انخطبت وانا موقتنعه فيه واهلي يبونه واحب واحد ثاني تعالو ساعدوني تكفون

[عشقك وطن]

انتي فكري لو الملتزم ماكان موجود بحياتك هل بتوافقين ع هالخاطب الحالي او لا بعدين قرري
او لو ماتبينه ارفضي قبل مايخطبك اللي تبينه لان اهلك ممكن يقولون له انك مخطوبه
وهو يتركك ع هالاساس



موفقه

 

[هدوووشه]

ياختي مو شرط اللي مو ملتزم عنده سوالف او يكلم بنات ادري انك تبين واحد ملتزم
بس ماتدرين وووين الخيررره استخيري احسسن
والله يكتب لك اللي فيه الخير

 

[عسل حدي]

ماتخافين باجر امك تقول حق امه بنتي مخطوبه وماكو نصيب

 

[Shinexo]

قولي لهم عطوني مهله آفككر و جوفي شيصير بس نبهي آمج آن آحتمآل ترفضين لآنج مب مرتآحه , آلله يكتبلج آلملتزم من نصيبج آذآ فيه خير يآرب وبشريننآ بآجر

 

[صعبه]

انا اشوف موضوعج جدا عادي ؟؟

القرار راجع لج

انتي حطيتي الملتزم بكف واللي متقدم لج بكف ثانيه ؟

ودام انج حاطه فبالج شي لا تتنازلين عنه

بس انتي قعدي بروحج ؟ فكري لو انج ماعرفتي الملتزم وتقدم لج هالشخص اللي الحين متقدم لج بتوافقين عليه ولا لا ؟؟؟

 

[Patcholli]

اهلج حنو عليدج تتزوجين بس بالنهايه ماغصبوج يعني منتي مجبوره توافقين على واحد مو متقبلته ولا متقبله امه وسمعتهم اي شي
بغض النظر عن كون الملتزم فعلا بييلج ولا لا
لاتجبرين روحج على واحد مو بالعته توج صغيره والحياة جدامج

 

[مدّهره !]

إذاا مو مقتنعه لاتواافقين مو مجبوره يختي هذا زواج

والرااحه النفسية والتقبل أهم نقققطه !!!!

الله يكتب لج الخير يختي ..^

 

[برستيج إماراتيه]

الله يسهل عليج حبيبتي ...

 

[طريق السعاده]

بغض النظر عن سالفه الملتزم الي بخاطرك خطيبك الحالي مواصفاته غير شروطك ف انهي الموضوع وقولي ماابيه للاسباب هذي اول شيء اصغر مني ثاني شيء ماله مستقبل !! وراتبه قليل ثالث شيء مارتحت لامه واستخرت ومارتحت ( طبعا استخيري مو تكذبين) ثالث شيء انا اهم شرط عندي يكون الولد دين ومحافظ ع صلاته وهذا ماسالتو عنه طوالي اتدبس فيه بكرا لاصار فيه بلوى محد بينفعني لاصرت مطلقه !! وقولي الله يعوضني بواحد احسن منه انا استحق الافضل وهذا قراري واسكتي !!

وبالنسبه للي معك بالجامعه وتبينه ويبيك عادي انهي سالفه خطبتك ذي وباذن الله بكرا العصر تدق امه وانتي قد انهيتي سالفتك من الاول بس لازم تنهيينها قبل يخطب !!

 

[بياعه ورد]

استخيري

 

[شــــــــــــــوقــــه]

شصار معاج اختي ؟؟

 

[mmloo7a]

اول شي استخيري وثاني شي قوليلهم ابي ملتزم مابي واحد عادي وارفضيه تري مافي شي غصب هذا زواج مولعب يعني بموضوع الزواج مافي مجاملات والله يوفقج ويختارلج الخيره

كلامج عدل :rerrerek:


دامج مومرتاحه للولد ارفضيه من الحين

مو تنغصبين وبعد الزواج تنفصلين منه وتسويله سالفه مني ومناك واخرتها يطلقج واسمج مطلقه بس بملجه

من الحين رفضي الولد شذنبه تبتلشين معاه

اي وحده مومرتاحه حق اي انسان متقدم لها خل ترفض عادي الزواج موغصب
وبعدين تسويله سالفه مني ومناك وتحط فيه مليون عيب وتنفصل منه

الله يوفقج بولد الحلال

 

[تووتي 20]

انا من وجهة نظري اول انتي فكري صح والقرار محد يعطيج اياه ولااحد يجبرج عليه
بس انا لومكانج بختار الي اناابيه

 

[Beautiful soul]

بابا بقولج كلمه احفظيها ااذا مو مقتنعه لاااا توافقين اسمعي نصيحتي وبس

 

[امـ خــزامـى]

الزواااج مو بالغصب وعمره ماكان بالاكرراااه

امك اكيد تعرفين تقنعينها
قولي ماابي اصغر مني !!!يايمه هذا مااقنعني انا بنت قايمه بنفسي واعرف مصلحتي
ومبتعثه وادرس ماستر واغلب القرارات انا اتخذها
عاد يجي اهم موضوع بالنسبه للبنت ومااتقرر هي بنفسها ؟؟؟؟؟؟ماايصير خلوني على راحتي
وانا ادرى بمصلحتي

 

[مصممهــ]

اب اب

الله يكتب لج الي فيه الخير

 

[@شمس الضحى@]

هااا بشري؟؟

 

[مشتطـه]

مطي السالفة وقولي بفكر ليما يخطبج اللي معاج

 

[noha33]

أول شي لا تتزوجين شخص بدون قناعة
ثانيا هذا اللي تحبينه وين راح ليش ما خطبج
ثالثا وأهم شي في وايد زواجات بدون حب لكن أهم شي التفاهم

 

[حشمه]

شصار معاج