((انـــا مـعـكـ بس,, قـلـبـي مـع غــيركـ)) >> قصه كويتيه حقيقيه <<

[ღ TőOőma ღ]

روعة روعة اختي كمليها القصـــة مو صج عجييييبه وبصراحه ميس تستاهل لأن اشوف بعض ردود البنات يقولون حرام لا مو حرام لأن حرام وتنزل راسهم بالقاع منو يرضاها ؟

فديييتج مرورج الاروع تسلميين حووبي

وصج اهو حرام وموحرام بعدين تعرفون ليش :ggdw:

 

[ღ TőOőma ღ]

انا معاج جزاها و اقل من جزاها بعد
لو انا من امها اقول حق ابوها و اخوانها اخليها ما تقدر ترفع عينيها بعيونهم
العمر كله عفيه بنيه اربع مرات و لا تابت !!!

عجبني وصف شخصيه مشعل لأنه يعكس فئه كبيره من الشباب الي يكلمون
هذا اسلوبهم و هذي اخلاقهم و لا بعد في منهم من يمد ايده عالبنيه
و اخير شي تقولج يحبني
العن ابو الحب شو بيذل​

عدل كلامج عااشت عااشت:ggdw:

وعلى فكره اسمه مشاري مو مشعل

فدييتج حووبي عالرد الحلوو

 

[ღ TőOőma ღ]

واعليه عليج ياميس
كسرت خاطري هالبنيه

وسجى مسكينه عايشه الدور غلط

اسلوبج اينن والله
يلا كملي بسرعه

اي والله مسكينه

فدييتج انتي تيننين

وبكملها لايوقف لايوقف:ggdw:

 

[ღ TőOőma ღ]

مشكوره حبوبه
بانتظار التكلمه (ابي اعرف دلووول شصير فيهاا )
فديتج toooma

العفوو حووبي كل يوم تعالي خخ

وانشالله بتعرفين سوون _03BA:

وانا اللي فديييتج بعد عمرييي

 

[ღ TőOőma ღ]

واااي نونا عيل انا كلش مو متعاطفه مع ميس ليلحين بس يمكن اتعاطف معاها بعدين
لما اعرف شسالفتها مع حمود

و سجى صج مسكينه كسرت خاطري
حسيتها خووووش بنوته لووول

لووووووووووول لا انشالله تتعاطفون معاها بعدين وسوون بتعرفون سالفتها ويااه

وسجى مسكييينه صج عادج ماغلطتي خخ

 

[دبة زمانها]

يلا عفيه كملييها...ومادري تومه انتي مع الحب ولا لا...مره اتقوول اي ومره لا لوووووووووول...والله انج قصه...ههه لا لا اتغشمر...
يلا حيااتي كملي معاااج كملي..يلا لايوقف لايوقف لايوقف لايوقف لايوقف لايوقف لايوقف...

 

[ღ TőOőma ღ]

تووووما حيااااتي يالله ناااطرين البارت الياي
على احر من الجمر

لااا يوقف

انتي حياااتي فدييتج اليوم انزلكم باارت

 

[ღ TőOőma ღ]

Waitng TooOoma

فدييتج حووبي :ggdw:

 

[ღ TőOőma ღ]

waay el89aa mo 9j bbchiii

oo sja oo dlal 7althm 7ala

oo 3la om mys tra 9dgonii 6yba y3ni ma galt 7g e5wanha oo ga3 t'36e 3leha oo b3d mshare 5l eyeh oo y56bha oo 5laa9


bs yalla bnshoooof kmlii 7ubi el89a mo 9j tynn na6rech 3la a7r mn elymr

فدييتج انتي المووصج

وبتعرفون كل شي بعدين خخ

وانشالله بكملها يسلمووو عالرد الحلوو حوبي

 

[ღ TőOőma ღ]

كمليها حياتي حدها مشوقه الروايه

يسلموو حووبي وانشالله بكملها تسلميين من ذووقج:ggdw:

 

[ღ TőOőma ღ]

xoxo:*

انا وياج ان ميس غلطانه
بس حالتها تكسر الخاطر والله

اي والله دل كلامج عااشت لوول

 

[jojowa]

تسلمين حبيبتي على هالقصة الأكثر من روعه ماشاءالله على اسلوبج صج يشوق عيشتينا صج معاهم و من خلال سردج للأحداث تخلين الواحد غصبا عليه يندمج و ينطر التكملة ناطرين البارت اليديد على أحر من الجمر

 

[ღ TőOőma ღ]

بلييييييييييييييييييييييييز كملي

انشاااااااااالله لووول

 

[ღ TőOőma ღ]

تسلمين حبيبتي على هالقصة الأكثر من روعه ماشاءالله على اسلوبج صج يشوق عيشتينا صج معاهم و من خلال سردج للأحداث تخلين الواحد غصبا عليه يندمج و ينطر التكملة ناطرين البارت اليديد على أحر من الجمر

حيااتي انتي فدييتج احرجتيني و مرورج اسعدني هذا من ذووقج حبيبتي

ونستيني:ggdw:

الحين بنزلكم باارت نورتي حووبي

 

[ماسيتي]

توما ياتوما يا توما يا تومااا توماااايا تووومااااا ابي بارت بارت انا حامل وتعبانه وجابله لاااااب عشانج

 

[ღ TőOőma ღ]

توما ياتوما يا توما يا تومااا توماااايا تووومااااا ابي بارت بارت انا حامل وتعبانه وجابله لاااااب عشانج

فدييتج حبيبتي سلامتج وانشالله تولدين بالسلامه وكا الحين بنزلكم باارت

 

[ღ TőOőma ღ]

الجزء السابع


مشاري توقع انها موميس لان مونفس الصوت بس يمكن احد من طرفها؟!!

مشاري:مـنـو انـتـي؟؟ّ

..:انا فجر اخت ميس

مشاري ستااانس:اخت ميس؟؟ميس شلونها؟؟وينها الحين؟شصاار شسوو فيها؟؟ماقالتلج شي؟؟تكفين بكلمها شـ..

فجر:شوي شوي انا موداقه عليك الا عشانها..لانها حالتها حاله وتكسر الخاطر صج..بس مشاري حط فبالك انك ماتستاهل اختي!!

مشاري عيونه غورقت:ادري..والله ادري..والله احبها ومابي غيرها تكفين ساعديني شسوي؟!!

فجر:بكون صريحه وياك..انا كلمت ميس وقتلها توخر عنك وتنساك ومن هالكلام بس الصراحه حالتها كسرت خاطري حيل وانا ماحب اشوف اختي بهالحاله..انا عندي حل بس...

مشاري بسرعه:تكفين قولي لو شنو يكون انا راضي والله

فجر:اخليك تكلمها من فووني باليوم مره او يوم وترك بس تطمن عليها وتسمع صوتها..غير جذي لاء

مشاري ستانس:اهم شي اني اسمع صوتها تكفين بكلمها...

فجر:خلاص بعدين يصير خير هذا رقمي بس بليز لاادق علي انا ادق!!

مشاري:أي اووكي لاتحاتين وناطرج....

فجر:اوكي باي

مشاري:باي ومشكوووره واايد ريحتيني الله يريحج




سجى راحت بيت من سعود جيرانهم عشان تطمن على ميس...

دشت داخل...ولا تشوف فجر بالصاله قاعده تطالع تلفزيون

سجى:فــجـــر!!

فجر:سـجـى!!؟

(وراحت عندها لمتها وقعدت تبجي)

فجر:انتي ويينج؟؟ماتدرين شصار بميس!!والله اهي محتاجتج الحين تكفين لاتخلينها

سجى اخترعت:مـيـس؟؟؟ليش شفيها....؟؟تحجي قوليلي؟!شصااير..فجر لايكون امج....!!

فجر تبجي:أي....امس سمعتها تتكلم بالتلفون مع مشاري..طقتها وبغت توديها بيت خالتي..مادري امي شناويه عليه تكفين سجى لاتخلينها...

سجى خلتها وراحت ركض غرفة ميس...

بطلت الباب عليها...

سجى:مـــيـــس؟!!

ميس فز قلبها تذكرت حالتها وقعدت تبجي:ســجــى...ليش خليتيني بروحي انا محتاجتج لاتخليني

راحت عندها ولموو بعض حييل وميس تبجي بحضن سجى

سجى تبجي وياها:حبيبتي خلاص لاتسوين بنفسج جذي..تذكرين اخر مره ييت عندج شقلتلج؟؟؟انتي كنتي تدرين ان بيصير هالشي...خلاص ميوس حبيبتي لاتبجين..

ميس:سجى شسوي..!!تكفين لاتخليني

سجى:حبيبتي انتي مراح اخليج كاني يمج مابي اهدج..

ميس تبجي وقالتها بصوت يعور القلب:ابـي مـشـاري..

سجى:حاسه فيج والله...لاتبجين خلاص

ميس:سجى تكفين ابي اكلمه بس ابي اسمع صوته..كافي علي صدمات اول شي محمد والحين مشاري خلاص مااتحمل والله

سجى حست فيها وصج الواحد مايقدر يتخلى عن الشي اللي يحبه بسهوله

سجى:خلاص بخليج تكلمينه

ميس:صج؟؟!!
فجر دشت عليهم....

فجر:ميس انا كلمت مشاري....

ميس:صج؟؟!!متى وشلون وشقلتيله وشقالج تكفين خلوني اكلمه

سجى:متى دقيتي عليه وشكو ادقين؟؟

فجر:صراحه ماقدرت اشوفها جذي واسكت انا قتله بخليك تكلمها من تلفوني كل يوم تطمن عليها بس اكثر من جذي لاء...

سجى:لاا فجر لاتخلينه يدق من تلفونج موناقصه امج تشوف رقمه عندج بعد..خلاص انا اخليها تكلمه من تلفوني كل ماييت عندكم

فجر:اللي تشوفونه

ميس استانست:زين متى اكلمه؟؟

سجى:مااراح اخليج تكلمينه لمن تقومين تتأسفين من امج للمره الملوون بس هالمره بضمير..وخلج قد كلامج مو خرطي نفس كل مره...خليها ترتاح وتثق فيج شوي

ميس:ماكو فايده..تدرين مواول مره هذي...

سجى:ماعليج نفكر بحل




دلال...

كانت تبي تروح الجمعيه

ركبت السياره توها بتحرك ولاتشوف اوستن مارتن واقفه بعيد شوي

دلال:غريبه من متى عندنا سياايير جذي بفريجنا..؟؟!!يمكن حق بيت ام ناصر

حركت دلال ولا تلاحظ السياره حركت معاها وقامت تمشي بعييد عنها شوي

دلال حست:امبي منو هذا وشيبي لاحقني؟؟!!لايمكن موحقي انا شكو فيه؟

دشت مواقف جمعيه مشرف ولايدش وراها؟؟!!!

دلال:لاااجذي وبس!!منو هذا؟؟آآف ستغفرالله اكيد واحد من هالهلاقه اللي مادري من وين يطلعون

سفطت سيارتها ونزلت...قامت تمشي صوب ممر المواقف الي يودي لي داخل الجمعيه

حسن في واحد يلحقها ويمشي بسرعه صوبها

..:دلال..

دلال انصدمت:يعرف اسمي..يمكن احد اعرفه...؟؟لالاماعتقد..

....:ممكن اكلمج

دلال:..هالصوت مو غريب علي؟؟

لفت ولا....


دلال:انـــــــــت ؟؟؟؟؟!!

سعود:أي انا..تكفين لاتروحين سمعيني شوي

دلال:اول شي شلون عرفت اسمي؟؟وشلون دليت بيتنا؟؟؟!!

سعود:وعرفت كل شي عنج بعد

دلال خافت:انت شتبي مني؟؟وشلون عرفت انا منو وشلون دليت بيتنا بعرف؟؟

سعود:لحقتج ذاك اليوم....واذا عن اسمج طلعت بياناتج من رقم سيارتج...دلال...انا شاريج والله مو من هالنوعيه اللي فبالج....

دلال ماتدري ليش هالمره ماودها تروح غصبن عليها وقفت تسمعه:آخرت هالكلام شنو؟؟!!

سعود:ابيج!!

دلال:...............




بيت ام سعود..


ام سعود دشت على ميس الغرفه...

ام سعود:سجى هني؟؟؟

سجى:أي خالتي شلونج؟

ام سعود:بخير انتي شلونج شلون امج؟؟

سجى:بخير الحمدلله يسلمون عليج..

ام سعود:الله يسلمهم....(ام سعود تدري عن سجى وعن اخلاقها فماتوقعتها تدري عن سوالف ميس)

ام سعود فكرت انها جذي بتطيحها من عين سجى:دريتي رفيجتج شمسويا؟؟

سجى:أي خالتي دريت..!!

ام سعود:قلتيلها سواد ويهج..

سجى:خالتي تكفين ميس حست بغلطها وتبي تعتذر ونـ..

ام سعود:لي متى؟؟جم مره كلمتها وهم ماكو فايده؟؟!!خل تحمد ربها..كنت بسويلها سالفه واقول حق اخوانها وابوها..وكنت بطرشها بيت خالتج لانها موكفو تقعد عندنا بعد سواد ويهها..

سجى:خالتي الله يهداج ذكري الله...انتي مهما يكون امها


((ميس طول الوقت عينها بالارض تبجي))


ام سعود:ونعم بالله...بس انا دعيت وهم ادعي يااااااالله انك تعطيها بنت نفسها تسوي فيها مثل ماسويت فيني يااارب...

سجى:خالتي؟!!حرام عليج لاتدعين على بنتج مهما يكون ماترضينها عليها...

ام سعود:خل تاكل تبن...مو بنتي ولااعرفها الله ياخذها وافتك منها شنو شفت منها غير المشاكل وعوار القلب...وانتي المفروض عقب الي سمعتيه منها اتفلين بويهها لانها ماتشرف احد يرافجها((وطلعت برا الغرفه معصبه))


ميس:شفتي؟؟!!ماكو فايده

سجى:انتي مالج شغل بعدين يصير خير فتره وتعدي...


يوسف شاف امه طالعه معصبه من غرفه ميس

يوسف:شفيها الحلوه معصبه؟؟

ام سعود:انت فكني مالي خلق ويهك...

يوسف:افا....طاف...المهم ميس وينها؟؟

ام سعود:بغرفتها مع سجى

يوسف شق الحلج:سجى؟؟!!

راح صوب باب غرفتها

يوسف:ياربي ادش ولاامادش؟؟؟ادش ولا لأ؟؟؟!!

(طق الباب)

ميس مسجت ويهها بسرعه:منو؟؟

دش يوسف مانتبه بويه ميس وتنح بسجى..

يوسف:شلونج سحليه

سجى(وييع مو وقته هاللسخيف):ههه الحمدلله وانت شلونك؟؟

يوسف:اقول شفيه بيتنا منور...

سجى:النور نورك تسلم

يوسف حب يسولف بس حس ان قطع عليهم سالفه:.أأ...خلاص انان اخليكم بروح اقعد تحت

سجى(وانا شكو):اوكي الله وياك

يوسف(شفيها ماتعطي ويه؟):خلاص ماشي

طلع يوسف

ميس:وييع صج يطلعلي بأوقات مادري شلون!

سجى:ههههه اخوج هذا موصاحي والله

ميس:خلي يولي...سجوي نامي عندي اليوم تكفين؟!!

سجى:هذا اللي بسويه قايلتلج ماهدج لاتخافين

ميس ستانست:صج؟بعد عمري والله بدونج مادري شسوي

سجى:ههه افا عليج جم ميوس عندي!!(دام سعود هني حتى لو انام سنه ماتفرق معاي)


بيت فرح...

فرح:الووو؟!!

بدر:قووه

فرح:يقويييك هههههه

بدر:عفوا اختي قايل نكته؟؟

فرح تحبطت:هاا..لا بس..

بدر:خخخخخخ يحليلج مولايقه عليج الذرابه

فرح(أي اشوا خرعني)..:شتبي داق

بدر:افاا..خلاص يلا باي

فرح:لا لا تعال

بدر:هههههه ماتقدرين المشكله

فرح انحرجت:وليش مااقدر؟؟وايد مصدق عمرك

بدر:لااتغشمر شدعوا؟؟!....
فرح:.......

بدر:مطوله يعني

فرح:شقول؟؟انت اللي داق..

بدر:الصراحه...مادري ليش حبيتج...ترا انا عادي اقطها بالويه مااستحي

فرح طاااارت من الوناااسه ودها تطلعه من التلفون:.....ههه ههه

بدر:شفيج سطلتي..اتكلم جد انا

فرح اول مره تسمعه يتكلم جذي طريقته كانت جديه:أأ...مادري شقولك الصراحه

بدر:شوفي بكون صريح وياج..

فرح:أي ياريت

بدر:شوفي...انا مو نوعي اني اكلم ولاراعي بنات يعني والله وغلات اعز واحد عندي انج اول بنت انجذبلها جذي وحسيت اني بديت احبها...يعني باختصار..ماكنت اعترف بهالسوالف كلش

فرح:مادري بدر..صدمتني....

بدر:شوفي ماني مطولها ويااج...انا ابيج!!

فرح انحرررجت:.....بدر..انا...

بدر:مابيج تعطيني خبر الحين....فكري ودقي علي ماشي؟؟

فرح:اوكي..باي(سكرته بسرعه)

بدر:هههههه ودي مره وحده ادق وتصكره نفس الاوادم...ههههه والله موصاحيه







جمعيه مشرف......

دلال:......((مشت عنه))

سعود(مسكها)..:لحظه...ماخلصت

دلال عصبت:وخر عني...استح على ويهك شهالحركات

سعود:عيل وقفي وسمعيني

دلال:تفضل اسمعك

سعود:ابيج شلون

دلال:.................

سعود حس انها انحرجت:خلاص لاتعطيني رد الحين...ممكن تاخذين رقمي؟؟بدال كل هالوويه كل يوم اوقف جدام بيتكم انطرج؟!

دلال:هذا اللي ناقص بعد اخـ..

سعود:يا تاخذينه او كل يوم تلاقيني واقف جدام بيتكم الحقج..

دلال:خلاص خلاص...جم رقمك

سعود:استانس....(عطاها رقمه)

دلال:ممكن تخليني الحين؟؟

سعود ارتاح:اوكي...بس تكفين فكري وقوليلي لاتخليني انطر وايد

دلال خلته ومشت.........((انا شلون سويت جذي يااربي انا شنو قاعد يصير فيني؟؟؟؟))



بيت بوبدر((جيران بو سعود))

ام بدر تكلم سجى بالتلفون:وليش بتنامين عندهم

سجى:ماما والله ميس محتاجتني هالفتره..

ام بدر:ليش شفيها؟؟

سجى:مافيها شي بس تكفين خليني انام كاهو بيتنا جدام بيتهم مابعدت انا

ام بدر:خلاص بس موتمصخينها عندهم

سجى:مشكوره ماما وانشالله مااطول

ام بدر:اووكي سلمي على ام سعود

سجى:يووصل باي

ام بدر:باي

بدر كان نازل من الدري يغني مستانس((كان لابس شورت بحر ويا فنيله حفر بيضه))

ام بدر:خير يمه ينيت؟؟شنو شايف في حمام سباحه تحت ولاشنو

بدر:هههه تنكتين يحليلج..مزاجي يقول البس جذي شسوي

ام بدر:شنو يحليلج استح انا امك....وجان زين مزاجك يقولك تسأل عن امك وتقعد معاها شوي

بدر:كاني ياي اسولف معاج جم ام بدر عندنا؟؟الا صج سجوو وينها بالعاده اشوفها هني تتحلطم

ام بدر:فبيت ام سعود بتنام عندهم....

بدر:وليش تنام عندهم؟؟شنو ماعندها بيت؟؟

ام بدر:مادري شتخربط تقول ميش محتاجتها الظاهر صاير معاها شي

بدر:اهاا...زين ابوي رد ولا بعد؟

ام بدر:لا مارد ليش شتبي فيه؟؟

بدر:ولا شي بعد حرام اسأل عنه

ام بدر:اسألك سؤال ترد بعشر..شنو ماعندك شي اسمه احترام؟؟

بدر:خخخخخ فدييتج(يبوسها حيييل)

ام بدر:شوي شوي عورتني هههههه



بيت ام سعود...

فجر:يمه سجى بتنام عندنا اليوم

ام سعود:احسن بعد يمكن تعقل اختج شوي

يوسف بس سمع سجى نط بويههم:سجى بتنام بيتنا؟؟حلفي

فجر:ويع شتبي انت وانت شكوو شنو من بقيه اهلك اهي ولا شنو بالضبط

يوسف:جبي...وشفيها ميس ترا مومقتنع للحين!!

ام سعود:شي بيني وبينها مولازم تعرف وانت شكو؟؟

يوسف:جذي يعني!!اوكي

فجر خافت لايحس لان يوسف ذكي:أأ..اصلا سالفه صارت بينها وبين وحده امي ماتحبها من اللي كانت تماشيهم ميس بالنادي يعني البنيه مو شي وميس عاندت امي وقامت تماشيها

يوسف:لاوالله!!

فجر:...اي...

ام سعود ودها تكفخ فجر:انتي ذلفي درسي بدارج وانت قوم عن ويهي ترا مالي خلقك!!

يوسف:دام الحب فالبيت عندنا...ماني طااالع ولاول مره بالتاريخ بنام فبيتنا خخخ لا وبفرشلي يم باب ميس بعد ههههههههه

ام سعود:الله يكملك بعقلك..قوم سولك شي مفيد احسنلك

يوسف:مو بس بسوي شي مفيد اصلا طول مااهي عندنا بعتكف فالبيت لاني بشوف شي مفيد هعهعهعهع

ام سعود:بتقوم ولاشلوون؟؟

يوسف قرص خشمها:ههههه سنم قلبهم والله

ام سعود عصبت وصرخت عليه:وويعة يديي انشالله...شنو عبالك اصغر عيالك انا؟؟يلا قوم لاتنرفزني اللي فيني كافيني

يوسف:ههههههههههههههه احبج وانتي معصبه يالله بعدين اكمل تحرش الحين بقوم انام وراي سهر ههههههه




سعود توا داش البيت..مستااانس ومزاجه اول مره يكون جذي من اخر سالفه ويا شروق

سعود:قوه يمه شلوونج

ام سعود ترتاح لما تشوفه اهو الوحيد الي تحسه غير عنهم:هلا يمه يقوييك شفيك اليوم مستانس عساها دووم انشالله

سعود:وياج يالغاليه...وبعدين راح تعرفين كل شي لاتستعيلين هههههه

ام سعود:نشووف شعندك عيل

سعود:الا وينهم ماشوف احد

ام سعود:ماكو ميس بغرفتها وسجى عندها شكلها بتنام عندنا اليوم ويوسف راح ينام وفجر تدرس بغرفتها

سعود:سجى بتنام عندنا؟؟غريبه

ام سعود:ليش غريبه عادي ودها تنام عند اختك

سعود:اممم..اوكي عيل بقوم اتسبح وانام تبين شي؟؟

ام سعود:لا يمه سلامتك

سعود:الله يسلمج



بغرفه ميس...

ميس:سجوو بكلمه متى..؟

سجى:نطري الكل خل ينام بعدين اخليج تكلمينه لاتحنين وايد

ميس:خلاص اوكي

سجى:بروح اشرب ماي ريجي نشف وانا اكلمج هههه

ميس:ههههه اوكي روحي مو اطولين

سجى:ههههه اوكي لاتخافين ترا كاهو فبيتكم



سجى طلعت كانت لابسه بجامه عليها سنووبي لونها سماوي شكلها كان كيوووت وفاله شعرها كانت مسويته ستريت ولابسه تاج سماوي


واهي ماشيه ولا يطلع سعود بويهها كان توا صاعد

سجى ستحت وستانست وخافت حست بشعووور غرييب بس وقفت تطالعه

سعود((وليي شكلي احرجتها بس ماشالله عليها شكلها بريئ ههههه))

سجى((وااي مومصدقه..حبيبي واقف جدامي...فديته اينن اول مره اشوفه ويه بويه..صج زوغه فدييته..احبه احبه))

سجى:ســـعـــود؟!!

سعود:اووه سجى عندنا؟؟

سجى طارت من الونااسه:ايي ههههههه

سعود:شلونج شخبارج؟؟

سجى:تمام وانت؟؟

سعود:بخير الحمدلله اقول بيتنا منور هههههه

سجى((الحين تأكدت انه يحبني)):دووم انشالله...(استحت)هههههه تسلم من ذوقك

سعود:تسلمين ههههههه

سجى(ودها تبطل أي سالفه ماتبيه يروح اول مره يكونون بروحهم وفيس توفيس)):.أأأ..

سعود كان مستعيل وحس ان مضايقها:يلا انا بروح اتسبح اخذي راحتج ها محد غريب يالله مع السلامه

سجى ضاق خلها:اوكي نعيما مقدما

سعود:ينعم بحالج


سجى راحت عند ميس واهي سرحانه....

ميس:شفيج طولتي ؟؟

سجى:............

ميس:سجى....سجى!!

سجى:...هلا وياج

ميس:لاااكلش مو وياي

سجى:مبلا مبلا....توا شفت سعود اخوج كان توا ياي

ميس:اهاااا عرفت ليش

سجى:شنو عرفتي؟؟

ميس:لا ولاشي

سجى:لا قولي شنو؟

ميس:انا كنت ناطرتج انتي تقوليلي..بس الظاهر مراح تتكلمين وللحينج تخشين عني...

سجى:شقصدج؟؟....

ميس:سجى انا اعرفج اكثر من نفسي!!وترا من زمان ملاحظه بس ناطرتج تتكلمين..

سجى:.....يعني؟

ميس:سجى انتي تحبين سعود

سجى انصدمت:..هــااااا؟؟!!



بييت دلال...

كانت اختها عندها تسولف معاها واهي ولا على بالها سرحااانه بالها عند سعود..

شجن:بس بعدين خذيتها لان ماكان في غيرها...يعني يبيلي اضعف شوي عشان تصير قدي تحسفت اخليها

دلال:......

شجن:دلال؟؟؟شفيج قاعده اكلمج صارلي سنه وانتي كلش مووياي؟؟

دلال:لا ولاشي بس دايخه

شجن:أي قولي جذي من الاول..يلا اخليج انا عيل انتي وراج جامعه وانا وراي مدرسه ههههه

دلال:اوكي حبيبتي نوم العوافي وتصبحين على خير

شجن:وانتي من اهله والله يعافيج

دلال قعدت تفكر بلي صارلها اليوم((ياربي شنو اللي قاعد يصير؟؟احس اني قاعده احلم!!زين شمعنى انا؟؟وشمعنى اهو؟؟ليش كل هذا قاعد يصيرلي؟؟ياربي ليش كل هذا والله اني موفاهمه شي))

تذكرت الرقم..

دلال:ادق ولااماادق لالا انا شقاعده اقوول انا مومالت هالسوالف ماايي هذا يخربني على اخر عمري...خل انام احسنلي...




بيت ام سعود

سعود قعد يفكر((اول مره بنت تسوي فيني جذي...صج ان شروق اول حب..بس مااحسيت بهالشعور معاها..احس ان دلال مرسومتلي...والله صرت جني مو انا..عفست حالي فوق تحت..انشالله تدق))وقعد يفكر لمن نااااام........


سجى وميس....

ميس:سجوو انا وياج نعرف بعض اكثر من نفسنا وانا ماتعودت اخش عليج شي...ليش ماتقوليلي؟؟

سجى:أي احبه...بس والله كنت متردده وخايفه

ميس:بالعكس الحب موعيب

سجى:انا وياج بس....خلينه من سالفة سعود الحين بعدين نتكلم فيها الحين خلينا بسالفتج ويا ميشاري

ميس:اييييييييييي صح..تكفين دقي عليه بكلمه

سجى:ميس تكفين موتطولين امانه

ميس:وعد مراح اطول والله

سجى دقت على مشاري ورد عليها بسرعه جنا كان حاس...

مشاري بلهفه:الووو؟؟!!

ميس تبجي:الووو مشااااااري

مشاري يبجي وياها:ميس حبيبتي

ميس:ليش يصيرلنا جذي؟؟والله احبك ماقدر اعيش بدوونك مشاري لاتخليني

مشاري:وانا امووت فيج والله ان من وقتها وانا كله افكر فيج وانتي ماغبتي عن بالي ثانيه وحده والله احبج وابيج انتي اللي لاتخليني....ميس تكفين لاتخليني والله مابي غيرج انتي ماكو منج((وقعد يبجي))

ميس زادت بجي بعد لانها مومتعوده تسمعه يبجي جدامها:ميشو حبيبي لاتبجي...انا ابيك انت بس ووعد اني مااراح انساك كلش...مابي اتعبك معاي انت الف من تتمناك تـ...

مشاري:لاتقولين جذي انا وياج حق بعض ومحد يقدر يفرقنا الا الموت..انا الغلطان موانتي..كلا منييي انا كلا منيييييييييي ((وقعد يبجي))

ميس:عشااني لاتبجي اذا صج تحبني لاتبجي تكفا مشاري والله هم انا مابي غيرك بس كل شي نصيب وانشالله انت تكون نصيبي

مشاري:انشالله..ميس بكلمج شلون؟؟وين تلفوونج؟؟ليش ماايبلج واحد؟

ميس:لامشاري كافي جذي...وتلفوني عند امي...انا كل يوم احاول اكلمك من فون سجى اتطمن عليك اوكي...الحين لازم اسكره وعدتها اني مااطول...احبك دير بالك على نفسك وتذكر انك انت كل شي بحياتي

مشاري:انتي اغلى شي عندي حياتي بدونج ماتسوى صج الحين حسيت بقيمتج..ميس اسف على كل شي سامحيني والله عشانج اسوي أي شي...وانا راح احلها لاتخافين...الحين نامي ارتاحي باجر اكلمج اوكي

ميس:انشالله تصبح على خير احبك...

مشاري:انا امووت فيج وانتي من اهله باي

ميس:باي


سجى:ها ارتحتي الحين لمن سمعتي صوته؟؟

ميس:ايي حدي مشكوره والله ريحتيني الله يريحج (ولمتها)

سجى:ميس...ممكن ودي اقولج شي بس لاتفهمين غلط

ميس:قولي شنو؟

سجى:ميس انتي ماتحبين مشاري..احسج تعودتي عليه لان اهو اللي عوضج عن محمد

ميس:..........

سجى:ردي شفيج

ميس:سجى..صج حمود اول حب...وكان ماكو منه وفرق بينهم بس اهوا كسرني...كسر شي بداخلي مستحيل ان يتصلح

سجى:انا معاج بس..ميس لاتنسين انج انتي الغلطانه واللي معاملتج وياه كانت أي شي.....تحملج 2 ونص زين واخرتها شنو...؟؟ترا للصبر حدود وانتي ادرى بهالشي...

ميس:انا قلت جذي بعد..ان اللي قاعد يسوي فيني مشاري حوبت حمود...بس اقولج انا مانسيته انا قاعده اتناساه مستحيل واحد بهالدنيا ينسى اول حب بحياته

سجى:ميس والله ساعات احس انج ماتعرفين شلي تبين توصليله

ميس:سجى انا مانسيت اللي سواه فيني....والله ماتحسين شلون احترق كل يوم من اتذكر اللي سواه صدمني

سجى:خلاص ميس انسي الحين لاتفتحين مواضيع قديمه...خلج بمشكلتج ويا مشاري الحين خنحلها...ونامي ارتاحي لانج كلش مونايمه...

ميس:اوكي تصبحين على خير

سجى:وانتي من اهله...

((طول الليل ميس تذكر...))

((قبل فتره..))

محمد:ميس خلاص انا خطبت

ميس:نـــعـــم؟؟

محمد:هذا اللي صار

ميس:حمود انت شقاعد تقول؟؟؟لا انت تقص علي انت تحبني مستحيل تسويها...

محمد:خلاص اقولج خطبت لاتدقين علي..

ميس:ليش تكلمني جذي؟؟حمود انا ميس

محمد:ادري

ميس تبجي:ليش تكلمني جذي؟؟انا شسويتلك

محمد:انا بعرف ليش الواحد لما يذل نفسه تمصخرونه تقعدون تذلونه زياده والي يوخر عنكم تيوله ركض تبونه؟؟الحين تبيني؟؟شفتي شلون الدنيا دواره؟!

ميس:حمود والله احبك تكفا قولي انك تقص علي؟؟؟انت ماخطبت انت تجذب

محمد:ميس خلاص..سكريه الحين تدق علي تلقاه ويتنغ

ميس:محمد((وقعدت تبجي)))

محمد:هه الحين تبيني نسيتي اللي سويتيه ومعاملتج؟؟تذكرين لمن قلتي كل شي نصيب؟؟خلااص انا هذي البنت نصيبي تمنيلي الخير اذا تحبيني وانتي الله يوفقج

ميس(تبجي وتصرخ)..:حموووود لااء لاتخليني نسيت شنو وعدنا بعض؟؟نسيت شنو قلتلي؟؟حمود انت تحبني لاتنسا انا منو وشنو بالنسبه لك؟؟حمود انت تحبنيييي تكفا لاتقول جذي ليش كلامك معاي تغير؟؟ليش صرت جاف جذي؟؟حمود شلي غيرك علي؟؟

محمد:تبيني اقص عليج واكلمج احبج وحياتي ولمن اتزوجها اخليج؟؟اذا تبين جذي اووكي

ميس((تبجي))

محمد:باي انا بغير رقمي ولاتدقين علي لوسمحتي(وسكره))

طول الليل ميس تذكر وتبجي((للحيني مومصدقه ان حمود يطلع منه هالشي..بس صج انا استاهل لاني مو كفو))


ام سعود بطلت الباب...

ام سعود:ميس قومي ابيج...

ميس:....هـ..ـااا..؟؟​

 

[فديتني وبس]

القصه موووووووووووووووووووو صج ناااطره البارت

 

[ღ TőOőma ღ]

يسلمووووووووووو حبيبتي فديييتج عالرد المووضج لوول

انشالله باجر انزلكم باارت نورتيي

 

[وردة الكون]

يسلموو عالبارت الروعه

بانتظارج باجر انشا الله حبوبه