انا اول مره اكتب روايه بمجهودي الخاص>>لوول :eh_s(6):
كنت مره انقلكم المره قلت خل نجرب نكتب وانشالله تعجبكم واتقبل النقد من الكل يعني بي اييزيي لاتحاتوون لووول:tek:
من زمان كنت بنزلها بس حدييي متردده وخايفه مادري ليش يمكن لانها احداثها حقيقيقه يعني يه فبالي ان بصير فضيحه جذي بس بعدين قررت انزلها وانشالله مااندم على قراري خخخخ:ggdw:
اخر الروايه راح تعرفون منو اللي اقصدهم واقولكم ايهم الحقيقيين من الخيال >> يعني بشوقكم لوول
روايتي جريئه شوي,,مشوقه,,احداثها واقعيه عن تجارب شخصيه ووتجارب سمعتها من برا و شفتها او صارت جدامي
وبنزلها هني لاني ابيها تكوون حصريه في منتدى كويتياات....
وبليييييييييز بنااات اللي بتنقلها للاماانه تحط اسم صاحبه الروايه انــا
ღ TőOőma ღ
وانشالله تستفيدون منها يلااااا نبديي...._03BA:
الجزء الاول
الكويت منطقه جنوب السره تحديدا((الشهدا))
يوم الجمعه الساعه 4:54 الفجر
ميس(بهمس واهيا تتسحب لي باب السكه): ها حطيته؟ اطلع الحين؟
..:اي حاطلج ياه عند الباب تحت الزوليه اخذيه ودشي بسرعه ناطرج
ميس:..اووكي.......خلاص خذيته يلا روح قبل لااحد يشووفك
...:اوك حياتي الحين شغليه وكلمينه منه ماشي؟؟
ميس:اوكي حبيبي....ميشو..
مشاري:عيوونه
ميس:احبك..
مشاري:وانا امووت فيج يلا سكريه عشان تشغلين الثاني
ميس:اووكي باي
مشاري:باي
مشاري حبيب ميس تموووت عليه يعرفون بعض تقريبا سنه بالفوون وبالنت اكثر من سنتين تقريبا... واهوا بعد يموت عليها بس عصبي حيييل واذا عصب يقط كلام ومايثمنه يعني(لسانه وصخ ) وتفكيره متحجر واايد واذا عصب ينسى نفسه ويهزأ عدل مايبقا احد مايغلط عليه واهيا تتحمل وتسكت لانها تحبه و ماتقدر تزعله …خل اكلمكم اكثر عن شخصيت مشاري...
مشاري موحلو ولا سحت بس موذاك الزود طويل جسمه رياضي عيونه كبار خشمه موصغير وشفايفه حاده بس متروسين شوي شعره موناعم..بس جذاب فيه شي يجذب ودمه خفيف.. وشخصيته مرحه و حلوه تجبر اللي جدامه انها تحبه.. عنده اخو اكبر منه ب 4سنين وواحد اصغر منه بسنه وماعنده خوات......وايد شايف نفسه فيه غرور موطبيعي وكل شي موعاجبه وايد يعلق عالناس حتى على أي احد يطلع بالتلفزيون ...عنده ان اهوا احسن واحد بالعالم بس فيه شي واحد زين انه قلبه طيب,,عصبي واايد وعنده عقد وايد و يشوف ان البنات كلهم وصخين وولاوحده زينه يمكن لان ماعنده خوات عشان جذي ماعنده فكره عن طبيعتهم وطريقة حياتهم!!بس تجربته كانت محصوره على اللي عرفهم عشان جذي خذا فكره موحلوا عنهم وايد كانت عنده تجارب وسوالف موزينه وعمره ماحب احد غير ميس اهي اول حب بحياته بس واااايد يشك فيهاا و قبل لايعرفها كان مايؤمن بشي اسمه حب بعدين راح تعرفون عنه اكثر
ميس:شكلها غجريه.. جمييله لو تدقق بملامحها تقول مملوحه بس كلها على بعضها تجذب لونها برونزي طبيعي شعرها ويفي لونه كستنائي غجري وكثيف لي نص ظهرها عيونها مدوره عسليه.. حاطه بخشمها خزامه ... دلووووعه حييل ومااايعه صوتها بيبي اللي يسمعها يقول بالابتدائي..عمرها 19 سنه تدرس بجامعه الخليج بس موقفه قيدها كورس واحد بعدين اقولكم ليش ..ملامحها فيها شطانه واهيا بعد شيطاانه حيل و دمها خفيف.. عايشه حيااتها على كيفها..جريئه شوي فيها شي يجذب لما تطالعها…موضعيييفه حيل و طويله متروسه شوي جسمها حلوو ومتناسق ... بس حلجها كبير خخخ
((في غرفة ميس))
ميس:..... ثانكس قلبي بس الله يستر هالمره وتعدي على خير
تموا على هالحال سوالف لي الصبح بعدها ميس نامت الساعه 8
خل نتكلم عن عايله ميس شوي… .
ابوها عبدالسلام:عمره 47 سنه ريال شديد بس يمووت بعياله ومايرفضلهم طلب خصوصا ميس يمووت عليها ومدلعها وايد و كانت الوحيده فيهم اللي تشبهه عصبي حيل وقت الجد جد والغشمره غشمره...وكل شي عنده بحدوود
وامها مريم:عمرها43سنه طيبه ضعيفه ومملوحه ..سمعتها حلوه ووايد محافظه على بيتها وعيالها...موكل شي عندها عادي يعني ماسكه بناتها شوي خصوصا ميس...
على فكره ميس 24 ساعه نجره وهواش ويا امها لسانها طويل عليها شوي.. يعني اثنينهم مايعرفون حق بعض بس كل هذا بسبب بعدبن تعرفونه....
ميس عندها اخت وحده
فجر:17 سنه اخر سنه لها بالثنويه مو شاطره وايد….شعرها قصير اسود وناعم واااايد وعيونها صغار شوي بس يجذبون ومعطيها شكل بريء.. كل شي فيها صغير حتى جسمها نعوم مو طويله وايد ضعيفه ونعوومه حييل وكلا ينادوها الفلبينيه خخخخ
اخوانها....
سعود:23 ونص<<مادري شحقه النص ههههه>> هذا جميييييييل احلاهم لونه برونزي شعره ماشالله كثيف وناعم عيونه كبار ولونهم ياي على زيتي فاتح طالع على يدته ام ابووه نظرته بروحها تذبح عنده غمازه بخده اليمين خشمه سله سيف براطمه متروسين جسمه حلوو طوييل ومجسم كلا يحطله سكسوكه وساعات قفل…وايد عقله كبير ومتفهم بس موزين يعصب… الكل ميت علييه وين مايروح الناس يذكرون ربهم…سعود حياته
كلها نادي ودوام كان متخرج من جامعه الكويت تخصصه علوم اداريه..وايد كانو يشبهونه بهيرتك الممثل الهندي بس اهو احلى منه بوايد
يوسف:22 سنه حنطاوي كلا مقرع ضحكته تينن طويل وجسمه رياضي وحلو ودمه خفيف وايد غشمرجي بس وقت الجد جد ووقت الغشمره غشمره(نفس ابوه)…يحب الطلعات والوناسه اهوا وفجر وايد يتوالمون مع بعض>>مادري ليش احسه يشبه تاركان لووول
عكس سعود اللي ميس تمووت عليه واهوا يحبها ويرتاحلها تقريبا كل شي يقولها اذا تضايقت على طول تروحله
(( ثاني يوم الساعه 5المغرب ))
ميس:هااااااي ماميتا ... يوعانه شنو غدانا اليوم؟؟
ام سعود:جم مره اقولج عن المياعه!!وأي غدا شايفه الساعه جم الحين؟؟متى نايمه امس شكنتي تسوين؟؟
ميس:ها.... ماما شفيج كلا تحققين وياي شتبيني اسوي ماعندي دوام خليني على راحتي .. نمت متأخر شوي قعدنا نسولف انا وفجور ييت بنام ماقدرت يعني مانمت الا ورا الصلاة ..وبعدين دادي قايلي انام متى ماابي…الا تعالي صج وين دادي ؟وخواني وينهم ماشوف احد شفيهم انقرضوا؟
ام سعود:ابوج فوق بالمكتب وفجر اختج بغرفتها وسعود توا راح النادي ويوسف هايت ويا ربعه وين بيكون يعني انتي قومي مشطي شعرج ماتستحين قاعده جذي شعرج كشه جنج ينيه؟خلج مرتبه انتي بنيه
ميس:وااي خو توني قاعده شتبيني اسوي مالي خلق امشط عيزااانه زين شايله عمري...انا بروح غرفتي تبين شي؟
ام سعود:احترمي نفسج ياقليله الادب انا امج شنو شعرفج
ميس:وااي زين زين اصعد داري ابركلي مادري شمنزلني تحت
((بغرفه ميس))
دقت على مشاري
ميس:آآلوووو ميشووو قاعد
مشاري:ايي حياتي توني قاعد..شتسوين كتكوتي
ميس:ماكو كنت تحت عند امي وتوني صعدت عشان ادق عليك….ممممم… ميشوو بقولك شي
مشاري اخترع على طول يفهم غلط:شنو قولي!!!
ميس:شفيك كلا مخترع! كل مااقولك بقولك شي تتصروع ليش معقد انت؟؟خوو اسمعني شبقول اول
مشاري:زين شنوو قوولي
ميس:هالاسبوع بروح مع رفيجاتي المسيله نسوي تـ….
مشاري قاطعها معصب:هههههه موهذي سوالفج واللي فالحه فيه لانج ((…..)) روحي تفصخي جدام الناس مع الوصخين
ميس:شفيك شقلت انا؟ شهالعقد اللي فيك مشعل امسك لسانك في شي اسمه تفاه شــ...
مشاري قاطعها معصب :لانج وصخه كل شي عندج عادي الوصخ طول عمره وصخ روحي مع ال(…) تفصخي مالي شغل فيج ,موعاجبج ومعقد روحي ردي حق حبيبج الخروف احسن مني اقصاج بنت هاي فايف شبنطر منج خرا بشكلج…. ذلفي طوط طوط طوط
ميس تعودت على هالاسلوب وعلى هالكلام الي يقوله:ياربي شهالبلشه انا ليش حظي جذي
((راح تستغربون من شخصيته شدعوا وليش بس راح تعرفونه عدل بعدين مشعل وايد معقد كل سالفه لازم يكبرها وفاهم الدنيا غلط ولان تعرف بدايه تعرفهم على بعض كانت غلط و ببساطه تفكيره كله غلط بغلط))
((في نفس الوقت تحت))
فجر:يمه ممكن طلب
ام سعود واهي تقلب بالقنوات:شنو قولي
فجر:يمه عادي اطلع مع فطوم اليوم زهقانه حدي
ام سعود:لاوالله من متى قمنا نطلع بروحنا؟ووين بتروحون انشالله؟
فجر:مادري أي مكان بس بطلع من البيت ومنو قال بروحنا فطوم بتيي ويا اختها الكبيره
ام سعود:ليش موتارسين عينج احنا عشان تطلعين وياهم؟اقول قعدي درسي احسنلج بتبدون امتحاناتكم بعد اسبوع
فجر:اوووه يمه مايصير جذي ترا زهقت حدي من البيت وفطوم بنت خالتي مو احد غريب
ام سعود:خلصي امتحانات واوديج أي مكان تبين ودرينا بنت خالتج بس موعيب ترزين ويهج وياهم بكل طلعه ماتستحين انتي؟
بو بدر((عبدالله)):50سنه ريال طيب وحنون يهتم فبيته وعياله بس اهم شي عنده اسم وسمعت عايلته
ام بدر((بيبي)):40 سنه حلوووه وشكلها اصغر من عمرها.. وايد مهتمه بنفسها وعايشه حياتها ..تحب الطلعات والوناسه… تزوجت بو بدر واهي صغيره…تهتم بالمظاهر وايد وعندها اهو الشي الاساسي في الحياة … وتموووت على شي اسمه بدر ولدها الوحيد وعندها اهو شي غاالي وايد
بدر:23سنه نفس عمر سعود بس سعود اكبر منه ب4شهور حنطاوي طويل عيونه سود وكبار رموشه كثاف جسمه حلوو عنده شامه تحت صوب خده اليسار يعني جماله جمال عربي اصيل على قولتهم>>شفيهاا خخخخ
عنده اخت وحده اسمها سجى:عمرها 20 سنه مافي فرق بينها وبين ميس سجى اكبر منها بجم شهر..
بيضه..ضعيفه خشمعا صغير عيونها كبار ومكحله.. ولونهم فاتح.. شعرها اشقر تقريبا و عندها غمازتين
بدر نازل من فوق يركض ماسك جنظة النادي ولابس كاب نايك ابيض ولابس ترينغ كحلي في خطوط بيضه بالجنب
بدر:يمه انا طالع تأخرت تبين شي
ام بدر واهي تصبغ اظافرها: سلامتك ماما بس متى راح ترجع
بدر:بمر سعودو نروح النادي بعدين نشوفلنا مكان نطلع مع الربع من زمان عنهم يعني مطول اليوم شوي
سعود وبدر توهم مخلصين من النادي راحو فرايديز مع ربعهم يتعشوون
سعود:اووووله ولا باجر راح نحصل مكان امشو خنروح مكان ثاني ابرك مالي مزاج انطر كل هذا
فواز:شورانا ننطر نص ساعه ماحصلنا نمشي ندورلنا مكان
((فواز رفيج سعود وياه من واهما بالمتوسط..عمره نفس عمر سعود.. عقله كبير وايد ووباااارد كل شي عاادي عنده وهاادي..اسمر طوييل ومتين شوي طوله محلي جسمه و مملوح))
بدر:اي والله شوراك انت طول اليوم تحن مستعيل توها الساعه ماصارت 10!!.....
اخيرا صار دورهم ودشو..
سعود وبدر وفواز وعلي مع جم واحد من ربعهم قاعدين بطاوله يم الدريشه وجدامهم طاوله فيها 3 بنات طبعا كانت في وحده طوول الوقت عينها على سعوود...
سما:وييه سكتي انتي.. ريمو شوفي هذا اللي بالطاوله اللي جدامنا..بو تي شيرت بولو اللي عيونه ملونه امبي زوووووووغه
ريم:اي والله يهبل ماشالله عليه
دلال:الحمدلله والشكر!!صج موشايفين خير
سما:شفهمج انتي يا ام العقد سكتي ولي يرحم والدييج..
((سما عمرها 20 سنه بنت خفيفه حدها وستايلها يلفت..كانت لابسهتي شيرت لف ضيج لونه برتقالي فسفووري عليه خيوط رمادي صوب الصدر والجم وبنطرون سكني رمادي هم ضيييج جنا ليق اينز مع كعب عاالي..مسويا بف اووفر وشعرها اشقرر..ملامحها ماتبين من الميك اب اللي تحطه بس عاديه موحلوه وايد))
((دلال..عمرها 21 سنه ثقيله حلوووه حييل ونعووومه تقريبا ملامحها هنديه... بس احلى مافيها عيوونها كباار مرسومين رسم..طويله وضعيفه شوي..عندها شامه تحت عيونها تقريبا يعني ملامحها تجذب حيل.... كانت لابسه نفنوف بنفسجي تحت الركب شوي مع حزام بوربطه وردي فااتح وفلات نفس لون الحزام وفاله شعرها طويل لي نص ظهرها اسووود وفيه لمعه ولابسه تاج ضعييف وردي في فراشه عليها شوارفسكي بنفسجي..كان شكلها ناعم حييل.. ))
((ريم بنت عمه دلال..عمرها 18 ناعمه وملامحها بيبي تحط ميك اب خفييييف يعطيها اصغر من عمرها لابسه نفنوف ياباني وردي ناعم حدا مع كعب صغير اوفوايت عليه ورده ورديه))
ريم:لا ولا الثاني اللي يمه بو شامه خخخ ..خلاص انتي اخذي هذا وانا اخذ رفيجه صراحه كلهم يزوغوون اخاف مو كويتيين ههههههههههههه
شروق:ههههه لا حبيبي عادي الله وياك ودير بالك اووكي
سعود باسها: يلا عمري روحي داخل وردي بيتكم مبجر مو اطولين ماشي؟
شروق:انشالله حياتي
راح ركب السياره توا بيحرك ولا يتذكر:اوووه شلون نسيته هذا ..
بطل باب السياره طلع السي دي وراح بيوديه لها...
مشا ولا يشوف وحده نفس بوهه شروق معطيته ظهرها صوب الممر قاعده وسانده راسها على واحد... وماستوعب ..............هذي مو جنها شروووق؟؟؟؟؟؟؟ لا ستغفرالله شقاعد اخربط انا خل اتأكد اول
وطول ماا اهوا يقرب يقول فقلبه((لاياربي انشالله مو اهي..انشالله مو اهي..لاشرووق ماتسويها..ياارب مو اهيا يارب اطلع غلطان))
قرب ولا الصدمه!!!!!
سعووود:شرووووووووووق!!!!!!!......
شاف شروق مع واحد قاعدين يسولفون ويا بعض و شروق حاطه راسها على صدره ويضحكون
شروق شافت سعود قامت واهيا مو مستوعبه: أأأأ...س..سعو...سعوود...ه..هذاااا.....
سعود طقته البوهه مايدري شيقول بس يصارخ: مدااااااااااااج ؟؟هذي دقيقتين عيل لو ساعه جان شسويتيييييييي((عيونه تغوورق...لسانه انربط اول شي ماقدر يتكلم))...
سعود يحاول يستوعب ويكلمها بصراخ:ليش جذي شروووق ليششش؟؟لهدرجه انتي نذله؟؟ زين جان نطرتي عالاقل لما تتأكدين اني رحت بعدين تاخذين راحتج؟؟؟ماتوقعتج حقيره جذي حساافه ماقول الا حساااافه..
شروق:س..سعود.....ان..ت.. ف...فاهم.. غلط..خالد تــ
خالد الصبي اللي شوق كانت قاعده وياه هذا حقير شوي:شقول يعني.. منو هذا حبيبج؟؟ ...شوف انا واحد متزوج وهذي ماتهمني ولابينا شي بس مجرد صديقه شفتها لمن رحت وقعدنا مع بعض و...
سعود صرخ:انــــــــتـ جــــــــــب ...مالي كلام وياك لانك مو كفو اني اضيع وقتي معاك لا انت ولا هالحقره هذي...بس مااقووول الا......تفووووو عليج وعلى الساعه اللي حبيتج فيها يلا انقلعي
شروق:سعود لاااء...
مشا لي السياره وشروق وراه تبجي وتصرخ..((سعووود لااتروح الله يخليك تعاال.....سعوووود........ سعوود انا احبك انت بس والله احبك.........والله انت فاهم غلط .....سعوووود تعال لااتروووح....والله راح اقولك كل شي..... تكفاا سعوود لاتروووووووووح...سعووووود.....وتبجي))
سعود ماعطاها ويه ركب سيارته ودااااس...دموعه بعيونه واهو يتذكر اللي صار وتمنى يموت لحظتها...شغل اغنيه((جرحني حبي الاول..))....وقام يسوق جنا مينون..
ام سعود:الا تعال..غلطان حبيبي ليش راد البيت؟؟جان كملتها لي باجر الفير؟؟مو جنك من اول امس الفير طالع ولاندري عنك ماتقول عندي اهل ادق عليهم اتطمن عليهم مااكووو جنا لاقينك بالشارع البيت بس حق الاكل والنووم بس
_03BA:
