انشرح صدرى هذاك اليوم

[زعفرانة_73]

بسم الله الرحمن الرحيم
======
اشلونكم بنات وشخباكم أدرى بروحى مقله ومقصره بقسم المناقشات الجاده ، بس الدنيا ومشاغلها اللى ما تخلص:tongue22:.
بسولف لكم شنو اللى انشرح صدرى بيوم العيد لما شفته ، طلعنا اليهال بثاني يوم العيد مطعم وسينما وتأخر الوقت وصار آذن العصر واحنا للحين ما جى وقت الفيلم / وقلت حق الأهل الصلاة لا تطوفنا الصلاة، ورحنا عشان نتجدد ( توضينا) للأستعداد للصلاة، ورحنا للمصلى اللى بالأفنيوز ، ماشاء الله تبارك الرحمن شى يثلج الصدر الدوله موفره لنا أطقم أثواب الصلاة والسجاده ، وكل ما يلزم المصلى لأداء فريضة الصلاة، نفسيتى انشرحت وأنا اشوف اللى ملتزم بالحجاب واللى ماتحجبت جايين يصلون ، وشفت مصلين مع اختلاف مذاهبهم بنفس المصلى(شى ينشرح صدرك لما تشوفين الناس بجميع ألوانها، ومذاهبها ،والفروقات العمريه،ومختلف الدول والبلدان، يؤدون عبادتهم للواحد القهارسبحانه) وكان نظام وشى يشرح الخاطر.
ولى مشاركات جديده باذن الله

وانتو بنات شنو شى ايجابى شفتوه ولا مستوه بحياتكم اليوميه وأسعدكم وقلتوا للحين الدنيا بخير.​

 

[شادن33]

هلاااا بزوزو

انا بعد لما اكون بصالون والكل مشغول وأشوف البنات اللي يتمكيجون يسألون عن القبله ويحرصون على الصلاه بغض النظر عن شكلها المتبرج
بس تحرص على الصلاه ينشرح قلبي واقول الدنيا بخير

 

[JANAA]

يا هلا ومرحبا باحلي زعفورة ريحه وطعم ولون وشكل لا يقاوم​

انا ينشرح صدري لما اكون طالعه مع الاهل بر او حديقه او بحر وياذن للصلاه ماشاء الله اتلاقين الرياييل والاطفال يصطفون كلهم خلف واحد يام فيهم وهم ما يعرفون بعض الله منظرهم يونس واقول الحمدلله وصية رسول الله مازالت قائمه الصلاة ودي سعيتها اناشد قنوات العالم الغربي يشوفون شلون ربنا وصلاتنا اهم شي لنا بالدنيا


هم بعد ينشرح صدري وايد لما اشوف واسمع السديس يقول استو استو وتشوفين الناس من جميع الجنسيات والاعمار والالوان والعمر يصطفون خلفه للصلاة هاي اكبر منظر واقوى منظر بالعالم ينشرح له صدر الناس

ينشرح صدري لما اشوف انسان عاجر او مريض او كبير بالسن او فقير ويركضون الناس علشان مساعدته الله الله فعلا ينشرح صدري

ينشرح صدري بعد صلاة العيد الكل يسلم على بعض ويهني بعض بعد الصلاة بالعيد وما يعرفون بعض ومن مختلف الجنسيات
مازالت امة محمد صلى الله عليه وسلم بخير

أسفه زوزو طولت

 

[مدّهره !]

من فتره كنت بالسوق وكنت أنتظر ماام بررى المحل

شوي إلا أشوف رجال من بعيد أسمع صوته بس مااأدري شيقوول وكان

يمشي بروحه ويتكلم ...’

قعدت أهوجس أقول لايكون مو صااحي شفيه يكلم نفسه وكنت راح أدش لماام المحل

لأن خفت شووي إنه يكون مو طبيعي لماا جاا من قريب

تخيلووااا شنو طلع يقووووول :eh_s(16):


.’




.’



طلع يكبر وبصووت ويمشي بين الناااس بالسوووق


الله أكبر الله أكبر الله أكبر لا إله إلا الله

الله أكبر الله أكبر ووللله الحممد

ماشااااء الله عليه فررحت جد وإنشرح صدري إنه قااعد يحيي السنه بعز إنشغالاتناا !!

 

[زعفرانة_73]

هلاااا بزوزو

انا بعد لما اكون بصالون والكل مشغول وأشوف البنات اللي يتمكيجون يسألون عن القبله ويحرصون على الصلاه بغض النظر عن شكلها المتبرج
بس تحرص على الصلاه ينشرح قلبي واقول الدنيا بخير

هلا بحبيبتي شادن ، يا حلاتهم بنياتنا تلقينهم مع انشغالهم بمتاع الحياة بس تلقين داخلهم قلب خير وطيبه ربي يتمم عليهم آمين يارب العالمين.
​

 

[زعفرانة_73]

يا هلا ومرحبا باحلي زعفورة ريحه وطعم ولون وشكل لا يقاوم​

انا ينشرح صدري لما اكون طالعه مع الاهل بر او حديقه او بحر وياذن للصلاه ماشاء الله اتلاقين الرياييل والاطفال يصطفون كلهم خلف واحد يام فيهم وهم ما يعرفون بعض الله منظرهم يونس واقول الحمدلله وصية رسول الله مازالت قائمه الصلاة ودي سعيتها اناشد قنوات العالم الغربي يشوفون شلون ربنا وصلاتنا اهم شي لنا بالدنيا


هم بعد ينشرح صدري وايد لما اشوف واسمع السديس يقول استو استو وتشوفين الناس من جميع الجنسيات والاعمار والالوان والعمر يصطفون خلفه للصلاة هاي اكبر منظر واقوى منظر بالعالم ينشرح له صدر الناس

ينشرح صدري لما اشوف انسان عاجر او مريض او كبير بالسن او فقير ويركضون الناس علشان مساعدته الله الله فعلا ينشرح صدري

ينشرح صدري بعد صلاة العيد الكل يسلم على بعض ويهني بعض بعد الصلاة بالعيد وما يعرفون بعض ومن مختلف الجنسيات
مازالت امة محمد صلى الله عليه وسلم بخير

أسفه زوزو طولت

هلا وغلا
بأطيب قلب janaa نورتي بمشاركتج وأنتى صاحبة مكان حياتي .​

 

[زعفرانة_73]

من فتره كنت بالسوق وكنت أنتظر ماام بررى المحل

شوي إلا أشوف رجال من بعيد أسمع صوته بس مااأدري شيقوول وكان

يمشي بروحه ويتكلم ...’

قعدت أهوجس أقول لايكون مو صااحي شفيه يكلم نفسه وكنت راح أدش لماام المحل

لأن خفت شووي إنه يكون مو طبيعي لماا جاا من قريب

تخيلووااا شنو طلع يقووووول :eh_s(16):


.’




.’



طلع يكبر وبصووت ويمشي بين الناااس بالسوووق


الله أكبر الله أكبر الله أكبر لا إله إلا الله

الله أكبر الله أكبر ووللله الحممد

ماشااااء الله عليه فررحت جد وإنشرح صدري إنه قااعد يحيي السنه بعز إنشغالاتناا !!

حياج قلبى مدهره ساعات أنا مثلج يكون ظني بشغله وسبحان الله يطلع شى يسر الخاطر، وهاذى يعلمنى ويزيدنى خبره وتجربه فى الحياة وأشوفها بمنظور ثاني.
​

 

[مدّهره !]

أبقاااج خيتي إي والله صدقتِ ...’

 

[عزوتي خمس صقور]

ماشاء الله عجبتني الردود​

 

[زعفرانة_73]

حياكم الله بنات
====
موقف صار لى فى يوم من أيام العيد
كان زحمه فى طابور تذاكر السينما وأشوف ذيك المره اللى تأشر بأيدينها ( تعالى)، أنا ما استوعبت قلت يمكن تقصد أهلها ورانا ، واشوفى ترد تأشر لى بايدها ،قلت أكيد تقصدنى:eh_s(22): ، قلت لها أنا جان تقول ايه أنتى ، ولا قصدها تأشر لى أن اللينات صايره بالطول جدام كل شباك التذكر طابور مو مثل كل مره، تبينى أجدم جدام الله يجزاها الخير وشى طيب لما تشوفين وحده ما تعرفينها ولا تعرفج تدلج على الخير وتحب لج الشى الزين مثل ما تحب لنفسها( الحمدلله الدنيا بخير)​

 

[بنات حواء2]

يازين ديرتنه و يازينه ربي يحفظ هلارض الطيبه و الناس الطيبه

 

[عادت ذكرياتي]

إي ما شاء الله حييييل يعجبوني %%


ذاك اليوم بالمستوصف وحدة دلتنا من نفسها ما سألناها على مكان حجز الموعد وجذي ما شاء الله عليها شي يشرح الصدر **


جذي حلو الناس تساعد بعضها ^_^

 

[اميره1980]

ينشرح صدري اذا رحت مكان و شفت الاهل محجبين بناتهم و هم صغار و معودينهم من الصغر على الستر

 

[نهى الأحمد]

هلا والله بالغاليه زوزو


نورتي القسم ياقلبي


اي والله شي يشرح القلب ويسعد النفس


اللهم اعز الاسلام والمسلمين


ماكو اجمل ولا احلى من منظر الناس واهم يتسابقون في الاماكن العامة على المصليات لاداء الصلاة

 

[Beyoncee]

يعطيج العافيه
موضوعج الى يقراه ينشرح صدره

 

[Patcholli]

صج وناسه والله جم مره ادش اصلي بمجمع سبحان الله احس اني صج بمكان روحاني خاصه ان الكل يصلون بمكان واحد بغض النظر عن الجنسيه والاصل والطائفه ..

الله يحفظ ديرتنا ويحفظ كل المؤمنين يارب ولا يغير علينا هالعز واالامان والوحده والمحبه اللي بينا

 

[Pinky -cat]

طبعا شي حلو ويفرح ومجهود يشكرون عليه وانشالة الى الامام وانشالة الناس تحافظ على هالملابس وعلى المكان .

 

[زعفرانة_73]

يازين ديرتنه و يازينه ربي يحفظ هلارض الطيبه و الناس الطيبه

حياج الله حبيبتي آمين يارب العالمين ربى يحفظ الكويت​

 

[زعفرانة_73]

إي ما شاء الله حييييل يعجبوني %%


ذاك اليوم بالمستوصف وحدة دلتنا من نفسها ما سألناها على مكان حجز الموعد وجذي ما شاء الله عليها شي يشرح الصدر **


جذي حلو الناس تساعد بعضها ^_^

الله يكثر من أمثالها ويرزقهم الجنه
شاكره مشاركتج حبيبتي:eh_s(17):​

 

[شامخة بأخلاقي]

ان شاء الله دوم منشرح صدرج يا رب

فعلا شي يشرح الصدر الله يديم علينا هالنعمه و يهدي الجميع