انتي مشفوحه على الزواج !!! هههههههه

[هب العطر]

السلام عليكم

اخواتي , يمكن الي قروا ردودي قدروا يعرفون شوي من شخصية اختكم هب العطر

انا وايد تكانه و رزينه وقت الجد ,, و افطس من الضحك وقت الضحك

مشكلتي , هي مو مشكلة , بس موقف وايد يتكرر

فيه وحدة معاي بالدوام

كل ما نفتح كلنا موضوع لما نسولف كلنا البنات مع بعض

و انا افتح حلجي بأي كلمه و اندمج بالسوالف , سوالف عادية عن دوامنا , عن السوق

مواضيع عادية و الله و الله العظيم

تروح تحور الموضوع !

كله تقلبها علي و تقول : هههه انتي مشفوحه على الزواج ,


انتي من تسمعين الزواج تضيعين طريجج !!


تبين رقم خطابة ؟؟!!


اليوم اقول لها بروح دائرة حكومية بسوي معاملة / تقول لي تخيلي الموظف يقول لج : تتزوجيني ؟؟

و انتي عاد تصيرين بعالم الاحلام ! و تفكرين فيه

و تضحك بشكل عبيط !

و الله حتى لو الموضوع مو عن الزواج , و الله حتى لو الموضوع عن الجمعية !

توحي للبنات اني بموت على الريل !

و تضحك جنها اكتشفت شيء فيني و تفضحني الحين !

و تضحك و تطربق السالفة وتلبسني اياها غصب و تضحك و تستهبل !!

وتسوي هوسه هوسه علشان البنات يصدقون و تلخبطهم بالضحك علشان تقنعهم اني مشفوحه على الزواج !

" اي اي انتي قصدج جذي جذي هههههههه "

جنها تعرفني من عشرين سنة و شايفه على انحرافات مادري شنو

!


مع اني وايد هادئة و رزينه و ملتزمه و لله الحمد , يعني مو مال اغاني و خرابيط !


وايد تتطنز علي على هالسالفة على بو انه ضحك

و احيانا جدام البنات اللي ما نعرفهم و مو وايد ميانه معاهم

شنو الحل ؟

 

[ياليل مااطولك]

امكن حاطة العين عليك تبيك لحد من اقاربها هذا قد يكون تصرفها --او انها كذا طبيعتها غيورة فتقول كذا

 

[الليدي ديانا]

استغفر الله اللهم لا تبلينا ناس جذي

ردي عليها سكتيها عشان تمشي سيده

 

[~ شتات ~]

رد : انتي مشفوحه على الزواج !!! هههههههه

وقفيها عند حدها اذا سكتين عنها بتاخذ راحتها وايد
اذا قطت عليج الكلام مرة ثانية قولي لها لحظة لحظة شدخل الزواج بالسالفة ؟؟ والا انتي من كثر ما تفكرين بالزواج قمتي اتدخلينه بكل المواضيع ؟؟!!

والا قولي لها كل من يرى الناس بعين طبعه

واذا كلش كلش صعبة عليش تقولين جذي اخذيها على جنب وفهميها انج تضايقين من حركتها​

 

[آنسه مسلمة]

الله يهديها
امسكيها يوم بروحها وووقفيها عند حده وأن اللي تسويه غلط
والله يعينج

 

[محرومة من الحب]

رد : انتي مشفوحه على الزواج !!! هههههههه

عندي نوعية بالدوام جذي

الله وكيلج للحين مو لاقية لها حل

بس ترا الحل انج اتجعمينهاااا

هذا الحل الوحيد ولا ترى تتمادى نفس الي عندي

تستهزء وتتطنز على حسابي وتالي انا الي اكلهااا

 

[Tulips]

رد : انتي مشفوحه على الزواج !!! هههههههه

وانتي ليش ساكتتلها ؟؟؟

قوليلها عسى ماشر شفتيني شكيتلج الحال ومو لاقيه احد ياخذني .. تراني مو بايره عند اهلي ومره ثانيه لا تفتحين هالموضوع معاي لا بغشمره ولا بضحك ولا بجد

 

[بحر الرمال]

والله ماتستحي هذي! واي احتريت منها
المشكله الوقحين اللي جذي يختارون الزينه الطيبه و يتسلطون عليها
اذا يابت لج هالطاري لاتنفعلين و تعصبين,لا اتبعي طريقه ان افضل طريقه للدفاع اهي الهجوم
يعني اكيد في شي ناقص او غلط بحياتها, اذا اهي متزوجه مثلا مسكي عليها سالفه ان ريلها يخونها مثلا (بشكل على ضحك) او انج سامعه مثلا ان بعد المنحه وايد راح ياخذون على حريمهم..
يعني مثل ماهي مركزه على نقطه ضعف فيج انتي دوري نقطه ضعف و اخترقيها

 

[عواار قلب]

رد : انتي مشفوحه على الزواج !!! هههههههه

والله انصحج تزفينها وتخلينها تستحي ع خشتها
بس انتي شكلج موراعيه لسان ترد ع الناااس
انا صراحه السالفه اذا زادت ارد عليه واسكتها
وقولليها والله انتي اللي مشغول بالج ع الزواج الحمدالله والشكر جاب طاري الزواج الحين
طلعيها هي الغلطانه وقلبي السالفه عليها وضحكي البنات عليهاااا
وامسكي عليها شي تضحكين عليهااا


أو انج تقلبينها جد السالفه وتهزينها جدام البنات وتخلين الكل يعرف ان هي الغلطانه وهذا الصج
تقولين لها شسالفتج انتي وبعدين ويااج ماصارت خلاااص عيب عليج استحي شوي
جذي عطيها زف قوي يبرد وجهااا ويبرد جبدج والله هالناس ماتنعطي وجه بش شكلج انتي مو موقفتهاا عن حدهااا عدل
وفقيها وانا اختج

 

[هب العطر]

رد : انتي مشفوحه على الزواج !!! هههههههه

فديتكم كويتيات

هي متزوجه الاخت

و انا و الله و لا عمري يبت طاري الزواااج و لا فتحته

هي تتبلاني و تضحك البنات علي

و المصيبة ان العدوى انتقلت لوحده ثانية

هم صارت تقول لي نفس الشيء

و ما يحلى لهم هالشيء الا اذا تجمعنا ويا بعض

علشان الكل يسمع

و الله شكلي بشخلها

بس خوفي لا يقلبون علي البنات و يقولون ان اهي تتغشمر انتي اشفيج عصبتي ؟

شسوي ؟

 

[Apple-q8]

في وايد بنات جذي وانا مريت بنفس موقفج قبل الزواج

كانت تقولي نفس حجيج مع انه اهي الي كانت ميته عالزواج وتدور العروس دواره وكل ما شافت احد اشكره تقولي دورولي ريل من عمرها 18 سنه هههههه وجريئه يعني ماتستحي تقول توني بنوته لا ماسوي جذي

وكانت تقط علي حجي مع اني عمري ماراكضت ورا هالسوالف ولا احب العروس والاماكن الي فيها تجمعات


المهم هذي ياطويلة العمر تغار منج


وفيها نقص وانتي جعميها لاتستكتين عنها


وسالفة الريل هذي الكل يدورها ما اعتقد في بنيه بالعالم ماتبي تزوج الا اذا كانت معقده بس


وخلج جريئه بردج عليها لاتسكتين قوليلها مثلا شكو بدور ريل ؟ شنو انتي لاقيه ريل حقي وايد تيبين سيرة الريل ؟


ولا قولي كل واحد ياخذ نصيبه بالدنيا ليش افكر توني صغيره وبشبابي

 

[nora al]

رد : انتي مشفوحه على الزواج !!! هههههههه

حبيبتي كل البناات ينقالهم هالكلام اوكي فلاا تتضايقين لان الحين الناس قاموو مايستحوون عبالهم البنت اذا ماتزوجت بسببها مايدرون انه رزق من رب العالمين !!!


بس هذي ماتستحي على ويهها وشكلهاا وقحه لا تسكتين لها اوكي


مره دكتور نفسي قال هالشخصيه لاازم تواجهينها بهجوم ثبتي اوكي

لازم تدربين نفسج بالبيت بينج وبين نفسج تتخيلين انها تقولج كلامها المعتاد بكلمه محدده وردي عليها انسب رد بس بادب وبعد جم مره بتخاف منج وتعمدي ترتبين الكلام بالبيت بشنو بتتكلمين وبشنو بكون ردها عشان تكونين جاهزه وعقلج يستوعب وبتردين بسرعه عليها


يعني مثلاا


تقولج انتي مشفوحه على الزواج !!


اسم الله علي اشزيني اصلاا الخطاب اشثكرهم واناا ارفض واتدلع !! عبالج طاايحة حظ مثلج !! وضحكي

حتى لوو جذب حتى لو انتي مو متعوده تغلطين بس ردي عليها بقوة اسلوبها عشان تنجرح عقب جم مره ماراح تقرب صووبج

انت معاشرتها شووفي شنو تفكر فيه وضربيها على الوتر الحساس موو حقااره بس عشان تجرحينها وتعمل لج الف حساااب


حبيبتي انتي شكلج طيوووبه وهالاشكاال وقحه سمعي كلامي عدل اول شي غلط تسكتين لها بتتمادي وثاني شي غلط تختبصين لان بتستانس وثالث شي غلط تبوزين لان الناس بتصدق كلامها برررررررررررردي قلللللللللللللللللللللبج وصدقيني بتموت حره


اي كلمه تقولها لج وماتعرفين تردين عليهاا مو ببالج شي قووولي ( وييي قطيعة شالتفكير الله يعينج على نفسج وضحكي )


واذا تبين اي شي كلميني على الخاااص


ولاا تحترييين منهااا والله الرزق من عند الله موو بيدها ولاا بيد غيرهاا ومحد يقدر يشووه صورتج الا بمساعدتج صدقيني لو مهما تتكلم الناس شايفتج وشايفتها بردي قلبج والله يشغلها بنفسها

 

[نجمة كويتية]

قوليها

كل من يرى الناس بعين طبعه

 

[نجمة كويتية]

والله ماتستحي هذي! واي احتريت منها
المشكله الوقحين اللي جذي يختارون الزينه الطيبه و يتسلطون عليهااذا يابت لج هالطاري لاتنفعلين و تعصبين,لا اتبعي طريقه ان افضل طريقه للدفاع اهي الهجوم
يعني اكيد في شي ناقص او غلط بحياتها, اذا اهي متزوجه مثلا مسكي عليها سالفه ان ريلها يخونها مثلا (بشكل على ضحك) او انج سامعه مثلا ان بعد المنحه وايد راح ياخذون على حريمهم..
يعني مثل ماهي مركزه على نقطه ضعف فيج انتي دوري نقطه ضعف و اخترقيها

معااج بكل كلمة قلتييها :edbf4317b9:

 

[^نوف^]

رد : انتي مشفوحه على الزواج !!! هههههههه

اي واايد مرت على هالاشكال

اول كنت اسكتلهم والحين ارد عليهم

ليييين اخليهم ماا يتجرؤوون علي مره ثاانيه

يعني ردي عليهاا رد يخليهاا تبطل سوالفهاا البايخه

 

[عواار قلب]

رد : انتي مشفوحه على الزواج !!! هههههههه

لااااا مايقلبون عليج واجهيهم وقولي هذه مومره ولامرتين تكلم بالمووضوع
الحمدالله انا بنت عايله والكل يتمنى يناسبنا وجذي هالحجي
شنو ادور ريايل اناا

بتفكيرج الصح تقدرين تكسبين الكل ويوقف معاج ضدها
فشليهاااا وقولي الحين شجاب طااري الزواج والله وقولي هالكلام ببرود موتبينين انج منكسره
اخ لو بس اجي لج الدوام هههههه

انصجج انج تمسكين شي عليها وتضحكين البنات عليها مثلا
اذا ماعندها خدامه قوللي وي ماعندج خدامه عاد بنات تخيلو شكلها وهي جايه من الدوام وتطبخ الغدا لزوجهاا مثلا
جذي تطنيزي عليهاااا بشغلات شبيه نفس جذي
وااي هذ فيها نقص (نقص اكسجين خخخ
تطنزي ع اعيالها مثلا كشه بناتها شي ماشي مني مناك لانها صراحه تعددت حدودها عليج

 

[بدورة القمورة]

والله ماتستحي هذي.. يمكن مقهورة منج !!! الله ايعين هالريل اللي بياخذها خخ

ترى في هالزمن وايد بتلقين من هالأشكال والله ماعندها لباقة ولا أسلوب ..

خلج أحسن عنها ماعليج من كلامها .. مايقول هالكلام اللي الناقص وانتي خلج واثقه

 

[انصاريه قمره]

الحمدالله والشكر اظاهر تخاف تبوقين ريلهااا صج ناس متخلفه ولا مو مصدقه تنها تزوجت

 

[هب العطر]

رد : انتي مشفوحه على الزواج !!! هههههههه

فديتكم كويتيات << فيس متأثر

 

[شوشو الشقيه]

يسلمو
اختي لا تسكتين عنهاااااااا
قولي لها ليس مفيوعه انا على زواج
عبالج نفسج اصلا انا مجنونه اقط نفسي في الزواج نثلج
خليني اتهني بالعزوبيه
مرتاحه البال