقعدو يتعشون بشيليز وفرح مومصدقه انها قاعده تشوف بدر ويه بويه وماسكه ايده...

بدر:شفيج نخزيني ترى قمت اخاف منج ههههههههه

فرح:وااي مومصدقه اني قاعده وياك

بدر:زين شوي شوي لاتتصرخين

فرح:تعاال صج

بدر:شفيج..؟؟

فرح:متى اشووف سجى

بدر:سجى اختي؟؟

فرح:أي اكو غيرها؟؟

بدر:أي بعد شدراني..شفيها؟؟

فرح:لاجاوبني اول..منو ترعف سجى ثانيه

بدر:2

فرح:نعم؟؟

بدر:أي والله..

فرح:ومنو ها2..؟؟

بدر:اختي وبنت خالي

فرح:اهاا اشوااا عبالي تكلم غيري بعد

بدر:لاايحووووشك وحده ومأذيتني هالمره شيفكني من ليانج2؟؟يبووووي

فرح:مأذيتك ها

بدر:لاحشى منو قال

فرح:صج بدر؟؟

بدر:أي صج بعد انتي اذيه

فرح:هذا وانا قاعده يمك جذي

بدر:هههههههههههه ولك انسي ازعلج مره ثانيه..والله شكلج يكسر الخاطر مره ثانيه اذا زعلتي صوري نفسج ودزي عشان تكسرين خاطري واراضيج..خخخ


فرح:أي اشواا بس بشووف كلام ولا كلا خرطي

بدر:اموت واعرف من وين تييبين هالكلام..جنج صبي

فرح:هههه الله يخلي بدر

بدر:هه هه لاوالله؟؟

فرح:آف خلاص

بدر:ههههه والله احبج

فرح استحت:وانا بعد

بدر:انتي شنو

فرح:انا احبك

بدر:فديييتج تعالي ابوسج

فرح دزته:هيييييييي من صجك انت

بدر:أي من صجي زوجتي بعد

فرح:بكيفك اهو وحتى لو زوجتك عييب

بدر:اعلمج

فرح:ههه خل جرب اوكلك

بدر:ههه اوك

فرح:يلا بطل حلجك

بدر:آآ..((وعض صبعها))

فرح صرخت:ويعاااا انشاالله ويعااااا عورتنيييي

بدر عصب:يالكااوليه احنا مو في البيت جذي تصرخين جدام الناس؟؟

فرح:خوو عورتنيييي شفيك دفش

بدر:هههههههههههههههه صج كاوليه بس تونسين

فرح:بدوور بليز متى اشوف اختك

بدر:انتي تكلميني انا ولا تكلمينها؟؟

فرح:آآف اسفه خلاص

بدر:يبه خلاص بسج لااشلع بوزج..اول ماارد البيت اخليج تكلمينها زين جذي؟؟

فرح:واااااااااااي فديييتك

بدر:ههههه زين اكلي وانتي ساكته






((بيت بوسعود))

يوسف:فجور وين ميس مايت وياج؟؟

فجر:مبلا الحين بتيي شفيك مطيور

يوسف:زين طسي



ميس وسجى توهم داشين البيت ولا يوسف يطلع بويههم...

يوسف شاف سجى تنح:سجى..تو مانور البيت

سجى:ههههههههههههههه شلونك

يوسف:تمام انتي شلونج

سجى:بخير الله يسلمك

ميس:شفيك نسيتني هههههه

يوسف:انتي ابيج بسالفه بعدين

سجى:شدعوا قولي

يوسف:عاد انتي اول وحده بتعرفين

ميس مافهمت:....شنو يعني

سجى:انا؟؟شلون

يوسف:بعدين بتعرفين كل شي...

ميس:سجووي امشي فوق اول ماتخلص فجور اروح اشوف هالعله شيبي

سجى:خخ اووكي

يوسف:الحين بسكت لان مووقت بوزج..بس موعشانج

ميس:أي أي زييين اسكت انت

سجى:ههههههههههههههههههه

يوسف:هههه يالله انا فوق متى ماخلصتي تعالي

ميس:اووووكي



((غرفة ميس))

سجى:تعالي صج شلون ميشووو لايكون رديتيله

ميس:طافج هههههههههههههه

سجى:شنوووو؟؟

ميس:اول شي انا ماااقلتلج..

سجى:شنوو طافني بعد قوووولي

ميس:جاسم رفيج محمد

سجى:أي شفييه..؟؟

ميس:دق علي ذاك اليوم

سجى:جذااابه..شيبي؟؟

ميس:تخيلي..يقول محمد يبيج تسامحينه وماتشيلين بقلبج عليه واهو حاس بالذنب

سجى:ياسلام...

ميس:أي والله

سجى:وشرديتي

ميس:قتله ماسامحته ولا راح اسامحه لا اللي سواه فيني مو شويه

سجى:ميس حرام عليج والله يمكن حس بالذنب صج

ميس:للحين منجرحه منه

سجى:الله يهداج بس..

ميس:الحين اهو متزوج شيبي فيني

سجى:منو قالج متزوج؟؟

ميس:شقصدج؟؟؟؟؟؟؟؟؟؟

سجى:ميس انا كنت بقولج بس ماحبيت اذكرج فيه لانج كنتي كارهته وشكلج للحين موقادره تبلعينه..الصراحه الاسبوع اللي طاف بالجامعه صادفت بنت خاله..

ميس بلهفه:زين وشقالت؟؟؟

سجى:ماقالت شي..سلمت عليها وقمنا نسولف بعدين يبت طاري محمد سألتها شلونه ويا زوجته انشالله مرتاح..ولاتقول منو قال تزوج..اهو للحين قاعد يأخر ملجته مادري شفيه شكله متوهق

ميس قلبها قام يطق:...........سجى تجذبين علي؟؟

سجى:والله ميس هذا اللي صار...مومصدقه تعالي الجامعه وياي وسأليها

ميس:زين ليش يقولي تزوج؟؟

سجى:اكيد لقاها الطريقه الوحيده اللي ممكن تنسينه فيها وتوخرين عنه

ميس دمعتها نزلت ماتدري مستانسه ولا زعلانه:سجى تتوقعينه للحين يحبني؟؟

سجى:اللي اشوفه ان يحبج بس الله واعلم

ميس:عيل ليش يسوي فيني جذي

سجى:ماتدرين شنو كان يفكر فيه..ومحمد موموضوعنا الحين

ميس:سجى ليش ماقلتيلي وقتها؟؟

سجى:ميس والله اسفه ييت بقولج بس قلت انطر شوي لانج كنتي كل ماتسمعين سيرته تبجين...يعني شالفايده اقولج عشان تعلقين نفسج بأمل يديد؟؟

ميس:...تهقين كلامها صج..؟؟

سجى ماتبيها تفكر فيه:مادري والله ويمكن موصج

فجر بطلت عليهم الباب...

فجر:شتسوووووون

ميس:هههه

سجى:بسج خبال خخخ

فجر:ميسووو يوسف اذاااااني تكفين روحيله شوفيه شنو يبي قالي روحي نادي ميس ابيها

ميس:هذا شفيييه..خلاص فجور قعدي مع سجى شوي انا ماني مطوله

سجى:رووحي خوو انا موغريبه

ميس:ولو مايصير اخليج بروحج

سجى:ههه فديتج والله




((بيت دلال))

دلال كانت قاعده بغرفتها تفكر بكلام سجى...

دلال((معقوله مره وحده غيرت رايها؟؟..صج احبه وابيه..بس مااقدر اتخيل نفسي معاه وسجى للحينها تحبه..لالا مستحيل اسويها..حتى لو قالتلي جذي انا مااعرف شنو اللي بقلبها واكيد من داخلها بتتضايق بس انا مستحيل اضايقها..))

رن تلفونها....

حبيبي وانا جمبك تعرف بحس بإييه...وانا بحضن ألبك...

شافت رقم سعود خنقتها العبره....

دلال:الو

سعود:دلال

دلال:هلا

سعود:احبج

دلال بتبجي:.....

سعود:دلال

دلال:هلا

سعود:ليش ماتكلميني عدل؟؟انتي ماتبيني؟؟

دلال:سعود اسمعني اوكي..واذا كنت تحبني صج اتمنى انك تسوي اللي اقوله

سعود خاف من كلامها:اوكي...

دلال:سعود انا مااقدر اكمل معاك

سعود انصدم:لييييش.دلال من صجج

دلال ماسكه نفسها ماتبي تبجي:سعود افهمني مااقدر

سعود:لاتستعيلين..كلمتي سجى..؟؟

دلال:أي كلمتها

سعود:شقالت

دلال:قالت خلج وياه وانا راضيه ولاتخسرينه و...

سعود:صج؟؟؟؟خلاص عيل دامها راضيه شنو اللي يمنع

دلال:افهمني سعود:مااقدر اتخيل نفسي معاك وانت حبيب رفيجتي..حتى لو كملت معاك صدقني مراح ارتااااح والله حس فيني مااقدر ارتاااح معاك جذي

سعود وده يبجي:دلال..تكفين حسي فيني..انا احبج

دلال:وانا احبك بس اسمحلي مااقدر اكمل وياك.. مراح انساك وحبك مراح يقل.. واهم شي ان قلبي لك انت بس..

سعود:دلال لاتقولين جذي احنا حق بعض..

دلال:باي سعود واتمنى مااشوف رقمك مره ثانيه

سعود خنفته العبره شوي شوي ويبجي:دلاااال..شقاعده تقوولين..مااقدر اعيش بدونج والله شلون اخليج تروحين مني

دلال ماقدرت تتحمل وقعدت تبجي:سعوووود اذا تحبني سو اللي ابييه...

سعود:مااقدر صدقيني مااقدر...

دلال:باي سعود((وصكرت جهازها بكبره))

سعود ين قعد يدق لقاه مصكر...حذف التلفون على الطوفه واهو يصرخ:لييييييييييييش جذي لييييييييش

خذا سويج سيارته وطلع موعارف وين بيروح

قام يسوق بسرعه واهو موحاس بنفسه لحظتها تذكر يوم هد شروق..وحس ان ماله حظ حتى مع دلال....

قعد يتذكر ايامهم مع بعض ويبجي....





نساني نساني اللي سكن قلبي اسير الروح يا يابه شسولف اني شرد احجي مو شفت الويل بغيابه



ابوس أيدك :: تعال تعال ارجع ... حزينه العين :: بس تدمع

اسألك يا بعد عمري وك هجرك شنو اسبابه ... اظل ابجي عليك وادمع واقولن اوف يا يابه

شته وليل وسمه مغيمه :: وحبيبي عافني لوحدي ... واحس دموعي بغيابه :: مطر نازل على خدي

يا بعد الروح اروح وياك ... اذا تنساني ما انساك


اسألك يا بعد روحي وك هجرك شنو اسبابه ... اظل ابجي عليك وادمع واقول اووووف يا يابه يا يابه

انا ودموعي نتذكر :: جرحنه بلحظه فراقك ... ونسأل هم بعد نجع :: مثل ما جنا نتلاقه


تعال ارجع على احبابك ... اخاف انموت انموت بغيابك

اسألك يا بعد روحي هجرك شنو اسبابه ... اظل ابجي عليك وادمع واقول اووووف اوف يا يابه

http://www.4shared.com/file/31800617/16a3d41f/____.html?s=1



سعود للحين قاعد يسوق بسرعه بدون شعور وموقادر يشوف جدامه...حس ان من التعب بيغمى عليه..مانتبه على نفسه وكان بيدعم اللي جدامه...حاول يوخر سيارته عنه..لف السكان حيل مع السرعه ماتوازنت قامت تلف بسرعه وانقلب فيه...

وقفله جم واحد دقو عالاسعاف وحاولو يطلعونه من السياره بس ماقدرو...







((بيت دلال))

اول ماصكرت التلفون من سعود انهارت موقادره تطلع من غرفتها ولاتكلم احد حست انها فقدت جزء منها...سعود كان كل شي بحياتها..اهو اللي حسسها بنفسها..حسسها بحبه واهتمامه فيها ولا مره فكرت تحب او تكلم وواحد..بس سعود كان غير عن الكل...شافت فيع اشياء ماشافتها بغيره.. ول مره تحب و اول مره تنحب ...اول مره تمر عليها مثل هالعلاقه...طول الوقت تبجي وقلبها يتقطع عليه حست بالذنب بس بنفس الوقت كان عندها ان هذا الشي اللي لازم يصير من زمان...

شجن بطلت الباب:دلال؟؟؟

دلال ميته من البجي موقادره تتكلم:.....خــ....خـ....لا....ص.....مـ....ـاااا....

شجن خافت عليها وعلى طول صبتلها ماي:دلوول شفيييج..؟هاج شربي ماي..اسملله عليج هدي شوي وقوليلي شنو صاير...

دلال:هــ...هـ...د....يـ..ت....ســـ....ســ....ـــعـــو...د

شجن:هديتي سعود؟؟؟لييييش شسوالج

دلال:مـــ...مـــ..ــاااا سـ...ـو..ا...شــ...ــي...كــ...

شجن:دلول هدي شوي شوي..خذا الحين لاتبجين هدي نفسج خل افهم شالسالفه لاتبجين...

دلال حاولت انها تهدي....ماقدرت كل مره قاعده تزيد من بجيها...

شجن:دلاال....!!!لاتخرعيني...شفيه سعود ليش هديتو بعض

دلال اسمعت اسمه قامت تشاهق:..

شجن خافت لايصير فيها شي:قوومي معاي

مسكتها وودتها الحمام تغسل ويهها...شربتها ماي وودتها سريرها عشان ترتاح...

شجن:دلول حبيبتي اهدي الحين لاتبجين ترا ماكو فايده من البجي مراح يغير شي..اهدي وخليني افهم شالسالفه...

دلال هدت شوي وبالغصب يطلع منها الكلام لانها كانت تشاهق:شجن والله ماقدرت اكمل وياه واهو بقلب سجى للحين ومستحيل يطلع منه..مستحييل اقدر شجن مابي اصير انانيه بس هم احبه شسوي قوليلي شسوي

شجن:مينونه انتي؟؟؟ليش تضيعينه من ايدج جذي؟؟؟؟سجى موعذر...بعدين راح اييها نصيبها وتتزوج وتنسى سعود واهله وطوايفه بعد حزتها انتي اللي بتندمين..عمرج لاتفكرين بهالطريقه والله قلبج راح يضيعج..

دلال:شسوي مااقدر والله سجى موشوي عندي مابي اجرحها واخرب اللي بينا

شجن عصبت:دلااااال..!!لاااصج صج بين منج الحين..حبيبتي فهمي..هذا حب يهالووووووو حتى لو انتحرت عشانه بيتم حب مراهقه..شتقولين انتي..اوكي تحبه وتموت فيه وللحين تحبه مااختلفنا...بس لي متى؟؟؟مو اخرتها بتروح حق واحد ثاني؟؟؟ليش تعذبين نفسج انتي؟؟اخرتها بتتزوج وتنسى اسمه بعد مو بس تنساه..انتي بعدييين قعدي طقي اصبع يااام مخ عوي

دلال:شجن اللي فيني كافيني

شجن:انا اذا بقعد زياده بين صج..انا بروح الحين بس ابيج تفكرين بكلامي عدل..وبعدين راح تحسين انه هذا الشي الصح

دلال:انشالله..بس الحين ممكن تخليني انام

شجن:اووكي تصبحين على خير وفكري عدل..

دلال:اوكي وانتي من اهله...

قعدت دلال قعدت تفكر بكلام اختها لمن نامت....



((بيت بوسعود))

يوسف:انتي تنطرين بطاقه دعوه عشان تيين؟؟

ميس:هههه ليش شفيك

يوسف:ميس بدون مقدمات لان مااحب هالنظام...بس ابي منج طلب

ميس:شتبي قول؟؟؟

يوسف:ابي رقم سجى

ميس:خــــيـــــــر..!!

يوسف:خير بويهج..ابيها ابي اكلمها شلون

ميس:تتوقع انها بتوافق تكلمك؟؟؟اذا ماترضاها على اختك المفروض ماترضاها عليها

يوسف:شسوي الحين شالحل قوليلي عندج حل غيره..؟؟

ميس:حل شنو تبي موفاهمه عليك

يوسف:ممكن تبطلين مخ هالقفل

ميس:ايي فهمني

يوسف:ابيها تعرف اني احبها...

ميس:ممممم..خلاص خلها علي افهمها بطريقتي بس رقمها انساه

يوسف:العن خير لعانتج...متى بتقوليلها انشالله..؟؟

ميس:وقتك انت الحين البنت عندها ظرزف موفاضيه حق سوالفك هذي

يوسف:المهم ابيها تعرف

ميس:وانا قلتلك اوكي

يوسف:متى

ميس:لاتحن قلتلك بكلمها

يوسف:ابي اشوف ردة فعلها عشان اعرف اسوي الخطوه اليايه ولا لأ

ميس:شنو الخطوه اليايه بالله؟؟

يوسف:مفكر اني اخطبها

ميس استانست وبنفس الوقت تضايقت موعارفه ردت فعل سجى شنو بتكون:صج؟؟؟

يوسف:أي صج

ميس:الله يسمع منك انشاااالله وتكون من نصيبك

يوسف استانس:من صجج..؟؟والله لو ادري بتستانسين جذي جان من زمان خاطبها ههههههه


ميس:ههههه شلون مااستانس حبيبتي رفيجتي تصير مرت اخوي اكيد وناسه

يوسف:زين طسي الحين مخليه البنت بروحها...بس تكفين حاولي تجيسين نبضها وتفهمينها اني ابيها

ميس:انشالله كل شي بوقته حلو

يوسف:نشوووف

ميس:اوكي يلا باي تأخرت على البنت



((بيت بوبدر))

بدر توه راد البيت كان قاعد يحاول يدق على سعود بس جهازه كان مغلق

بدر:شفي امه هذا...شعنده جهازه مغلق

بوبدر كان بالصاله:شعندك اليوم راد مبجر

بدر:وين مبجر الله يهداك...

بوبدر: المهم امك تنطرك فوق اذا صعدت مر عليها

بدر:شفيها؟؟

بوبدر:ماادري ماقالتلي

بدر:أي تعال صج توني استوعب شعندك اليوم مورايح الديوانيه ههههه

بوبدر:رحت ورديت مبجر...وصج قبل لاتصعد فوق روح ييب اختك من بيت بوسعود

بدر:ليش اهي للحينها هناك؟؟؟

بوبدر:أي ترى مصختها عندهم روح ييببها

بدر:ليش ماتاخذ اغراضها معاها وتبسط عندهم..بيتنا صاير حق النوم والاكل بس...يالله انا بروح اييبها وايي







((بيت بوسعود))

غرفى ميس....

سجى:حلفي..؟؟هههههههه اول مره تصيرين قويه جذي

فجر:سكتي انا حسيت انها موميس اصلا خفت منها ههههه

ميس:أي بعد كنت خاشه بقلبي مادري شلون تجرأت وزفيته خخخ

سجى:والله زين تسوين يستاهل

ميس:انا كرهته والله صج ان موكفو..

فجر:توالناس

سجى:أي والله...تعالي صج مادزلج شي من وقت ماصكرتيه منه؟؟

ميس:لاء...تصدقين اخاف اشوف خليني جذي احسن..

فجر:انا ادري مردها بترد عليه

((دشت عليهم ام سعود))

ام سعود:سجى حبيبتي اخوج بدر ينطرج تحت

سجى:ويييه ليش ياي الحين قايلتلهم برد بروحي

ميس:لااااء لاتروحين توالناس..

فجر:وييع اخوج غثيث شيبي قاط ويهه

سجى:ههههههه جبي لاتغلطين على اخوي

فجر:هههه من متى اخت سجى..؟

سجى:من اليوم كيفي

ميس:يالله امشي نوصلج

سجى:من قدي هههههه



نزلو الصالة تحت ولابدر قاعد يسولف مع يوسف وام سعود وبوسعود يشوفون تلفزيون

سجى:يالله بدور مشينا

ميس:أي مستعيله هههههههه

فجر:بسج لزقه بالبنت بتملون من ويوه بعض انتو

سجى:مووتي قهررر مااراح نمل من بعض

يوسف((منو يمل من هالزين كله))..:ههههه

رن تلفون البيت...

ام سعود:الووو

...:السلام عليكم

ام سعود مستغربه:وعليكم السلام..!!منو معاي..؟؟

....:اختي هذا مو بيت سعود عبدالسلام؟؟

ام سعود:مبلا اخوي من حضرتك..؟؟

..:حضرتج شنو تقربينله..؟؟

ام سعود صبت عظامها ولسانها انربط ماودها ترد عليه..:....انا امه..خير..؟؟من انت..؟؟

....:بس حبينا نبلغكم ان قبل شوي سوى حادث وانقلبت فيه السياره الحين بيون الاسعاف يودونه مستشفى مبارك..

ام سعود طاحت منها السماعه قعدت عالارض وقامت تبجي بشكل هستيري وتصرخ...





انشالله يعجبكم البارت انا بقوم انام واذا قعدت اكمله لكم فدييتكم حووبي :*
​

 

[اسطورة زماني]

توماااااااا تكفييين نزلي البارت الحيين

احنا بنروح بيت عمتي خليتهم يتأخرون بس عشان اقرا البارت

يلا انطرج

 

[ღ TőOőma ღ]

حيااتي النتي نزلت البارت كاهو فووقج لوول

 

[shaQshoQa]

عجيييب

و انشالله دلال تحس و ترد حق سعود و انشالله سعود مافي شي لووول


يعطيج العافيه يالعسسل