انصدمت من شكل بطني بعد العمليه القيصريه

[هدولى]

لا تحاتين صدقيني مو الوقت والاهتمام بيروح انتي توج تراا ولا تفكرين وايد ولاتحكمين من الحين نطري بعد جم شهر وصدقيني بيروح .

 

[ورد الغرام]

الحمدللة على سلامتك انا توني والدة قيصري ونفسيتي تعبانة من شكل بطني كفاية اني ضعيفة وكرشتي كبيرة اللهم لك الحمد والشكر

 

[rafal]

في مسحات طبية زيت سمسم لاغراض التجميل مثل الحروق والجروح الكبيرة استخدميها وان شاء الله الاثر بيختفي...

 

[يااسمينه]

الف شكر
المسحات الطبيه لاغراض تجميل اول مره اسمع فيه انا استخدم المسحات الطبيه العاديه الي تستخدم للتعقيم
انا فيه اثر لمكان الكبس اكثر من اثر الجرح نفسه واصلا نفس الجرح فيه كفسه مو مضبوطه

 

[انجبر قلبي]

حبيبتي الله يعينج

انا مثلج ولدت قيصري عند دكتورة روبينا بس مكان العمليه مو مشوه عادي و ما شالت لي الخيط مال العمليه قالت اهو بروحه راح يذوب ما سحبته

بس المكان اللي مشوه فبطي اهو خطوط الحمل صاير مخطط و مجعد اما مكان العمليه لا عادي

 

[mirrorsweet]

كفسه علقولتج

جفسه هاذي اغلب عمليات جذي

تصير فوق الخياط علصوب منتفخ اكثر من صوب ثاني


طبيعي عادي

نفسيتج تتعدل بعد النفاس الله يكون بعونج حاسه فيج

 

[sosowaty]

ااااااب

 

[قمري]

انا ولدت نفسج قيصريه وصارلي سنتين

اول شي بصير كل اللي قلتي عليه فعلا كلامج عدل بس بس بس

لاتخترعين حطي مره على الجرح والدوا اللي خصصه لج الدكتور ومع الرجيم والرياضه صدقيني كل هذا بروح وبرد بطنج مثل اول عن تجربه

وبالنسبه للخطوط راح تخف واغلبها يختفي واللي يبقى راح يتغير لونه ويصير مقارب حق لون الجلد والطب تطور الحين ليزر وهالسوالف كل شي يرجع مثل اول باذن الرحمن لاتتحبطين صدقيني وولله العظيم بتغير مع الوقت

 

[beauty rose]

انا بعد بطني شكله مأساااااة

لين و اسود و مخطط و السرة تخرع
و الخطوط مشت لي الفخوذ

حمدالله على كل حال
رحت حق دكتوره قنال الصايغ وصفتلي ادويه
ان شاء الله تييب نتيجه

 

[يااسمينه]

الف شكر والله يعطيكم الف عافيه ويحفظكم من كل سوء
ان شاء الله يارب مايظل كذا ويذحع مثل قبل ..انا الي مضايقني اكثر ان ماحس الجرح مرتب فيه جهه غير وهالجهه الي غير مخربه المنظر ومخليه يبان بطني انه نازل بينما الجهه الثانيه شكله عادي فلاحظت انه بدى يخف

 

[القلب الطيب]

نفس المشكله

 

[DO7AWE]

انا لي 5 سنوات من سويت قيصيريه
كلشي راح مع الاهتمام الا الترهل!!!!
ماخليت شي ماسويته عقدني بحااايتي
سفطة الفلو ع قولت رفيجتي ماتًروح الا بشد

 

[أم ركووووووو]

حبيبتي لاتحاتين والله كله يروح وسهالات انا نفسج كانت بطني سودة وبشعه ولاعبالي هالسواد محلول>>>>>>خخخخخخخ
لي درجه اني ليما اتسبح والله ابجي ليما اجوف بطني وعادي سبحان الله مع الايام وبعد الاربعين كله خف وراحولا انا بعد 15 يوم اواكثر شديت بطني بغترة بس عالخفيف وكنت اكل ادويه النفاس عدل وكنت امشي فبيتنا وبالدار رايحه ويايه والحمدالله ضعفت وكل شي اوك
وعلئ فكره القيصريه صح تجميلي وفي 3 انواع انتي الكبس وانا الخيط الي يتلونه بعد اسبوع نفس ام ريومه عشان جذي لاتستغربين يام ريومه
وفي نوع ثالث الي اهوا مايحتاج اتروحين وتشيلينه يعني يذوب بروحه وهذا خالت ريلي كل عيالها جذي بالقيصريه
وماتجوفين شر ولاتحاتين والحمدالله علئ سلامتج ويتربئ بعزكم البيبي*

 

[أم عزيـز]

انا قيصري وعمليتي مياط تجميلي يذوب بروحه مع السباحة

مكان الجرح الحمدالله مو حيل واضح
بس الخطوط والكرش مصيبه وبطني اسود اخاف اتفرك حيل لان العمليه من داخل يبيلها وقت على ما تلتإم تقريبا ٣ شهور
وما اقدر اسوي رياضه الا بعد ٣ شهور وهالشي متعبني مع اني الحمدالله ضعفت بس الخطوط وكرشة ملوعه جبدي

 

[أعشقه]

انا مسويه عمليه ولي الحين 10 شهور ..
وزوجة عمي مسويه قبلي عمليه ولها الحين سنتين و6 شهور
شوفي الفرق هي تجميلي ومسوين توصيات عليها
جايه تسالني تقولي شلون شكل الجرح الي مسوين لك وطبعا نفس المستشفى الي هي ولدت فيه وحكومي ..
المهم قلت لها بس شكل الخط ضعيف مره .. ولونه احمر في بدايه الولاده وبعدين قام يصير وردي والحين لونه قريب ع لون البشره ..
ماقول لك اني اهتميت بنفسي بس كل يوم امسح ع الجرح بالمسحه الطبيه بس والله ماسويت شي ثاني ولا له اثر ولا شي
واستغربت تقولين حديده ..
انا قالي تجميلي بس خيط في البدايه وفي النهايه وشاله لي الدكتور بعد 11 يوم
والله انه خط بسيط ولا يبين الا اذا دققتي ..
وزوجة عمي تقول صاير سميك وواضح وله لون قامج يعني تقول اللون للحين مايل للون البنفسج
وتقول شفتي الملعقه حقت الاكل تقول العرض نفس عرض هذاك الطول الي بالملعقه مدري مو عارفه شلون اوضح لك العرض
المهم وراحت لدكتوره وقالت لها لازم تراجعين نفس المستشفى الي سوو لك العمليه يوم راحت قالو لها ماتروح لازم عمليه ثانيه تجميليه وهذا هي ضايق صدرها
بس البطن انا بطني اخترب من العمليه صاير منفوخ مثل ماقلتي كاني حامل بــ 7 شهور وتحت حيل مثل الي نازل ولينه بعد هههه وصف حقيقي والله
وهذا اقلل اكل واحاول اسوي رياضه البطن وامشي كل يوم وللحين ماشفت فايده
شريت صابونه وكريم لتخسيس قلت لعلى وعسى
صاير شكلي غبي
بس زوجة عمي والله وللامانه مافيها لا بطن ولا شي كانها ماجابت عيال بس مشكلتها شكل الخياط
حبيت افيدك بكل مااوتيت بقوه خخخخ

 

[؛؛حلاوه؛؛]

منو دكتورج؟

اللي اعرفه العمليات كلها الحين ليزر

 

[virgo88]

الله يشافيج يارب ويرد احسن من اول

 

[ام يوسف السعد]

الله يريح قلبج اب اب

 

[أأأميرة الورد]

اااب

 

[glby7sas]

امبي تصدقين انا بعد قيصري وتجميلي بس غير عنج انا مافي شي شالوه مجرد لزقه كانت ابطني بعد اسبوع شالولي اللزقه والدكتور يا فقص بطني قالي خلاص كل شي تمام ومافي اثر قعدت اشوف مكانه شفت فيه جفسه صغيره وسواد عادي كانو لانه حاطيلي الدوا الاسود عليه فالظاهر لازق لاني اخاف افرك مكانه


بالنسبه للتشققات نفس المعانات ويمكن انا العن لانه شكله جنه محفر بجسمي بس مادري شسوي

وانا حاليا صارلي شهر من الولاده وليلحين خايفه افرك بطني مادري ليش عشان جذي ليلخين سواد الحمل فيني لازم افرك

لالنسبه للكرش قاعده اسوي رجيم بس مااشوفها راحت لوول