انصحوني وش اسوي

[مابنكسرصابره]

اناعندي صديقه اعتبرها اكثرمن اخت وصارلنا مع بعض اربع سنوات والله العظيم كل اسراري اقولها لها وارتاح معهاوهي نفس الشئ متعلقين في بعض لدرجه مانستغني عن بعض صديقتي هذه يتيمه الابوبين قبل فتره سمعتها باذني تكلم رجال انصدمت صدمه موطبيعيه لانها كانت دايم نتنقدالبنات اللي من هالنوع وتقول انامستحيل اسوي كذاانامن قوة الصدمه قلت لهاانانفسي طابت منك اناطبعي اذا انصدمت من شخص على نفسي تعافه اهي دقت كثيرعلى جوالي بس ماردعليها ماقدرارجع لها لان خلاص مافي ثقه بينا واي علاقه اذا مافيها ثقه ماتنبني وبتصيردايم مشاكل انااول ماواجهتها ليتها صارحتني كذبت على انا مادري هي كذا من زمان وربي حب اني اعرفها على حقيقتها مادري موعارفه كيف اتصرف تعبت نفسيا لانها صديقتي الوحيده ماعندي غيرها ارسلت لها مسج انصحها وقلت لها علاقتي انتهت فيك والله مانام من قوة الصدمه وش اسوي انصحوني

 

[نور مغليها]

رد : انصحوني وش اسوي

المفروض تكلمينها وما تقطعينها ع الاقل تنصحينها وتاخذين اجر فيها
بعدين مثل ما قلتي اهي يتيمه يمكن صارت لها ضروف جبرتها
او سالفه او شي انتي ماتدرين عنهـ ،،، لازم تكلمينها تشوفين شنو السبب الي خلاها تكلم الولد ،، واذا حسيتي انها غلطانه او اهي تبي تكلمه وما تبي تتركه تقدرين تتركينها براحتج بس بالاول لازم تعرفين الاسباب ،،،
واشدراج يمكن الله يهديها ع ايدج ،،،

 

[Tulips]

رد : انصحوني وش اسوي


حبيبتي يمكن انتي ظالمتها

تأكدي منها

 

[مطيرية فلة]

حبيبتي المفروض تاكدين اول شي بعدين تنصحينها واذا شفتي مانفع فيها
لج الحق تنسحبين منها بس اول تاكدي

 

[الغاليه ام احمد]

ليش تقاطعينها
المفروض تنصحينها

 

[طموحه بزياده]

اذا انتي فعلا صديقه


تكونين قد هالكلمه وتنصحينها مثل اختج وتذكرينها بعواقب هالشي وان الله ما يرضا وانها اصلا طايحه من عين اللي تكلمه

 

[..<< ندى الورد >>..]

رد : انصحوني وش اسوي

ليش ما تنصحينهااااااا

 

[7noOna]

رد : انصحوني وش اسوي

امبيييييه اكبر غلط اللي سويتيه لما قطعتي علاقتج فيها !!


المفروض تخلينها تهد هالطريج اذا صج لها معزه بقلبج و تحاولين تزفينها عالغلط


انا وحده رفيجتي لما اغلط تعصب علي و تزفني وااايد لما اتعدل و الحمدلله ربي لايفرقني عنها اقرب وحده لقلبي

شووفي هاذي رفيجتج و عشره عمر ماتهدينها عشان سوت غلط لأن ابن آدم خطاء و محد مايغلط بس اذا صج تحبينها رجعيها للطريج الصح ةالله يوفقج انشالله ،، اهيا اذا تعزج واايد بتصلح غلطتها و تحترمج زياده لأنج خفتي عليها


سووري عالاطاله بس حبيت اشوف حل

 

[R'3wa-P!nKya]

ماااااعندج سااالفه لييييش هديتيها من صجج حدج غلطااانه بدال لا تخلينها اتهد وتوخر عن الطريج رحتي انتي هديتيها انتي ماساعدتيها انتي ضريتيها وتركتيها بالطريج الشين

انا اقووول دقي عليها وفهمي منها السالفه ونصحيها

 

[شوشو الشقيه]

شوفي اختي موضوع رائع
اختي كل واحد عنده عقل ويعرف الصح من الغلط
فانت عليج اول مره تنصحيها تره هذا غلط يمكن يدمرج
اذا شفتيها تقبلت كان بها
اذا لم تقبل خلاص قفلي السالفه
انتي عليج بلغتي رساله لها
هي بالغه تعرف من راسها الي اقدامها
شوفي اختي انا قاعدتي في الحياه
موسي على دينه وعيسي على دينه
اصادق الكل
بس تصرفاتكم وعاداتكم وتقاليدكم على كيفكم
انا حياتي وتصرفاتي وعاداتي على كيفي
انا لا اتدخل في تصرفاتج خطا او صح
ولا انتي تدخلين ولا تحرضيني على غلط
انا انصح الشخص مره واحده اذا سمع خلاص
اخذي قاعدتي والله ترتاحين
من اختك شوشو الشقيه

 

[ORKDI]

المفروض تنصحيه

ما تتكرينها

تقولين لها انه بالشي هذا راح تضيع حياتك

شنو راح تستفيدين من وراء هالمكالمات وله شي

 

[..NOoOo Limit..]

رد : انصحوني وش اسوي

حرآآآآآآم عليييج
راح اتزيد بالغلط لمن اتشوف اقرب وحده لها تخلت عنها بأزمتها وخير ياطيررر كلمت المفروض تخلينها تهده بطريقتج شوي شوي ... عاد شدعوا مولهدرجه تهون عليج عشرتها عشان تقطعين علاقتج فيها ....

 

[الزين 85]

المفروض تنصحينها وتنورينها انه اللي تسووويه غلط

 

[FeShinGoOo]

رد : انصحوني وش اسوي

مع البنااات

 

[noo7a]

يمكن
عمها
خالها
يدها
عم يدها
يمكن انخطبت و ماتبي تقولج الحين
اي احد من اهلها ليش تسرعتي جذي
ولو نفرض ان الي تكلمه واحد غريب دام اهي صديقتج ملزوم عليج انج تنصحينها

 

[Tom ♥ Jerry]

.



لا تتخلين عنهآ آهيه الحين محتاجتلج آكثر من كل الايام الي رآحت !
تبي آحد ينصحهآ حرآم عليج !
يمكن مشاعرها مآلت حق هالشخص !
بالعكس آنتي لآزم تروحين لها و تقعدين معآهآ
و تحآولين بآسلوبج اتيرينهآ بالحجي لمآ تقولج وين عرفته و تقولج السالفه كلها :/ !
آلآنسان يخطئ بس الخطأ أنه يستمر على هالخطأ
الله يهديها حآولي تنصحينهآ مو تروحين عنهآ ! آهيه من لها غيرج ؟؟
يآهل مآ تعرف الصح من الغلط و احساسها يرهآ صوب هالريال
نصحيها مآفيها شي !

 

[طيب شعـور]

رد : انصحوني وش اسوي

البنات وفوا وكفوا ... المفروض ما تتركينها لانج ضيعيتها اكثر ..

 

[حصــgص..~!]

رد : انصحوني وش اسوي

انصصحيهآ و حآولي فيهآ ,!


ولآ تخلين عنهآ من كلآمج مآ لهآ احد غيرج =(


حآولي قد مآ تقدرين ترجعينهآ مثل آوول ,,​

 

[فطووومة]

حبيبتي لا تهدينها يمكن اهي محتاجة احد يوجهها


لا تتخلين عنها ولج الاجر ان شالله



كلميها استفسري منها انصحيها مرة مرتين ثلاث

واذا ما فاد سوي اللي تبينه


حرااااام يمكن تكونين سبب في دمارها اذا تخليتي عنها

والله يوفقكم يارب

 

[nsoom777]

حياتي مثل ما قلتي انها يتيمت الابوين وتدور حنان وكلمه حلوه ما لقت الا هالطريق عشان تسد النقص الي فيها
انتي خليج معاها غلط انج تقطعين علاقتج فيها وعلميها الصح من الغلط وان هالطريق دماااار لها ولمستقبلها واذا
هالشخص الي يكلمها يحبها ويبيها خل يتقدم لها مو علاقة تلفون بس وذكريها بالله سبحانه وبعقابه وانه يمهل ولا
يهمل يعني بالاخير يا يلعب عليها الحبيب وياخذ الي يبي منها وبعدين يقطها مثل الزباله حشاج والا يتزوجها والا يخليها ويدور
وحده ثانيه وخلج دايم معها مسكينه الله اعلم بظروفها