انخطبت بس خالتي تبي خطيبي!!

[غداً القاك]

مادري شنو تشتغل بالضبط بس تشتغل وظيفه بسيطه حييل يمكن ان ماخاب ضني سكرتيره
خالتج ما تدرين شنو تشتغل وتقولين انتي حيل معاها كأنها بنت عمج وساكنين بنفس البيت !!!!!!!!! وما اتعرفين شنو وظيفتها؟؟؟؟
وشكو هالمهندس الي يشتغل بالبترول بامتحان القدرات بالجامعه ؟؟؟؟اختبار القدرات تصير وانتي بالثانويه الصف 11 او الصف 12 ، وانتي اخر سنه بالطب طب طب مو اي كليه بعد يعني تقريبا 6 او 7 سنين دراسه ، بس ابي افهم شلون عرف اسمج باختبار القدرات ؟؟؟؟؟ لا تقولين مراقب ، المراقب لازم يكون موظف بالجامعه مو من بره وبيانات الطالب لا يمكن اي احد يطلع عليها انا مراقبة اختبار القدرات بالجامعه وعارفه


وخالتج هذي ما اترقع كلش ؟؟؟؟؟؟؟ لا زين ولا اسلوب ولا دراسه عكسج تماما ؟؟؟؟؟ يا حلوج انتي الزين كلا لا نطري لا تاخذيه وايد كبير عليج كوني مستقبلج حبيبتي توج بأول الطريج

:eh_s(15): :eh_s(7):

 

[كراميلا مرة]

ااذا مرتاحه له اخذيه
مع اني اشوف الفرق بينكم كبير :eh_s(10):
بس انتِ ادرى بمصلحتج

وصح ماعجبني كلامج على خالتج
مسكينه كسرت خاطري والله
وموزين تقولين عنها عانس
ماتدرين شاللي يصير

 

[loulie]

مادري شنو تشتغل بالضبط بس تشتغل وظيفه بسيطه حييل يمكن ان ماخاب ضني سكرتيره
خالتج ما تدرين شنو تشتغل وتقولين انتي حيل معاها كأنها بنت عمج وساكنين بنفس البيت !!!!!!!!! وما اتعرفين شنو وظيفتها؟؟؟؟
وشكو هالمهندس الي يشتغل بالبترول بامتحان القدرات بالجامعه ؟؟؟؟اختبار القدرات تصير وانتي بالثانويه الصف 11 او الصف 12 ، وانتي اخر سنه بالطب طب طب مو اي كليه بعد يعني تقريبا 6 او 7 سنين دراسه ، بس ابي افهم شلون عرف اسمج باختبار القدرات ؟؟؟؟؟ لا تقولين مراقب ، المراقب لازم يكون موظف بالجامعه مو من بره وبيانات الطالب لا يمكن اي احد يطلع عليها انا مراقبة اختبار القدرات بالجامعه وعارفه


وخالتج هذي ما اترقع كلش ؟؟؟؟؟؟؟ لا زين ولا اسلوب ولا دراسه عكسج تماما ؟؟؟؟؟ يا حلوج انتي الزين كلا لا نطري لا تاخذيه وايد كبير عليج كوني مستقبلج حبيبتي توج بأول الطريج

حبيبتي
انا سابقه دفعتي يعني داخله مبجر فعقب ما تخرجت من الثنوي تأخروا علي ما قبلوني بالكليه و يأست فرحت اقدم علي هندسه بجامعه خاصه بصدفه وحده من خوات خطيبي تدرس هناك
و اتوقع انه سأل اخته لأن اخته تعرفني او قرا الاسم اللي على الطاوله ما ادري شلون بالضبط
و سنين الدراسه بكلية الطب مو 7
تمرين بفترتين اول شي تدرسين لمده 4 السنين و تتخرجين و بعدين اذا تبين تكملين تدرسين لمدة 3 سنين عشان تتخصصين و تصيرين استشاريه
انا الحين رابع سنه و بتخرج ان شاء الله
بس ماني متخصصه فهمتي؟
و خالتي صج والله ما اعرف شنو تشتغل بس اللي اعرفه انها تشتغل بالشؤون اللي بالعارضيه

انا ماني ظالمه بس حسيت ان اسلوبج في استهزاء
اذا مو مصدقتني تراج منتي مجبوره تصدقين :*
الحمدلله وايد بنات ردو علي و انصحوني و انا
وافقت

عالعموم مشكوره

​

 

[كويتية222]

انتي 22وتقولين حلوة ولج مستقبل شلي حادج على 38سنة تتزوجينه ؟!!

 

[لمسه ضياء]

مبرووووووووك والله يتمم عليكم ع خير


بالتووووووووفيق​

 

[التوق]

اللي كاتبه لج الله بيصير
وكل واحد مكتوب له نصيبه
وخالتج وقفت ضدج وسوت لج مشكله بس عشان هالشخص
ولا كل واحد بييج نفس الموال !!

 

[حورية الكويت]

بقولج شي

اولا كبير عليج حيل وهو متخلف لانه عمره 38 سنه وانتى 22 سنه يعنى صغيره عليه وصدقينى بتتعبين معاه

انا اخوى عمره 30 سنه يعنى لو بدور له على وحده اصغر شي عمرها 24 سنه راح يكون تفكيرهم بنفس المستوى ما اخذ وحده من جيل وهو من جيل ثانى

اولا الناس ماتمدح الا بالظاهر والصلاة ماحد يدرى عنها الا الله سبحانه وتعالى والناس مالها الا الظاهر بس يعنى اقدر اصلى قدام الناس وبينى وبين نفسي لا من بيدرى

انتى ماخذه من خالتج موقف بسبة رجال ماتعرفينه وتكلمين عنها كانها عدوه لج

ماتدرين سبحان الله يمكن حظ خالتج هذى احسن من حظج بيوم من الايام

وحده عمرها 40 سنه عانس محد خطبها وكله العانس العانس عندها وظيفه باحد الادارات

بقدرة قادر سبحان الله تتزوج لا ويخطبها واحد عنده شهاده ودكتور شيبي بالعانس وهالكلام ليه ماخذ بنت حلوه وصغيره وهو ماخذ اللى رايح عمرها ومافيها عيال

بقدرة قادر احملى وجيبي اول حمل تؤم واحملى وجيبي ثانى حمل تؤم واحملى وجيبي ثالث حمل تؤم

6 عيال وعمرها 45 سنه

الله كريم ويعطى عباده بس العباد هم اللى يقطعون رزق العباد بالحسد وشوفة النفس

يمكن انتى حلوه وصغيره ولما تزوجين مو شي عند زوجج

ويمكن هذى مافي ذرة حلا وزوجها يموت بالتراب اللى تمشي عليه

عندنا الطلاق بالكويت مابين 15 الى 19 سنه هالاعمار الصغيره اكثر من طلاق اللى اعمارهم كبيره

ارفضيه لانه لو تطلقتى منه بتحطينها براس خالتج وتقولين انه نفسها فيه

انتى دكتوره ان شاء الله والحياة بتعرفج على ناس كثيره بسبب وظيفتج لاتستعجلين بالزواج

وانتى شدراج انه شخص متفهم واعى لو واعى ومدرك معنى الحياة عدل والله مافكر انه يتزوج وحده صغيره هذا فكر بس انه يتزوجج عشان عمرج وانج دكتوره وراج راتب قوى وحلو

الاستخاره ماهو معناه انج ارتحتى للموضوع لا الاستخاره معناه انج فوضتى امرج لله وهو وحده اللى يسيرج للخير

نصيحه لج ارفضيه ماهو عشان خالتج لا ارفضيه عشان امج لانها سبب بالموضوع لانها عشمت خالتج بالزواج وخالتج بتعتقد انه امج اخذت هالزوج لج انتى

لاتفتحين باب على امج وخالتج وتسمعين بيوم من الايام اختى كرهتنى والسبه انتى


بالاخير انتى حره وقرارج بيدج

يارب ارزقها الزوج الصالح وارزق خالتها الزوج الصالح وفرح قلب امها فيهم عاجل يارب العالمين

معاها بالضبط

 

[أم الياس]

سوي الي يشير عليه قلبك
شنو يقول قلبك ؟؟؟
والله يوفقك ويسعدك يارب
دعواتك لي بالزوج الصالح

 

[حمام شاقني فنه]

الله يوفقج جنه كبير عليج مو؟

 

[نجدية2011]

اثرهاا

يعني اذا شربت مويه
او اي شيء
اخذي الكلاس حقها وعبيه مويه شوي واقري عليه المعوذات واشربيه بس دون ماتدرري
حتى مايصير عدواه بينكم
وبعدها انسي الموضوع
وبالتوفيق

 

[Beautiful soul]

والله حزينه على خالتج ,, يمكن يكون ردي مو منطقي بالنسبه للباقين
بس انتي توج صغيره والعمر قدامج وهو شوي ويصك الاربعين شلج فيه يمكن الله يرزقج باحسن منه مليون مره
وفي نفس الوقت عشان خالتج

مادري اخذي رايي وقطيه في الزباله بس هالشي اللي جا فبالي
بالتوفيق

وتوني شفت رد بنت الاجواد كلامها ذهب معاها في كل كلمه هذا رايي بس ماعرفت اعبر مثلها

 

[Ruwaishdawya]

-
نصيحتي لج
توكلي على الله
و وآفقي
ادري انها خالتج
بس اذا الريال زين
ليش تردينه ؟
ترا الحين
الرياييل مو كلهم زينين
خآلتج مردها تنسى
واذا تحبج مفروض توآفق


وآفقــي ،، ! :*

 

[حورية الكويت]

ننطر الشوفة

 

[mf6nt el3lat]

الله يكتب لج اللي فيه الخير .. انا احس امج تسرعت يوم قالت لخالتج يبون يخطبوونها مفروض تنطر وما تخليها تنطر على نار الله يرزقها باللي احسن منه .. انتي اذا استخرتي وارتحتي منه وافقي بس العمر والفرق بينكم مو جنه كبير غريبه اهوا ليش ماتزوج من قبل ... مابي اخوفج بس حبيت اقولج

والله يووفقج غلاي وخالتج اعذريها تمر بحاله نفسيه صدقيني مو مضايقه منج متضايقه من نفسها .. الله يعيييينكم ...

 

[mf6nt el3lat]

توني اقرا الردووود الله يوفقج ويسعدج ... ويهنيج فيه ويهنيه فيج ... وخالتج مع الايام تنسى مثل مانست قبل ... الله يجبر خاطرها

 

[دلع 2013]

اختي تبين نصيحه استخرتي استخيري مره ومرتين وثلاث وسبع وتوكلي على الله وافقي اذا نصيبج ترا كل شي بيصير ماي وسهالات وخالتج بتزعل وبترضا مب نصيبج خلاص كل شي بيتفركش والله يوفقج يارب والله يرزق خالتج ولد الحلال الي احبها وصونها وقدرها

وانا حاسه فيها لا تلومنيها بس بعد مالج ذنب بشي

 

[Nanoosa]

اسمحيلي على هالاسلوب خلي خالتج تولي

خلينا في الريال

بصراحة على راحتج دامه زين و مرتاحه اخذيه مع انه وايد كبير عليج
ولا تفكرين بخالتج شكو تعصب عليج انتي مالج شغل
اسلوبها ما عجبني

 

[" ام حمود "]

توكلي ع الله ، وافقي وكل شيء قسمة ونصيب

 

[منو انت]

الله يكتب لج الخيره

 

[مزاج عنزيه]

،'




الله يگتب لج الخيـر ويتـمم عليـج إن ششآء الله
ويرزق خآلتج ، وگل بنـآات آلمسلمين يَ ـآا رب ..../







-





​