انـــا داشـــه حيااه جــديــده وابيكم تنصحوني ... لاني جاهله في بعض الامور

[قلبها خالد]

السلام عليكم ورحمه الله ...~

كيفكم كويتيات شنو اخباركم ان شاء الله الكل بخير يارب ...~

انا داشه حيااة جديده ....ابي اتزوج ان شاء الله ...~ وتعرفون البنت في بيت اهلهاا مو مثل ماتكون في بيت ريلهاا ...

انا مثل مليون بنت تحاتي قبل العرس ... مشلكتي ..ماني عارفه وشلوون ابي اتعامل مع رياال غريب ...وابيكم تفيدوني ... ...كم مره بالشهر اتسووي شمع او حلاوه متي اتسوي حواجبهااا .. وعنايتهاا بنفسهااا كيف تكوون والتنظيفات عند الكوافيراا .... كيف يكون تعاملهاا مع اهل زوجهااا ... مشكلتي انطوائيه مدري كيف ابي اتعامل معاهم ومعاه ....~

انتم اخواتي بالله .. وانا واثــقـــه فيـكــم ابيكم تنصحوني بكل شي تعرفونه يخصص البنت لما تتزوج خصوصاا بعنايتهاا بنفسهاا وكيف تكون تعاملهااا مع ريااال غريب عنهااا ومع اهله ..

وشكراااااااااااا لــــــــكــــــــــــــــم ياأحـلى كويتيات ..

​

 

[ربها موفقها]

لا تحاتييييييييييييييين انا كنت ام المحاتاه و الحين كله سهالات من رب العالمين
كل اسبوعين خليه يوديج الصالون سوي شيرة و شمع و هالسوالف تلقينه نناااار ناطرج
و اول الزواج التزمي بعطر ناعم رومانسي من عطور شانيل او ديور او اي عطر تحبينه يظل راسخ براسه
و لا تلزقين فيه واجد خليه هو يركض وراج بس اذا جاج لا تعبينه عطيه
اهم شي النظافة
اشتغلي قدامه و تدلعلي حتى ياخذ عنج فكرة انج مو بس شكل المشكلة احنا عندنا فكرة ان العروس لازم على طول كاشخة لكن بعض الرجاجيل اذا شافها على طول كاشخة عنده انه مرته مدلعة و كسولة
اكشخي بس نظفي قدامه بدلع يعني على الخفيف
رضا ربج رقم واحد
دايما اقري المعوذات و القران
في بنات قبل الزواج تدعي و يارب ارزقني و بعدين تلتهي بالزوج و ما تتوفق باحياتها
لا تحاولين ترضين احد غير ربج و نصييييييييييييييحة اقري عن حقوق الزوج و الزوجة
اي و شنو بعد في اشياء الزوج و الزوجة يصير يسونوها و في اشياء حرام يعني بالفراش
اعرفيها ضرويري
اعرفي احكام الاغتسال و الجنابة و الصلاة عشان ما تتوهقين
لا تطوفين صلاتج يوم العرس خلي الصالونة تنطر لو للساعة عشر
لا تلبسين نفنوف العرس الا بعد ما تصلين العشاء حتى الله يوفقج
بعد شنو اي و صلي ركعيتن و خلي ريلج يصلي قبل لا يدخل عليج هذي وصية الرسول صلى الله علو و اله و سلم للامام علي عليه السسلام
و الله يجعل بينكم المحبة و المودة و اعرفي لو شنو تقرين و تسوين و تتعبين بالنهاية كل شي بايد الله و القلوب بين اصابع الرحمن

 

[al-musk]

أهم شي لاتحشين باحد ولاتجيبين طاري أحد ومع أهله خلج سنعة ومو مقصرة معاهم بس رسمية ولاتعطين سرج لاحد وعلاقتج مع أهلج وأسرار بيت أهلج لو شنو لاحد يعرفها وخليه دايم ياخذ فكرة انه اهلج أحسن ناس بالدنيا عشان يتم يحب حسابهم ولاتجيبين طاريهم الا بالزين وخصوصا اخوانج .. وبالنسبة للشيرة .. شخباري سوي ليزر وارتاحي اذا عندج امكانية ..

ودوري مواضيع كثيرة بهالقسم البنات مو مقصرين

 

[ام دليار]

اهم شي لستمرار حياتك الزوجية صوتك
اتاكدي يلي مابتحصلي عليه بصوت واطي ماراح تحصلي عليه بصوت عالي
يعني لاترفعي صوتك على جوزك راح تعيشي مرتاحة

موفقة بحياتك

 

[رتو الكيوت]

لاتنبشين تلفونه وماضيه ولاحساباته بتويتر والبلاوي الثانيه
ابدي بالصلح وخلي كلش شي يمشي بسلاسه ولاتسمعين نصايح امهات المشاكل عانديه واحقريه وسوي وسوي وسوي

الطيب مايضييييييع واسمعي وقطي ورا ظهرج بالنسبه لاهله

ركزي الي عاجبج فيه والي انتي تزوجتيه وفضلتيه على غيره عشانه كلنا فيا عيوب لو بنركز فيها محد خذانا ولا ماشنا اوادم احنا

 

[معزوفة عشق&]

انا مثلك ..
^^ ومنكم نستفيد

 

[manoooram]

النظافة الشخصية حبيبتي في مواضيع بقسم الاستفسارات الجماليه
تتكلم عن عناية كل وحده لنفسها

تعاملي باللي يرضي ربج
خليج على طبيعتج وسجيتج
مبتسمه
مصفية نيتج
اذا سألج أحد ردي على قد السؤال
لا قدر الله اذا حصلت مشاكل ببيتج حاولي تحلينها بهدوء
أسرارج ملكج مو ملك غيرج حبيبتي لأن مو كل شي ينقال

 

[ام زهقانه]

عادي
الله يوفقك

 

[اميره^_^بحلآها]

ومنكم نستفيد

 

[طيوبته]

الله يوفقج يارب

لا تشيلين هم كل شي سهالات وتياسيررر من الله سبحانه
- اهم شي أذكارج والمعوذات
- ركزي على ايجابيات زوجج ولا تلتفتين حق احد يعني عزلي حياتكم عن حياة أهله وأهلج
- لا تناقشينه وايد وتنقلين له سوالف الحريم عشان ما يمل
- طبخيله الزوج يحب زوجته تدلعه وتذوقه من ايدها ولو ماتعرفين اخذيلج كتاب الطبخ مال المطاحن وطبقي الوصفات
- احترميه جدام أهله ودايم مدحيه عندهم راح تكبرين بعيونهم
- تعطري وتبخري حتى شعرج خلي له عطر خاص يميزج فيه


مادري انا هذا اللي حبيت أضيفه على كلام البنات ماقصروا
ربي يتمم عليج

 

[سندس 90]

ماشالله البنات ماقصروو
ربي يعافيهم

 

[قلبها خالد]

مشكورااات حبيباتي ماقصرتو ... ياأحــــلا خوات الله لايحرمني منكم احبكم بالله ....

 

[ملح الدنيآ.]

البنات ماقصرو ,, عسى الله يوفقج ويتمم امورج على خير

 

[PuPa^^SWeeT]

نظافتج الشخصية انتي ابخص فيها


في بنات تحتاج مرتين صالون في بنات مرة وحدة


في بنات اتسوي شغلها بالبيت


انتي و راحتج



بس افضل نصايحي لج


اشتري ماكينة براون و جهاز الشمع ويا اقراص الشمع


لا سمح الله ما مداج ولا تعييزتي الا عندج



بالنسبة للحمولة



اول شي خليييج هادية بسيطة لاتكلفين


اوكي كشخي بس خليج همن كلامج و اسلوبج بعييد عن التكلف او التوتر


و معاملتج لحموولتج راح تنعكس على محبة ريلج لج



فا حطي بالج انهم مثل اكثر الناس لهم مميزات و عيوب


عيوبهم نتجاوزها و نطري مميزاتهم


و بعدي عن تداول سوالف الناس الحش و الطب


حتى لو يحبووون هالشي انتي بعدي عنه


لانه بتجنيين من ورااه بعديين


و اذا انتي بعييدة عنهم يعني شقة اذا لما اتزورين مو كل مرة


بس حلوو اتدشين بايدج شي صينية حلو ولا فطاير ولا اي شي من ايدج او من شغل الكويتيات



واذا انتي ساكنة وياهم


حلاته تنزلين لهم باليوم الواحد مو اقل من ساعة ساعة ونص


هممممممممممممم



بس هذا اللي عندي



ولو شفتي منهم شي لاتقولين لريلج حتى لو صف وياج




لانه بينفجر بويهج مع الوقت و بيقووولج انتي اصلن ماتحبين اهلي



فاا بعدي ريلج عن سوالف الحريم



وبس

 

[M!SS.LOBY]

الله يسعدج

 

[سماء الاحساء]

الله يوفقك ويسهل أمورج يارب والأخوات الصالحات ما قصروا

 

[Vous jamais]

الله يسعدج و يهنيج

اهم شيء تدخلين حياتج و انتي تكونين راغبة من هالزواج الستر و العفة

و تنشئة جيل مسلم

عليج بالدعاء و الرقية وو حطي حصالة بغرفتج كل يوم حطي فيها مبلغ بسيط لو مية فلس

لأنه الصدقة تطفئ غضب الرب و تقي مصارع السوء

أول نصيحة عملية :

- كوني له أنثى يكن لك رجلا

انثى يعني رقيقة - هادية - صوتج واطي - تدلعي لك بحدود مو بمصاخه

مهتمة بريحتج و نظافتج وبيتج


- لا تبينين له انج كنتي مظلومة و اهلج معذبينج و هالسوالف يعنني تفضفضين

بيقول هذي اهلها ما قدروها وما راح يسويلج قدر

- دايما بيني له انج سعيدة وو ناجحة و انه جزء من حياتج مو كلها

يعني لا تخلينه شغلج الشاغل عطيه فجه شوي يمارس حياته

- لا تراقبينه و تنبشين تليفوناته لأنه اللي براسه خيانه عنده مليون طريقة و طريقة

- لا تبرزين له عيوبج مثلا شوف ويهي باهت او جسمي فيه خطوط

لا تبينين له لأنه بيركز عليهم و اهو اساسا ما كان منتبه لهم اصلا

 

[هِتاف]

سبحان الله قادر ع كل شي
الرجال الغريب اللي تتكلمين عنه بيكون اقرب لك من اهلك من دون م تخططين لهالشي لا تشيلين هم

 

[lferj]

سبحان الله العظيم


سبحان الله وبحمدة

 

[قمة^الانوووثة]

الف مبروك والله يتمم عليج بكل خير و يبارك لكم

اولا الاشياء اللي لازم تسوينها :
سوورة البقرة تشتغل يوميا فالبيت صدقيني راح تحسين براحة وسكينة
لا تنسين الله و تلهين بالزواج التزمي بصلاتج ولا تنسين كتاب الله


ثانيا الزوج:
خليج دايم مبتسمة تفاعلي معاه طبعا اول الايام الخجل اجباري من نفسج لكن مع الايام تفاعلي معاه و لا تردين طلبه للفراش نهااائيا
البيت نظيف انتي نظيفة ومرتبة و الشعر بالجسم كل مايطلع شيليه و الحمام المغربي كل شهرين مرة تقريبا
لبسي كل شي بخاطرج املي عين زوجج في بنات يتطنزون عاللي تلبس كعب بشقتها مالج شغل لبسي لان الكعب يغري و الوانه واشكاله عجيبة دلعي زوجج بالنظر

احترميه و لو لا سمح الله حصل سوء تفاهم لا تعلمين احد حلي امورج بنفسج بينج وبينه
لا تنقلين اخباره ولا تفضفضين لاحد
لا تتكلمين عن مشاكل اهلج او مشاكل صديقاتج او اي مشكلة وتنكدين ع زوجج خلي كل مواضيعج فرح و فرفشة عشان يحب قعدتج
اهله بما انج انطوائية خليج معاهم رسمية بالبداية شوفي وضعهم اذا ناس راعين كلام و مو ارتحتي استمري بالرسميات و المواجيب و المناسبات اما اذا حسيتي مثل اهلج اختلطي معاهم و لو ضايقوج بشي لا تقولين لزوجججججججج


و الله يوفقج حبيبتي ابيج بس تدعين لي الله يفرج همي و اي شي حبي راسليني عالخاص و انا تحت امرج