انتي حسيتي باللي احسه وشنو سويتي علشان يمر طاريه عليج

[طيبه قلبي]

ياجماعه الخير ياحبايبي انا عندي اليوم نفس امس ماني عارفه شسوي اناربه بيت ذبحني الروتين نفس الشئ
من الصبح لليل حتي حاول اكسره بطلعه مني ومناك نفس الشي فكرت بمشروع رد علي بعلي العزيز شنو ناقصج
ومكان المرأه بيتها اطلع اتمشي معاه ماانكر بس ملل لما يصير نفس الجو حاسين فيني لاتقولون شغلي وقت فراغج
من كثر الملل حتي الصوره اللي بالطوفه عشرين مره اغيرها مليت اهلي عايلتنا علي قدنا وماكو بنات وايد
حتي لوفيه اصغار بالعمر شالحل ؟؟ماعندي رفيجات !!قاعده اجاوب علي اسئلتكم اشتراك دورات مايمشي حاله
مشروع بالبيت انا مومقصر عليج طبعا هذا رد الحجي مادري مخي وقف قولوا لي اسمع منكم ياحبايبي

تشكرااات

 

[Tom ♥ Jerry]

,




حبيبتي فهمي ريلج آنج مو محتاجه المشروع عشان الفلوس و بس
قوليله انا محتاجته عشان املي وقت فراغي بشي مفيد ..!

ليش مآتكملين دراستج أو تتوظفين ؟
أو تروحين العصر نآدي أو دورة تفيدج ؟

انا مريت لفتره قصيره جدآ بهالحآله
تدرين شسويت ؟ رحت المكتبه و خذيتلي كتب و روايات و صرت اقراهم كل
مآ آحس بفرااغ :* و دخلت المنتدى قسم العنايه بالجسم
و صرت كل يوم آطبق شي علي و أجرب .. الخلطات و غيرها من هالسوالف
منها تقضين وقت فراغج و منها تستفيدين و تغيرين من شكلج

بس بعدين بدت دراستي بالكليه و ما قام يصير عندي وقت فراغ قاتل


.

 

[ام الدرر]

حبوبة
دورات تطوير الذات
مثل الطاقة الايجابية والهالات
والثقة بالنفس
هذول لو تدخلينهم
يفتحون عيونج ويسهلون عليج
عملية شغل وقت الفراغ​

 

[نشيج الروح]

�� اشتركي بمراكز تحفيظ قران وروحي دروس دينية
مارسي هواياتج فالبيت

 

[مناير ...!]

شوفي لج دورات وكورسات او دبلوم
وشوفي لج هوايه اتضيع عليج الوقت

 

[فوفو22]

حملي وانشغلي بالبيبي
لانه بياخذ كل وقتج
فوفو

 

[قـــمـــرهم]

قوووه..


دشي دورات تحفيظ القراان الكريم ..
ترا بياخذ من وقتج الكثييييير لانج بتردين البيت وبتحفظين
وتراجعين الحفظ واقري التفسير ..

ع الاقل شي يفيدج باخرتج وتحسين انج انجزتي شي بحياتج


ثقفي نفسج واقري كتب ومعلومات عامه
سيرة الرسول عليه الصلاة والسلام ..



بالويك اند نامي عند اهلج عشان تكسرين الروتيية

اطلعي يوم بالاسبوع مع اهلج طلعة بحر والا مقهى غيروا جو ..

وسالفة المشروع بالعكس حلوووه وانا حيل اايدها

قوليله موناقصني شي بس ابي اشغل وقت فراغي واحس اني قاعده انجز
شي بدال قعدتي جذي..


فكري باشيا تشغل وقتج واهم شي منها فايده لج اتطورين فيها نفسج
وتحسين انج سويتي شي لدنيتج ولاخرتج


والله ييسر امورج يارب

 

[بعثرهـ]

�� اشتركي بمراكز تحفيظ قران وروحي دروس دينية
مارسي هواياتج فالبيت

نفس رايها :eh_s(7):

 

[انا لحبيبي .]

والله انا بضل بالبيت ، بس بضل اشتغل واضب وارتب

وعالنت ، والتلفزيون ، او بقرأ كتاب داخل مزاجي

صحباتي ع الواتس اب


وفجأه اليوم بخلص ،

 

[عزيز قلبي]

الله ما تعطيني شوي من فراغج
بس شوفي حتي لو انا مكانج وقاعده ما تشتغلين والواضح ان ماكو اطفال
اقعد الصبح اسوي حق ريلي ريوق واطلع من الفريزر اغراض الغدا لحم او اي شي
ارد انام واقعد الساعه عشر اسوي الغدا بعدين انظف المطبخ حتي لو فيه خدامه
نتغدي ونام صرنا المغرب اروح اقضي لي ساعتين بنادي صحي منها لياقه ومنها
تعارف ارد البيت هلكانه وراح اليوم وتري شوفي كلنا نعاني من الروتين حتي اللي تشتغل
والايام كلها تشبه بعضها

 

[امـ خــزامـى]

مع قموووور

 

[لياحه بنت لواح]

لاتلومونها
عااادي حبيبتي نفس الحاله
بس انا عندي عيال
انطر الوظيفه عسى الله يجيبها
ترا قعدت البيت تملل
واذا كان الزوج عنده كل شي ممنوع

شوفي اذا زوجج يخليج تطلعين وتشتركين بنادي
اخذيها فرقه
اشتركي بنادي غيري جو
تعرفي علي بنات
مستحيل ماعندج رفيجات
اهم شي الوحده عندها صديقه
عالاقل تسولف معاها بدووون خوف

علي قولت البنات
اشتركي بنادي
بمعهد
بحفظ قرآن
بدورات تدريب

والله يسهل امورج

 

[احبك يايمه]

مثل ماقالن البنات احفظي قران ومارسي هواياتك

احس لوماعندك اطفال عادي تلقين شي يسليك ارسمي اطبخي تخلطي اطلعي تمشي شوفي تلفزيون رتبي البيت اطلعي مشاوير
اقري روايات بس تكفين احفظي قران واشغلي وقتك بشي يفيدك بالاخره عشان لم تسألين وقتك فيما افنيتيه ؟؟

 

[Patcholli]

شوفي انا كنت مثلج وكان هالشي مسببلي نجره ومشاكل وايد مع زوجي
اول شي شوفي شنو ميولج مو معقوله ماعندج هوايات تمارسينها ؟
بالنسبه لي احب البزنس عشان جذي لهيت روحي بهالشغله
وبعد سامعه ان في معاهد صحيه يدزونلج وحده للبيت يوم مساج يوم رقص يوم تمارين رياضيه
هم بشترك معاهم
وانتي شوفي شنو تحبين ومارسيه
وشوفيلج سفره على جم يوم تغيرون جو وتشوفون مكان يديد ورومانسي

 

[♥MaSteRiyA♥]

البنات ما قصروا​

 

[Miss Basma ..}]

تعلمي شي جديد مثلا أشغال الابرة
فيه تطريز أو كروشيه

------
اقرئي كتب و روايات
شوفي محاضرات على الانترنت
و في كتاب اسمه افعل شيئا مختلفا .. عبد الله علي العبد الغني
ممكن يفيدج

 

[بنت.المطيري]

تعلمي خياطه قمت احسها شغله حلوه اليوم شفت برنامج i wish


Loool

بالنسبه لي انا بطاليه حاليا وخدامتي سافرت قاعده اتسلا بشغل البيت

الليل كله اقضيه ادور طبخات يديده وثاني يوم اطبق اللي قريته امس خلصت عدا وتغدينا اقوم اغسل مواعين امسح البيت ،،قلبت بالتلفزيون جم قناة او فرفرت بالمنتدا او الانستقرام

ادورلي صور ميك اب واطبق اللي اشوفه اتسلا

صار الليل وينعاد شريط امس وطخ وانام هذي حالتي

روتين بروتين بس تمر الايام تمشي كله من اعمارنا

 

[hazel eyes]

درسي بدار قران شوفي اقرب مركز دار قران يمكم وسجلي فيه الدراسه فيه بس ثلاث ايام بالاسبوع وراح تلتهين وهم تستفيدين

 

[الغضى]

الله يعينج
وكلنا نحس بهالروتين
متوظفة
وعندي عيال
وعندي رفيجات
ويمر اليوم مثل أمس,,,

 

[منيرة@]

انا نفس وضعككككككككك

بس حملت تغير الوضع صارت الايا م تمشي بسرعه والوقت مره حلووو

الحين سقطت وللحين مارجعت بيتي

بس افكر ادور لي وظيفه مابي اجلس عاطله زي كذا الجلسه ذي تقصر العمر