انخطبت بس خالتي تبي خطيبي!!

[يامنيتي]

مادري أحس واايد فرق بالعمر بينج وبينه

ولا تستعيلين توج صغيره ... يمكن الحين ماتحسين بالفرق بس بعد عشر سنوات بيكون عمرج 32 واهوا قريب الخمسين .. لاحظي الفرق

وانشالله يتقدم لج الاحسن منه وموفقه يارب

 

[bride2011]

الله يرزق خالتج
عيب تقولين عنها الي قلتيه وتوصفين لبسها وغيره

 

[&&&&&&&&]

مادري أحس واايد فرق بالعمر بينج وبينه

ولا تستعيلين توج صغيره ... يمكن الحين ماتحسين بالفرق بس بعد عشر سنوات بيكون عمرج 32 واهوا قريب الخمسين .. لاحظي الفرق

وانشالله يتقدم لج الاحسن منه وموفقه يارب

كلام درر

موافق مع يا منيتي

 

[رجااوي]

تووووووكلي على الله

 

[ابي قربك]

وافقي

 

[دلوعة الكويت90]

امبيييه الحمد لله والشكر خالتج فلم تزوجيه خل تموت حره ههههههه وبعدين الكبير احسلج من الصغير الكبير يدلل والصغير يعلل معروفه

 

[رآآحٺ آيآمڪْـ]

آستخيري وآذآ حسيتي بـ " رآحه " وآفقي َ !
وخآلتج آذآ تبي تزعل تزعلَ آلنآس مآغلطوَ
جآين لج آنتي !
وآلله يرزق " خآلتج "

 

[zـلمَ ..]

-

وآفِقيَ ..

 

[ام القمرالمطيري]

استغفر الله خالتي متخلفه

هو جاي يخطبج

واذا رفضتي بيشوف غيرج

مو جاي لخالتج بالحاالتين وافقتي ولا رفضتي ماراح يخطبها

هي شنو مستفيده انها تخرب عليج

اهم شي انتي

اذا خاطرج فييه واافقي

مع انه كبييررر

بس بعض الي بهالعمر يبينون جنهم باول الثلاثينات يعني موو حيل مهم

اهم شي كييفج انتي

لاتخلين خالتج اتخرب عليج حياااتج

ماراح تفيدج بشي

وامج خل تحاول تفهمها ان امه تقول يلا عجلو بالرد ولا بنروح نخطب بنت من جماعتنا

عشان تستوعب انه مو مفكر فيها

وتشيلج من راسها

 

[عويتقة]

بصراحة يا زين الريال فها العمر بيكون رزين و هادي وتحسينه ريال صجججج وفاهم الدنيا وقد المسؤولية مو الي بالعشرينات تحسينهم مراهقين وفاهمين الزواج غلط مادمتي صليتي واستخرتي ومرتاحة له واهلك اسألو عنه واخبارو زينة ومتدين والام اشحالاتها فبالنسبة لي انا اقولك وافقي وخالتك عسى ربي يرزقها بالريال الزين الي يسعدها ويعوضها وانتي ادعيلها وارجوك لا تتمصخرين عليها وتقربي منها وخليها على راحتها وانصحيها تتقرب من الله وتستغفر وتصللي الليل وعسى ربي يرزقها فرحة قريبة

 

[الغلاااااا]

الله يووفقج يارب ويسخره لج ويسخرج له


بس حبيبتي الرسول عليه الصلاة والسلام قال(("استعينوا على قضاء حوائجكم بالكتمان فإن كل ذي نعمة محسود ".))

والله عن تجربه ياقلبي والله يوفقج

 

[بكل براءة]

سؤااال حيل محيرني بموضوعج انتي شلون اخر سنه طب وعمرج ٢٢ ؟؟؟؟ انا عمي اخر سنه طب الي اهيه السنه السابعه عمره ٢٥ وكذلك اختي انتي شلون خلصتي سبع سنين طب ومازال عمرج ٢٢ !؟!؟!

 

[* بنت المطر *]

صراحه فيه فرق بالعمر ومومن جيلج دام انج حلوه وصغيره وماشالله تدرسين طب نطري واحد قريب من عمرج تعيشين حياتج معاه

هذا شبعان من الدنيا بعدين شمقعده لي هالعمر بدون زواج اذا البنت ماتصبر شلون الرجال _ والمدح ترا محد يعرف احد عدل بهالزمن

انا ماانصحج توافقين وانتي حره

 

[صادقة بكلمتي]

الله يكتبلج اللي فيه خير ان شاء الله كفو وفو البنات ما قصروا ودام استخرتي رب العالمين ان شاء الله خير لج والعمر مو شرط لنجاح او فشل الزواج توكلي على الله

 

[loulie]

السلام عليكم ​

بنات انا شوفتي كانت الخميس مثل ما قلتلكم
بس الخيمس الصبح يا فستاني اللي بلبسه من المصبغه
جان تقوم خالتي تاخذه من الخدامه و تصعد غرفتها
و حاولت تشقه بس ما قدرت
بس شقت الحياكه اللي فيه بس ما شقت البطانه
و مادري شسوت فيه بس لمن يابته لي الخدامه
انصدمت عليه خطوط بالايلاينر ( الكحل السائل)
و كل الوان الحمر و فيه بقع زرقه كبييره جنها حبر
بس تالفته ​

حلال عليها الفستان بس انا حيل انصدمت منها ​

عالعموم صار العصر طلعت فستان غيره
و لبسته و يو اهل خطيبي
و خالتي كانت فوق بدارها ما نزلت
ما شاء الله خواته و امه عسل
يا الوقت اللي اشوفه فيه
قعدنا بصاله بروحنا بس مفتوحه علي الصاله اللي فيها امي و عماتي و خواته و امه
بس ما يشوفونا بس نسمع صوتهم
اول شي سلم علي
و سولف عن نفسه و سألني عن جم شغله
المهم اليوم دقت امه و قالتلها امي اني موافقه ​

و الاسبوع الياي بييون حق الخطبه الرسميه و يحددون الملجه و المهر و من هالسوالف ​

بقولكم شي و ابي له تفسير
ملابسي الداخليه ( عزكم الله )
مقطعين منها قطع
كل ملابسي الداخليه بنوعين
ولا واحد منهم كامل الا جم طقم​

لمن سألت الخدامه تقول ان خالتي راحت
غرفت الاوتي
و قصصتهم
و قالت للخدامه كل ما تغسلين طقم يبيه حقي عشان اقص منه
هسالفه توها الحين الحين صايره
اقول حق امي ؟
ولا اكلم خالتي ؟


و دعولي و دعو لخالتي الله يهديها ​

 

[عاشقة الاسلام]

استغفرالله

صراحه صعبه ماني مصدقه خاله تسوي بنت اختها شذي الله يستر
حبيبتي ديرا بالج من خالتج وانصحج تقولين حق امج نصيحه لا تسكتين
والله يهدي خالتج انشاءالله

 

[حورية الكويت]

لا حول ولا قوة الا بالله

بلغي امج اكيد
الله يحميج

 

[روح مرحه]

بصراحه انا اول مره اقرأ موضوع كل الصفحات<<
بس حبيت اعرف السالفه بالضبط ...

فديتج اول شي اااااااااااالف مبروك وربي يتمم لج على خير ويسعدج ويبعد عنج كيد الحاسدين
ثاني شي في بدايه السالفه تعاطفت مع خالتج وحسيت شكثر ودها تتزوج لكن لما قريت اخر رد لج<<لا بصراحه مو لهدرجه

تصرفاتها ادل انها ناويه تسوي سحر<<لانه عاده هاذي الاشياء تستخدم لسحر هذا والله اعلم<<ما ابي اظلمها
بس بجد الواحد اذا يبي شي من رب العالمين ويتمنى شي لازم يكون قلبه ابيض ويحب لاخيه مايحب لنفسه

اخير احب اقولج اقري سوره البقره يوميا او شغليها عندج فالغرفه.....اكثري من هذا الدعاء<<اللهم اني استودعك نفسي فحفظها..وردديه اكثر من مره باليوم...
واكثري استغفار<<ولاتتهاونين في هذا الشي لانه خالتج الله يهداها شكلها ماتبيها تعدي على خير

وربي يحفظج ويتمم لج على خير...ويهدي خالتج ويستر عليها ويرزقها بالزوج الصالح يارب..

 

[لمسه ضياء]

اكيد لازم تعلمين امج

شكلها تبي تسويلج شى


الله يوفقج​

 

[دلال و غلا]

حبيبتي علمي امج ووقفوها عند حدهااا
هذي الحركات ما ينسكت عنهاااا
والله يبارك لكم و يبارك عليكم ويتمم ع خير