((انـــا مـعـكـ بس,, قـلـبـي مـع غــيركـ)) >> قصه كويتيه حقيقيه <<

[المدينه]

ناطرينج مو طولييييين

 

[اسطورة زماني]

ههههههههههه ياحلاتج فروتي توتي

 

[فروتي توتي]

اي والله لاتطولين

 

[انونا]

فديتج تم تموووووووووووومه

مسااااااااااااااااااااااااؤؤؤؤؤؤؤؤؤؤؤؤؤؤؤؤ شلون قلبوووواا ها لحد الحين ما نزل البارت ؟؟

 

[فروتي توتي]

الحلات كله عندج اسطوره

 

[عاشقة المسك]

بنات توما تعتذر وتقول ان عندها مشكله بالوورد وتسكر لازم تعيد اخر جوء واهي مسيفة الباجي شوي وراح تنزل البارت مو مطوله

 

[فروتي توتي]

احنا متاخرين متاخرين عادي
وشكلي بنزف بعد اشوي

 

[فروتي توتي]

ننطر حبوبه

 

[اسطورة زماني]

تسلميييين قلبي فرووتي ^.^

تومااا ناطرينج حبي ......

 

[انونا]

خلاص خذي راحتج تومه فديتج والله

 

[bitter-sweetness]

وااااي البارت حدده عجيييب
تسلم اناملج حبيبتي
و يلا ناطرين البارت اليااي

 

[عاشقة المسك]

اي والله كلنا ناطرين وتوما يعطيها العافية قاعدة تحاول كثر ماتقدر انها تكتب اخر جوء من البارت

 

[فروتي توتي]

عاشواااااا عاشواااااااااا

 

[ღ TőOőma ღ]

بااك بناات والله حديي سووري كنت بنزلكم البارت بس الوورد علق علي وراح الجزء الاخير الحين حاولت اخصله بسرعه وانشالله بارت باجر من اليوم بخلصه عشان مااعلقكم وياي وسووري اقين دقيقه وانزله لكم

 

[اسطورة زماني]

ورى ورى

لووووووووووووول

 

[فروتي توتي]

وينكم يااااابنات

 

[المدينه]

بليز بسرعه

 

[فروتي توتي]

دقيقتييييييييييييييييييييييييييين يااااعسل

 

[ღ TőOőma ღ]

الجزء السادس عشر


سجى واقفه عند الباب مومصدقه اللي قاعده تسمعه...

فجر طلعت من الغرفة تدورها:سجى يعني جم مره قلتلج بسج لقافه وتـ....

فجر شافت سجى واقفه عند باب غرفة سعود وخافت...قامت تحاتي لاتكون سامعه شي

فجر:...سـ...سـجى...

سجى:للحينها واقفه مكانها ومومصدقه مره وحده قامت تبجي بدون صوت...

فجر:سجى شفيـ..

سجى صرخت:وخـــــري عــــنـــــي((وقامت تبجي بصوت وتدزها))

سعود وميس سمعو صوت سجى على طول طلعو برا الغرفة....

ميس ميته من الخوف:سجى شفيج؟؟؟؟

سعود راح صوبها:سجى...

سجى قامت تطقه وتصرخ:وخـــــر عـــنـــــي!! انت جذاااااااب ليش تسوي جذيي ليييييييييييش اكررررهك اكرررررررهك وخر عنيييييييي

سعود مسكها وحاول يهديها:سجى سمعيني...

سجى دزته:ماابي اسمعك وخرر عنيييييييي اكرررهك اكررررررهك انت شنووووو لييييييش تسويييي فينييييي جذييييييييي

قامت تصرخ وتبجي ماوعت الا ام سعود وبوسعود صعدو مخترعين..

ام سعود:سجى يمه اسملله عليج شفيج تبجين جذي؟؟شصااير

بوسعود:في احد قايلج شي؟؟يبه شفيج تكلمي ميس مسويتلج شي؟؟فجر؟؟

سجى ماتحملت وركضت تحت واهي ميته من البجي وسعود ركض وراها...

سعود:سجى تكفين نطري...الله يخليج وقفي شوي وسمعيني...ســـجـــــى..

سجى ماتدري شتسوي بس قامت تركض لمن وصلت باب السكه وسعود وقفها ومسكها من ايدها...

سعود:هدي شوي وسمعيني...دقيقه بس تكفين سمعيني

سجى تبجي:اسمعك بشنو؟؟؟؟ليش تقص علي ليييييييييييييش خلااااااااص وخررر عنييييييييييييي اكرررهك ماااااااحبك
نسيييت كنت تحبنييييييي سعووود انت تحبنيييي ليش تقص علي ليييييييييييييش

قامت تدزه وتطقه بس ماقدرت عليه وسعود حاول يثبتها..

سعود:ســجـــى...ممكن تسمعيني شوي؟؟؟

سجى تصرخ:مابي اسمعك..وخر عنييييي هدنيي شتبيييي خلاااص اكرررهك

سحبها عنده ولمها عشان يهداها..سجى حست انها ماودها توخر بس تذكرت اللي سواه وقامت تطقه على صدره وتبجي...

هدها وركضت برا لي واهي موقادره تصدق اللي قاعد يصيرلها....

سجى تبجي موعارفه شتسوي:والله احبك ليييش تخليييني وترووح حق غييييريييي حياتي ماتسوى بدووونك والله احبك سعوود حرااام عليييك


والله ما يسوى أعيش الدنيا دونك
لا ولا تسوى حياتي بهالوجود
دامك أنت ألي رحلت
وكيف بصبر عالبعاد
وكيف
بنثر هالورود عالبعاد وكيف بنثر هالورود.
ما وعدت إنك تقاسمني المحبة
وتبقالي حب
ولدروبي دليل
بس البعد كان أقرب وأرحم حسب الله وحده نعمة الوكيـل.
روح أنـا راضـي بغيابك يا حياتـي
هاذي قسمة لي
وهذا لي نصيب
كل شمعة تضوي وتشرق حياتـي
انطفيت ورحت في وقت المغيب...انطفيت ورحت في وقت المغيب..
والله ما يسوى أعيش الدنيا دونك
لا ولا تسوى حياتي بهالوجود
دامك أنت ألي رحلت
وكيف بصبر عالبعاد
وكيف
بنثر هالورود عالبعاد وكيف بنثر هالورود


http://www.4shared.com/file/49222800/d33aa204/98___.html?s=1




((بيت ام سعود))

ام سعود تصرخ:شفيها البنت تبجي جذي انتو شقايليلها؟؟؟

فجر:يمه والله ماقلنالها شي...

بوسعود:عيل شفييهااا...؟؟

فجر:شقولكم يعني

ام سعود:تحجي..وانتي الثانيه ليش ساكته جذي

ميس:سجى تحب سعود..

ام سعود:شنو افهم من جذي؟؟

فجر:ميس وسعود كانو يتكلمون عن وحده داخل سجى سمعتهم وانهارت

ام سعود:تجذبو علي..؟؟؟هذا تعتبرونه سبب ممكن ان يقنعني؟؟بس يصير خير

نزلت ام سعود تحت تدور سعود..

سعود كان توا داش داخل وشكله متحطم حده وكاره الدنيا..

ام سعود نادته معصبه:انت تعال...شقايلين حق البنيه عشان تبجي جذي؟؟

سعود:يمه تكفين ولي يسلمج مووقته خليني بروحي شوي

ام سعود:ماااني مخليتك الا لمن تقولي شالسالفه..؟؟

سعود وده يبجي ويطلع اللي بقلبه: كسرت قلبها بس موقصدي

ام سعود مافهمت:انتو بتيننووني؟؟شنو يعني كسرت قلبها فهمني

سعود عصب:اووه..خلاص عاد بروحي موناقص..يبه من الاخر البنت كانت تحبني واليوم درت اني احب رفيجتها زين جذي؟؟

مشى عن امه وصعد داره واهو ماله خلق شي وام سعود واقفه بمكانها مومستوعبه شقال قبل شوي...

ام سعود:سجى..تحب سعود..؟؟!!من متى!!..ستغفرالله عشان يعرفون ان هالسوالف مامنها فايده

بوسعود كان توه نازل من تحت...

بوسعود:شسالفة عيالج؟؟؟شفيها البنيه طلعت تبجي جذي

ام سعود:سوالف يهال لاتحط فبالك

بوسعود:والله ماينعرفلهم...الله يهديهم

ام سعود:آآآميييين انشالله




((غرفة ميس))

ميس كانت قاعده تبجي وفجر تبجي معاها موعارفه تهدي نفسها ولا تهدي اختها...

فجر:خلاص ميس لاتسوين بعمرج جذي انتي مالج شغل بالموضوع..خلاص اهدي وسجى انشالله مع الايام راح تنسى

ميس:شلوون فجر قوليلي عقب مانكسر قلبها...؟؟شلون اشوفها جذي واسكت؟؟مابيها تمر باللي انا مريت فيه واكيد الحين كرهتني كلا مني ليش رحت وكلمته اليوم لييييش..

فجر:ميس خلاص..هذا اللي مكتوب ان يصير لاتسوين بعمرج جذي..وخل تهدى اليوم وانا وياج باجر نروحلها ونفهما كل شي

ميس:مااعتقد راح تفهم انتي ماتعرفين سجى...سعود كان كل شي بحياتها وفوق كل هذا اول واحد حبته ماشافت ولاحبت غيره شلوون تتحمل تسمع هالكلام؟؟و بعد راح حق منو حق اعز رفيجتها..يعني اكثر من جذي شنو؟؟

فجر:والله حاسه فيها وحاسه بالكلام اللي قاعده تقولينه بس لي فات الفوت ماينفع الصوت الحين كل شي صار وخلص اهي درت وسعود ارتاح من هم سجى وشلون توصلولها الخبر..خلاص شالفايده تقعدين تبجين وتتحسفين على شي انتي مالج ذنب فيه...؟؟

ميس:والله ماتستاهل حرام اللي صار فيها...صج يوسف وينه؟؟

فجر:اشوا ان طلع اول ماردينا جان الحين الله اعلم اهو الثاني شبيصير فيه..

ميس:الحمدلله ماسمع ولا شاف شي...وانتي اذا يبتيله طاري يويلج

فجر:لالا مراح اقوله لاتخافين..

ميس:وين تلفوني ماجيكت عليه من اول ماردينا

فجر:تحت المخده مكانه المعتاد يعني وين بيكون..

ميس:قفلي الباب مالي خلق سوالف...

فجر:اووكي

قامت فجر قفلت الباب وبطلت ميس التلفون ولاتلقى 43مس كول من مشاري و جم مسج

ميس:ويييع شهالبلشه الحين شلون افتك منه؟؟

فجر:شداز؟؟

ميس:يعني شداز افلام كل مره انا اسف وتكفين ردي وانا غبي وانا ماافهم الحين اذا تبيني اسمعلج كلامه اقوله لج كله وبسرعه

فجر:هههههههههههه يمعوده موناقصين تخلف هذا الحين خلينا باللي اهو اهم...وتكفين هدي التلفون اتنرفز لمن اشوفه

ميس:أي والله..وهوخلاص بسكره بس لاتحنين هههه

فجر:أي فكينا منه وفكري شبنسوي مع سجوو

ميس:أي والله..!!شنسوي يعني؟؟وتعالي صج دلال شلون اذا درت؟؟

فجر:قلتي حق سعود يقولها؟؟

ميس:سعود يقول باجر بيكلمها بس الحين مايندرى عنه..

فجر:الله كريم اللي ربج كاتبه بيصير..

ميس:الله كريم






((بيت بو بدر))

سجى كانت بغرفتها ميته من البجي وحمدت ربها ان محد شافها..ام بدر كانت نايمه وبوبدر بالديوانيه وبدر كان بغرفته..

اول مادشت غرفتها راحت طلعت اوراق من الدرج كانت كاتبه فيهم اغاني عن سعود ويابت مقص قامت تقصهم بقهر واهي تبجي...
طاحت صوره من بين الاوراق كانت صوره سعود ماخذتها من ميس من زمان بدون ماتدري...شافت الصوره وقعدت تلمها وتبجي


حذفت نفسها على سريرها وانهارت قلبها تقطع من البجي موعارفه شتسوي ومومستوعبه اللي سمعته..!!

سجى:ليش جذييي سعوود...والله احبك ومابي غيرك ليش تصدمني وتروح حق غيري ليش تموتني جذييي..لييش تخليني وترووح حق دلاااال لييش قصيتوو علي حرااام عليييكم..

غطت ويهها بمخدتا وقعدت تبجي بصوت يقطع القلب...:ميس لاتخليني بروحي..والله محتاجتج لاتخليني...ليش سعود يسوي فيني جذي؟؟ليش دلال تقص علي وماتقولي((وقعدت تبجي لمن نامت))



((غرفة بدر))


بدر كان قاعد يطالع فلم مصري بغرفته شاف عبلة كامل ولايتذكر فرح

بدر:ههههههههههههههههههههههههههههههههههههههههه والله مادري ليش تذكرني فيها...صج تخسي وفررق بين فروح وبينها بس لانها كاوليه احسها اهي خخخ

دق عليها واهو يضحك..

بدر:شلونج عبله

فرح:تنكت حضرتك؟؟

بدر:هههههههههه تصدقين قاعد اشوف فلم حطو عبله كامل ولا اتذكرج على طول

فرح:شــــنــــو؟؟؟؟؟؟؟نعم نعم عيييد ترا ماسمعت

بدر لعانه:تصدقين ماشالله عليكم كوووبي ماقمت افرق بينكم..اخاف تصيرلج

فرح عصبت:مـــــن صــــجـــك ولااا تـــتـــغــشــمــر؟؟؟؟؟

بدر ماسك ضحكته بس يبي يطفرها:أي من صجي عيل اتغشمر؟؟اقولج نسخه صج نفس الجسم والعيون والخشم حتى بكلامها كااوليه اناااا اقوول انتي طالعه على منو ههههههههههه

فرح صرخت لان طريقته تستفزها:بـــدر؟؟؟والله والله ورب الكعبه والمصحف اني راح ازعل اذا كان كل هالكلام صج..

بدر:............

فرح:بدر ويعا...الحين انا صرت اشبههااا؟؟طايحه من عينك ولا خلو الاوادم يعني؟؟

بدر:.......مممم

فرح صرخت:رد علي....

بدر:شقولج

فرح صوتها فيه بجيه:ليش تعصبني جذي تدري فيني مااحب

بدر:هههههههههههههههه فدييتج والله اطفرج شحلااتج انتي شياااب القمرررر حق النجوووم أي نجووم بعد حشاج حق البقر..

فرح:ههههههههه فديتك والله احبك بس انت كل مااتكلمني تنرفزني ليش يعني

بدر:شسوي استانس لمن اشوفج معصبه تونسيت كتكوته ههههههههههه

فرح:...........

بدر:ميااو هههههه

فرح:ممكن نسولف عدل..؟؟

بدر:انشالله ههههههههههه

فرح:وييه نسيت اقولك

بدر:شنو شفيج

فرح:اليوم حدي كنت معصبه اشوا انك مادقيت اول مارديت البيت قول ليش؟؟

بدر توقع ان شي سخيف:ليش؟؟

فرح:تخيل..رديت البيت ولا خدامتنه الغبيه عافسه الدنيا الله يعفسها قول امين

بدر((الحمدلله والشكر))..:ليش شمسويه

فرح:قبل لااطلع بيت خالتي كنت مطلعه هدومي حق الدوام باجر وحاطتهم على سريري اوكي؟؟

بدر:اووكي؟؟

فرح:ييت البيت ولا الغبيه داشه داري بكيفها ماخذتهم وغاسلتهم والمشكله مومالوت غسيل بيت يعني قايلتلها 6000 مره الغبيه هذوول حق مصبغه انا مااغسل هدومي فالبيييييت

بدر:لاه..؟؟؟وشسويتي انتي لايكون سكتي..؟؟

فرح:من صجك اسكت..؟؟ولك شرشحتهاااا والله ساعه ونص وانا اهزأ فيها لمن بغت تبجي قلت قلعتج عشان ماتتليقفين مره ثانيه وتتصرفين على كيفج

بدر تعود على هالسوالف:......لاوالله..؟؟انا اول مره اشوف هدوم ينغسلون في البيت..غبي هذا اللي يسويها

فرح:اييي من صجك..

بدر:ولايكون ماقلتي حق دادي

فرح:لا ماله داعي شكو

بدر:لاوالله

فرح:أي والله شفيك

بدر:زين؟؟

فرح:بدر..!!

بدر:........

فرح:بـــدر..؟اكلمك انا

بدر:اووه تناديني..؟؟حسبالي اسمي بدريه زين طلعت بدر خير يبه؟؟

فرح:شنو تطنز حظرتك؟؟

بدر:ههههه شتبيني اقولج يعني هذي سالفه تسولفينها حقي؟؟انا شكو بأم خدامتكم وشسويتي فيها

فرح:الشرهه علي اسولف وياك

بدر:تدرين شنو ودي

فرح:شنو؟؟

بدر:ودي مره وحده تسولفين نفس الكبار وسوالف لها معنى تكفين يعني انتي معقده وعقدتيني وياج

فرح:اوووووه بديينا عاااد بالطنااازه

بدر:اسف عمتي قطعت عليج سالفتج..كملي شسويتي بعدين

فرح:مابي

بدر:هههههههههه تكفين خلاص انا اللي راح اسولف

فرح:يكون احسن

بدر:ماقلتلج سالفه رفيجي..

فرح:أي رفيج عبدالله؟؟

بدر:لاسعودو ولد جيرانه..

فرح:أي عرفته شفيه؟؟

بدر:مو قلتلج يحب وحده؟؟

فرح:زين؟؟

بدر:طلعت رفيجة حبيبته تحبه من زمان واهو مايدري ولا حتى اهما يدرون..والله كاسر خاطري

فرح:وييييه شبيسوي الحين

بدر:والله مادري عنه

((تمو يسولفون مع بعض لحد الفير الساعه 4ونص لمن نامو))


((ثاني يوم...بيت بوسعود))


ميس توها قاعده من النوم على طول راحت عند فجر وقعدتها...

ميس:فجررر.....فجوووووور قوووميييي

فجر:آآف والله حرام عليج بناااااام

ميس:وراج مدرسه ياصخله قومي

فجر:وانتي شحقه قاعده؟؟

ميس:انا بروح عند سجى اكيد متضايقه و مراح تداوم اليوم بعد قلبي

فجر:أي زين تسوين روحيلها وفهميها اللي صار خل تحاول تاخذ كل شي بالعقل..

ميس:انا بحاول معاها وانسالله تفهمني...وانتي يلا قومي مصختيها حدج

فجر:كاااني قاايمه طلعي ببدل

ميس:اووكي قوومي


ميس طلعت من فجر وكانت تبي تروح تبدل بس لمن شافت غرفة سعود وقفت وحست انها لازم تروح تكلمه مهمها يكون اهو ماله ذنب باللي صار...

ميس طقت الباب محد رد عليها...بطلت الباب شوي شوي ولاتلقى سعود قاعد على الكرسي وساند ايدينه الثنتين بويهه...

ميس:سعود..ممكن اكلمك شوي

سعود:تعالي

ميس:شلونك اليوم

سعود:وتسألين شلوني؟؟؟

ميس:مو هذا اللي كنت تبيه؟؟

سعود:بس موبهالطريقه

ميس:كلمت دلال؟؟

سعود:لا وامس مارديت عليها ماقدرت اكلمها اصلا ماادري شلون افاتحها بالموضوع

ميس:تبيني اكلمها؟؟

سعود:لاشنو تقوليلها؟؟لازم انا اكلمها بس انشالله سجى ماتستعيل وتقولها كل شي

ميس:لا لاتحاتي الحين بروح عند سجى وبفهمها كل شي بس انت هد نفسك

سعود:امانه ميس لاتخلينها تزعل ولاتشيل بقلبها علي وفهميها ان مالي ذنب ولا كنت ادري انها رفيجتها

ميس:خلاص سعود لاتحاتي قلتلك راح افهمها كل شي سجى خلها علي وانت خل همك بدلال وحاول انك ماتصدمها اخذها بالهداوه..

سعود:انشالله بحاول...مشكوره ميس والله بدونج مادري شكنت بسوي...

ميس:شدعوا سعود احنا اخوان واذا انا ماوقف معاك منو يوقف معاك..؟؟يلا انا بروح تبي شي

سعود:لاسلامتج وتكفين ميس خليها ترضى تكلمني ابيها تسمعني وتعرف شنو اللي بقلبي والله موهاين علي اكون السبب بجرحها..

ميس:اقولك لاتحاتي خلاص انا بروح الحين انت نام وريح اذا قعدت تفاهم مع دلال

سعود:خلاص الله وياج...

ميس:يلا انا الظهر راجعه قول حق امي...

سعود:روحي لاتحاتين




((بيت بوبدر))

ام بدر تطق الباب على سجى شافتها ماترد بطلت الباب عليها...

ام بدر:ســجــى..شنو للحينج نايمه..؟؟

سجى:....مابي اقعد لحد يقعدني خلووني بروحييي مابي اشوف احد

ام بدر:ويييه اسملله عليج شفييج؟؟

راحت عندها جاست حرارتها..

ام بدر اخترعت:حرارتج مرتفعه قومي بدلي بسررعه خل اوديج الطبيب

سجى دايخه وقاعده تتكلم جنها قاعده تبجي:خلوني برووحي مابي احد وخرو عني..

ام بدر:سجى حبيبتي فيج شي؟؟شقاعده تحسين فيه؟؟

سجى:ابي ميس..ناديها خل تيي

ام بدر جاست راسها:يمه بنتي...قوومي معاي شوي شوي خل اساعدج تبدلين ونوديج الطبيب

سجى قامت تصرخ:قلتلج خلووني برووووووحي مااابي اروح مكان

ام بدر خافت عليها وراحت ركض تدور بوبدر تذكرت بعدين ان توى رايح الدوام...شافت بدر توا بيطلع ولاتروحله

بدر:شفيج مخترعه جذي

ام بدر:تعال الحق على اختك مادري شفيها

بدر:ســجــى؟؟؟شــفــيــهــا؟؟؟

ركض وراها وراحو غرفة سجى


سجى كانت توها ستوعبه ان اللي صارلها صج وقامت تبجي زياده وتحذف باللي جدامها..

ام بدر وبدر دشو خافو من اللي قاعده تسويه...

بدر:ســجـــى شفيج...((راح عندها مسكها واهي تدزه حيل وتطقه))

سجى وشكلها تعبت من البجي بس ماتقدر توقفه:وخر عني وخرووو عنييي ماااااابي احد خلااااص

بدر خاف عليها:سجى حبيبتي شفيج؟؟منو مضايقج قوليلي شصاير؟؟

سجى:ليش بدر ليش يصير فيني جذي انا شنو سويت؟؟الله يخليك نادلي ميس ابيهااا

بدر كسرت خااطره..لمها ويمسح على شعرها:حبيبتي لاتخافين الحين بناديلج ميس..بس انتي اهدي وقويلي شفيج منو سوى فيج جذي

سجى ساكته ماتقدر تقوله شي بس قعدت تبجي:..بدر روح ييبلي ميس رووح ناادهاااا تكفه روووح ناادهاا



ميس كانت توها يايه من بيتهم وعلى طول دشت غرفة سجى لقتها قاعده تبجي وامها واخوها ملتمين عليها خافت عليها زياده وقامت تبجي على شكلها لان عمرها ماكانت شايفه سجى بهالحاله وهالشي اللي كانت خايفه منه صار...

سجى شافت ميس على طول ركضت عليها ولمتها:مـــيـــس..تكفين لاتخليني بروحي لاتروحين خلج وياي ماعندي غيرج لاتخلينيييي

ميس لمتها وقاعده تحاول انها تكون هاديه:خلاص سجى حبيبتي انتي لاتسوين بعمرج جذي انا كاني ييتلج ومراح اخليج بروحج كلش..بس عشاني اذا صج تحبيني اهدي شوي

سجى كانت قاعده تحاول تهدي وميس تأشر حق بدر وام بدر انهم يخلونهم بروحهم شوي..

خلوهم وطلعو برا الغرفة...

ام بدر قاعده تبجي على حال بنتها...

بدر:انتي شفيج قلبتيها مناحه؟؟؟خلاص مافيها الا العافيه يمكن صايرلها شي مضايقها وكانت خاشته بقلبها لمن انفجرت اليوم..

ام بدر:شلوون ماابجي وانا اشوف بنتي يصير فيها جذي جدامي..شلوون ماادري عن للي فيها

بدر:وليييي..خلاص عاد اذا طلعت ميس من عندها سأليها واهي تقولج كل شي..اهدي الحين

ام بدر:انا بنطرها تحت وانشالله يارب مايكون فيها الا كل الخير

بدر:انشالله بس امشي وياي الحين تحت



((غرفة سجى))

ميس:سجوي حبيبتي ممكن الحين تبطلين بجي وتكلميني؟؟

سجى:ليش ماقلتيلي؟؟مو انتي تقولين ان احنا اكثر من خوات ومانخش على بعض شي؟؟ليش ماقلتيلي من قبل

ميس:سجى انتي اهدي وسمعيني وبعدين بتعرفين كل شي

سجى:...

ميس:شوفي..لمن قلتيلي انج تحبين سعود والله واغلى شي عندي ان ماكنت ادري بهالسالفه كلش..بعدين لمن كنت نايمه عندي انصدمت بسعود يقولي ان يحب..اول شي ماكنت ادري انها دلال صدقيني بعدين عرفت وكنت بقولج بس مالقيت الوقت المناسب لازم تعذريني حطي نفسج مكاني..؟؟

سجى:زين شمعنى دلال..؟؟لييش

ميس:والله انه ماكان يدري انها رفيجتج ولا اهي تدري والله سجى قاعده احلفلج ان ولا واحد فيهم يدري وحتى سعود للحين ماقالها..يوم سمعتينا كنا قاعدين نفكر شلون نوصلج خبر بس انتي سبقتينا

سجى:دلال درت؟؟

ميس:لاللحين ماقالها الصراحه سعود كان يحاتيج انتي قبل دلال والله والله شاهد على كلامي..حتى قبل مااييلج كان قاعد يوصيني اني افهمج السالفه واقنعج انج تكلمينه..

سجى:اكلمه؟؟ليش وبشنو يكلمني..كافي جذي مابي اشوفه مره ثانيه

ميس:سجى دايمه فكري بعقلج مو بقلبج لان قلبج راح يضيعج..

سجى:ميس والله موقادره استوعب الي صار تكفين الحين سكري الموضوع مابي اتكلم عنه انا بس ابيج تكونين يمي..

ميس:وانا ليش يايه؟؟عشان اقعد معاج ولاتخافين ماني نخليتج بروحج حتى لو بروح البيت اخذج وياي

سجى:لاااااا مابي ايي بيتكم مااااااااااابي

ميس:خلاص خلاص مراح تيين بس هدي شوي...

سجى سندت راسها على حضن ميس واهي تحاول تسكت وكان شكلها تعبانه

ميس جاست حرارتها...:امبييي..سجى حرارتج مرتفعه قومي نروح الطبيب

سجى:ماني رايحه تكفين ميس خليني مرتاحه جذي

ميس:مااكو انتي شقاعده تقولين؟؟شوفي ويهج شلون تعبان بعد يلا اذا كنتي صج تحبيني قومي معاي..

سجى تبجي:مابي اروح مكان خليني جذي

ميس قومتها غصبن عليها وساعدتها تلبس وبعدين نزلتها تحت عشان يودونها الطبيب..

ام بدر شافتهم قامت من مكانها:يمه ميس شفيها سجى؟؟

ميس:خالتي حرارتها مرتفعه خل نوديها الطبيب..بدر تعال ساعدني

بدر راحلها وشالها وداها السياره وراحو الطبيب...





((بيت دلال))

دلال كانت تكلم سعود بالتلفون..

دلال:سعود شفيك من امس ادق ماترد واليوم مالك خلق تكلمني شفيك قولي انت صاير معاك شي؟؟

سعود:ياابنت الحلال اذا شفتج اقولج خلاص عاد

دلال:الحيين تقوولي

سعود:ستغفرالله...تدرين شلون

دلال:شلون؟؟

سعود:قومي بدلي ونطريني عند جمعيتكم امرج

دلال:اوكي 5 دقايق واكون جاهزه.......

سعود:اوكي باي

دلال:باي..




((بيت ام سعود))

يوسف كان توه قاعد من النوم...ماشاف احد في البيت ولا يرد ينام....

سعود راحله وبطل عليه الباب:قوووم وين سويج سيارتي بسرعه مستعيل

يوسف نايم:ممممم

سعود شال منه الكفر:قووووووم خلصنييييي

يوسف:اوووووه شتبي انت من الصبح حنه؟؟شكو بسويجك انا

سعود:موفاضيلك ترى انت امس ماخذ سيارتي الفير وين حاط السويج

يوسف:اييي كاهو

سعود:وييينه؟؟

يوسف:بمخباتي

سعود حذف عليه علبة الكلينكس...:تستعبط انت ولاشسالفتك؟؟

يوسف صرخ:يبه والله بمخباتي شنو فاضيلك عشان اتغشمر معاك الحيييين

سعود:وشيسوي بمخباتك

يوسف:امس نمت ونسيته بمخباتي هاك فكني ويلا اطلع برا

سعود:عطني وخماده انشالله

ام سعود دشت عليهم:انتو شفيكم صراخ على هالصبح؟؟

سعود:يمه انا مستيعل اذا رديت يصير خير

ام سعود:ووين رايح؟؟

سعود:عندي شغل ماني متأخر

يوسف:أي رووح حق شغلك فكنا من شرك بس

ام سعود:الا تعال وين ميس ماشفتها وين راحت؟؟

سعود:اييي ذكرتيني قلتلها تروح عند سجى من ساعه ونص قالتلي اعطيج خبر

ام سعود:أي زين تسوي..يلا روح لاتتأخر..وانت بسك نوم

يوسف:زين ماحلتلكم السوالف الا فوق راسي روحو سولفو برا على كيفكم...

ام سعود:مادري متى بتعقل انت..نام بشوف متى بتقعد

يوسف:زين مشكوره يلا تصبحين على خير

ام سعود:ماتيوز..نام شسوي فيك بعد





((في المستشفى))


بدر ماسك سجى لانها تعبانه وشكلها ماكانت متوازنه وام بدر وميس يمشون يمهم..

دخلوها عند الدكتور...

الدكتور واهو يلبس السماعات:عسى ماشر انشالله

ام بدر:مادري شفيها دكتور اليوم الصبح قعدتها لقيتها قاعده تبجي وتصرخ وبعدين قامت تحذف بالاغراض جنها مينونه اسملله عليها..

الدكتور يكلم سجى:تقدرين تقوليلي شتحسين فيه الحين؟؟..

سجى:موقادره تتكلم

الدكتور:حضرتج امها؟؟

ام بدر:أي دكتور انا امها..خير انشالله شنو تتوقع فيها

الدكتور:لا انشالله مافيها الا العافيه

ام بدر:يارب

الدكتور واهو يفحصها:لا انشالله ماكو شي لاتحاتين... بس حرارتها مرتفعه شوي وتحتاج انها ترتاح عندنا اليوم

بدر سمع كلام الدكتور خاف:ليش تخلونها عندكم مو مافيها شي؟؟

ام بدر:ليش بنتي شفيها؟

الدكتور:لاتفهمون كلامي غلط انا قصدي نعطيها دريب جم ساعه عشان تخف حرارتها وترتاح بعدها تقدرون تاخذونها معاكم مافي أي مشكله..واذا ماتبون هم على راحتكم تقدرون من الحين تاخذونها بس تديرون بالكم عليها

بدر:لا انا اقول خلها هني تاذخ الدريب احسن لها

الدكتور:وانا الحين راح اعطيها ابره بعد عشان تطمنون زياده

ام بدر:مشكور دكتور ماتقصر

الدكتور:بالعكس هذا واجبنا

ميس كانت كول الوقت قاعده يم سجى وماسكه ايدها..

الدكتور:المهم انتو بس عليكم انكم ديرو بالكم عليها وماتزعلونها وانشالله ماكو شي يخوف

بدر:يعطيك العافيه وماقصرت

الدكتور:وهذي ادويه كتبتها خل تاخذهم

ام بدر:مشكور ويعطيك الف عافيه

الدكتور:الله يعافيك حياكم الله




((سعود ودلال))


سعود دق على دلال:الوو وينج؟؟

دلال:انا بالمسافط ناطرتك داخل انت وينك

سعود:توني داش وينج ماشوفج؟؟

دلال:كااني شفتك

سعود:اوكي يلا باي

وقف عندها وركبت معاه السياره...

دلال:قوه

سعود:هلا والله

دلال:وين موديني؟؟

سعود:انا بروح صوب الحديقه اسفط واكلمج بالسياره احسن عشان اخذ راحتي بالكلام

دلال:اوكي اللي تشوفه...

راح سعود صوب الحديقه وسفط سيارته...

دلال:سعود تكلم..شفيك سكت مره وحده..

سعود:دلال...

دلال:عيونها..تكلم شفيك خرعتني

سعود:دلال انتي تحبيني؟؟

دلال:أي والله احبك واموت فيك بعد بس قول شفيك وقفت قلبي

سعود:دلال تكفين سمعيني ولاتقاطعيني لمن اخلص كلامي

دلال:قووول شصااير خرعتني

سعود:سجى ترفيجتج عدل؟؟

دلال:أي عدل..ليش

سعود:قالتلج عن سعود؟؟

دلال عيونها غورقت اللي كانت حاسه فيه طلع صج:........



سوري بنات كنت بخليه اطول بس البرنامج علق وعدت اخر جزه غصبن علي..انشالله اليوم احاول اخلصه بليل وانزله باجر على طول فدييتكم سووري اقيين

​

 

[فروتي توتي]

هااااااااااااااااااااااااااااا بلشنا ولا لا