انشرح صدرى هذاك اليوم

[زعفرانة_73]

ينشرح صدري اذا رحت مكان و شفت الاهل محجبين بناتهم و هم صغار و معودينهم من الصغر على الستر

يزاج الله خير على مشاركتج​

 

[زعفرانة_73]

هلا والله بالغاليه زوزو


نورتي القسم ياقلبي


اي والله شي يشرح القلب ويسعد النفس


اللهم اعز الاسلام والمسلمين


ماكو اجمل ولا احلى من منظر الناس واهم يتسابقون في الاماكن العامة على المصليات لاداء الصلاة

حياتى نهى يسلمج ربي
الله يثبتنا على طاعته آمين رب العالمين:yaaaaaarb:​

 

[زعفرانة_73]

يعطيج العافيه
موضوعج الى يقراه ينشرح صدره

يعافى عمرج حبيبتي ودوم ينشرح صدرج:eh_s(17):​

 

[ميونة الحلوة]

ينشرح صدري لا شفت الطالبات في المدرسه يساعدون الابلات اذا كانت شايله شي يشيلونه عنها و اذا سوو حفله و جابو الاكل و خلصو منه قامو بنفسهم يعطونه للفراشات

و اذا غبت يجون يسالونج سؤال محبه مو عيارة و لا لقافه ليش غايبه ابله

دايما ندعيلهم بالهدايه و الصلاح ان شاء الله

 

[مجنونة اوزان]

الله يكثر من أمثآلهم

 

[زعفرانة_73]

صج وناسه والله جم مره ادش اصلي بمجمع سبحان الله احس اني صج بمكان روحاني خاصه ان الكل يصلون بمكان واحد بغض النظر عن الجنسيه والاصل والطائفه ..

الله يحفظ ديرتنا ويحفظ كل المؤمنين يارب ولا يغير علينا هالعز واالامان والوحده والمحبه اللي بينا

آمين يارب العالمين

Patcholli مشكوره قلبى​

 

[زعفرانة_73]

طبعا شي حلو ويفرح ومجهود يشكرون عليه وانشالة الى الامام وانشالة الناس تحافظ على هالملابس وعلى المكان .

ان شاء الله حبيبتي​

 

[soheir nigm]

أحسن حاجه لما أشوف ان فى لسه فى خير فى الشباب ويساعدوا حد كبير فى السن ويكون محتاج مساعده

 

[سحابة امل]

موضوع رووووعة

ينشرح صدري لمن كنت بالكلية واروح المصلي اشوفه متروس والكل يبي يصلي

وتخرجت الحمدلله

وانا الحين معلمة

وطبعا دايما اذكر قسمي وابلات بالصلاة ونصلي كلنا والكل يذكر الثاني

وحتى الاقسام الثانية نشوف حزة الصلاة الكل طالع وداش الحمام يتوضي

الف الحمدلله على نعمة الاسلام

 

[حبي مودي..]

صراحه مواقف تشرح الصدر الله يعافيك على موضوعك اللي يشرح الصدر..
تحياتي لك..

 

[زعفرانة_73]

حياكم الرحمن وعسى دوووم الجميع منشرح صدره​

 

[زعفرانة_73]

بسولف لكم عن موقف حلو وشرح صدرى
قبل فتره قصيره واعدت أحد اعيالى نروح حق استاربكس الجمعيه عقب الأختبار على طول لكسر روتيين الأختبارات، وأنا واقفه مقابل الكاشير ولا يمى وحده وشغالتها ويا حلاتها هالبنيه قاعده تسأل خدامتهم بتواضع شنو تحب تطلب ، شى مفرح ويشرح الصدر أنها ماتخلى بخاطر هالمسكينه، لأنهم بالنهايه بشر مثلنا مثلهم لهم مشاعر واحاسيس .​

 

[يجازيك بحبك]

يعطيج العافيه يارب
على الموضوع
والحمد الله أن الدنيا بخير للحين
اللهم اعز الإسلام والمسلمين ...

 

[سندس 90]

ماشالله
والله محتاجين نسولف عن هالمواقف
لإني ملاحظه بس نسولف عن الظواهر السلبيه واشوفها تزيد
بس لي اهتمينا وطلعنا الشي الزين احس يزيد ويستمر ان شالله


ربي يشرح صدرج وييسر أمرج

 

[m!ss]

مع الاخت سندس90
يا حلات المواقف الطيبه
و الله يشرح صدوركم بطاعته آمين

 

[Om Khaloody]

انا لاصاار عندي طقم صلاه بالبيت واايد وزاايد حطيته بجيس ووديته معاي الافنيوز وحطيته بمصلى النساء للحريم يستخدموونه