انصدمت من ريلي ..

[@أم الصبيان@]

مسسسائكم الله بالخير .. الحمدلله الله رازقني بولدين لك الحمدلله والشكر وولدي الثاني عمره سنتين ونص .. والحمدلله ماديا ريلي وانا ماشيه امورنا .. لك الحمدلله .. اليوم سالت ريلي ها متى تبي الثالث .. ماشوفك تفتح هالموضوع كلشش انا على ضحك والله ماكان قصدي .. جان يعصب ويقولي بس الحمدلله انا راضي ب2 مافكر كلششش .. وبعدين الزمن تغير من كل النواحي .. كل شي يبيله فلوس أبسط شي الحضانه .. واليهال كل شي يبونه !! ومابي اقصر فيهم بشي .. غير التربيه اللي يبيلها مجابل .. وانا راضي على2 .. والله انا انصدمت جنا احد طاقني طررررررررررراق :eh_s(16):
قلت له كل الكلام اللي قلته صح 100% بس مو معناته مابي اعيال انا ابي بنات .. وانا مابي الحين حتى لو بعد سنتين .. مايهمني ..قااال كلش رجاءً لاتفتحين هالموضوع كلششش ومابي اشوفج تنسين حبوب منع الحمل متعمدا .. وراح وخلاني !!
يابناااااااات منصدمه والله للحين !! مادري شسوي اسكت وابطل الموضوع بعدين ولا شنو .... ششششششورواا عليي ولاتبخلون علي بنصيحه ..​

 

[جـــواهر]

عادي الرجال مضغوط ..توقعي يقولج اي شي طبعا مايقصد ..

بصرااحه انا وزوجي ودنا بهالاثنين وبس

التربيه صارت صعبه ..

 

[( مي )]

اذا الله كاتب لكم الثالث
بيي
بيي

سواء رضى ولا مارضى
راح تحملين ابأي طريقة

مثلا
تنسين حبة
تاخذين مضاد يبطل مفعول الحبة


لا تفتحين الموضوع معاه مرة ثانية مدام مو في بالج الحمل الحين ،، خلي النقاش بوقته

 

[RoWaIsHeDyA]

طوفي الموضوع ولاتحنين على راسه خليه براحته كلمه وانقالت واهوا صاج شوي بس مولهدرجه انه نهائيا بس مو الحين يعني لمن يوقف على ريله شوي وبعدين مثل ماقالت الاخت مي اذا الله بيرزقج لو ان شاء الله يصيرون درزن بيعطيج

 

[blue diamond]

لا تفتحين هالموضوع معاه الحين
بعد فتره طويييييييييله و سنين راح يحن لريحه الياهل وراح يقولج ابي بنت
واذا ما قالج عاد انتي قوليله بعد جم كلمه حلوة وبعد ما تلبين طلباته اذا كانت عنده طلبات وبالمساحل والكلام الحلو كل شي يصير

 

[فوفو22]

رد : انصدمت من ريلي ..

حياتي

اختيار الوقت خانج

احنا الحين بآخر الشهر....

وتوها نازله الرواتب....

وبدت المصروفات تطلع....

معاش الخدم والسايق

مصاريف المدارس الخاصة

الايجار واغراض البيت والتموين

....................الخ

كل هالظروف

خلت زوجج يغضب من موضوع مولود بمصرف جديد

فوفو

 

[om-7many]

رد : انصدمت من ريلي ..

اللي الله كاتبة بيصير انتي طوفي الموضوع الحين
وانشالله كل شي مكتوب راح يصير

 

[om-7many]

رد : انصدمت من ريلي ..

اللي الله كاتبة بيصير انتي طوفي الموضوع الحين
وانشالله كل شي مكتوب راح يصير

 

[كويتيه شقره]

تبادلين؟؟
اناا ريلي ذبحني الحين يقول كافي خلاص البنت صار عمرها سنتين ونص نبي ثالث ورابع
قتله تو الناس
خلاص حبيبتي انتي طنشي وامكن الريال مضغووط
انا لو بايدي كافي علي بنتين ويارب لك الحمد والله الزمن هذا تغير وكل شي يبيله مقابل ومصرف والتربيه اهي اللي تذبح بالنسبه لي جهاااد..

 

[قمر الكويتية]

رد : انصدمت من ريلي ..

يمكن لأن عيالك صغار و مزعجين

نطر حبيبتي يمكن يغير رايه يمكن لما عيالك يشدون حيلهم ويعتمدون على نفسهم

يقولك بعدها حملي

وصح أثنين شويه ، بس صبري وإذا لك رزق تاخذينه و ديري بالك على

زوجك وعيالك وفيهم البركة إن شاء الله

 

[ورد]

لا تستعجلين على رزقك

يمكن الحين مضغوط وما يبي يتحمل مسؤلية زيادة
وانتي اذا ما تبغين الحين ليش فاتحة الموضوع ؟؟
كل شي في وقته حلو

 

[خذاني الشوق]

اسكتى اللحين واستغفري ربج وسكري علي الموضوع لين تشوفينه هادي ورايق مزاجه روحي له وبطلي الموضوع قولى فلان انا بخاطري بنت والرزق الله الرازق ومن هالكلام بهدووووء من غير عصبيه وان شالله الله بيهديه ويخليج تحملين

 

[الأميرة جوري]

رد : انصدمت من ريلي ..

يمكن ان ولدج صغير ومضغوط بعد سنه ونص اهو بنفسه بيقولج

 

[++MesK++]

؛


؛





دامج ما تبين الحمل الحين



ليش تحاتين و ضيقتي خلق الريال !



مزهبه الدوا قبل الفلعه !؟!


الله يحيينا ان شاءالله عقب سنتين لمااااا تفكرين بالحمل يصير خير !!!




؛


؛

 

[MONY--87]

كل شي بيد الله و ما تدرين يمكن يصير عندج بدال البنت بنتين ...

بس انتي لا تستعجلين و كل شي بوقته و خاصه انج مو مفكره إلا بعد سنتين ...

و الله يرزقج على قد نيتج و يهدي زوجج ...

 

[ام شووووق]

رد : انصدمت من ريلي ..

حبيبتي كل شي يجي بوقته

 

[ضي]

طبعا الحين لا تكلمينه

صدقيني بعد فتره اهوا بييلج ويقولج يالله نبي الثالث

بس تلاقينه الحين مضغوط فقالج جذي


بس انتي لااااااااا تفتحين معاه الموضوع حالياااا

 

[جنون العشق]

مالومه الدنيا تغيرت وكل شي صار صعب ومادي بس 2 شويه بسش ماعلي الدنيا بتغير رايه وبتشوفين الثالث والرابع

 

[نوووور الشمس]

رد : انصدمت من ريلي ..

اللة يعينج ويكتب اللي فية الخير

 

[miss-loonly]

حبيبتي يمكن لانهم صبيان فيصيرون حرجين وفسهم شطانه عشان جذي مخترع ريلح
وترا بيني وبينج كلامه صج الياهال مئولية اسم الله عليهم انا عندي اثنين الله يحفظهم ومبتلشه فيهم
وعموما جدامج سنتين اذا الله عطاج عمر انشاءالله وقررتي فتحي الموضوع على رواء