انتي اشدعوة عليج ... ماكو اسلوب بالتعامل

[در الـبحـور]

في بعض آلبنآت تلآقينهآ دآشه آلموضوع عششآن تتهآوش بس جذي

يعني مره حآطه موضوع عن محل توهم مبطلينه ولآ إدش وحدهـ تقول إيه ندري إنه مبطل طبعاً مآرديت عليهآ

وفي بنآت أصلاً حآطه موضوع ينرفز تبي تتهآوش << آلظآهرهـ إللي من فتره طلعت مآله دآعي أقولهآ

كنت غآيبه عن آلمنتدى فترهـ وإنصدمت لمآ دشيت ولقيت جذي


بس مآ أقول إلآ الله يهديهم

صاجة اتحسين بعض الردود جنها داشة حق الهواش اللهم يا كافي

و فعلا الله يهدي الجميع ، شاكرتلج مرورج الكريم :eh_s(7):

 

[در الـبحـور]

هههههه .. عن نفسي أرد عليها بحيث اهيا تتنرفز .. بس بأدب طبعا :d

ضحكتيني حبوبة ، ساعات فعلا في ناس ما تستحمل الغلط فتقول هين مثل ما تسوين أسوي بس بطريقة أحسن و أذرب

و شاكرتلج مرورج حبوبة :eh_s(17):

 

[در الـبحـور]

والله يا اختي كثرت هالنوعية من البنات في المنتدى ..
والحل اهو التطنيش ..

فعلا للأسف اكثرت الردود الجارحة و اللي تدل على قلة الاحترام من بعض العضوات ، بس ترى يا قلبي

مو كل مرة التطنيش ينفع (( العين بالعين و السن بالسن و البادي أظلم )) صح ؟ و طبعا يكون

الرد بأسلوب راقي يسكتها و شاكرتلج مرورج حبوبة :aha:

 

[برتوته]

انا بصراحه اضحك عليها
لان اهي الي خلت الناس تتطنز عليها
لان محد يقول شي الا بهدف
عاد شوفي هدفها شنو
يا اما تكون محتره او ماعندها سلوب او تبي تثبت نفسها
او من زمان مو منزفه

 

[تنايفـ]

رد : انتي اشدعوة عليج ... ماكو اسلوب بالتعامل

انا وحده صرت اخاف ارد كله والسبة اخاف العالم يتهاوشون وياي
والله العظيم عندنا هني البنات يفشون خلئهم بالمنتدى اذبحونا باسلوبهم الزفر
بالنسبة حق الي تكتب بنهاية موضوعها الي بتتطنز علي لاترد أأويدها وبشده لانه تلقينها مسكينه كاتبة شغلة واهيا تدري انه في بنات فاضين بيدشون ويخربون عليها موضوعها واخرتها الموضوع ينحذف .. فزين تسوي الصراحة
انا في رد من ردودي كتب رجاءا لا تتهاوشون وياي علبوا ردي موعاجبكم .. تعقدت من هلي يقتبسون ويتهاوشون
تخيلي مرة كنت داشة موضوع عن فنانات .. المهم انا قلت عن هالفنانات (مذهبهم وسيع) تدرون شنو معناة هالكلمة ومتى تنقال؟ (لغير الناطقين باللهجه الكويتية) هالكلمة تنقال حق الي يفلون كل شي عالاخر ومخلين كل شي فري .. ان شاء الله وصلت الفكرة؟ هالكلمة جدا جدا عادية ودارجة بلهجتنا وانا ماسبيت احد ولا قلت شي غلط .. يتني وحده متسلطة هدت كل شي بالموضوع واقتبست ردي جان تقولي ليش تسبين المذاهب ؟!!!! امبي شتبين من ياب طاري المذاهب
واي جبايت صايرين مير يدشون ويتهاوشون واهما مايدرون شالسالفة مومستوعبين الرد ولا يدرون وين الله قاطهم .. بس حق الهواش زاهبين .. ياساتر لوعوا جبودنا
<<< خليتيني افضفض كنت مقموته
​

 

[درة أهل الطولات]

- هل تأيدين فكرة لمن العضوة تحط موضوعها تكتب في أوله عبارة تحذر فيها العضوات من طريقة ردودهم
مثل (( رجاء اللي تبي تتطنز لا ترد أحسن )) ؟؟

اي أأيد .. لان بصراحة في بنات تتعمد تجرح :cxxxp: او ترد بغرور ونرفزة البنت اذا نزلت موضوع تكون تعبانة عليه

حتى لو ما عجبهم مفروض كلمة تشجيع

2- إذا شفتي عضوة ردت عليج بطريقة غير لائقة يعني تدل على قلة أدب شنو تتوقعين السبب هل موضوعج كان منرفز
و إلا العضوة للاسف ما عندها أسلوب ؟؟

مهمااا كان الموضوع ينرفز لازم ترد عدل اما بنصيحة او حتى لا تعلق اذا مو عاجبها احنا بغنى عن قلة الادب

3- اشلون تتصرفين معاها ؟؟ تطنشيها و تاخذينها بالحسنى و لا تردين عليها بكلام جارح مثلها ؟؟

ارد عليها مشكورة حبيبتي

4- هل حصل معاج موقف بحيث حطيتي موضوع و تلقيتي ردود جارحة ؟؟
اي جم مرة ... اللي تدعي واللي تعاير :cxxxp: انه ما عندي عيال

 

[للصبر اخر]

كل واحد يرد ويتكلم يطلع شخصيته
لانه باعتقادهم اهما ورا شاشه ومحد بيعرفهم بس تصدقين ياما عرفت بنات معاي بالثانويه وبنات الاهل
وسبحان الله لو تتلثم تنكشف شخصيتها وتخرب على نفسها بس في عضوات ترد بعفويه وتنفهم غلط

 

[مدرسة84]

1- هل تأيدين فكرة لمن العضوة تحط موضوعها تكتب في أوله عبارة تحذر فيها العضوات من طريقة ردودهم
مثل (( رجاء اللي تبي تتطنز لا ترد أحسن )) ؟؟

نعم افضل ..... واللي اشوف لها كلام تطنز راح تاخذ مني الكلام اللي يردها لرحم امها وماتمنت يت على هالعالم.عييل شلون.

2- إذا شفتي عضوة ردت عليج بطريقة غير لائقة يعني تدل على قلة أدب شنو تتوقعين السبب هل موضوعج كان منرفز
و إلا العضوة للاسف ما عندها أسلوب ؟؟

الموضوع يعتد اذا كانت مشكلة شخصية فما اقبل التطنز ولا التعالي في الرد.
اما اذا كان الموضوع انا طارحته للنقاش فكل واحد وهو حر في ردة سواء كانت توافقني ام لاااا.

3- اشلون تتصرفين معاها ؟؟ تطنشيها و تاخذينها بالحسنى و لا تردين عليها بكلام جارح مثلها ؟؟

على حسب الموضوع

4- هل حصل معاج موقف بحيث حطيتي موضوع و تلقيتي ردود جارحة ؟؟

للحين لاااا .....والاغلب اني قاعدة اطنش .
خصوصا اذا حسيت ان الرد طالع من انسانه حشرة...فالنوعية مايحتاي تصرفين حرف عليهم .

وشكوووورة امووورة على هالطرح.