انتي يلي عايشه بوهم واللي تحبينه ملاك بنظرج تعالي هني

[معزوفة عشق&]

عاشر من تعاشر لابد من الفراق > والمقصد بهالعباره ف ذا الموضوع بالذات
العلاقات الغير شرعيه
والله سبحانه وتعالى قال : وجعلنا بينهم مودة ورحمه ....اخر الايه
ويقصد فيها بعد الزواج وليس قبل


مشككككوره غلاتي ع الموضوع الرائع شاد للانتباه ربي يسعدك ويحقق لك مناك

 

[caramil]

يعلم الله اإني كنت امفكره اتكلم عن نفس الموضوع
وسبحآن الله طحت على موضوعــج..ويزاج الله ألف خير

بس وين اللي يفهم
كل وحده تقول :" انا وحبيبي غير"..
والله اضحك عليكم ولا ينكسر خاطري عليهم ولا ادعيلهم بالهدايه ؟؟ احترت..

اذا كل وحده بتقول انا غير عيل وين هاللي نسمع عنهم يتشكون بالمنتدى ( عسى الله يكون بعونهم )

اللي ينبني على باطل فـ هو باطل..طال الزمن ولا قصر ..وعسانا نوصل القرن المليون
ويقطعنا التحضر.. ومهما بلغناااا من تقدم وتطور..يبقى مفهوووووم الخطأ ..واحد


شحقه ترخصين بعمرج؟ لهدرجه انتي رخيصه؟؟ لهدرجه طايحه بجبد عمرج؟؟

ترا اذا انتي مستانسه على هالجم كلمه ..ترا قايلينها حق زليون وحده قبلج
حتى الخدامه ما اسلمت منهم يعني لا تنبسطين اوي..ولا تعيشين جووو وايد

واللي تقول فيني نقص حنان وماعندي ابو ولا عندي مادري منو
ياكثرهم الايتام ترس الدنيا ماسووا سواتكم..ولا تتعذرون بعذر قبيح نفس هذا لوعتوا جبدي

حبج لربج راح يسد النقص اللي بقلبج.. طول ما انتي بعيده عنه انتي عرضه لهالامور
الله يحفظكم جميعاً..

وهالفئه المؤرفه ..اما تبقى رخيصه ..والا تسعى لرضى رب العالمين وهدايته..

ولكم الاختيار..


اختكم: كراميل​

 

[واقعية حـلـم !]

يوه يا بنات يا ليتها جات على الحب و المشاعر و التلفون

الادهي و الامر

تعرض نفسها للخطر


تصعد معاه سيارته تروح معاه شقق يعني ما تخاف على نفسها مأمنته على شرفها

يعني لو اعتدى عليج ؟؟ تسوى عليج ذيج الساعه

اعرف وحدة طالعه مع واحد على اساس بيتمشون بالسيارة و يردها دوامها طار فيها البر اعتدى عليها و ردها و خلاها تولي يعني من ينفعها الحين

ترى الشباب مو صااااحين و ما يهمهم احد و فيهم المعقد و فيهم الي ما يخاف ربه و فيهم الي اذا حقد عليج فضحج

ليش تحطين نفسج محطة تجارب و يا تصيب و يا تخيب و ان خابت راح مستقبلج كله

يا ما بنات انفضحو يا ما بنات صورهم انتشرت يا ما بنات ابتزوهم الشباب و خلوها تاخذ لهم قروض و تصرف عليهم


انتبهو انتبهو انتبهوووووو

و الله يحفظنا و يستر علينااااااااا يا رب و بنات المسلمين يا رب

 

[عالمي انا غير]

تسلمون بنوتات وكلامكم كله عين العقل

تسلمون ع الرسائل التوعويه ورسايلكم اكيد مهمه وخاصه بهل الزمن ولكل بنت تعتقد انها عايشه بالجنه بهل القصص الوهميه وتعتقد انها بمجر تسلم نفسها او تكلمه او يشوفها انها خلاص بيتزوجها استغفر الله ياربي ولا تبلينا

وبخصوص بعض الردود اللي تقول في حب بس نفكر بعقل انا مراح اقول لا مافي حب ممكن فيه بس نادر جدا وحنا بنات ومستحيل نقوص بهل التجارب وماندري هو صادق ولا لا ؟ يابنت نصيحة من اخت كبيرة سمعت كثير عن بنات انغدروا وتعذبوا عبالهم صج في حب ولا طلع انسان خالي ومجرد من الانسانية بادري بقطع اتصالج معاه واطلبي منه يتقدملج وقوليله خلاص انت عرفتني شناطر مراح اخون ربي وهلي عشان او عشان اي رجال تبيني صج شناطر ؟ تقدم نفس العالم والناس وانا مراح اتواصل معاك الموضوع انتهى عندي والباقي ناقشه مع هلي . وشوفي يابنت الناس شنو راح يطلع ان تحجج بس حجة وحدة وماقبل كلامج بتعرفين معدنه وكم راح يخيب ضنج فيه وبكل الرجاجيل تدرين ليش اكثرهم عندهم الزواج شئ والحب شئ ثاني انتي بس سوي هل الخطوة والله راح تدعيلي وشوفي وانا اتمنى ومن قلبي ما يطلع ذيب بشري بس الواقع دايما يدينهم للاسف وربي يستر ع كل بنات المسلمين وموفقين يارب

 

[Tota ali]

كــلامج صحيح ..

بارك الله فيج ..

 

[عالمي انا غير]

كــلامج صحيح ..

بارك الله فيج ..

:eh_s(7)::eh_s(7):

 

[mi corazon]

فاصل اعلاني

توها يتني نكته عالواتسب عن البنات المقصه

" عزيزتي البنت الكويتيه .. بخصوص انج تكلمين واحد وتسألينه : انت كلمت قبلي؟

اي دام تعرفين انه بيقول لج فلم الـ " انا كنت احب وحده وهدتني وتزوجت " .. ليش تسألين ويا ركبج؟


ههه بنات ترى نكته مو تزفوني هههه

بس صج تلاقين البنيه تسأله هالسؤال السخيف .. يعني شكبره وتتوقعين ما كلم بعمره ولا لعب؟

تقصين على عمرج بالله؟

 

[عالمي انا غير]

فاصل اعلاني

توها يتني نكته عالواتسب عن البنات المقصه

" عزيزتي البنت الكويتيه .. بخصوص انج تكلمين واحد وتسألينه : انت كلمت قبلي؟

اي دام تعرفين انه بيقول لج فلم الـ " انا كنت احب وحده وهدتني وتزوجت " .. ليش تسألين ويا ركبج؟


ههه بنات ترى نكته مو تزفوني هههه

بس صج تلاقين البنيه تسأله هالسؤال السخيف .. يعني شكبره وتتوقعين ما كلم بعمره ولا لعب؟

تقصين على عمرج بالله؟

ههههههههه تسلميلي حبييبتي ع هل النكتة وبالنفس الوقت تعتبر رسالة توعيه فعلا صدقتي هذول ذئاب يبون شئ اكيد بيسوؤن روحهم ملائكه نازله من السما :eh_s(15):

 

[بـربـوشـآ]

إي والله الله يكآفينا الشررر ..

 

[عالمي انا غير]

تسلمين ع المشاركة وبنتظار المزيد من الرسائل

اب

 

[Tom ♥ Jerry]

,


المشكله صعب يقتنعون ،
الله الهادي (=

 

[عالمي انا غير]

,


المشكله صعب يقتنعون ،
الله الهادي (=

فلا هذي مشكلة بس انا تنسوي اللي علينا وهم وضميرهم

:eh_s(17):

 

[Some day]

قوه حبايبي

انا بطلت اللاب توب قبل ما انام اجييك على المنتدى

وشفت الموضوع

وااايد واااايد عجبني و قلت لازم اعلق واكتب فيه نصيحه للبنات و خصوصا اني شفت بنات يعورون قلبي واهم يتكلمون عن الحبيب

نصيحه للبنات

اقول لهم

احترمي نفسج











اي احترمي نفسج و عزي نفسج

راح تقولون أشلون؟؟


لما يكون لبس البنت محتشم اهني تكون احترمت نفسها و عزت نفسها وصار لها قيمه لنفسها


لما البنت ما تتنازل انها تضيع وقتها بمكالمات على سوالف حب و خرابيط وطلعات و هياته مع الحبيب اهني تكون احترمت نفسها و قدرت ذاتها

صدقوني الريال يحترم البنت اللي جذي و يقدرها و يتمناها زوجه له

انا اهني اقصد الريال المحترم اللي ما عنده لعب و يقصد الزواج

اما الريال اللي يلعب راح يحترمج و يبتعد عنج لانه راح يبحث على فريسه رخيصه وسهله يلعب فيها ويحذفها ويدوس عليها


بنات بقول لكم شي انا انصدمت منه

انا انصدمت لما لقيت الاجنبيات الامريكيات و الاستراليات و البريطانيات و حتى الاوروبيات مسوين موقع يشاركون فيه

يشتكون من استغلال الرياييل لهم

يعني يتعرف عليها و ياخذ منها اللي يبي بعدين يقطها

وايد قاعدين يعانون النساء بمجتمعهم

تدرون شنو النصيحة اللي تنصحهم فيه الاستاذة مالت الموقع

قالت لهم قدروا نفسكم الريال راح يقدركم

لبسوا لبس محتشم عدلوا الفاظكم - لا تقطون كلام بذيء او سوقي - خلوا اخلاقكم عالية - لا تستلمين للريال وتخلينه يعاشرج جنسيا ووايد تعاليم قالتها

وانا اقرا التعاليم قلت بقلبي يا سبحان الله هذي كلها تعاليم دينا الاسلامي

امبيه بنات عندي حجي وايد وقاعده اختصره لانه حدي نعسانه و عيوني تسكر

وعلى فكره في ابحاث علمية اثبتت ان العلاقة بين الريال و المرأة و خاصه اذا كانت جسدية قبل الزواج تسوي خلل للهرمونات اللي تكون الترابط بينهم علشان جذي العلاقة بعد الزواج يكون ضعيفه بينهم ويكونون معرضين للطلاق بصورة كبيرة

امبيه انا قلت المعلومه بس الشرح موذاك الزود مو مركزه ان شا الله اذا ربي احياني باجر اشبك و اكمل لكم

نطروني بقلبي كلام وايد ودي اقوله


سلام

 

[سكوتي بذوقي]

مشكله

بكل ثقه تدش وتقول عندي مشكله أحب واحد ويحبني

لكن مايقدر يتزوجني عنده ظروف ولا أهله مو راضيين

ترى هاذي مقولة الذئاب البشريه وقت الجد ينحاش ويألف قصص

ويقول لها مانقدر نستمر مع بعض

ولا يسلبها أعز ماتملك ويروح

يابنات انتبهو لنفسكم

خافو من الله خافو على أهلكم اللي ربوكم وعطوكم الثقه

إذا ضاع كل شي انتي راح تضيعين وتصيرين عار على أهلك ومجتمعك

يعطيكِ العافيه اختي

 

[عظيمة الشان]

مرررحبا

انا مع عبير 100%

ي حييييييييييج يا عبير

يسلمووووووووووووووو

تحياتي​

 

[Jolia-007]

موضوع رائع والبنات ماقصروا

 

[عالمي انا غير]

تسلمون بنات وردودكم ورسايلكم روعه جد مستانسه بردودكم وبنتظار المزيد من الرسائل تذكروا بنات لو ما يسمعونا اللي يمرون بهل لحظة حنا نبي نوعيهم اسمعونا ولا ماسمعونا هم وضميرهم بس كل لحظة وهم يسوون اي شئ من وراى ربهم واهلهم بيتذكرون هل الموضوع ومايندرى يمكن ربكم يهديهم فبليز لا ترددون برسائلكم الموضوع يرحب فيكم ومفتوح عشانكم

 

[عالمي انا غير]

هذه مقتطفات من كتاب اسعد امرأة لعائض القرني
أهلاً بك

أهلاً بك .. مصلية صائمة قانتة خاشعة .
أهلاً بك .. محجبة محتشمة وقورة رزية.
أهلاً بك .. متعلمة مطلعة واعية راشدة .
أهلاً بك .. وفية أمينة صادقة متصدقة.
أهلاً بك .. صابرة محتسبة تائبة منيبة .
أهلاً بك ..ذاكرة شاكرة داعية واعية .
أهلاً بك .. تابعة لآسية ورين وخديجة .
أهلاً بك .. مربية للأبطال ،ومصنعاً للرجال .
أهلاً بك .. راعية للقيم ، حافظة للمثل.
أهلاً بك ..غيورة على المحارم ، بعيدة عن المحرمات.
نعم

نعم .. لبسمتك الجميلة التي تبعث الحب وترسل المودة للآخرين .
نعم .. لكلمتك الطيبة التي تبني الصدقات الشرعية وتذهب الأحقاد.
نعم ..لصدقة متقبلة تسعد مسكينا ، وتفرح فقيرا ، وتشبع جائعاً.
نعم ..لجلسة مع القران تلاوة وتدبرا وعملا وتوبة واستغفاراً .
نعم ..لكثرة الذكر والاستغفار، وإدمان الدعاء ، وتصحيح التوبة .
لتربية أبنائك على الدين ،وتعليمهم السنة ، و إرشادهم لما ينفعهم .
نعم ..للحشمة والحجاب الذي أمر الله به ، وهو طريق الصيانة والحفظ.
نعم ..لصحبة الخيران ممن يخفن الله ، ويحببن الدين ، ويحترمن القيم.
نعم .. لبر الوالدين ، وصلة الرحم ، و إكرام الجار ، وكفالة الأيتام .
نعم .. للقراءة النافعة ، والمطالعة المفيدة ، مع الكتاب الممتع الراشد .



لا .. !

لا .. لصف عمرك في التوافه ، من حب للانتقام ومجادلة لا خير فيها .
لا .. لتقديم المال وجمعه على صحتك وسعادتك ونومك وراحتك.
لا .. لتتبع أخطاء الآخرين واغتيابهم ونسيان عيوب النفس.
لا .. للانهماك في ملاذ النفس ، و إعطائها كل ما تطلب وتشتهي.
لا .. لضياع الأوقات مع الفارغين ، و إنفاق الساعات في اللهو .
لا .. لإهمال الجسم والبيت من النظافة ، والروائح الذكية ، والنظام.
لا .. للمشروبات المحرمة ، والدخان والشيشة ، وكل خبيث.
لا .. لتذكر مصيبة مرت ، أو كارثة سبقت ، أو خطأ حصل .
لا .. لنسيان الآخرة والعمل لها ، والغفلة عن تلك المشاهد .
لا .. لإهدار المال في المحرمات ، والإسراف في المباحات ، والتقصير في الطاعات .


الورد

الوردة الأولى : تذكري أن ربك يغفر لمن يستغفر ، ويتوب على من تاب ، ويقبل من عاد.
الوردة الثانية : ارحمي الضعفاء تسعدي ، و أعطي المتحاجين تشافي ، ولا تحملي البغضاء تعافي.
الوردة الثالثة : تفاءلي ، فالله معك ، والملائكة يستغفرون لك ، والجنة تنتظرك .
الوردة الرابعة : امسحي دموعك بحسن الظن بربك ، واطردي همومك بتذكر نعم الله عليك .
الوردة الخامسة : لا تظني بأن الدنيا كملت لأحد ، فليس على ظهر الأرض من حصل له كل مطلوب ، وسلم من أي كدر .
الوردة السادسة

وني كالنخلة عالية الهمة ، بعيدة عن الأذى ، إذا رميت بالحجارة ألقت رطبها .
الوردة السابعة :هل سمعت أن الحزن يعيد ما فات ، وان الهم يصلح الخطأ ، فلماذا الحزن والهم ؟!
الوردة الثامنة : لا تنتظري المحن والفتن ، بل انتظري الأمن والسلام والعافية إن شاء الله .
الوردة التاسعة : أطفئي نار الحقد من صدرك بعفو عام عن كل من أساء لك من الناس .
الوردة العاشرة : الغسل والوضوء والطيب والسواك والنظام أدوية ناجحة لكل كدر وضيق.


الزهر

الزهرة الأولى : كوني كالنخلة : تقع على الزهور الفواحة والأغصان الرطبة .
الزهرة الثانية : ليس عندك وقت لاكتشاف عيوب الناس ، وجمع أخطائهم .
الزهرة الثالثة : إذا كان الله معك فمن تخافين ؟ وإذا كان الله ضدك فمن ترجين ؟!
الزهرة الرابعة : نار الحسد تأكل الجسد ، وكثرة الغيرة نار مستطيرة.
الزهرة الخامسة : إذا لم تستعدي اليم ، فليس الغد ملكا لك .
الزهرة السادسة :انسحبي بسلام من مجالس اللهو والجدل.
الزهرة السابعة

وني بأخلاقك اجمل من البستان .
الزهرة الثامنة :ابذلي المعروف فانك اسعد الناس به .
الزهرة التاسعة : دعي الخلق للخالق ، والحاسد للموت ، والعدو للنسيان .
الزهرة العاشرة : لذة الحرام بعدها ندم وحسرة وعقاب

وكل عام وانتم بخير

منقول ​

 

[حبيبي وبس]

الله يهدي الجميع

 

[عاشقة هواك]

الله يهدي الجميع

مشكوووووووووووووورة على الموضوع