انسداد الانف

[الدلال]

السلام عليكم​

ولدي الله يسلمكم عمره 11 سنه تقريبا
ويعاني من انسداد الانف , يخف ويروح فتره ويرجع له مره ثانيه
الانسداد يكون في فتحه وحده , مره اليمين ومره اليسار

اخذ مضاد حيوي واخذ بخاخات بس لازالت المشكله موجوده

واكثر شي يعاني بالليل واهو وراه مدرسه وهاليومين امتحانات

مادري شسوي كاسر خاطري

ياليت تنصحوني شسوي​

 

[nana loly]

يحط الماي والملح ويستنشق وحده بوحده انا مجربتها(انا احطه بالابرة وادخلها داخل تننننظف )

ويتوضا بالماي و يستنشق لداخل سبحان الله الوضوء 5مرات باليوم علاااااج ووقايه

الله يشافيه ويسهل امتحاناته

 

[Turquoiseya]

نفس حالتي وحاسه فيه
يارب يشفيه لج ويسهل امتحاناته ويوفقه

 

[Q8stylle]

يارب يشفيه لج ويسهل امتحاناته ويوفقه
انا اقول وديه حق دكتور متخصص لاتخلينه

 

[الدلال]

nana loly بجرب طريقتج ويارب تنفع معاه , ومشكوره وماقصرتي يالغااليه

Turquoiseya ترى الحساسيه تزيد هالمشكله وولدي يعاني منها, ومشكوره وماقصرتي على الدعوه الطيبه

Q8stylle شكثر وديته, وما اسمع بطبيب حق هالسوالف الا وركضت له, وللحين ولدي مسوي مرتين اللحميه
ومشكوره ياقلبي وماقصرتي