انخطبت ومادري شسوي ساعدوني

[-:|Fdaitney|:-]

السلام
بنات انا خل اقول لكم قصة حياتي
نوعي البس بدل
عادي جنزاات وتريننقات ونفانييف
البس ضيج ووسيع
عادي
واحط مكيااج
بس مو اوفر
لا
مرات خفيف ومرات شوي اثقل بس مو وايد احط
واحب اطلع واحب اسافر
كبتي فييه عبايتين
وحدة لف عشان لما اروح عرس البسها فوق ملابسي
ووحدة عادية عشان بعيد الشر عنكم لو صار عندنا عزا

خطبني واحد
نوعه ما يطلع .. من البيت لي الدوام من الدوام لي البيت
مايحب مكياج كلللللش نهائييييييي
ما يحب البدل
ما يحب يسافر
ويبيني اقعد عند اهله

يعني مكياج انسي
بدل انسي
كشخة انسي
طلعات انسي
سفر انسي
حتى خصوصة انسي

تهقون شي انا عشت عليه سنين اقدر اغيره عشان واحد انا ماعرفه ؟
يستاهل اني اضحي بوايد اشياء ؟
انا وايد مترددة
ولا تقولون اخذي راي اهلج
اهلي بس يبوني اتزوج وبس
ييت بشتكي لهم
قالو لي ليش شفيها العباية ومافيها شي وكا بنت مادري منو تلبس عباية راس
وكاهي صارت مهندسة ومادري منو ما تحط مكياج
ومو الا تطلعين
المشكلة ان اهلي اللي ساكنة وياهم يقولون عني جذي :eh_s(2):

انا مابي اطلع من بيت اهلي وشهر شهرين وارد لهم

وانا بنات مو ضد العباية واني ماحط مكياج
بس هالشي انا عشت وتربيت وانا اسويه
ووايد احب الكشخة وكل من يشهد بذوقي وكشختي
اقوم اهد هذا كله عشان واحد ماعرفه
مو مقتنعة صراحة بولا شي

شرايكم ؟
شسوي ؟
انا وايد محتارة

 

[المرتاحة]

شوفي انا انا بقول لج رايي

صح صعب ان الوحده تترك كل شي تعودت عليه و بيني وبينج حلو ان الوحده اهي بنفسها تقرر شنو تلبس و شنو ما تلبس بحيث ما تغضب الله في لبسها

يعني حلو ان الوحده تلبس بدل بس مو ضيجه و فاضحه انا الصراحه احب الاعتدال بكل شي ما احب التغمغم بزياده (مع انه لج اجر اكثر) ولا احب التفصخ واللبس الضييج

اذا الريال اللي خطبج اخلاقه و دينه زينين تفاهمي معاه بس بعلم اهلج و قولي له وجهة نظرج و قولي له مخاوفج

قولي انا ما احب التحكم وفرض الراي انا احب التفاهم والاقناع

كلميه عن الطلعات و اللبس و عن السكن و عن كل شي لاني انا اشوف هالاشياء من حقج وشوفي شنو رايه

واذا هو ريال عاجل و تكانه راح يتفهم الوضع و يحاول انه يتفاهم وياج لين تتفقون على شي معين

خلى التفاهم بكل شي من الحين لا تاجلين كل شي لبعد الزواج

والله يكتب لج اللي فيه خير

 

[-:|Fdaitney|:-]

انا قعدت معاه
وقلت اوكي اتنازل عن اللبس والمكياج والطلعات
بس لما راح انصدمت انه ما يسافر بعد
وانه الشقة اللي بسكن فيها عند اهله
لان امه كبيرة وما يقدر يخليها

 

[المرتاحة]

انا قعدت معاه
وقلت اوكي اتنازل عن اللبس والمكياج والطلعات
بس لما راح انصدمت انه ما يسافر بعد
وانه الشقة اللي بسكن فيها عند اهله
لان امه كبيرة وما يقدر يخليها

اهي اسمها شقه بروحج يعني لج خصوصيه سواء عندهم او بره بس الشي المختلف انج تقدرين باي وقت تنزلين عندهم

واكيد اذا امه بروحها ما يقدر يخليها

واذا على السفر قولي له دام انت ما تسافر على الاقل يخليج تسافرين مع اهلج

والله يوفقكم يارب

 

[-:|Fdaitney|:-]

امه كبيرة
بس مو بروحها
اكو ناس عايشين بالبيت
واهوا طلعات ماراح يخليني اطلع
تبينه يخليني اسافر بدونه ؟

 

[bal8es]

حبيبتي انتي شكلج مو مقتنعه وتبين احد يوالفق برايج

مدام امه كبيره معناتها ماراح تضرج بشي واعتبريها مثل امج

احسن لا اتييلج وحده صغيره نسره تحاسبج على كل زله

وسالفت السفر يمكن لما كان عزوبي مايحب السفر مع الشباب بس مع مرته غير

والريال ترى على ماتعودينه والله الريال نفس الياهل انتي تغيرينه


اما اذا انتي مو مقتنعه رفضي لن راح تضلين تلومين نفسج وماراح تقدرين تتأقلمين اذا انتي مو مقتنعه عدل

اا اقول صلي استخاره والله يكتب الي في الخير انشالله

 

[ạ7ạśêś ~]

مافيها شي كللللللللللللللللللل بنت وهذا انا اقولها كل بنت
تكون بيت اهلها غييييير وبيت ريلها غير
انا ما كنت البس الحجاب الحين لبست نقاب تخيلي وبششششهر سويت كل هذا
ما انكر اني مو متعوده عليهم واحيانا ابجي وضايق منهم بس
عشان عين تكرم الف عين لا تشوفين هل شي ان تحكم وان يابي يغير حياتج
حبيبتي ما دام ريال خايف ربه وشايفته زين توكلي على ربج
سبحان الله شعرفج يمكن هل شي خيييييره لج.
عسى ربي يوفقج يارب

 

[أحلى البشر]

انتي جم عمرج ؟
اذا صغيره بعدج نطري اييلج اللي توافقين عليه وانتي مرتاحه اكبر غلط الوحده تقط عمرها على اي واحد يطق بابها لمجرد انها تطلع من بيت اهلها وبعد فترة للاسف ترد لانها اساسا ماكانت مقتنعه فيه ولاعاجبها
انا ما اقولج لاتاخذينه ولا اخذيه بس لي شفتي نفسج صج حابته ومتقبلته وتبينه وافقي واذا غير جذي لاتظلمين نفسج وتظلمينه
والله يوفقج

 

[-:|Fdaitney|:-]

لا بنات انا صج مو مقتنعة فيه
اهوا انسان زين
بس مافيه شي يناسبني
خلاص قررت ارفضه

 

[الزين 85]

انا قعدت معاه
وقلت اوكي اتنازل عن اللبس والمكياج والطلعات
بس لما راح انصدمت انه ما يسافر بعد
وانه الشقة اللي بسكن فيها عند اهله
لان امه كبيرة وما يقدر يخليها

اول شي بقولج استخيري ثم اسخيري ثم استخيري
وشكلج انتي مقتنعه فيه نص اقتناع وخايفه من موضوع السفر؟

ترا المرا تغير الرياااااااااااااااااااااال وانتي بنفسج تقولين تحطين مكيب عادي شكثر فيه لوكات مكيب عادي والعبايه والله اعرف بنات حضرياااات اهلهم فري فري يلبسوون عبي يموتون عليهم
الحين العبايه تغيرت وموديلاتها صارت تهبل وبيني بينج احسن مو كل يوم بدله وحووسه لوووول


نصيحة فكري بالريال هل هو شخصيه واخلاق ويستاهلج؟؟؟ لاتفكرين بطلعات وميكب لانه المرااا هي اللي تغير الريااال والسفر تكفين منو مايساااااااااااااافر؟؟؟؟ اكيد مصيره بيسااااااافر:ggdw:

لاتخلين المادياااااااات تسيطر عليج فكري بعقلج بعقلج واستخيررررررررررررررري

مو كل شي بالدنياااااااااااااااااا طلعات وقز ووناسه

 

[عاشقة هواك]

لا بنات انا صج مو مقتنعة فيه
اهوا انسان زين
بس مافيه شي يناسبني
خلاص قررت ارفضه

حبيبتي اذا انتي مو مقتنعة فيه رفضي بعدين تتحسفين

وحدة من ردود البنات قالت المره تقدر اتغير الريال بس اذا الريال

ما تغير وباجر يقعد يعايرج انا قلت لج شنو شروطي وانتي وافقتي والحين يايه

اتحاسبيني عشان جذي انا اشوف الافضل لج اذا انتي مو مقتنعة فيه رفضي

لان هذي حياتج وياجر ما تقدرين تستانسين لانج تعودتي على نمط معين عايشة حياتج

راح تعانين وايد معاه

موفقة حبيبتي

 

[بنت عطا]

طبعا ارفضيه الصراحه هذا معقد من اولها يتحكم لايحوووشك والله

 

[Suki_Candy]

alla youfgech o yerzegna

 

[tt2tt]

شروووطه واايد صعبه لو انا مكانج ماراح اوافق الا اذا رضي في شروطي ولا عمري ماتزوجت الراحه اولا

 

[Y.H.Q.]

اللي هذا اوله ينعاف تاليه

 

[حلا..]

مستحيل اوافق ع واحد جذي

كل شي عنده لآ

وشكله راح يناشبج بعدين بيلجج بامه شوفي امي
حطي اكل لامي مقدر اطلع او اسافر واخلي امي
الا امي

وبعدين انتي من كلامج حسيت انج متعوده ع كل شي تسوينه ع راحتج وفجأه بتغيرين كل شي انتي متعوده عليه احسها صعبه

وبعدين انتي مو من اول شخص يتقدم لج توافقين عليه

اكيد بيجي غيره وغيره

انتي مو مقتنعه شلون بتوااافقين

هذي وجهت نظري

الله يوفقج

 

[عالمي انا غير]

يعني هو حتى بالبيت مايخليج تكشخين وتحطين مكياج ؟ مو فاهمه؟

 

[tt2tt]

عادي يبيلج الستر
الله يوفقج ان شاء الله

 

[*الهنوف*]

شوفي بما انج تبين راينا وحطيتي الموضوع معناته في عندج قبول للولد لونج مو مقتنعه جان ماحطيتي الموضوع ورفضتيه على طول
سمعي اول شي قولي لنفسج هالولد اوكي مايحب وما يحب ومايحب
بس هل اهوا زين وبار بامه وطيب وسمعته زينه
يمكن الولد ملتزم خير ونعمه عالاقل يمنعج من البس الضيق والكشخه اللي الكل يدري انها حرام وناثم عليه
انا ماراح اسوي لج نفسي بن باز..بس خلينا واقعيين انتي تدرين ان الجينز والبدي والمكياج والعطر لا فاح شنو اثمه..لا تقولين احط خفيف ولا ماطلع شعري
وهم بقولج صح الانسان بدينه اللي بقلبه وعلاقته مع ربه مو بلبسه بس ربج عاد هم بيحاسبج عالبس
ماراح افتي واجد عليج بس اللي بقوله ان قولي عالاقل هالولد بيمنعني من اثم وبلبس عبايه استر

خلينا الحين بالاهم بتعيشين ابيت اهله واذا شفيها هذي عادات وتقاليد عندنا اظن عاديه
طيب مايقدر يطلع بره الولد حتي لو ابوج شرط عليه عالاقل يقوله ابوج نبي لبنتنا شقه من الحين زينه وراهيه بالبيت تنبني تكفيها لها ولعيالها بالمستقبل خو اهوا ماخذ ماخذ قرض للعرس يبني فيه

طيب بقولج سالفه
اختي ماكانت منقبه عبي بس والحمدلله ابوي مدللنا طلعات ونسافر بس مو دايم
تزوجت واحد ملتزم ولبسها عباة راس ومايحب الطلعات ونظام مطاعم كباين وكله قاعد بالبيت ومايحب اغاني بالبيت
الحين تغير كل شي بذكاء اختي ولان زوجها طلع طيب ..احسن رياجيل خواتي هو الحمدلله
عباة الراس قطتها وسفر وتسافر واطلعت شقه كبيره شزينها بعد ماكانت عند اهله ولا علاقتها بهله زينه ميه ميه
مطاعم سينمات وكل شي بخاطرها تسويه

انشالله كلامي يكون خفيف عليج وماا كون جرحتج وسامحيني اذا زودت العيار شوي
وربي يوفقج

 

[ما كو اسم]

انتي تبين الستر وله تستعرضين حق الرياييل في السكه ....يعني وايد كنتي تطلعين ومكياج وحاله في واحد اعجب فيج واخطبج ما انخطبتي الا بطريقه تقليديه

انا اقول خلاص استعراض وتزوجي اللي طق بابج ويغير عليج ما يبيج سلعه للي يسوا واللي ما يسوا