انخطبت بس في شغلة ممكن تعكر جو الزواج والحياة مستقبلا دشوواا تكفون ابي رايكم

[تنـــاســـانــي]

صلي الاستخاره و الله يجدملج اللي فيه الخير

 

[هيبة ملك]

حبيبتي الله يوفقج عيشي حياتج معاه وأنسي الماضي

لو كنتي بمكانه تحبين إنه يذكرج بالماضي؟؟

توكلي على الله وخلي الوسواس عنج

 

[Sama Kuwait]

رد : انخطبت بس في شغلة ممكن تعكر جو الزواج والحياة مستقبلا دشوواا تكفون ابي رايكم





اذا يبي وحده بيضه جان من ما خطبج ودور على البيضه


ويمكن شاف فيها صفه او شغله ما عجبته فيها


و بعدي عن التفكير السلبي اللي ما منه اي فايده


و استخيري والله يكتب اللي فيه الخير ان شاالله

 

[كتكات احمر]

يعطيكم العافية بنات والله على راسي
ادعولي اليوم بيون يشوفوني ..
وعسى الله يسهل الموضوع من عنده

يااااااااااااااااااااااارب اتزززززوووووووج ويتم الموضوع على خييير مليت من كثر مارفضت عفت الرياييل والزواج بكبره !!

 

[قلبي سلومي]

صلاة استخارة

 

[داريني]

حبيبتي خل يصير عندج ثقه في نفسج
شخباري بيضه وسمره اهم شي الاخلاق والشخصية والشكل اخر شي

 

[كولوراديه]

خلج واثقه من نفسج و شدخل البياض بالجمال و المقارنه
و لو يبيها جان تم معاها
ترى الريال كلش ما يحب المرا المهزوزه
عيل لو كان متزوج و منها عيال شنو بتسوين ؟؟
لا يا حبيبتي مافيها شي

 

[شمس الشموسة]

حبيبتي يمكن ما تقبل اسلوبها

يمكن دفشه في الكلام

يمكن خفيفة

في الف سبب وسبب مو لازم يعني انه مزاجي

يمكن سمع منها كلام نفره منها

 

[روح امها]

وبعديين لييش السبب اللي قالوا عنه اهله مو مقنع بالنسبه لج ؟؟

اول شي يمكن يكوون فيه سبب بس مايبووون يخربوون على البنيه ويقطعووون نصيبها ...

ثاانيا النظره الشرعيه هااذي مقياااس خارجي وشكلي بس ...الملجه تعاامل حقيقي وشخصي ...

انه يوافق على الشكل مو معناته انه يواافق على الشخصيه ....

بالعكس انا اشووفه سبب جدا مقنع ...

اي صح عدل كلامها

 

[حبـ admant ـك]

دام اختارج انتي يعني يبيج انتي

 

[ام بوحنة +]

رد : انخطبت بس في شغلة ممكن تعكر جو الزواج والحياة مستقبلا دشوواا تكفون ابي رايكم

ليش حبيبتي الريال على بالج ما يشوف الا مرته

يعني بتقولين انه مو شايف غير هالبنت

اسمحي لي المفاصيخ بالشارع وايد وبالتلفزيون اكثر ومار عليه اشكال والوان
بس القلب وما يعشق (الروح مو الشكل )

بعدين هو مو شايفج شوفه شرعية ؟؟؟؟؟
يعني شايف لونج

 

[كنت اعرفك]

لا توسوسين خو اهو شافج اكيد وانتي عاجبته
ولو يبي بيضه جان ماخطبج
الله يوفقج

 

[وردة بيتنا]

اختي

تعوذي من ابلييييييس

لو بيقارن جان ما اختارج و جان رجع للاولى ، شحقى بياخذج ، اهو ريال مو مجبور ياخذ احد

تعوذي من ابليس ، هذا كله وسوااااااااس

و بعدين مو شرط بس عشان لونها او شكلها اهو مو متقبلها ، ما تدرين شنو بينهم ، ما تدرين اهي شلون صايرة اخلاقها و تصرفاتها

 

[شواخي]

من قال البياض جمال؟

انا بيضه وريلي يقول لي طلعي الشمس اسمررري

 

[كتكات احمر]

@@

من صجج شواخي ؟

 

[om MaRyooM]

عاد هني انتي وشطارتج ياحلوة ..


وبعدين دامه شايفج وموافق معناته عاجبته .. لاتحاتين

وبعدين ماعنده منها عيال وماظلت على ذمته سنين طويلة .. هني من حقج تحاتين اما اذا الوضع جذي عادي لاتحاتين

 

[متواضعة]

لله يهديييج

والله المشكله انتي خالقتها ولو بتمين اتفكرين فيها انتي اللي بالتعبين

شيلي هالفكره من راسجج بتااااتن ولا تفكرين فيها كلش وتوكلي على الله والله يوفقج ولا بسحبج من هالعناقيص اللي ناطين ( جودي ابت )

 

[المـــــها]

ماراح يقارن
و لو مو عاجبته ما تم معاج
و بشطارتج تنسينه أمها بعد

 

[منيرة خالد]

اللي يأخذ قلب الريال اخلاق المره مو شكلها والا جان محد تزوج

لا توسوسين

والله يوفقج

 

[om deaj]

اول شي اللون عمره ماكان حاجز
ودام انه شافج ويبيج محد جابره

والشطارة هني انج تثبتين نفسج وماتقارنين ولا تيبينله طاري الي صارله وعيشي مستقبلج

موفقة يارب