انصكيتي عين

[محرومة من الحب]

رد : انصكيتي عين

انا اكتشفت شغلة بخصووووص العين والحسد

تراااا الناس الي يغارووووووووووووون منج ويكرهوووووووووووووونج وما يبون لج الخير اهمماااا باختيارهم يختاروونج انتي بالذات

عشان يقولون

عنج انج صبتيهم بالعين مع ان اهماااا الي عينهم حااااااااااااارة عليج

 

[محرومة من الحب]

رد : انصكيتي عين

يعني كل من يرا الناس بعين طبعه

 

[lolayasmeen]

رد: رد : رد: انصكيتي عين

هلا فيج يا قلبي مواقفنا مع العين نكتبها بمجلدات

من كثرها

اما جسمج الي اخترب انا اقول من العين والحلج ههههههههههههههههه:dddds:

ههههههههههههههههههههههههههههههههههه ادري فيج راح تظحكين والحلج والله مالقيت له دوا
لا والله جد عاد انا انصكيت عين من وحده اعرفها كله تقولي جنج باربي ولما كرشت تقولي حتي الكرش عليج ينن
وعاد حتي هي تعرف نفسها تحسد مره صاكه ريلها ومره بناتها ومره اهلها الحمدلله هي بعيده عني الحين
والكل يعرفها

 

[ديانا سبنسر]

وحدة من اهلنا كل ماشوفها وتشوفني اقول الله يستر ياتصير لي مشكلة مع زوجي اوتصكني نفسية او اطيح مريض

 

[مسك81]

ياناظري بعين الحسد اشكيك لواحد احد
والله بنات ينتي ذيك العين اللي صج ماصلت على النبي بعرسي طلعت ماشاءالله والحفله كانت راقيه وحلوه وماشاءالله حملت بنفس الشهر والله طول حمالي وانا تعبانه وماشاءالله حتى مومبين اني حامل ليش كنت نعومه ينصدمون لما يدرون اني حامل والله انا حاشني ضغط بالحمال بقيت اموت وولدت قيصريه والبيبي ثاني يوم مات تدرون عمتي شنو قالت سبحان الله صار كل هذا علشان العين تخف عليج والحمدلله على كل حال

 

[mich79]

رد : انصكيتي عين

وييييييييييييه وايد مواقف
مامي الله يطول بعمرها بأول أيام زواجها لبست أحمر ولما شافوها الناس تقول يدتي الكل شهق وللحين رسمة العين بصدرها فمن يومها ابوي منعها تلبس أي لون يبرز بياضها الصارخ
ومره اختي العوده كانت رايحه بيت جارتنا تقول قبل لاأطب صالتهم ولا أسمعها تطق ولدها وتقول عز الله قلبك مو مثل قلب ولد العراقيه ماكل الكتب أكل وأخوي توه داش هندسه وثاني يوم قام يشق هدومه إذا شاف الكتب وطلع من الكليه
والموقف اللي صار لي شخصيا لا أحسد عليه شافتني حماة رفيجتي جان تبطها بويهي وتقول والله لو جسمي مثل جسمج والله لأطلع بالشارع ببكيني ولي قبل فتره كنت أعاني أعراض غريبه عجيبه يعني عمركم شفتوا جلد يتقشر جنه صابين عليه ماي حار ؟؟؟؟؟ بس الحمدالله ماتشافيت الا لمن الله خذا أمانتها الله يرحمها

 

[ام شعيع]

رد : انصكيتي عين

بنتي ماشاء الله ضروسها بيضا حيل وبيوم اسالتها ابلتها شنو معجونج وراها بيومين سوينا حادث ومحد تعور الابنتي والضربه يت علي ضروسها ويجبسونهم لها والضروس الي قدام كلهم وما تقدر تبتسم تقول من الهوا يعوروني

وتقول ان المدرسه هذي حيل ملتزمه بس سبحان الله العين حق

 

[trakmia]

آنا صديقتي من ايام الثنويه بالنسبه لبنات عايلتها جميله شويه عليها بالنسبه لهم لانهم سمر وبراطم وخنافر اللهم لاشماته فاهي طالعه ناعمة ومزيزنه البنت من ملجت البنت سوت حادث اهي وزوجها والله خذا امانته بحفله الملجه كانت طالعه احلى من القمر مامر جم يوم وسافرو الا سوو الحادث وتوفت الله يرحمها
عين وماصلت عالنبي
الله يرحمج ياصديقتي بلييز الفاتحة على روح المرحومة

 

[Al-7almah]

رد : انصكيتي عين

لازم الواحد يقي نفسه بأذكار الصباح
والمساء ...واعوذ بالله من الحسسد

 

[فديت قلب امي]

الله يكفينا شر الحسد بقولكم موقف صار لي انا كثيره حركه ماقعد هبه ريح مثل مايقولون

المهم والله اكثر من شهر والم بظهر ومستحيل احرك رقبتي يعني مسطره وبعد اشعات

طلع فيني تأكل بالفقرا ت واحتكاك ومافيه امل بالعلاج الا على مسكنات فقط يومها طلعت

ضايق خلقي ولقيت وحده وكنت اسولف معاها عن اللي فيني واقسم بالله مسكت ظهري

وهي تسولف وفجأه راح الالم بقدرت الله وقدرت احرك راسي ورحت بسرعه اوري رفيجاتي

شلون قدرت احرك رقبتي والله يجزاهم خير جابولي من مايها والحين صار لي سنتين اختفت الاعراض

ربي لك الحمد والشكر

 

[صمت المرافئ]

رد : انصكيتي عين

وايد انصكيت بعين
لدرجة اني الحين مطبقة القول
" استعينوا على قضاء حوائجكم بالكتمان "
من المواقف لما كنا نبني بيتنا
كل شوي ياخذني ريلي
اشيك معاه عالبنيان
جذي زين ... ما أبي جذي
حط هذا ... شيل هذا مو عاجبني
ويقول للعمال ينفذون
والله فجأه تغيرنا بس صراخ وهواش مع بعض
وماني عارفه السر ؟؟؟
جان يقولي ريلي
والله صكنا بعين الله ياخذه
قلت منو ؟
قال : المقاول هذاك اليوم شافنا
كان يمنا وانتي تقولين اللي تبينه
وعقبها قال لي :
باين عليك تحب مرتك وايد وما ترفضلها طلب !!!
والله من عقبها اشتبينا حريجه الله لا يوفقه
وعقبها ما نطلع من البيت إلا قارين المعوذات
والكرسي وخواتيم البقرة​

 

[باااربي]

الله يكافينا شرهم الناس يحسدونج حتى علا ضحكتج قطيعه
لمن يشوفونج علطول مبتسمة وقاطة كل شي ورااا ظهرج يقولون انتي كله تضحكين ... كله الحياة سعيدة عندج !!!
صارت لي مرة ووحده قطتها بويهي قالت انتي حدج مرأة حديدية وانتي بعز ضيقتج تضحكين وتنكتين والله لايوريكم
الضيقة اللي عشتها صرت مثل المينونة بس ابجي وعلا اتفه الاسباب واااااااااااااااااااااي مابي اتذكر
الحمدلله علا كل حال يارب

 

[بقلبك مكاني]

رد : انصكيتي عين

يوووووووووووووووووووه انا معاناه مع العين اعوذبالله والسبه بياضي والحين المعاناه معاي من كنت صغيره بس من كبرت حمذلله صىت احصن نفسي بالرقيه وللحين معاي الام بالمفاصل الام متنقله وسويت كل الفحوصات وسليمه والله اقوم من فراشي شبه مشلوله اعوذبالله ومالقيت حل اقرا قران ويخف شوي شوي ادعولي بنات الله يخليكم الله يفكني من المعانه والله احس بحراج بليل مافيني شي اقعدالصبح اجر ريلي اورابطه ايدي

 

[أيامي حلوة]

رد : انصكيتي عين

اووووف اووووف من العين اعوذ بالله الناس صايرة ماتعطي خير حتى لو عندهم

وأنا مواقفي وايد مع العين بس اللي حارني يوم عرسي كانت رفيجتي معاي بالصاون واهي مو متزوجة وكانت تبتسم لي ابتسامه صفرا ,, عاد يوم يتني المصورة تصورني اهي كانت واقفة وبعينها نضرة حسيت انها ودها تكون مكاني ,, والله العظيم يابنات ان المصورة دقت علي عقب شهر جان تقولي فايروس دش بالفيلم الأول وما عندي الا الفيلم الثاني .. حسبي الله ونعم الوكيل مع اني كنت قارية المعوذات وأوراق الرقية ماهديتها من ايدي ,, بس امي تقول بالفيلم ولا فيج .

والموقف الثاني من جم يوم والله ماراح انساه ابدا للي سواه فيني حسد وغيرة من مرة حماي وحماي ليش ريلي تخرج تو من الجامعة ماتوا قهر وحاولوا يخربون الحفلة لدرجة ان ريلي معصب طوول اليوم واخر شي قالي كنسلي كل شي عقب ما سويت البوفيه والناس يايين بالطريج والله قهر بس الحمدالله خالتي وقفت بويهم وقالت الحفلة صايرة صايرة ومحد يخربها.

 

[om deaj]

مرت اخوي عينها حارة حتى لما تقول ماشاء الله ماينفع والله انا دايم اقرا المعوذات وسورة الكرسي بس ماينفع معاها ماشاء الله عليها شلون حارة

يوم يتني المستشفى وانا توني والدة صكت ولدي عين والله عيونه انحولت ما ردت طبيعية الا لما كمل الشهر تقريبا
الف حمد وشكر لك يارب

هذ موقف من مواقفها تدرين اخوي يقول حتى على عيالها عينها حارة

 

[رفيف الخير]

واحده من اهلي جاءت لي بنفاسي وريتها بنوتي الي عمرها اربعة ايام ورجعت وهي بحضنها قالت شوفو ترجيعها اصفر هذا من اللباء الي بصدرك وطلعت بعد نصف ساعة بنتي قامت ترجع دم بشكل فضيع حتى امي الله يحفظها انهارت تبجي وتنذر بصيام وصدقات عشان الله ينجي بنوتي واحنا طلعنا المستشفى والدكتورة افحصتها وهي مستغربة من الدم الي وريته لها وتقول لي البنت سليمة ولافيها اي سبب عضوي

 

[lolayasmeen]

شوفوا عند اللي ما يؤمن بالله مثل الاجانب وغيره دايما باعتقادهم انج لو مسكتي الخشب او علقتي تميمه
او من هالخزعبلات اللي عندهم واللي هي محرمه بالاسلام وتعتبر شرك والعياذ بالله لانهم يعتقدون انها
طاقه ضاره مثل الاشعاع وغيره والعلماء ياما سوا عليها دراسات بس ما في احسن من الايمان بالله
والعين مذكوره بالقراءن لما سيدنا يعقوب قال لاولاده ادخلو من ابواب عده لانهم كثيرين وكان يخاف عليم من الحسد
فما في احسن من التحصين واللي مجربه بعض ناس انهم عينهم حاره تحاول تتحاشاهم باي طريقه والحافظ الله
لاني بصراحه قبل ما كنت اومن بالعين واقول هذا كله من الانفس المريضه الخوافه بس عقب ما صارلي موقف
والله اني مراح انساه في حرمه عيالها مع ولدي في المدرسه ويوم شافتني اكلم المدرسه وعقب ما طلعت لحقتني
وهي تهرول تخيلوا وانا وصلت عند سيارتي ودخلت السياره واشوف الحرمه تناظرني بشكل غريب
حزتها ابي اشغل السياره ما تشتغل ولا حتي السويج يدخل في مكانه استغربت وظليت فوق الساعه عيالي الصغار في الروضه لازم اطلعهم وظليت مثل المينونه دقيت علي ابوي جاني وراح جاب ميكانيكي حتي الميكانيكي ما عرف يشغلها وجبنا كهربائي
وبدل الجهاز اللي ينحط فيه السويج ثاني يوم انا وعيالي بغينا نروح فيها سوينا حادث بس الله ستر ومن يومها وانا تصيرلي شغلات
فيها خساير بس دايم اقول بالحديد ولا بالعبيد والله هو الحافظ الله يحفظكم يارب من شر العين

 

[::: زووغة :::]

رد : انصكيتي عين

العيييييييييين اللي جتني بعد ولادتي بساعتيييييييييين
الله ستر بغيييييييييييت اروووووووووح فيهاااااااااااااااا
طالعه والده ما فيني شي وصعدت لغرفتي فجأة الدم قاااااااام ينزل
ونزييييييييييييييف حده قوووووووووووووووي الله ستر ولله الحمد

 

[ام شعيع]

رد : انصكيتي عين

مره سويت كيكه ووديتها الدوانيه ولا يتراهنون الرياييل انها جاهزه ريلي قام يتشيحط قدام ربعه وينادي الخدامه قدامهم من سوي الكيكه قالت ماما ومن يومها وانا اي شي ما يظبط معاي

عقب ما كنت مظرب مثل للناس

 

[ام شعيع]

رد : انصكيتي عين

عندي وحده من بناتي لما كانت ياهل كانت حيل ملفته للنظر حرجه وذكيه غير عن اليهال وبالروضه المدرسات يقولون لي عوذي بنتج وكانو حيل مستانسين منها ويشركونها بكل الانشطه القرآن خذت المركز الاول وكرموها المنطقه التعليميه وودوها للشيخه امثال وودوهاحق طلق الهيم ولطيفه العجيل وكل ما يو ظيوف يرزونها وانترس البيت دروع وهدايا ويودونها المناطق التعليميه كل ما صارت حفله او شي يطلبونها ......وفجأه تغيرت والله تقوم من عز نومها تبجي وتصارخ وكوابيس كل يوم وتخاف حتي من شعرها وطول اليوم بجي قريت عليها.... قصيت شعرها .........ما تغير شي كل يوم اسوأ من الي قبله والحين كبرت والله فاهيه استيعابها بطيأ ما تركز وتنسي اوديها علي شغله تروح وترجع عقب مده ماما شنو تبين والله اتمني ترد مثل قبل بس ما ادري شسوي هاذا الي خذيناه من العين