انخطبت ولكــــن...

[fajorh]

ســلام عليكم بنااات
شلونكم شخباركم

ماادري والله احس اني متضايقه و مخنوقه مادري شنو السبب

انا خطبني ولد خالي وكل شي تم علي خير

بس ايتني افكاار استغفر الله مادري شلون

انه شايب وانه مو حلو وانه وانه

انا عمري 19 و هو 28

امي تقولي والله راح تطحيين قبله وشكلج بيصير جنج انتي اكبر منه بس انا الفكار مو قاعدة تروح عن بالي
احس انه بنات عمي راح يضحكون ويقولون في فرق بالعمر ومادري شنو :rgewrg:

معنا شكله مبين 21 22
...

مادري في وحدة كانت نفسي وبعدين صار كل شي اوكي وعاادي
واله صاكه فيني الدنيا :eh_s(11):​

 

[miss.unique]

اممم
بالنسبة لي ماحب هالفرق الكبير
الراي رايج مالج شغل بالبنات شعليج انتي الي بتعيشين وياه ولا اهمه .. خلي تفكيرج مستقل وعقلاني

 

[فوفو الدلوعه]

انا اشوف انة عادي
استخيري وتوكلي على الله
الله يهنيك ويسعدك
وماعليك من كلام احد

 

[memeuk]

فرق العمر مو كبير 9 سنين مافيها شي
انا وريلي فرق بينه 10 سنين

 

[مفاهيم الخجل]

والله هالفرق منااااااااااسب بينكم عشاان داايم تكونين بعيينه انتي الصغيروونه الدلووعه
بالعكس تخيلي انه قريب من عمرج والله ماراح تستاانسيين ابد بيكون ياهل ووطايش
بعدين لاتنسين ان البنت تكبر قبل الولد
وماعليييك من القيل والقاال
ادعووولي انا اتزوج قرييب

 

[no0ona_100]

اول شي استخيري.....
ثاني شي ....العمر ماله شغل بالتوفيق.......التوفيق يعتمد على التفاهم......

والله يوفقج ويهنيج....

 

[قآنون كيفكـ!!]

حبيبتي بسالج ..
استخرتي ارتحتي له اعقليها وتوكلي على ربج ..
بعدين وش يهمج كلام الناس محد سالم منهم لو خذتي وآحد انتي واياه والدين بنفس اليوم ..
ومافي فرق اعتبرةة ششيء واو بينكم ..!
والخيرة فيما اختارة ربج اذا ريال وزين خذية يكن اهو اللي يسعدجج والصغير اهو اللي يشيبج ..

 

[الزيـــــ^^ـــــن]

شنو المشششكله ،،،؟!! تدرييين كنت أتمنئ أخذ وأخد بهالعمر وانا يومها كنت كبرج

بس زوجي اصغر منه بسنتين يعني ٢٦ عادي حبيبتي اهم شي أخلاقه وشخصيته العمر مومقياااس،،،

 

[طبعي حلو]

عادي جدا والله يا اختي احـــلى شي بالعكس راح يدلعج عشان انج صغيره وعنده خبره بالحياه وناضج بالعكس والله احلى شي

انا اتمنى كذا لكن يا الله الحمدلله ع كل حال

توكلي ع الله

 

[سكوتي بذوقي]

إذا بتهتمين لكلام الناس راح تتعبين

اهم شي قناعتك انتي

إذا مرتاحه الله يوفقك ويسعدك

 

[Judy . abbot]

حبيبتي ترى الفرق مو بالعمر بالتفكير

قعدي معااه وشوفي اذا كان يناسبج ولا لا

 

[فلنتينو]

شحلااات فرق السن بينكم
انا اختي بينها وبين زوجها ١٣ سنه وقمة التفاهم والانسجام والحب

 

[Bnt tmeem]

استخيري

 

[دريم]

موفقه حبوبه

 

[الدلوعة أمون]

بالعكس منااسب استخيري وتوكل على ربــك

 

[عنود مطير]

بالعكس منااسب استخيري

 

[LoLaTi]

بالعكس والله احلــــــــــــــــــــــــــــــــــــــى شــــي عيل تبين واحد عمره 21 ولا 22 من طقة اليهالو ويع انا عن نفسي اتمنى اخذ واحد بنهاية العشرينات صدقيني هذا احسن سن زواج للرجل يكون عمره من 27 الى 30 وهذا رايي الشخصي

وبالنسبه للمحاتاة والتوتر هذا شعور طبيعي جدا راح ينتهي بمجرد انج ماتملجين انشالله بروح عنج هالتوتر وهالافكار وراح تضحكين على نفسج بعدين

 

[سمـآ]

حبيبتي لا تحطين هالافكار براسك شو راح يحكوو النااس عنك وعن زوجك
لانه التفكير بشو راح يحكو عنك بيخليكي تتوتري وتترددي بقرارك

وتررا هااذ شي طبيعي جداا انك تحسي بهالاشيااء وقت الخطووبه
بالاكتئاب والخوف انك تسرعت ومثل هالكلام وخااصة بسنك !!

وكماان فرق العمر بينك وبينه مايعدي جيل .. يعني من نفس جيلك ..
اهم شي انك تستخيري .. مره ومرتين ومع الاستخاره كل هالضيقه والاحاسيس السلبيه بتروح عنك ..

وربي يوفقك ويكتبلك اللي فيه الخيير يااارب

 

[عشقك وطن]

بالعكس حلو عشان تصيرين صغيرونه كتكوته احلى والله


واهم شي الرجال زين ومرتاحه له مو مهم العمر ولا تهتمين ع كلام البنات

 

[ماحب اتدلع]

نفس عمري وعمر ريلي من تزوجنا ونصيحتي اخذية على طول اتدلع علية واقولة اني ياهل وصغيرونة لاتقسى علي وناسة يمدي الواحد يتدلع بس عاد تخيلي تاخذين عمره 21 وي اهو الي يتدلع قطيعه