انصدمت من ريلي ..

[@أم الصبيان@]

مون مون 12 .. تسلمين ياقلبي ..

اختكم بالله .. الله كريم حبيبتي ..

ملامح جنونيه .. انا بعد ايؤيد التاخير بس مو وااايد ..

بنت حوا .. اهو قالي من فتره يبي بعد سنتين من عمر ولدي .. عشان جذي قلت اجيس النبض .. ماتوقعت هالحجي !!

انا توب انا .. ماطفرته .. وليش اطفره بالله !! فتحت الموضوع مثل اي موضوع ..ولو شنو انسى الحبه اتعمد ..من صجج !!
مابيه لايكرهني ولايكره البيبي ..

فطومه .. مادري اذا انتي ماتشوفينها مشكله .. والله انا اشوفها مشكله .. شلي غير رايه .. اهو كان يبي ..

ام حيدر .. اي والله صاجه .. بيحن بنفسه ..

 

[ktkota_we9we9]

يمكن سؤالج ماكان بوقته و ياج الجواب اللي مايسرج
لاتضغطين عليه الحين خليه يروء و يهدى

والله يسخركم حق بعض يارب

 

[@أم الصبيان@]

اشتياق .. لاماراح افتح الموضوع الا بعد فتره .. او من نفسه يفتح لي الموضوع ..

داريني .. الله يخليهم لج يارب .. ويصلحهم ..

بكنش .. مو مكبره السالفه ولا شي .. واكيد انصدم ليش غير رايه .. وبعدين حبوبه .. ياتقولين شي زين .. الحمدلله والشكر على قولتج

 

[@أم الصبيان@]

يمكن سؤالج ماكان بوقته و ياج الجواب اللي مايسرج
لاتضغطين عليه الحين خليه يروء و يهدى

والله يسخركم حق بعض يارب

يمكن ليش لاء .. اميييين يارب ..

 

[مندوبة ام بندر]

اللة يعينج ويكتب اللي فية الخير

 

[@أم الصبيان@]

ام بندر .. تسلمين ياقلبي

 

[لوازم العائلة]

الله يخليلج عيالج
الي الله كاتبه بيصير
لاتفتحين هالموضوع حاليا

 

[@أم الصبيان@]

لوازم العائله .. تسلمين ياقلبي

 

[نور78]

لاتفتحين الموضوع جدام ريلج قولي الحمدالله علي النعمه اهم شي بصحه وعافيه ومومقصر عليهم باي شي احمدي ربج وبالنسبه للبنت اشدراج ان الثالث بيكون بنت الرزق من رب العالمين وعلي فكره ولدج توااا صغير نطري اشوي وماتدرين راح اهو يطلب منج بعدين بس اذا حنيتي فوق راسه راح يعااااند ادعي بصلاتج ان ربي يحنن قلبه ويرزقكم الذريه الصالحه

 

[الليلاس]

رد : انصدمت من ريلي ..

ياعمري دام انج تقولين احمل حتى لو بعد سنتين انسي هالسالفه ولا تفكرين فيها وتلاقينه اهو يبطله انشالله ولا تحملين بعدين بسيطه الرياجيل كل يوم لهم راي وكليوم لهم عره الحمدلله والشكر
انسي انسي وكنه ماقالج شي

 

[انا حبه للابد]

رد : انصدمت من ريلي ..

يمكن اذا ولدج راح الابتدائي يفكر بالثالث ترى عادي حتى انا ريلي يقولي لاتحملين الحين والله اذا حملتي قبل لابنتي الصغيره تدش الروضه يقول بطقج بكس واطيح اللي اب بطنج وعادي عندي طاف احسن بعد اش لج بالمتن وتعب الحمل ونفاس وسهر الليالي

 

[kookiz]

حبيبتي يمكن مضغووط يمكن يبييج تجابلينه وماتلهين بياهل يديد
ميخالف صبري ومرده بيحن قلبه وبيقولج يالله متى تيبين البنوتة الحلوة صبري وانشالله بيغير رايه بس صبري فترة

 

[DO7AWE]

شوفي وانا اختج..الحين روحي واقنعيه انج ماتبين تحملين كلش تو الناس .ولمن يقتنع لا تاكلين حبوب ..واذا حملتى قولي نسيت حبه ؟؟يعني شيبي يسوي اذا حملتى..بيذبحج عشان حامل؟؟؟

 

[الحورية الصغيرة]

مو ضروري تاخذين الحبه
سوي نفسج خذتيه

يعني ذوبيها بماي بعدين كتيه أو قطيه تكريمين بالزباله
كلمي أمه تكلمه يعني تقص عليه تقوله انا حلمانه انه ياتك بنت و جذي
و ماااااالج إلا الدعاء أولا و أخر

 

[DaShTeYa_Q8]

ماقال شي غلط
انا للحين ماتزوجت وما افكر إلا بـ 2 بس بنت ولد كل شي من الله حلو
عالأقل أجابل عمري و أستانس و هم أربي عيالي عدل وما أقصر بـ حق أي أحد
وإنتي لا تبطلين الموضوع معاه إهتمي بنفسج الحين وبعيالج هالأثنين توهم صغار الله يخليهم لج
ولمن يكبروون بتشوفين ريلج يقولج أبي بس لأنه عيالج صغار وايد
لا تسوين مشاكل حمدي ربج على هاليهال ولاحقه على الباجي

 

[Brounzi_girlly]

رد : انصدمت من ريلي ..

حبيبتي الحين سكري الموضوع وربج يفرجها بعدين وريلج اخذيه بالمساحل احسن لج
والله يسخر لج اهوة وعيالج
مع التحية...............

 

[DaShTeYa_Q8]

لا تسمعين حجي البنات وماتاخذين الحبوب
تره رضى الزوج أهم من الباجي!
إنتي لاحقه عاليهال لا تفتحين على نفسج بيبان وخلي الريال يتنفس شوي
مو تضغطين عليه و على نفسج إستانسي وإلي الله كاتبه بيصير

 

[UNICORNA]

الحياه مشاركه وهو عنده حق لمن قال يبى 2 اطفال وانهم كفايه وصراحه ماغلط

بس بعد ممكن يكون مضغوط ولمن يهدى كلميه ومش الحين طبعا يعنى لمن يجى وقتها

يعنى ماتكلمينه الحين عشان تحملى بعد سنه او سنتين .... مايصير :080402ask_prv:

بعد سنه لمن تحبى تحملى وتشوفى الوضع والضغوط خفت وعيالك كبرو شوى

وقتها اتكلى على الله وكلميه [/SIZE][/COLOR][/B]

 

[حبيبي مالكني]

رد : انصدمت من ريلي ..

حبيبتي صبري جم يوم واذا راق فتحي الموضوع معاه مرة ثانية
والله يهديه لج

 

[أم روعة]

مضيقه خلقج من الحين ! بعد سنتين يصير خير اكيد بغير رايه تلقينه مضغوط ودايخ من صيحة اليهال