انتي مو انتي وانتي برمضاااان@@@@@@

[شادن33]

السلام عليكم حبايبي
شلووونكم عساكم بخير

اولا بما ان شهر الخير قرب وياااحلاته من شهر::eh_s(8):

الصغير والكبير فرحاااان بقدومه :eh_s(9):

هل تحسين بتغير بشخصيتج ؟
هل تحاولين انج تغيرين سلبياتج ؟
هل يكون لج دور بلم الأسره وتعزيز صله الرحم خصوصا اذا كان هناك خصووومات؟؟
هل تكون بطاريتج مشحونه فل اول الايام وآخر الشهر تتناقص ألهمه وتخورينها ؟؟!!
هل الجووووع يأثر عليج وتكونين انتي موووو انتي وانتي جووووعااانه هههههه

والله يبلغنا رمضان بصحه وسلامه

تحياتي
كل يوم تعااالوا :eh_s(9):

 

[شادن33]

اللهم بلغنا رمضان وبارك لنا فيه

 

[روحين في رـوح]

قصدج تقولين " اآنت مؤ آنت وأنت جعـآآن "

اخي على رمضان شهر حلووو والكل بيجتمع فيه واحلى شي انه المل بجتمع ع السفره والعزايم العائلات ع الفطار " وياحبيبي الجلي على الانسه شوشو "


يمكن اتغير بس اصوم وازا " عطشت " ياعمري انا مابشوف قدامي


والمشكله الاكبر " انه قناه فتافيت بصير احبها بس برمضان ليش مادري ههههه ولا ع رؤائح اكل امي " يوو ترا جعت من الحين ههههههههههه


وبالــشششششششششؤؤؤؤب هذاا " حلووووت الشغله معنا والله يعين البلد المجاوره لنا بضلهم يقطعوا كهربتها من داخل اسرائيل "


شدؤن بيني وبينج بس " ههههه اول يوم برمضان رح افطره ههه فهمك كفايه "


يابؤي احلى يوم بكون اول يوم يلا ..


وووو " رمضـآآآن كــريم وينع ـآآد علينـآ وعليكم بالصحه والعافيه "


مع حبــــي :شــؤشــؤ

 

[~..samar]

وعليكم السلام ورحمة الله وبركاته ,,
انا شخصيا احس بسعادة لما يدش علينا رمضان واحس برهببببة وخووف لما يخللص رمضان مادري ليشش!!
ههههههه لا الحمدلله الجوع مايأثر علي ..احاول امسك لساني واعدل اسلوبي :$
.
.
يعطيج العافية شدوونه والله يبلغج ويبلغنا رمضان غير فاقدين ولا مفقودين 3>

 

[فطوم 84]

مبارك عليكم الشهر جميعا مقدما وعسي الله يتقبل طاعتكم جميعا بهالشهر الفضيل


وعسي بهالشهر الله يمن علي اخواننا بفلسطين بالامان. والراحه والطمانينه

ويفرج هم اخوانناوخواتنا بسوريا الحبيبه ونفرح معاهم بهلاك الطاغيه اللي انشالله هلاكه يكون برمضان. اللهم امين تعجل بهلاكه


هاذي اولا. ثانيا. برمضان سبحان الله تكون محبه بالقلوب ورحمه بين الكل

انا عن نفسي اكون دايما مبتسمه واحس براحه والله كبيره

ويكفي لمة الاهل والدعا والحب ولمة العايله تريح القلب
هذا غير وقفتنا مع بعض بالصلوات ودعانا جووو راحه وجو ايماني

وعن الجوع انا بصراحه متعوده من نوع مااحس بالجوع. ف عادي
واساسا انا اطبخ ومن نوع اللي اطول بالمطبخ ف مرات احس اجي علي الفطور مااشتهي اكل وايييد. بس اريح وبعد الصلاه ارجع اكل مره ثانيه. يعني مااكل. من اول مره اكثر معدتي تتعب

ونصيحه لخواتي من قلبي
ابي اقولها للموظفات
برمضان لاتعصبون وتطلعون حرتكم بالمراجعين وتخربون صيامكم
خليج دايما مبتسمه وقولي لهم كلام طيب علشان الله يتقبل صيامج

لانه هالشي لاحظته السنه اللي طافت العصبيه عند بعض الموظفات وهم الموظفين ويتكلم بنفسيه. الصيام مو بس عن الاكل بالعكس الصيام بالخلق بالمعامله بالكلام الحلو مع الناس بالابتسامه وكسب رضا الناس


ومشكوره شدوووونه علي هالموضوع

 

[نهى الأحمد]

وعليكم السلام حبيبتي شدونه

ومبارك عليكم الشهر الفضيل وعسى ربي يتقبل منا ومنكم صيامه وقيامه


شهر رمضان شهر الرحمة والغفران

شهر التسامح والمحبة والخير

شهر صلة الرحم


احرص على فعل الخير بكافة اشكاله


اكيد فيه شي يتغير في حياتي وللافضل مع قراءة القرآن واداء العبادات محاولة مني لكسب الاجر الكبير في هذا الشهر الفضيل


أتمنى تزول الاحقاد في قلوب البشر مو بس بهذا الشهر الفضيل
وفي كل اشهر السنة


الشي الحلو فيه بعد اهو جمعة الاهل والاحباب وقت الفطور

التواصل الاجتماعي

واهم شي صلة الرحم

وانا اهي انا سواء برمضان وغير رمضان

 

[طموحه بزياده]

وعليكم السلام ورحمة الله






:ggdw: مبارك عليكم هالشهر وعسى الله يبلغنا جميعا ليلة القدر خير من ألف شهر ويستجيب جميع دعواتكم يارب يا سميع




اممممممم بالنسبه لي


انا مو انا وانا جوعانه ههههههههه <<< اذا كنت جوعانه حدي مالي نفسيه اسوي شي


بس ناويه برمضان اتغير


ناويه اهلي وارحب واسوي واصنع جو لنفسي


ناويه ازور كل اقاربنا وصديقاتي برمضان


ابي اسعد نفسي بنفسي مرح انطر احد يسعدني




ناويه استغل هالشهر عدل عدل واتفادى الاخطاء برمضانات السابقه ألا وهي اني اقعد متأخر قبل الفطور بساعه (( فشلللللله)) :eh_s(14):


وناويه اصلي التراويح كله بالمسجد واخلي فترة الثلث الاخير من الليل للدعاء والاستغفار وقراءة القرآن لانه الشهر الذي انزل فيه القرآن فهالشي يلزمني اكثر من قراءة القرآن


وعندي هدف اتمنى من قلبيييييييييييييييي ان احققه ألا وهو اني احفظ سورة البقره يالله يارب يعيني ويرزقني حفظه



هل تكون بطاريتج مشحونه فل اول الايام وآخر الشهر تتناقص ألهمه وتخورينها ؟؟!!



لاااا بالعكس كل ما راح يوم بطاريتي تنشحن اكثر وخصوصا اذا دخلنا العشر الاواخر اوووووووف حدي استانس ولازم لازم استغل هالايام لانها ايام معدوده ومرح نتعايشها الا بعد سنه


وناويه ادعي ربي بشي بخااااااااااااااااااااااااااااااااطري :eh_s(11):

 

[حديث الروح]

شدووون الغالية ..

برمضان تكون هناك طاقة روحية عالية الشحنة وهذا يجعلنا نحس بتغيير للأحسن ونحاول نتجنب فيه كل السلبيات ونزيد من الطاعات من مثل ..

النوافل والتراويح وقيام الليل والإكثار من قراءة القرآن والدعاء والإستغفار والصدقة وزيادة صلة الأرحام وعمل الخير بكل وجوهه وتصافي النفوس

وغيره . كل هذه الأمور لاتقتصر على رمضان ولكن تتضاعف فيه نتيجة الإستعداد الروحي والإيمان بأنه شهر المغفرة ..

من هنا نكون متغيرين الى الأفضل !.

أما بالنسبة للجوع فإن الطاقة تتصاعد ولا تنخفض مع الأيام ذلك لأن أجسامنا بمرور الأيام تكون قد تعودت الجوع .. فيكون للصوم

في فمنا وأرواحنا طعم وإحساس جميلين لأننا نفعل ذلك لأجل الله تعالى وابتغاء وجههه وذلك مايعطي لجوعنا وعطشنا معنى

يحمل المحبة والطاعة والقربى لله تعالى ..

مؤكد نحن نختلف في شهر رمضان ... نحن أفضل !!

شكرت على هذا الموضوع ودائماً مبتكرة ببساطة ..!!!

 

[brettey]

ياحلوج يا شدون وياحلو مواضيعج
كل عام وانتوا بخير والله يعوده علينا بالخير وطاعته وعبادته
وانا مو انا وانا عطشانه
العطش يقتلتني

 

[شهرزاد الحكاية]

اللهم بلغنا رمضان وقدرنا فيه على الصياام والقيام ...
وبارك لنا فيه اللهم امييين​

 

[عادت ذكرياتي]

وعليكم السلام ....



لووووووووووووووول شدون ^_^


رمضان شهر الطاعة والرحمة ،، وأكثر شي يشوووقني شوفة الناس رايحة راده عالمسيد والنفسية حلوة ،،، و هم بعد بنهاية رمضان ولا إنتي متعرفة على جم وحدة بالمسيد خخخخخ %%%

والتواصل الاجتماعي وصفاء القلوب بهالشهر الفضيل الحمدلله ..


الله يبلغنا شهره الكريم وينصر إخواننا المستضعفين في كل مكان آمييييييييييييييييييييييييييييييييين

 

[el.mlkaa]

مبببببارك علييج الششهر حيييييياتي انا اكون منفسسسه فترة الصصووم عششآن اليووووع والصدآع وانا مو انا وانا يوعانه لأن بعض المررررررات ابجي هههههههههه

 

[لمى الهاجري]

ادعوا لي تغير شخصيتي واصير اجابية واتزوج

 

[فجر 1]

شدوون مساء الخير ... اللهم بلغنا رمضان ويتقبل اعمالنا صيام وقيام
رمضان شهر الخير والبركه والمغفرة .. اوله رحمة ووسطة مغفره واخره عتق من النار ..
انا فى رمضان هاده مااتكلم وايد .. اهم شىء عندى صلاة التراوويح .. اول يوم المسجد مترووس من الحريم تعالى خامس يوم لى النص .. وانت رايحه ..(ابى اعرف السر ) .. بنشغل الحريم بالقرقعان ...

 

[عطر الحكي]

اول شي كل عام وانت بخير ياقمر:eh_s(22):

شهر رمضان من اول مايدخل تحسين بأنس وحلاوه فيه سبحاان الله
يمكن عشان شياطينا مربطه
وخصوصا لياليه
ولما تسمعين اصوات المساجد وصلاة التراويح
احساس حلو
اكيد من يدخل رمضان يتغير الروتين اليومين
وتحسين بتجديد بالحياة
والزيارات والطلعات برمضان لها طعم ثاني
تحسين بشعور حلو فيه سبحان الله

عسى الله يبلغنا الشهر وليلة القدر
ويجعلنا من عتقاءه من النار يارب
مشكوره يالغلا على الموضوع الحلو

لك:eh_s(17):

 

[بـربـوشـآ]

هل تحسين بتغير بشخصيتج ؟
نـعم :d

هل تحاولين انج تغيرين سلبياتج ؟
نـعـم :d

هل يكون لج دور بلم الأسره وتعزيز صله الرحم خصوصا اذا كان هناك خصووومات؟؟
لأ ..

هل تكون بطاريتج مشحونه فل اول الايام وآخر الشهر تتناقص ألهمه وتخورينها ؟؟!!
فــل من 1لـي 30

هل الجووووع يأثر عليج وتكونين انتي موووو انتي وانتي جووووعااانه هههههه
نوعـآإ مآ بس أمسسسك نفسسسي ..




ومبـآرك عليكم الشششههههررر ..

ورمضـآإن فرصـه لـ تكفير الذنوبـ اللي نسويهـآإ ..

يعـني انا ان شاءالله نآويه اعـتـزل العـآإلم نوعـآإ مآ ومآ أشوف شي بـ t.v كل شي معيود بعـد رمضـآإن مبآششرهـ ..

وحتـى فـوني بـ ألغيـه وشغـلآت وآجـد .. والللـه يتمم علينـآإ بكل خييير

 

[شادن33]

فديتكم كككككلكم اللي ردوا علي

عسي الله يجعلكم من عنقاء الشهر الفضيل

أحبكم في الله

 

[مذهلة 78]

هل تحسين بتغير بشخصيتج ؟

لا شخصيتي ما تتغير على طول انا فرفوشيه وما احب ازعل او ازعل احد

هل تحاولين انج تغيرين سلبياتج ؟
سلبياتي العصبيه واحاول اني امسك نفسي بس ما اقدر ساعات
هل يكون لج دور بلم الأسره وتعزيز صله الرحم خصوصا اذا كان هناك خصووومات؟؟

الحمدلله مع اني اصغر وحده تصنيفا بعايلتنا بس مع جذي احرص ان العايله تتجمع عندي واهم يحبون يتجمعون عندي ودايما تلقين بيتي متروس
هل تكون بطاريتج مشحونه فل اول الايام وآخر الشهر تتناقص ألهمه وتخورينها ؟؟!!

هذا اللي يصير فيني لان اخر ايام خلااااص اكون مستنفذه كل اكلاتي وفناتكي وبعدين يكون وقت العباده وصلاة الليل والنوم يصير قليل
هل الجووووع يأثر عليج وتكونين انتي موووو انتي وانتي جووووعااانه هههههه

هههههههههههههه ما احس بالجوع لاني متكممه هههههههههههه

مبارك عليكم الشهر وعساكم من عوااااده​

 

[Patcholli]

مبارك عليج الشهر يالغاليه والله يتقبل منا ومنج صالح الاعمال ويبلغنا وياكم الشهر الفضيل وينعاد على جميع المؤمنين بالصحه والعافيه والقبول يارب ..وااااااااي فديتج :**

شدون بخصوص موضوعج ترى صارلي يومين اروح وارد عليه بس النفسيه كانت بالقاع من جذي قلت بنطر ليما اصير ريلاكس واشارك ولا جان الحين انا المشاركه نمبر ون






هل تحسين بتغير بشخصيتج ؟
هل تحاولين انج تغيرين سلبياتج ؟
هل يكون لج دور بلم الأسره وتعزيز صله الرحم خصوصا اذا كان هناك خصووومات؟؟
هل تكون بطاريتج مشحونه فل اول الايام وآخر الشهر تتناقص ألهمه وتخورينها ؟؟!!
هل الجووووع يأثر عليج وتكونين انتي موووو انتي وانتي جووووعااانه هههههه

بالنسبه حق تغيير شخصيتي شدون انا برمضان وبغير رمضان احاول اني اجنب روحي السلبيات كثر ما اقدر بس طبعا ابليس شاطر مافي انسان معصوم بس بشهر رمضان ولان للصيام شروط واحكام ومن اهمها تهذيب النفس و اللسان فالواحد يمكن يداري تصرفاته والفاظه بزياده .. ويحاول يتجنب كثر الكلام عشان يصلح صيامه وينقبل .. الصيام مو بس اني ما اكل وما اشرب للاسف في وايد ناس مايحطون فبالهم هالاعتبار يعني صايمه وتحش :/ ولا صايمه وتخزز بفلان وعلان او صايمه وتصرخ وتسب وتهاوش خصوصا بالشارع لوول شهالصايم
وعلى طاري اليمعه واللمه طبعا رمضان حلاته باللمه عالسفره ووقت الفطور مو حلو تفطرين بروحج بس هم بالمقابل الواحد مايشغل روحه بس باليمعات والزوارات ويضيع هالشهر اللي تتضاعف فيه الاعمال والحسنات الواحد لازم يستغل الساعات والدقايق والثواني بهالشهر كثر مايقدر .. فأنا وقت الفطور اكون متواجده وبين الايادي بس عقب الفطور اشيل شلايلي واتوكل على الله ..
وسالفة اليوم يمكن اعاني منها اول جم يوم بس بعدين الجسم يتعود سبحان الله ولي اخر رمضان يمكن يأذن وانتي نفسج مسدوده ماتشتهين الاكل .. بس اللهم ساعات اصدع بالدوام لاني متعوده ادردع قهوه لوول

لووووووووووووووووووول وعلى طاري البطاري اوووف حده اول اسبوع تختبين واخر اسبوع حده شوربه ومعجنات لوووووووووووووووووووووول
شدون انتي جاوبي ابي اقرى شنو نظامج برمضان لوول

 

[شادن33]

مذهله مشكوره حياتي والله يعينج على آلتكميم وتعبه
باتشووو حياااتي انشالله دووم نفسيه ريلاكس ومرتاحه والله يبعد عنج الهم والمشاكل

بالنسبه لي ان أحاول قدر المستطاع ان ماتفلت اعصابي مني مناك بس مرات لازم أعيا لي ولا الخد امه يحوشهم طشااار
وتلاقيني اتندم بعدها
شخصيتي شويه تتغير في رمضان تلاقيني ساكته اكثر الوقت وعقب الفطور داااايخه وعلي مااتنشط أخذ بناتي والاولاد المسيد للتراويح ارد نشيطه
وارتب واجهز السحور مع الخدامه

بالنسبه لصله الرحم أحاول أتقرب منهم اكثر وماازعلهم
والجوووووع ههههه ساعات يحوشني هبوووط حزه العصر اقعد ماتحرك لين يروح بروحه الحمدلله