انتي مع او ضد تشتري شنطة تقليد ماركة

[غنوجههـ]

اولاُ:
السلام عيكم وحمة الله و بركاتة

ثانياُ:
وجة نظري انا ضد التقليد لانة يبان مهما هاي كوالتي و الخام نايس فية اشياء بالشنط الرجنل ما تتوفر بالتقليد لو ايش كفاية الطلة

و بنفس الوقت ما اضغط على نفسي و احرم نفسي علشان اشتري شنطة فوق ميزانيتي اذا كنتي تبغين شنطة اعلى من ميزانيتك جمعي و كل شهر حطي مبلغ و ان شاءالله تكون من نصيبك

بس اهم شي الذوق مو احط مبلغ و قدرة و اخر شي الشنطة ما تستاهل و ستيالها شين فية شنط اسعارها حلو مثل جيس و روكو باروكو واسعار وسط مثل الفيرو مارتيني و جفنشي و انتي زوري البوتيكات فترة السيل ترا يطيح من سعها مبلغ حلو
ونفس الشي خام الشنطة له دور يعني لو تكون الشنطة كلها جلد بتكون اغلى من الي كلها قماش او مع جلد



موقفهـ ​

 

[zqertya]

انا ضد التقليد يعني اشتري ماركه على قد ميزانيتي ولا اخذ تقليد مستحيل

ومافيها شي اذا شريت ماركه بحدود ال 200 او اقل عادي

 

[q8dvd2000]

اولا انا ضد اني اشتري جنطه ماركه اكثر من 400 احس حرااااااااااام والله قلبي يعورني اقط هالمبلغ على كماليات

بخصوص التقليد اللي درجه اولي مادري بصراحه ولا مره شريت بس اذا في تقليد درجه اولى واضمن انه ما يبين راح اشتري , وفي بعض التقليد حتى الجلد يكون اصلي

 

[ورده عنابيه]

عادي كل واحد يسوي اللي يريحه

 

[laila84]

امبيه صج شالاسلوب !! .. لا طبعا اكيد ما البس تقليد لا ولن اقبل .. يا البس ماركه اصليه ولا ما البس من الاساس .. والي مايقدر في ماركات سعرها قليل واصلي .. لان 99% من التقليد يبين تقليد .. لاتقولين ما يبين .. مستحيل .. الي يعرف بالماركات يعرف يميز بين الاصلي والتقليد ​

 

[Lourdez]

انا ضد التقليد
الجنطة الماركة حق الرزة و مابي احرج نفسي لما احد يسألني بجم شريتيها ؟؟؟!!!!
اذا ما عندج لا تشترين في وايد ماركات حلوة و رخيصة منها dkny و مايكل كورس و موسكينو وجوسي كتور و روكوبروكو وواااايد ماركات جناطهم تحت 100 دينار عندي تشترين اصلي وترزين عمرج تمشين بكل ثقة ولا تكونين مو واثقة من عمرج على هالجناط التقليد خصوصااااااا هيرمز يعني وحدة معاااي بالجامعه تتمشى بجنطة هيرمز احط ببالي 80 بالاميه تقليد ولا من وينلهااااا تشتري هالماركة

 

[bride2011]

ماعجبني كلمه هيلق مستخسره الفلوس على الجنطه انتي حره بس ماله داعي كلمه هيلق

 

[LoLaTi]

والله محد هيلق غيرج انتي صاحبة الموضوع شفيج يا راعية الطبقة المخمليه شوي شوي خفي على الفقاره ماعليه سامحيهم اذا ماكانو من الطبقة الألمعيه والهاي هاي
كاااااااااااااااااااااااااااااااااك :krkrkr:وبعدين كيفهم يشترون ماركات ولاتقليد انتي شحارج :eh_s(16):
عاد كلش ولا زعل صاحبه الموضوع ام الطبقة الالمعيه :krkrkr:

 

[[[ عيون جابر ]]]

مادري سواء اصليه او تقليد الثقه اهم شي واانا الي احليها والجنطه مو قيمتي ولاتنزل ولاترفع من قيمة الانسان

 

[magnolia]

هالسؤال من زمان شغل بالي

طبعا ما اشتري تقليد
اشتغلت و صار عندي راتب
بس

مو معناهىاقط 500 و 600
لا في ماركات و رخاص على 200وغيره
مثل دكني و كاروليناهيريرا ماشاءالله اسواق الكويت عامرة


بس تقلييييييييد شانيل و غيره نو وي

 

[•Brown•Sugar•]

الحين كل البنات صارو مايشيلون الا ماركات
يبا بالكويت ماتحصلين شي اصلي الا بالتفق
جم محل صكروه لانه جناطه مو اصليه؟؟
انا مع التقليد درجه اولى مايبين انها تقليد اسعارهم على 50 و 40 و 30
اما اللي بتشتري جنطه من بو 5 دنانير وماتبيه يبين تقليد تكون ماخذه مقلب بنفسها

 

[مربية المستقبل]

انا بصرااحه ضد الجناط التقليد

 

[ام كشه خطبها]

,

ما راح أموت إذا ما شريت ماركه

اهم شي شكلها ذرب وحلو وتمشي مع ميزانيتي
أما إني أهايط وأضغط على نفسي لآآآ نوو وي


الله ما كثر الجناط 50 , 60 , 80 ... الخ


لآآآزم 700 وفوق وأكون مفلسه ماعندي دينار داخلها
‏!‏!



,

انامعاج :eh_s(9):

 

[وسن العشق]

ضد وضد وضد وضددددد بعد


انا اقول اذا ماعندج ميزانيه وعندج قروض ومسؤوليات ليش ترهقين نفسج عشان جنطه وتقعدين تعدين الفلس والفلسين بعدها
اذا تبين اخذي جنطه ماركه عاديه يكون شكلها راقي وحلو وبنفس الوقت ما تهدم الميزانيه

بعدين برايي لما تاخذين جنطه ماركه عاديه ومومنتشره وتكون حلوه وشكلها راقي الكل بينتبه عليها اكثر من لما تاخذين جنطه تقليد ويقولون ويه هذي جنطتها جذي واذا هي ما عندها ومعاشها ع القروض اكيد هذي تقليد .... ماتسوا عليج


نرجع نقول اختلاف الراي لا يفسد للود قضيه *

 

[فاطمه العلي]

الله يوفق كل عروس يا رب

 

[احبج يمه]

والله اذ

 

[احبج يمه]

سوري على البدليه
اقصد اذا فكرتي فيها حرام في عوائل فقيره مولاقيه تاكل وانا العب بالفلوس على الماركات
الله ما عطاني هالفلوس الا ليختبرني انا شسوي فيها ومنو اساعد
والنعمه زواله انا اليوم الحمد لله موظفه وبصحتي وشبابي بس باجر محد يدري
الصدقه هي اللي تفيدني
خلاصه الكلام الوحده لايصير همها الوحيد المظاهر تشتري الماركه المناسبه لها بالسعر وما تضغط على نفسها

 

[( المـلاك )]

ضد التقليد


يا تشترين شي عادي
يا تشترين ماركة

اما تقليد مو حلو و مو شي نهائيا

 

[klbosa]

انا بالنسبه لي ما احب اشتري تقليد و ما أأيد .. التقليد بـ 100 اروح اشتريلي بهالامية جنطه ماركه بس من الماركات الرخيصه الي اصلاً تكون اقل من 100

 

[الـــغـــلآ]

ضد طبعا