اندونيسيااااااااا

[منوره حياتي]

مرحبا حبايبي
شلونكم

فديتكم

ابي معلومات عن الاسواق في اندونيسيا
والشنط الماركات والعطور
والاشياء المميزة اللي تستحق اشتريها
وابي تنصحوني شنو اشتري
مع ذكر السوق

ويعطيكم العافيه
سواء رديتوا أو لاا

 

[منوره حياتي]

38:eh_s(11): مشاهدة ولا مشاركة

 

[مشموشته]

السلام عليكم

قوا اختي منوره

لاحظتي مواضيع اندونيسيا محد يرد عليها ههههههههه

اغلب الناس رايحه ماليزيا انزين غيروااااااااااااا

انا هم رايحه اندونيسيا ولا رد على موضوعي بسال عن الطيران الداخلي

خدامتي اندونيسيه بس كشخه من جاكرتا

تقولج ماركه جناط صوفي مارتن هاذي اهم ماركه هناك
هاسندا
ليا

و اهم الاسواق اظن تعرفينها اذا بحثتي بالنت

- تامان انجرج
- اندونيسيا بلازا
- بلوك ام
- بانجا دوا
- سيرينا

هاذي المعلومات الي عندي يالغلا

اي و يقولج في محلات منتشره بكل باندونيسيا مالت منتجات طبيعيه تخسييس توضيج وغيرها

اسمها ( جامو )

اتمني اكون فدتج

 

[منوره حياتي]

ياملا العافيه

متي سفرتج
يمكن اشوفج

 

[@ام يوسف@]

ااااب

 

[مشموشته]

سفرتي الاحد باذن الله تاريخ

8/7

احنا 3

انا وريلي وولدي عشان تصيدينا ههههههههههههه

 

[molten cake]

مانصحج تييبين عطور من مناك اسعارهم اغلا...اندونيسيا كبيره ماحددتي اي منطقه بالضبط تبين؟ ومتوفر عندهم الماركات الاصليه مثل اسعار االكويت وممكن اغلا بعد بس في شغلات عندهم موجوده قبل لاتنزل عنده...

 

[مذهلة 5/5]

بصراحة انا سافرت شهر العسل اندونيسيا روووعه احلا من ماليزيا غيرالجووو رووعه نزلنا بفندق مارينا في جاكرتا واسواق الماركات عندهم اندونيسيا بلازا في جاكرتا هذا كله ماركات وحلوه واسعارها زينه وينزل قبل الكويت واستاجرنا سياره مع السايق يجي يودينا المكان الللي نبيه ويتكلم عربي وعندج الاماكن السياحيه فيها مدينه الزهور وسكنا في منطقة اسمها كوتابونغا في منطقة الجبل واهي نفس الشاليهات وامينه وحراسه واكثرها عرب سعوديين وكويتيين وفيها نفس المحلات وبحيره صغيره والعاب وناسه واستاجرنا سيكل ونتمشي بالشاليها رووعه وعندج بعد سفاري اندونيسيا تستانسين فيها تدخلين على حيوانات عادي يمرون من عندج ويدخلون راسههم مع الدريشه ورحناااا بعد البحر عندهم عجيب الساعه 2 لين العصر وبعد عندج الماي الحار كبريت وناسه وعندج بعد الشلالات السبعه رووعه بس درب وهمن عندهم بحيره نسيت اسمها بس حلوووه ومطاعمهم عندج كنتاكي وبيتزا والعيش في مطاعم سعوديه فاتحينها هناك في منطقه الجبل يعني احنا نطلع من الصبح الساعه 8 الى الساعه 9بالليل نكون دايخين ندور الفراش غير هذااا قعدت الصبح رووعه ومافي مكيفات واخذنا خدامه اجار تسوي لنا الريوق و الغدااا ومرات العشا وتغسل ملابسنا وترووح لبيتها الساعه 8 باللليل بس والله اونس من ماليزيا وبعدين جوهااا كله مطر وغيم بس احسن شي تاخذين معاج العيش والمعلبات لان البقالات السعوديه تاخذين منهم اسعارهم دبل وعموما الدوله رخيصه بس لايقصون عليكم لان بس يشوفون عرب يدبلون السعر والشعب ماله شغل باحد وامينه لايسرقون ولايخطفون بس بالليل منطقة الجبل بعد الساعه 8 ماتشوفين عوايل كله شباب