حبيبتي حيـاج الله
حبيبتي الله يرزقج و ترى مو كل شي ريـال
مثلي بالضبط .. انا ريلي مرتاحه معاه الحمدلله بس الحق ينقـال بهالنقطة مأذيته و ماكنت ادري انها سبب أي هوشة تاافها
هلا والله حيـاتي .. انقطع عنـدي النت و توني أردهـ والله .. :eh_s(17): تسلمين يا الغـالية على سؤالج و الله يبـارك فيج
حبيبتي تسلمين الله يسمع منج
واااااااااااااااااااااااااااااااااااااااااي
صج صج موضوعج يا بوقته
بقول قصة حياتي حده قلبي متروووووووس
انا احس روحي متعلقة فيه وايد.. و زيادة عن اللزوم
و مرات وايد احس قاطة روحي عليه..!!
احب اطلع معاه
احب اسولف معاه
احب اسوي كل شي معاه
نطلع نسافر نسوي كل شي مع بعض
مع اني مو ماخذته عن حب بالعكس زواجنا تقليدي 100%
بس مادري شلون تعلقت فيه جذي !!
انا رومانسية بزيادة و هو لوح مو يم الرومانسية
وايد اتعب معاه
احن حنة عشان يطلع يوديني مكان او نتمشى واحس موديني من ورا قلبه..!
اقل طلعه معاه استانس و اقوله من صج استانست معاك بس ماحسه هو مستانس جنه واجب بيسويه و يخلصه بسرعه..!
كل حياته دواوين و كرة و طلعات و ربع و هالشي يخليني احن عليه يعطيني من وقته بس مااااكو فايدة
ماعنده مشكلة يطلع كل يوم و يظل طول اليوم برا و لا يجابلني و ما ايي البيت الا وقت النوم و اشوفه عادي يعطيني ظهره و ينام
ما احسه محتاجلي او مشتاقلي
و الدليل بنفاسي لعب لعب صج رد عزوبي و ماكان يزورني وايد
اول زواجي كنت احن وايد بس بعدين صرت اتضايق و انا ساكتة
و هو مستمر باللي يبي
*
اختي مرة قالتلي نفس كلمتج
صدي عنه يشتاقلج
طلعي و سوي لج حياة بروحج مثل قبل الزواج كنت عايشة و مو مخلية شي بخاطري و لا سائلة بأحد لوووووووووووووووووول
بس مادري ليش من تزوجته تغيرت وايد
حتى صالنات و سبا ماقمت اروح مثل قبل..
هو ماعنده مانع اطلع و اروح و ايي عااااادي
بس انا مايعطيني قلبي اطلع و اخليه..!
شلون اطلع و اخليه بالبيت..؟؟
او اذا كنت معزومة على عشا او غدا مع رفيجاتي احس شلون اخليه ياكل بروحه..؟؟؟؟؟؟؟؟؟؟؟؟؟؟
و اعتذر عن الطلعه و ما اروح
و اللي يساعد على هالشي ان بنتي صغيرة ساعات مايعطيني قلبي اخليها و اطلع و مو كل مكان اقدر اوديها معاي..
فتلاقوني على طول بالبيت يرجع يلاقيني ناطرته
بس من الحين كل شي بيتغير ان شالله
مراح اعيش حياتي كلها قاعدة انطره و بس
بس اللي يحز بخاطري حيــــــــــــل اني ادري لو انا بعدت عنه هو حده ماعنده مانع
اعرفه بياخذ راحته اكثر و لا بيسأل .. يحب يكون مستقل
هو الحين عايش جنه عزوبي تقريبا
لو اهده انا و اعطي مساحة بياخذ راحته اكثر
اقولكم شي يبط الجبد
مرة خليت بنتي عند امي ظل يوم كامل مو شايفها استخف الا تروحين تييبينها
!!
بقلبي اقول يا خلاف التعب
ههههههههههههههههههههههههههههههههه
:krkrkr:
اهـو يحبـج هذي أول نقطـة .. ثـاني نقطـة ترى اغلب الرياييـل جذي و في رياييل يبي بس تتصلين تقولين شلونك زين بطمن عليك و باي حتى ما تقولين وينك بس زين والا لا و بطمن
جربي .. انا ترى مليون مرة افتح الواتسب هههههههههه اشوف متى اخر مرة دخل و امسك نفسي و انا ويييه احترق ودي اعرف وينه
بس تعودت والله ..
واااي فديتـج والله بدبد .. و على طـاري المسنجـر ترى جنج ما ضفتيني لووول اساسا المسنجر مو راضي يفتح عندي
ثاني نقطه ريلج مثل ريل اختي .. الله وكيلج لما يابت أول بيبي ويييه تروح و ترد ما يبي حنه
و اهي ما كانت تبين له انها ميته على الطلعه
والف مبروك تميزج انتي بعد تستاهلين ماما سـارونه احبج :eh_s(17):
حبيبتي حيـاج الله و عسى ربي يهنيج و يوفقج
حبيبتي نورتي
حبيبتي تسأل عنج العافية .. والله كانت النت مقطوع وتوني رادته .. والله يبـارك فيج
صـاجه حياج الله حبيبتي
