انتي ام عيال ما نبيج!!!!

[يمة يادلبي]

مع احترامي لـ كل المو متزوجين وتراني وحدة منكم ليلحين عزابية لوول
بس يمكن المسئولين الي عندكم خاصة اذا كانوا حريم تلقينهم ادفنوا روحهم طول عمرهم بالشغل والكرااااااف لي درجة انهم نسوا روحهم وأنوثتهم وطافهم القطار وماتزوجوا ولا يابو عيال فتلاقينها متعقدة من المتزوجات والي عندهم اعيال فتححط حرتها فيهم

 

[ƒédaîtn¥ ZoO'3a]

والله مادري شقوللج بس نصيحه لا توصلين للوزير او احد كبير لأن بعدين يمكن يصير تحقيق وراح ينكتب بملفج ماله داعي

 

[*أبلة*]

رد : انتي ام عيال ما نبيج!!!!

حياتي مالج الا الدعاء

ربج سبحانه اللي ينصرج

ربج ما يضيمج

انتي ريحي ضميرج وما عليج من العبد

والله ياخذ حقج اذا مظلومة

تصدقي حياتي .. الصدقة ترفع البلاء

وهذا ابتلاء منه سبحانه

الله يعينج حبيبتي

 

[Stylista_Q8]

وااي حيآتي الله يعينج

بس حآولي إدورين لج واسطة عشان تغيرين المكان وانتي عارفة الكويت

ما تمشي إلا بالواسطات :/

صج عبآله ولوية ! بس اهم شي تفتكين من هالضيم !

الله يفرج همج ويجدملج إللي فيه الخير حبيبتي وتصبري ;**

 

[محبوبه25]

رد : رد: انتي ام عيال ما نبيج!!!!

وااي حيآتي الله يعينج

بس حآولي إدورين لج واسطة عشان تغيرين المكان وانتي عارفة الكويت

ما تمشي إلا بالواسطات :/

صج عبآله ولوية ! بس اهم شي تفتكين من هالضيم !

الله يفرج همج ويجدملج إللي فيه الخير حبيبتي وتصبري ;**

صاجه والله

 

[bint_q8]

حسبي الله ونعم الوكيل

الله يكون بعونج اختي والله يفرج همج عاجلا غير اجلا ويرزقج المكان الزين ان شاءالله

 

[Tom ♥ Jerry]

.



ارضي حبيبتي قسمه ربج هاذا !
خلج على دوآمج و آدعي ربج تنتقلين مكآن آحسن !

الله يعينج (= !

 

[حجيه هيونه]

رد : انتي ام عيال ما نبيج!!!!

تبين الصج

صح ام عيال يتهربون منها يقول مرض انا جذي كل ما اروح انترفيو ويسألون عن عيالي واجاوب يطنشوني


لين بصراحه اخر انترفيو جذبت عليهم لوول

شسوي بعد مليت من قعدة البيت


الله يكون بعونج ادعي ربج يفكج منهم والله يكون بعونج ويصبرج

 

[غمزه وإبتسامه]

الله يرززقج من اوووسع ابوااااابه

 

[ScarletteO'Hara]

الله يعينج على الوضع الي انتي فيه
جربت من قبل احساسج بوظيفتج
لا تصبرين عليهم حبيبتي مو زين على نفسيتج
و انا من بعد دوام التعاسة قررت انه عمري ما اخلي دوامي يأثر على حياتي الخاصة
لاني بكل بساطة مو عايشة عشان اشتغل
انا اشتغل عشان اعيش
و صبرت و شفت الويل لحد ما الله رزقني بوظيفة احسن منها بمراحل و رزقني بزميلات ما يتعوضون
تلاحقي عمرج و دبري لج واسطة من تحت القاع
و انا منصدمة من دوامكم الصراحة
من متى يبين التزام الموظفة من القيل و القال؟؟
يعني المسئولين ما يعرفون يسحبون ملفج من شئون المظفين عشان يأكدون منج؟؟؟
و الظروف مو محصورة على المتزوجة
ياما بنات عزوبيات ما ينشافون بالدوام
حبيبتي الحل بالواسطة من بعد ربج

 

[باربية الكوووويت]

الله يعينج اعطيج نصيحه اشتغلي بسوالف النحاسه لا تمسكين شغل احد وخلج بارده وخلصي بس شغلج ولا تسوين شي فوق طاقتج والي مو عاجبه يطق راسه بالطوف وطلعيلج حس ونفسي عليهم وكلا تذمري عند مسؤولج لين ينقلج كل ماشفتي شغل وايد تحلطمي ولي طلب منج شغله وديها له بطلعت الروح واذا قالج شي قوليله انا مو مكينه اكرف هذا حد قدرتي وخل غيري يشتغل وصدقيني ماتنفع معاج الا سوالف النحاسه

 

[brettey]

رد : انتي ام عيال ما نبيج!!!!

يابعد عمري حاسه فيج بس ماتقدرين تنقلين من الوزاره الي انتي فيها بكبرها ابرك لج
انتي زين انا ياني الظلم من مديري الي اهو ولد خالي حسبي الله ونعم الوكيل فيه عساني اشوف حوبتي فيه عاجلا غير اجلا بذمتج مو قهر والحين حتى امي متزاعله معاها بسبته مع انه اهو الغلطان وكل الي معاي بالدوام واقفين معاي ومقهورين منه على الي سواه فينيني حسبي الله عليه
ياقلبي ادعي والله كريم عسى الله يفكج منهم وينصرج عليهم يارب

 

[Mazyoona]

سوي شغلج عددل ،
و ادعي ربج ربنا كبيييييييير
و الله يعطيهم على قد نيتهم !

 

[مشتاقه لك يبا]

رد : رد: انتي ام عيال ما نبيج!!!!

اختي ليش معوره قلبج

الرزق من الله وماعليج من حد

رضا الناس غايه لاتدرك

طنشي لاتقعدين تسمعين كل كلمه وتصحين ماراح تستفدين شي

سوي الي عليج وبس ولاتحملين نفسج فوق طاقتج لان باخير ماراح تستفدين شي

8
8
معاها

 

[q8yah]

غيري معاملتج معاهم وصيري ناشفه ورسميه مع الكل بس لاتقصرين بشغلج حطي ابالج ان الي قاعده تسوينه عشان ربج وعشان تحللين معاشج موعشان احد نصيحه لاتنطرين من هالاشكال رحمه ولا معامله زينه هذيله ماينعطون ويه والله ماعندهم الا لسانهم لو فيهم خير جان جابلوا شغلهم بدال لا يهذرون ويتحجون بخلق الله

 

[R'3wa-P!nKya]

كملنا والكامل الله صارت بالديره عنصريه بعد ام عيال ومو متزوجه ومخطوبه ولكلكلكلكلكلكلك وبعدين ترى شغلج زفت الله يعيييينج وانشالله تلقييين شغل احسن منه ..

 

[مكاييل]

مالك الا ربك ادعي ربك والله يفك ازمتك ان شاءالله

 

[الرحيق المختوم]

الله يكون في عونج، نصيحة لا تسوين الا الشغل اللى لج و لا تعطينهم و يه، هم يحبون يقعدون اللى يكرف علشان يكرفونه زود.

انا قبل لا اتزوج صراحه كنت اتضايق من اللي عندهم عيال كله يغيبون و استئذانات صراحه ما كنت فاهمه ظروفهم بس لما صار عندي عيال و شفت التعب و الارهاق و المحاتاه عرفت و عذرتهم، صدقيني في ناس مو عارفين شكثر المتزوجه و اللى عندها عيال تعاني علشان توفق ما بين البيت و الدوام.

 

[&& دعاء &&]

رد : انتي ام عيال ما نبيج!!!!

الله يعينج
تأقلمي مع الوضع وان شاء الله تفرج,,,,,

 

[غربــــة اِحساس]

شوفي مجتمع الدوام مايعجبهم احد !!

او تعطينهم ماي عيونج ..

انا وضعي الوظيفي عكسج تماما ..

عزابية واغلب الي معاي متزوجين وعندهم عيال

فلاتشوفين الكرااااف الي على

والي قاهرني المسؤول راضي

اليوم ناداني بيعطيني شغل زياده ويقولي انتى صاحبة المهمات الصعبه !!

طبعا رفضت ..

تعبت حيل من ملاقة (بعض) المتزوجات وتعليقاتهم

استغفر الله مايحمدون ربهم على النعمه ..

وكله يتحلطمون

وفوق هذا تعالي اسمعي تشكيهم من الصبح انا مانمت انا ولدي مريض انا خدامتي منحاشه

وااي انا شكو

كل من عنده همه .. محد مرتاح ..

نداوم كافين خيرنا شرنا وحاطين همومنا بقلوبنها ويبونا نشيل همومهم !!

وبالاخير قاعده عرفتها بعد جم سنه من الوظيقة :::

اشتغلي اقل تكلمي اكثر = كفاءة

اشتغلي اكثر وتكلمي اقل = مكروفه بدون حقوق

ادري طولتها واهيا قصيرة ..!!

بس يالله امون عليج خخخخخخ