انتي منقبه؟ تعالي شوي لو سمحتي

[جوزائيه مغروره]

السلام عليكم






شخباركم

في موضوع وايد هابين فيه هالايام بعض المنقبات مو الكل

بالدوام لازم نخلي المنقبات يطبقون على صوره جوازهم بغرفه معزوله

(( بالمطار ))

المهم

هالايام اي وحده نقول لها لو سمحتي روحي طبقي بغرفه التطبيق

تنزل النقاب على طووول وتقول هاج طبقي @@

جدام الرايح والراد !

جدام الشباب والكاميرات

واذا قلتي لها ممنوع هني ترفع صوتها عليج

وقبل كنا نمشيهم ويانا تعميم راح يخصمون علينا في حاله مشينا هالبنات ولازم نخليهم يروحون التطبيق

يا اختي دامج لابسه النقاب حق دوله معينه وتبين تقطينه بالكويت ليش ما تفصخينه اول ما تدخلين الكويت؟

ولا تقولون السعوديه لازم نقاب

لا والله كاهم اشكثرهم اهلنا يروحون العمره وفي سعوديات بدون نقاب مع رياييلهم وعيالهم

وابيكم تناقشوني وخصوصا ليش هالحركه البعض يسويها؟ شنو الحكمه منها انه يلبسون نقاب وباي لحظه يقطونه جدام الناس

 

[قطيووه^_^]

اي والله صاجه اساؤوا للنقاب الله يهداهم

 

[طووم]

اعتقد عادات وتقاليد يعني مو لبسته تدين بس احترام للعادات

 

[بنت الأصايل]

في منهم يلبسون النقاب كعادة عندهم وبس

وشكثر اعرفهم ماشاء الله عليهم مايفصخونه ابد الا في بيوتهم او عند محارمهم

يعني اختي تسولف لي عندهم وايد مدرسات بالمدرسة اغلبهم منقبات وطول ماهي بالمدرسة فاصخة النقاب جدام الصباغين والعمال
وبس اذا يت تطلع لبسته يعني بعرف شنو الحكمة من هالشي !!!

 

[ناتشوو]

اللي ادهى
بالاماكن العامة
القهاوي بالمجمعات اشوف وحدة فاصخة نقابها وتاكل ولي خلصت ردت لبسته والمشكلة زحمة حواليها !
تكرر هالشي اكثر من مرة جدامي.


بالنسبة لدوامج بعضهم نقاب عادات مو حبا فيه وتبي تخلص من التطبيق بسرعة . بس ليش ممنوع؟

 

[جوزائيه مغروره]

يعطيكم العافيه

حتى لوعلشان عادات وتقاليد احسها مو حلوه

ناتشو لانه مره وحده سوتها واشتكت انه احنا قايلين لها فصخيه هني

 

[نادره في وجودها]

ههههههههههههههههههههه

يعني هذي الحين طلعت مشكله اهما حرين تبي تفصخه ولا تبي تلبسه الوجه مو حرام ولبس النقاب هم مو حرام وبسكم تشكك بالخلق

 

[جوزائيه مغروره]

نادره ما شككنا بالخلق على كلامج

قاعدين نتناقش بحركه حيل بايخه وشوهت منظر النقاب

 

[وهج الحب]

اللي ادهى
بالاماكن العامة
القهاوي بالمجمعات اشوف وحدة فاصخة نقابها وتاكل ولي خلصت ردت لبسته والمشكلة زحمة حواليها !
تكرر هالشي اكثر من مرة جدامي.


بالنسبة لدوامج بعضهم نقاب عادات مو حبا فيه وتبي تخلص من التطبيق بسرعة . بس ليش ممنوع؟

السلام:
يا كثرهم عندنا والغريب ان الكوفي شوب او المطعم فيه رجال ونساء اولهم بصراحة اخواتي..
ومطارات اوروبا والعالم كله وايد اشوف نسوان متنقبين واول ما يوصلون يرمونه عشان بس ما احد يقول لهم شئ ..

 

[Filakawyia]

على حسب

مرة شفت بنات متنقبات و مسوين روحهم كلش واحنا الدينين و بالافنيوز جدام الرايح والراد منزلين نقاباتهم و ياكلون

انا وايد من اهلي متنقبات و اذا بمطعم يا يقعدون بصده مايببنون او يخشون اللقمة تحت النقاب و ياكلون

و اذا سافرنا برا نحاول كثر مانقدر نوقف عند مفتشة مره عشان يقدرون بسرعه يكشفون ويههم جدامها

يعني يحرصون كثر ما يقدرون ان مايقطونه

و اذا كنا بمكان و بنصور مثلا ننطر المكان يوخرون عنه الرياييل و بسرعه ينزلونه نصور و يلبسونه

في ناس تلبسه مو لان كشف الوجه حرام لا تقرب لله

بس المشكلة اللي تسويلج دينة و ديري بالج تقولين هذا حلال و هذا حرام جدامها و اهيا من تحت لي تحت

 

[ضايعه بهدنيا]

كله اشوفهم بالقهاو يقطون موبس النقاب حتى الحجاب
اذا مو مقتنعين ليش تلبسونه وتشككون الناس بعمرهم من الاساس

 

[~{GooShTa}~]

اي و الله صاجه وايد اشوف جذي .. يعني ليش لابسته دامج بتقطينه جدامهم .. امرهم غريب الصراحه ..

 

[غير كل الناس]

نقاب ابو طقه

 

[Blue BerrYa]

اي والله يحرون


والمشكله اللي تقول هذي مو مشكله !!!

انزين اصلا اللي تلبسه وتقطه جدام الناس تعتبر قاعده تسئ للنقاب وتشوهه اذا انتي مو قده خلاص فصخيه ماله داعي تلبسينه !!!


اللي تقول انه مو فرض في ناس تأمن انه فرض !!

يعتبرونه نفس الحجاب بالضبط يعني جنها لابسه الحجاب بس مو متحجبه شلووون ... الشعر كله طالع ولا اللي قاطته قط

يعني مو حابينه قطوووه ولا تشوهون سمعته جذي !! حتى الاجانب ناقدين علينا بهالحركات يقولون لي شلون تقولين الحجاب والنقاب تقرب لله وشوفي بناتكم شلون لابسينه ؟؟ جذي يعني يتقربون لله ؟؟


شرد عليهم اقولهم والله هذيله اللي تقولون عنهم وينهم ووين الدين اهلهم غاصبينهم ؟؟؟ ولا شقولهم بالله !!


يعني انا وااااااااااااايد بنات اشوفهم تنقبو مجبورين عشان ابوها ولا ريلها مع هذا تقول خلاص دام لبسته احترمه وما اقطه الا جدام محارمي مع انه ريلها مثلا يكون راضي تقطه اذا ماتقدر تاكل على قولتكم ... بس ماشوفه عائق للكل شدعوه الله يسلم الكباين ولا شكثر اماكن تقدرين تقعدين فيها تكون صاده ماتبينين وانتي تاكلين !

بس على كلامهم يقولون خلاص ليش اضيع علي الاجر دام لبسته بلبسه وبنيتي تقرب للرحمن


ويزاج الله خير حبيبتي حتى انا والله انقهر منهم

 

[((الجوري))]

المفروض اي وحدهـ مو مقتنعه بالنقاب لا اتنقب عشان احد لانه ما راح تاخذ عليه حسنه : )
وراح اتضايق منه واايد : )

 

[كتكوته ورديه]

صج كلامك بس اما يدخلون اخوتنا سعوديات الكويت علما اني كويتيه يقطون النقاب داخل اراضي الكويت مو بمطار

 

[Blue BerrYa]

عذبه الاطباع حبيبتي اذا الخام على قولتج احطها على ويهي ولا على جسمي مو تقرب لله وطاعه لامره وكافي بس صلاتنا ونيتنا


عيل خلاص من باجر كلنا تفصخنا وقلنا كافي صلاتنا !!


بعد قلبي المقصد اكبر من جذي الناس تشوف النقاب فررررررض يعني حاله حال الحجاب

شفتي شلون تنقدين على البنت اللي متحجبه ولبستها مادري شلون قايل او حتى منقبه عباتها مخصره وبلاوي مسويه فيها بالضبط لبس النقاب وقطته جذي الناس بعد تشوفه نفس ما انتي تشوفين هالعبي المخصره



احنا لو نفتح المجال وااااايد اغلاط تصير ولبس غريب بس اللي يحر اذا انا لبست نقاب او حجاب يا احترمه واحترم طريقة لبسه يا ما البسه واشوه سمعته وسمعه غيري !!


بتقولين انا شكو بالناس بقولج النقاب شي عام الناس بتقول شوفي هذا اهو النقاب يعني لبسيه وقطيه عادي بالمقابل اهو اصلا ما انوضع وانفرض النقاب الا اني البسه جدام الغرب واقطه جدام المحارم !



حياتي اتمنى الفكره وضحت وحسافه تضيعين عليج الاجر :*****

 

[@فطفوووطه@]

بنات المشكله مو بالنقاب المشكله في بعض البنات تطلع القذله عالنقاب شكو متحجبه او متنقبه مااقول الا استغفر الله

بس اذا عن قطة النقاب للضروره احكام مثلا كانت بمطعم او كافيه وقاعده بمكان صاد ماقدامها الا ريلها عادي اشوفه لانه اهي مو مقصدها الاساءه وزوجها راضي والله اعلم بالنيات والويه مو عوره اذا موحاطه مكياج وملطخته اشوفه عادي بعدين منو يتجرأ يخزها وزوجها معاهاا

 

[sweet cake]

اول شي النقاب اختلفوا فيه علماء الدين.. في اللي قال فرض وفي اللي قال لأ..
بس مو هذا موضوعنا..


دام تنقبتي سواء بـ اختيارج او غصبا عنج التزمي فيه واحترميه.. حلوه هذي لابسته بمكان وقاطته بمكان..
اما اللي تقول لي عشان الاكل ولا الكوفي او غيره.. سوري يعني بس هذي هواااله.. انا منقبه وامي بعد وعمتي وخالاتي وكا احنا نروح مطاعم وبدون كباين وناكل وعادي ما ضايقنا ولا شي.. اي احنا ما لبسنا النقاب اللي حدك حدك عالحنج ولا القصير عالجنب او بعض انواع النقاب الغريبه..

على طول انا طالعه ومع اهلي ومطاعم وجذي وما أثر علينا..

للأمانه سالفة اللي تقط النقاب صارت عندنا بس بحاله غير.. احنا نروح للسعوديه وعااادي اختي ما تلبس نقاب لكن في منطقه وحده بس اضطرت تلبس فيها نقاب لأن اذوها الشباب بالخز.. وكانت تلبسه بس بالسوق والاماكن اللي فيها ناس.. وهي ما تبي تتنقب بس قالت تبي تلبسه وقتها عشان لا يقعدون يخزونها ويضايقونها.. ولما ردينا قطته.. اما باقي مناطق السعوديه عادي محد يأذي فيها عشان جذي ما تلبس

 

[* ليــــدي *]

الله يهديهم