انــا فــيني شــذوذ ..؟

[غلا،،]

لاحول ولا قوة الا بالله..

هذا كله من تأثيير الصحبه الي تمشين معاها..
حلاة الصحبة تكون صحبة خيير تنجرفين وراهم مع الخيير...
مو مع هالسوالف البايخه والشذوذ؟؟؟؟؟!!!!!
انا اول مره اشوف صديقه محترمه تنصح رفيجتها انها تكلم صبي.؟؟!!!!!
الله يستر علينا بس...
وبالنسبه لسؤالج..اي نعم انتي مو طبيييعيه وبقوه بعد..
وحاولي تصلحيين هالطبع الشااااذ..
وتقربي من ربج وانسي هالسخاافات ولا يلعب عليج الشيطاان وشيلي هالتفكير الشاذ منج..
واختاري الصحبه الصالحه الي تعينج على دينج وتنسيج هالسوالف وملذات الدنيا للأسف

تذكري قول ربج:
((يا ليتني اتخذت مع الرسول سبيلا* يا ويلتى ليتني لم أتخذ فلانا خليلا *لقد أضلني عن الذكر بعد إذ جاءني وكان الشيطان للإنسان خذولا))

والله يحفظج ويستر عليج ويسترنا..

تقبلي مروري

 

[مس تسذآ]

,,

اهم شي انج عرفتي انج غلطانه ,

و هاذا بدايه الطريج ان شاءالله ..

غيري رفيجاتج يعني حاولي تصدين عن البويات كثر ما تقدرين ,

و فكري ببعدين انج راح تتزوجين ان شاءالله و تييبين عيال و تربينهم ,

و وراج ريل يصونج و يكون سند لج

و ترا هالطريج ما وراه اله البلاوي صدقيني

دام توج ما دشيتي بهالطريج عدل

تداركي نفسج و طلعي بسرعه

و الله ياما بنات ناس و عوايل تندموا لكن شيفيد

يعلم الله اني ما ابيلج اله الخير ,

و صادف وايد مثلج بحياتي ,,

نصحتهم لكن ما سمعوا و راح ايي اليوم اللي راح ييوني و يبجون و يقولون كنتي صح

هههههه شكلي دشيت بمواضيع ثانيه !

بس اللي ابي اوضحه لج

ترا هالشي محرم بالاسلام

و مخالف لفطرتنا اهيا فطره ميل المراه للرجل و ميله هو لها

ف لا تعصين ربج عشان جم بنت ما تخاف ربها

الله بوفقج و يكتب لج اللي فيه الخير بالدنيا و الاخره .

 

[MisS *-* BMW]

بنااات انا حاولت اتغير والله و وخرت عنهم فتره بس رديت ما اقدر !!

رفيجتي قالت لي اكلم صبي يمكن اصير عادي يعني بس انا اشمئز من الصبيان

اوف مادري شسوي !

اختي لا تعالجين الغلط بالغلط !! لا هذا صح ولا هذاك صح

وانتي مااافيج شيء ان شاء الله بس لانه متأثره من ارفيجاااتج وهذا شيء طبيعي لمن تبعدين عنهم وتتقربين لرب العالمين وتتقربين لامج وخوااتج وصدقينييييييي رااح تقدرين

حبيبتي ترى هل شغله غلط !! قعدي بينج وبينج نفسج وفكري بعقلج واذا كلمتيها وحبيتيها وبعدين ؟ بتتزوجينهااا مثلا ؟؟ لا يالغلاااا فقعدي راجعي نفسج واستغفري ربج وبهل شهر الفضيل

 

[غيابك حلم]

الله يهديك يارب

 

[نهى الأحمد]

الله يهديج حبيبتي

ويكافيج شر هالصحبه



البنات ماقصروا بالردود

 

[Fanisea'a]

غيري ثانويتج حبيبتي وابتعدي عنهم و التجمع مالهم لا تتواجدين فيه وخليج عاقل وبيكشون منج

اهما جذي مايحبون العاقل والهاديه

 

[غلآوي .~]

الله يهديج ويهدي بنآت المسلميـن ..

 

[Sweet Brunette]

مشكورين بنات وايد وايد

 

[الجوهره الحالمه]

بالعكس انتي طبيعيه ولايكبرن السالفه عليج هالخبلات



فقط هي نزوه منج


بتحريض الشيطان زينها لج

ابتعدي عنهم وخلال فتره بسيطه تلاحظين تغير


انتي طبيعيه صدقيني وهذي نزوات

لكن لاتنجرفين وبعدها تصيرين مو شاذه بس الا مندمره

 

[بـآربيـآ]

شلوون بتزوجين انشالله اذا تلوع جبدج من الشباب ؟

 

[Sweet Brunette]

ماني متزوجه..

 

[Pearl Qatar]

الله يهديج اختي
شلون ترافجين بويات لعنهم الله ,, فكري بالعقل حبيبتي ,, ماوراهم الا المضره حاولي تنصحينهم وابتعدي عنهم وتذكري حديث الرسول صلي الله عليه وسلم : ( لعن الله المتشبهين بالنساء من الرجال والمتشبهات بالرجال من النساء ) ..

ومافيج الا العافيه ,, هالشيطان يوسوس لج

 

[Sweet Brunette]

thnx all

 

[حبي لله اشد]

الشيطان يزين لج البويات ويخليج ترتاحين لهم اكثر
اصلا شنو شي يجذب فيهم ..
انتي قاعده تحبينهم لانه حواليج 24 ساعه يمكن
ابتعدي عنهم ..
فكري فيها تتزوجين بنيه ؟ شلي يجذبج امبي استغفر الله
خلصوا الشباب اذا عاجبج اشكالهم في شباب اشكالهم احلا
وبعدين لا تفكرين تكلمين فكري بالزواج يكون شلون طريقته
الله يهديج لا تخلين الشيطان يسيطر على عقلج
ترا انا ياما شفت بنات يحبون بويات والدليل كل بنيه اتعرف عليها بالمدرسه
جذي تكون لكن انا بنفسي وبعقلي تغلبت على هالفكره
قلت انا نفسي ومستواي احسن من اني اطيح بمعصيه
انا الحين استغفر ربي اني كنت اكلم شباب ..
بس اذا كنت نفسج حبيت بويات شلون لي ويه استغفر اصلا ؟
اكيد بستغفر بس المقصد انه السالفه اكبر من الشباب ..
استغفري وتوبي لربج !

 

[ĭςе ćŗęam]

حيااتي لا تقولين زي جذي مـآيصير
وبعدين مـآفيك الا العـآافيه
بسس اهم شي زي مـآقالوآ البنات فيذآ
أبتعدي وأدري موب سسسسهل
بسس شووية وقت وبعدها كلششش مـآرآح يهموووونك
حـآولييي تكرهينهم ,إكرهي حتى الارضضض اللي يمشو عليها
=> عششان خاطر إميمتك ابوج خواتج

واذا ودك جد
رآح تقدررررين وانتي قدها

 

[غداً القاك]

ماانتي طبيعيه

الحق ينقال

 

[حياتي تكنولوجيا]

ماني متزوجه..

احترامي لرايج وقرارج :eh_s(7):
بس :eh_s(2):
صدقيني انتي بالوقت الحالي تحتاجين السلام الداخلي فقط ونصيحتي لج عيشي بينج وبين نفسج
ويااااااااجبل ما يهزك ريح :rerrerek::eh_s(9):
اما رفيجاتج الضالات صدقيني سخيفات :rgewrg:وشخصيتهم ضعيفه حتى لو يتصنعون القوه:eh_s(10):
غيري نضامج :eh_s(9):
سوي اكشن جديد بحياتج :eh_s(9):
اكشن صح وحلو يضيف لج سمعه طيبه :eh_s(22):
تصدقي يوميا احسن شي لج :eh_s(17)::eh_s(17):

الله ينصرج عليهم ياااااااااااااااارب:yaaaaaarb: آآآآآآآآآآآآآآمين​

 

[ترف بابا]

والله اللي اعرفه ان لو رفيجاتج بويات تصيرين بعد بويه

الله يهديكم

دام بديتي تخافين يعني انشالله فيج رجا - اول شي اقطعي علاقتج فيهم

انغمسي بعالم الانوثه عروس ومكياج وصوالين وحف وبدمير ومنكير و...و....وكل شي من خرابيط الحريم

راح تغترين بنفسج وتتزوجين انشالله وتعرفين شنو يعني انثى:eh_s(22)::eh_s(22):

 

[أعشقه]

شوفي دام انتي تفكرين بها الشي يعني انتي عارفه ان هالشي غلط
عشان الموضوع لا يكبر وثمن ترتكبين غلط .. حاولي ولاتقولين حاولت وتركتهم ثمن رجعت
لا.. اقطعي بالمره .. هالناس مايصلحووون ربي يصلح حالهم ..
ترى مع الوقت تتاثرين فيهم .. واحتمال يجرونك لا اشياء ماتتوقعينها وثمن تندمين اكثرر ..
ترى كل شي بيدك .. فكري صح وقرري صح .. كلنا نتمنى اشياء كثيره .. اشياء معقوله ونقدر عليها واشياء ندري انها صعبه وربي يغضب منهاا فا الافضل نبتعد عنها .. رضااا لربي اولا وثمن لنفسي وسمعتي وسمعت اهلي ..
فكري صح وماشاء الله عليك باين عليك وحده فاهمه وعارفه وش تبين ..
بس جلسي مع نفسك وشوفي لو تمشيتي معهم تتوقعين راح تنبسطين وسمعتك ماتضرر انتي ماتتضررين هذا الاهم
فكري بالموضوع لبكرى لبعدين يعني بعد عمر ..
صدقيني في ناااس الحين يبون يتعالجون من هالشي واذا تعمقتي فيه مو بالسهوله تتخلصين منه ..
اتركيهم افضل واولى لك ..
ربي يوفقك ويريح بالك ..

 

[a7la-elbanat]

الاعتراف بالخلل او المشكله اهي بداية لكل حل
انتي اعترفتي بهالشي واصلي علاجج لذاتج وابتعدي عن هالدرب والجئي لربج وتعوذي من ابليس
وحاولي تعرضين نفسج على اخصائيه نفسيه راح تساعدج باذن الله حبيبتي