انتي منقبه؟ تعالي شوي لو سمحتي

[كويتية و عتيبية]

إي والله يالله لاتبلانا متهاونين بالنقاب..

 

[@الليدي لين@]

جوعآنة وتقطين نقآبج في مطعم وآلآ في آلسيآرة آقعدي في آلبيت آحسن لج ترآ آلخلآ له عيون حتى لو من مآكآن رآضي

تجيبين لـ تفسج آلشبهة وآلبنت آلمحترمة صج تجنب نفسهآ آلشبهآآآآآآآآآآآآت !

وتذكروآ نصيحتي لكم بِـ يجي يوم بِـ تندمون على آللي تسوونه آلسمعة ميرآثنآ لآ رآحت سمعتنآ شنو نستفيد

قطي نقآبج مرة وحدة آحسن لج ولآ تعرضين نفسج لِـ آلقيل وآلقآآآآل كلآم آلنّآس مآيخلص @@!

معاج بهل نقطه

بس مو معاج بانه النقاب فرض << الخلاف لا يفسد للود قضية

 

[@كنده@]

تفرق بين الي لابسته عادة والي لابسته عبادة

وبعض السعوديات الله يهديهم -يستحون من الناس ولا يستحون من الله-
يستحو من اهلهم وجماعتهم في السعوديه يشوفوهم مكشفين
وبس يسافرو يرمو كل شي لان محد يعرفهم


ذكرتوني بحلقه في طاش كانت تتكلم عن نفس الموضوع:eh_s(6):

 

[أمنيات الطفوله]

انا منقبه

وبصراحه انقهر من الوحده اللي مره تقط نقابها ومره تلبسه عسى ماااشر وحده من الثنتين يا البسيه او قطيه

لأنهااا شوهت منظر المنقباات

نفس بنات الله لايبلانا قاعدين عند البحر والله شوفت عيني منزلين نقبااتهم ويشيشوون الوحده ماسكه الشيشه وتشيش

الله يخلف عليناااا...ليتهاا جات على المطاعم ولا المقااهي

انا والله اذا مافي بالمطاعم كباين ما ادخله شلي حادني اقط نقابي عشان اكل

ليش بموووت من الجوع اذا مجبوره عليه اكل من تحت نقابي

بس والله فشله اشرب واكل ومنزله نقابي والناس تخز فيني عيب حتى مافيه احترام لنقابي....

والنقاب ستر.....

 

[وهج الحب]

انتم اذا تشوفون معظمهم حاطين كريم اسااس ومسوين واذا فسخوا نقابهم وكانه وجه ثاني لاصق فيه ..يعني طالعين ونيتهم يفسخونه او نقاب والشادو كأنها رايحة حفلة ..والله انا اول كنت اظن جذية انهم مارين المول وجايين من عزيمة او بيروحون عزيمة ..بس شفتهم زودوها ..واللي يحرق القلب احيانا في بعض المحلات المغلقة يعني مثل محلات الماس اوخياط راقي او مطعم احينا اذا دخلنا تكون رامية النقاب واول ما ندخل تحطة يا زعم انها جدام اللبناني موديرن هي فيوزها ظاربة عكست مين الرجل ومين المرأة ..ووايد اشوف هالنوعية وبكل مكان ..امس كنت عند طبيبة وجات واحدة ولفت وجها علينا كلنا ويوم شافت انها ما تعرف احد رمت النقاب ..والله انه غرفة الانتظار النسوان فيه رجال وينادون عليهم يعني يدخلون عند الطبيبة من صوبنا والله محد فيهم من اللي يدخلون متنقبين تحط عليها شئ عادي جالسين ..

 

[هدولى]

انا منقبه الحمد لله واستغرب على الى يقطون بالمطاعم والكوفيهات عند خلق الله وحتى بالمطعم اكل بنقابى ليش اقطه انا منقبه ومقتنعه فيه. المفروض المنقبه تحشم النقاب وتحترمه والله يهديهم .

 

[Stylista_Q8]

احس اللي تفصخه تشوه سمعة النقـآاب،، حتى ولو ماكانت نيتها جذي

يعني مدامج لابسه نقاب حاله حال الحجاب ما تفصخينه ،،

مدام رضيتي فيه التزمي ع الاقل !!

ولا الرياييل بالمطاعم عادي يطالعونكم ؟ ولا طلعتوا برا حرام ؟!

جد والله ؟

واذكر يوم رحنا تايلاند بعد ولا وحده متنقبة "مبين" فاصخة نقابها مرفعته فوق عشان حر

قولي والله @@

واهيه مو كويتية يبين عليهـآا

بس حتى ولو شفايدة نقابج ؟!

الله يهديهم بس

 

[ديـمه]

تفرق بين الي لابسته عادة والي لابسته عبادة

وبعض السعوديات الله يهديهم -يستحون من الناس ولا يستحون من الله-
يستحو من اهلهم وجماعتهم في السعوديه يشوفوهم مكشفين
وبس يسافرو يرمو كل شي لان محد يعرفهم


ذكرتوني بحلقه في طاش كانت تتكلم عن نفس الموضوع:eh_s(6):

الشيخه هاذول بكل مكان بالبحرين والسعوديه وقطر وامارات وكويت
الفرق بينا احنا السعوديات وبين غيرنا ان ببلدانهم في نسبه من البنات يسوون الي يبونه يعني البنات الكاشفات ومن غير عبي موجودات بديرهم واحنا لالالالالالالالالالالا ولا بنت عندنا من ذول
وهذا لاسباب كثيره من اهمها واهمها ان اي مسلم بهالدنيا ايا كانت جنسيته وايا كانت ديرته لما يجي بيناجي ربه ويتدبر القبله يدور على خريطة الممــــــــــــــــــــلكه العربيـــــــــــــــــــــــه السعـــــــــــــــــــــــوديه ومنها ياخذ جهة مكه ويفرش سجادته بأي مكان هو فيه
وعلى هالاساس تلاقين ان ضبط الهيئه او الشكل للعام بالديره الزاااااااااااااام على خلاف معتقدات نسبه لايستهان بها من العوائل والبنات
لكن ديرتنا تموووووووووون خصوصا ان في كثير من المشاكل الامنيه والسياسيه تعرضنا لها وكان من اهم مبررات الفئه الضاله اننا مانطبق احكام الشريعه بديرتنا من ابرزها احتلال الكعبه بعهد الملك فيصل الله يرحمه الي من بعده طلعت هيئة الامر بالمعرف والنهي عن المنكر
الوضع حساس ومخالف للموجود بالدول الخليجيه والعربيه فالمقارنه مش في محلها
وبالنسبه للموضوع اظن ان رب العالمين يقول "لايكلف الله نفسا الا وسعها"وهذا مجال للشخص انه يعرف حدود طاقته ونفسه ايش كثر تتحمل وعلى اساسه يقرر
لكن الناس هم الي مضيقين على عبيد الله غير اني معك ان قلة السنع موجوده بالمنقبات وغيرهم وان مايصح ان المنقبه تصرخ وغيرها لما الموظفه الي بالتطبيق تسوي شغلها

 

[سنعه بس مظلومه]

كــل يسوي اللي يريحه يعني انتي منزله موضوع بتدري عنك اللي حشيتي فيها جان قلت هالكلام بوجهها شكو منزله موضوع طول وعرض عن النقاب وتفتحين مجال لغيرج... موضوع سطحي للاسف

 

[سموالاميره]

وين البياخة بالحركة أبي أفهم هي حرة تلبسه تقطة ترا أقصاه نقاب ما فصخت شي ثاني ولا عرضت لحمها للي يسوى واللي ما يسوى...يعني برايج المنقبة تنحرم المطاعم والقهاوي ومتعة الدنيا عشان نقاب هو موحجاب والأغلب لابسينه عشان رغبة أزواجهم أو ستر مو أكثر بس لي راحت مطعم شلون بتاكل؟؟؟ ولي راحت قهوة شلون بتشرب الكابوتشينو مثلا ورغوته...
آنا ماكنت منقبة كنت سفور ولما تزوجت تحجبت وبعدين زوجي قالي تنقبي وتنقبت عشان أرضيه وأدري فيه يغار...لكن لأنه شخص يقدر إذا رحنا مطعم ولا مقهى أفصخه عادي وهو اللي يقول فصخيه عشان آخذ راحتي وما أتضايق....
النقاب موضروري لكن صار عادة ورغبة أغب الرياجيل...
وما أعتقد فيها مضرة لأحد إن قطته أو ما قطته كل وحدة حرة بطلو تحشرون عمركم باللي ما يعنيكم وآنا لو أكون فمكان وأشوف وحدة تخزني لأني قطيته ياويلها أردح لها ردح أنقفها من المكان نقاف...والمزيونة خلها تنزل النقاب تصدم اللي حواليها ههههههههه

يسلملي الرد وراااااااااااااااااااعية

قسمن بالله نفس الكلام اللي كنت بقوووووووووووووله ولا بعد ردج انتي احلاااااااااااا.


وحدها عجبنتي ((( والمزيونه خلها تنزل النقام وتصدم اللي حواليها ))))

 

[غلا الغوالي]

قلتها مرارا وراح اقولها

وربي فيه عقول ماادري وش تبي في الحياهـ


تروح تموت احسن

مستعده للملاسنه قبل ينشـأ الموضوع


حبايبي ا احنا كونا مسلمين نستانس اذا شفنا منقبه ساتره نفسها ووجها عن نظر الرجال


و اذا شفناها طول الوقت تمشي منقبه عن نظر الرجال ثم فجأه تكشف لهم وجهها !!!!!!!!!!!!

ماتجيكم صدمه

ماتشفقون عليها

مايتبادر الى عقولكم ليش هي منقبه عن الرجال

وباالاخير خلتهم يشوفونها

يعني كـأنها وحده لابسه عبايه وتدخل المحل تفسخها شوي قدام الناس ثم ترجعها


طيب ليش لابستها ؟؟؟؟؟؟؟؟؟؟؟


والنقاب والعبايه كلهم حجاب


يعني الزبده صاحبة الموضوع


شفقانه ع اللي سوي كذا لـأنها شوهة منظرها قدام اللي يسوى ومايسوى وقبلها ربها


يعني بنات بليزززززززززززز بليززززز


احسنوا النيه وقولوا لها الله يجزاك خير


بدل الكلمات اللي ماادري من وين جايه


واخيرا اقول الله يوفقك ياصاحبة الموضوع

ويعينك

ويعين من تنوي تضع موضوع هنا


تحياتي حبايبيّ ~

 

[يالبيه 17]

انا منقبه ولا عمري قطيت نقابي بأي مكااااااان وملتزمه فيه بس صح في بنات لا راحو مطاعم او شي قطوووه واانا ماشووف فيها مشكله تاكل ولا خلصت راح تلبسه عااادي شفيكم مكبريــن السسسالفه ؟؟

وبعدين كلن فيه خيره وشره سوائن منقبه او مو منقبه وربي مافيه احد كامل الكامل الله

وبالنسبه حق التطبيق ولا مره شفت منقبه تقط نقابها بالمطار الا بغرفه خاصه حق التطبيق وانا يوم رحت اطبق لقيت بعـد زحمه عند الغرفه

معناتها كلهم رايحين يطبقون بالغرفه


وبس لحد يكبر السالفه
ويسلمـووو عالمـوضـووع :stars:

 

[أم مشاري77]

أصابع أيدك ياعسل ماهي سوى
الفرق
أن بعضهم عادات وتقاليد
وهذي اللي إذا سافرت بره تقطه

وبعضهم
لأنه شرع الله
وخوف من الله
ممهما راحت ماتنزله
لأن ربها بكل مكان تروح فيه


الحمدلله
أنا أبوي سعودي
وأمي بحرينيه
ماعمري نزلت نقابي\مع أن روحتي للبحرين كثيره
بحكم خوالي الله يخليهم

وسافرت كذا مكان
ونفس الشيء
كأني في السعوديه

وأعيد وأكرر حبوبه
أصابع يدك ماهي سوى

 

[قلبي ابيض]

عادي قاطة نقابها شقاطة يعني

 

[غربــــة اِحساس]

الي يسوون الحركات هذي بالنقاب عرفي مليون بالميه :

انه نقابها بوطقه او الاسم الثاني له نقاب مزااج او اسم ثالث نقاب غصب

بوطقه : تلبسه حضرتها اذا مالها خلق مكياج ولاتكشخ او بتحمي بشرتها من الشمس او بتروح مكان ماتبي احد يعرفها !

مزااج : ساعات تشوفينها الله هاديها ولابسته وساعات تقولج اممم جنه مو لازم !

الغصب : زوجها او اخوها او ابوها جابرينها عليه !

يعني شئ طبيعي ماراح تحترم النقاب بالعكس تسئ له وتخلي فكرة الناس عنه من اسوأ مايكون

ولاتنسين نقابات الفتنه الي تلبسها الوحده فيهم عشان توري عيونها ومكياج عيونها ( يعني يجملها وتخش جكرها ) !!

وهذا شئ يقهرني انا لاني منقبة

انا مؤمنه ان النقاب فرض وطاعة لله وملزوم على كل مسلمة (( هذا اعتقادي ومبني على كتاب الله ))

واتضايق حييييل لما اشوف وحده لاعبه فيه

والي تقولي عادي نقطه ونرجع نلبسه بمكان عام

شدعوة وين الحيا

والله فشله مغطيه وبعدين تتكشفين ..

حبيبتي جوزائيه عرفي مو كل منقبه منقبة ..!

 

[لوف لايف]

عذبة الطباع انا ضدج مع احترامي لج

فصخي نقابج كيفج انتي حره بس لاتقربين من خواتنا المنقبات نقاب كامل انتي ماتدرين شنو مكانتها عند الله ويكفي انهم فارضين احترامهم على اللكل

 

[أشبـاهـ المطـر]

شدعواااااااا
صرنا مومحترمات وينشفق علينا وكفرتونا!!!! الله هذا من زود العلم والفقه ماشاالله...والله ضحكتوني...يبا المحترمة تعرف تفرض إحترامها عدل على الناس وربي بيواجرني ملتزمة بلبسي وما مطيت الشدو أشكال وألوان وما خذيته تستر عن الفعايل الشينه ولا عشان أخش جكر....
آنا أقول اللي موعاجبها هالوضع تروح بكللللللللللللللل شجاعة وتكلم هالمنقبة اللي قطت نقابها وماضرتها بشي...
وتصدقون عاد آنا قلت لكم إني لبسته لرغبة زوجي لأنه يقول أعرف قلوب الرياجيل إذا فزت فيحاول ما يخلي أحد يشوف قد ما يقدر....وآنا أكره أكره أكره ماعلي النقاب الكامل والدسوس لأني والله بدون مبالغة ماشفت هالمنظر على وحدة دينه فعلا هذيلا اهما اللي شوهو النقاب صج تجيج متغطية مو مبن فيها شي وكلامها كله عن الدين وتفقه فيه ولا جنها تفقه الحش..النميمة..القلب الأسود..النجاسة..مدرسة دييييييييييييين تدعي على أمها؟؟؟؟؟؟؟؟؟؟؟؟؟(أتكلم عن اللي واجهتهم بحياتي ما أعمم)....
آنا أقول سوي موضوع عن هذيلا أحسن علشان نفهم عدل شنو نقاب وشنو تدين على أصوله....الدين أخلاق...ولو النقاب فرض جان ما نقطه بالحرم....
أكتفي بجذي لأن الموضوع أخذ أكبر من حجمة وطالما الشي ماجاج من وراه مضرة ماله داعي الهذرة الزايدة

قآل الرسول صلى الله عليه وسلم :"
( رب كلمة لا تلقي لها بالآ تهوي بك سبعين خريفا في نار جهنم )
حـسبك لقـد ظلمتي نفسك وسخطتي بها قبـل أن تصدري بطلانك عليهن !!
وعـن أي شجـاعـة تتحديثين؟؟ ومـن كفر مـن ؟!! وكـأن جهنم لم يسمعوا بها ؟؟


ويقول الرسول صلى الله عليه وسلم : ((شرار أمتي : الثرثارون والمتشدقون والمتفيقهون))
وقد فسر أن الثرثارون : المتوسعون في الكلام من غير احتراز ولا احتياط .
والمتشدقون : هو المستهزىْ بالناس في كلامه .
ليـس ضروري أن نعلم أستقبـاحك بالأمـر وعلاوة على ذلك جهرانك بالمعصية !!
مـتعجـبة مـن التبعيـة الغـربية في الموضوع هـل يعقل أن يقروا هكذا ردود ؟!!

بالأخـــير :



((ومن كان يؤمن بالله واليوم الآخر فليقل خيراً أو ليصمت)) رواه البخاري ومسلم(2).

 

[ليال]

الله العالم

 

[& كلي شموخ &]

صدقتي في بنااااااات واجد مو محترمين النقاب اللي هم لابسينه نفس الشي المجبات مو محترمين الحجاب اللي لابسينه
انا متنقبه والحمدالله ملتزمه بنقابي واكل ونقابي علي مايعيق عادي_ _ _ شنو اللي تقول لابسه نقاب واذا رحت مطعم قطيته شدعوه؟؟ ليش تلسينه من البدايه واذا ماتعرفين تاكلين والنقاب عليج الله ماكثر المطاعم اللي فيها كباين قطي نقابج ع راحتج لانج كذا تسيئين للنقاب _ نفس الشي المحجبه اللي تكلم عن النقاب في محجبااااااااااات كثير مو ملتزمين بالحجاب ويضحكون ع المنقبات ومايشوفون نفسهم-- الحين لابسه حجاب وبدله ضيقه ومفاصل الجسم مبينه وغير الكم اللي يكون ثلاث تربع طبعا مو الكل البعض نفس المنقبات مو الكل البعض

بنطرون وحجاب شلون صارت --- نقاب وعباية كتف مخصره شلون؟؟ ليش متنقبه وليش متحجبه؟؟ النقاب والحجاب كلهم ستر المفروض الواحد يلبسهم بالطريقه الصحيحه

والله يهديييناااااااا جميعا واستغفر الله لي ولجميع المسلمين

 

[& كلي شموخ &]

قآل الرسول صلى الله عليه وسلم :"
( رب كلمة لا تلقي لها بالآ تهوي بك سبعين خريفا في نار جهنم )
حـسبك لقـد ظلمتي نفسك وسخطتي بها قبـل أن تصدري بطلانك عليهن !!
وعـن أي شجـاعـة تتحديثين؟؟ ومـن كفر مـن ؟!! وكـأن جهنم لم يسمعوا بها ؟؟


ويقول الرسول صلى الله عليه وسلم : ((شرار أمتي : الثرثارون والمتشدقون والمتفيقهون))
وقد فسر أن الثرثارون : المتوسعون في الكلام من غير احتراز ولا احتياط .
والمتشدقون : هو المستهزىْ بالناس في كلامه .
ليـس ضروري أن نعلم أستقبـاحك بالأمـر وعلاوة على ذلك جهرانك بالمعصية !!
مـتعجـبة مـن التبعيـة الغـربية في الموضوع هـل يعقل أن يقروا هكذا ردود ؟!!

بالأخـــير :



((ومن كان يؤمن بالله واليوم الآخر فليقل خيراً أو ليصمت)) رواه البخاري ومسلم(2).

بارك الله فييييييييييييييج وجزااج الله خييير وانا مااقول الا لاحول ولاقوة الا بالله