السلام عليكم
حبيت اطرح مشكلتي اللي ارقتني وتعبت من التفكير وكانني ماسكه على جمر
:
- بنت ... عمري 29 سنه ... عزباء ... خريجه .. موظفه
مشكلتي
من تخرجي من الثانويه والخطاب يطلبون يدي ويد خواتي ولكن المشكله تكمن ان ابي كان يرفضهم دون سبب المهم صبرنا ونحن بنات اعمارنا متقاربه واكثر من وحده .. ظل الوضع كماهو كل ماتقدم شخص اما امي ترفضه وتقول مش من مستواكم او طامع بفلوسكم اذا اشتغلتوا او ارفضوه الناس وتقبلون به . وبعض الاحيان ترفض دون الرجوع الينا وابي كذالك
كبرنا وهاهو العمر يمضي من بين ايدينا اللي يقهر انك تشوفين بنات عائلتك كل وحده معها ابنائها وانت تتحسرين بداخلك
المهم اخذا الخطاب يتركون الكبيره ويطلبون الصغيره مع ان مابينهم فرق بس العمر ونرجع لنفس الدائرة لن تتزوج الصغيره قبل الكبيره واذا راح الخطاب اخذوا يلمون الكبيره لو توفقتي كان مشى حظ اختك الصغيره اذا ارجعوا راح اوافق ولكن لا يتغير شي يستمر منوال الرفض
واللي يقهر انهم يفرحون للغير يعنى بنت جيرانا انخطبت تلاقي امي فرحانه ويارب يسعدها اللي يوفقها ماعاد صغيره طيب وبناتك
وابي يفرح لبنات خواته اكثر من بناته ولا يفكر فينا
تعبنا نفسيا
المهم بهذي الفترة .. هذي الايام متقدم لي ولد من العايله ... لكن امي رافضه الموضوع
تدرون ليه ... لان امه مش من الاهل ... وخواته ماخذين من غير العايله
تقول ماهو من مستواك ... اصبري الى ان الله يرزقك باحسن منه
هو شخص وضعه ممتاز .. وله بيت .. وخواته عسل وامه بعد
انا مرتاحه له لانه جدا طيب .. واحس اني برتاح معاه
صراحه ابي الستر ابي بيت وزوج وابناء وبنات اضمهم لقلبي ما ابي شي غيرهم
واسفه اذا طولت عليكم
بس ابي رايكم ويش اسوي مع امي
تقريبا نفس المشكلة
امي في صوب وابوي في صوب
واذا تكلمتي قالوا ما تستحين انتي بعدج صغيرة
قهر والله
اهم حللوا على انفسهم وحرموا علينا
الله يسامحهم والحين عندهم قانون جديد هو البنت الكبيرة بعدين الصغيرة موتوني ضحك يوم يفوت الفوت ما ينفع الصوت
واحلى شي يوم يقولون انت بعدج صغيرة ماتعرفين مصلحتج عفوا يعني انتوا عرفتوا
يزوجون اخواني الصغار وخواتي الصغار لا ليش الكبيرة ما تزوجت نحسوني بينحسون خواتي
ظلموا بيظلمونهم
تعبت نفسيتي صارت مثل الزفت
