انتي ابلة عربي؟؟ لا ومتوسط؟؟ عيل دخلي على طول

[¤§ زيتونة §¤]

هلا والله حبيبتي

لا الصراحة ما مداني اشوفه بس خزنته بالمفضلة

ونتايجهم حلوة وايد حق 8
بس 6 شوي الاملاء مخبصين فيه ههههههههههههههههه



يالله ان شاءالله تتعدل عالفترة الياية


وانتي؟؟؟



انا بعد حطتني الناظرة في فريق التدخل السريع للطوارئ

وبسوي مطوية عن هالشي ان شاءالله




وسلامتج

 

[¤§ زيتونة §¤]

وينكم

غرقتو بتصحيح الاوراق؟

الله يعينكم حبايبي

 

[¤§ زيتونة §¤]

 

[عنايد]

زغرطووو ياقدعااااااااان عطوني نشااااااااط الاذاعه يالهويييييييييييييييي

شسوي بليز هيلب مي<< لا ومدرسة عربي بعد خخخخخخخخخخ

 

[¤§ زيتونة §¤]

هههههههههههههههههههه

قلولولووووووووووولييييييييييش



مبروك يختي الف مبروك

تتربى في عزك يحبيبتي

مش حتلاقي احسن منك عشان تصيري راعيتها

ههههههههههههههههههههههههههه




الله يعينج
انا بعد من الاسبوع الياي بستلم ويا رفيجتي عدل كنت اتهرب بسبب الامتحانات والاسبوع الياي بيخلصون مالي عذر



والناظرة متاملة مني نشاط وابداع...... اي هين


:dddds:
بس شوفي حبيبتي

اول شي انتبهي لقراءة القران والاخطاء النحوية والقرائية
انا قلت حق رفيجتي بطبع كل اسبوع ايات انا اختارها وبكتب عليها التشكيل الصحيح والحركات وبدرب البنت عالقراءة
وعجبتها الفكرة وايد

على ما افكر بشي يديد غريب بهالعطلة


الله يعينا

 

[عنايد]

هههههههههههههههههههه زيتونه

الله يعينا ويعينج وانا اذا طرا علي شي بقول لج ان شاء الله

بس أبلش مع البنات تبدا الأفكار تهل << ياسلام هههههه

 

[¤§ زيتونة §¤]

هم ارد واقول


الله يعينا عالاذاعة


وبلاوي المدرسات الكسلانين


بس انا لهم بالمرصاد

 

[سـكـر زيـادة]

يعطيكم العافية يازيتونه وشوق الحبيب ..
زيتونه كنتي ماسكة الصحافة شنو كنتي تسوين اشياء حلوة ومميزة ؟ شنو تنصحيني فيه ؟؟

الله يعافيج حبيبتي



حلوة جمعتنا كأننا في ديوانية

 

[سـكـر زيـادة]

زيتونه



حبيبتي

،
،
،



يعني شنو " فريق التدخل السريع للطوارئ "







والله احس بكسل اليوم مو طبيعي ،، شكلي بغيب باجر

 

[¤§ زيتونة §¤]

اهلين شوق الحبيب




شسالفة لا يكون انتي بمدرستي لاني اليوم الخميس سوينا الاخلاء الوهمي

وانا من فريق التدخل السريع بعد


لا شكلج وياي من امه ههههههههههههههههههههه



التدخل السريع ما يبي شي بيقولون لج شتسوين ووين توقفين وقت الاخلاء وتنظمين وياهم دخول الطالبات للصالة وبس


تراقبينهم لما يطلعون صف صف وانتهى الاخلاء







اليوم سويناه وكان منظم وايد







شخبارج بعد ويا النشاط شسويتي؟؟



بديتو ولا بعد؟

 

[سـكـر زيـادة]

هلا حبوبتي



لا ماني وياكم


بس قلت شكله حلو وابي اقترحه على ناظرتي



اما لو اني معاج ،، اغسلي ايدج اعلمج ههههههههههههههههههه

<--------- تخاف من الناس



--


والله كان المفروض اليوم نبدأ

بس الله ستر


ياختي ما سويت شي

ولا جبت ملف ولا زينته ،، وبصراحه احب اخذ الشي اخليه كامل ما احب احد ياخذ فكره عني





يالله بشتغل فيه لين الاسبوع الياي



انتي بشري شنو سويتي ؟

 

[¤§ زيتونة §¤]

والله يا قلبي انتي ما سويت ملف ولا شي بس على اجتماعات الناظرة ويانا بخصوصه

وانا يبت لها اوراق عن الاسعافات الاولية ومعلومات
استانست عليهم يا حلوها هالناظرة


والله فكرة هالملف يمكن اقلدج واسويلي ملف بس ما راح اقول لاحد عشان اكون مميزة



انتي يمعي معلومات عن الاسعافات الاولية - احتياجاتها - وشوية صور


واذا لقيت فكرة يديدة بقول لج

وانتي بعد عاد مو تبخلين على اختج




الله يوفقج حبيبتي ونكون قد المسؤولية يدام ناظراتنا

 

[¤§ زيتونة §¤]

ترى انا ضيعت بين الناشط والتدخل السريع



عموما احنا كان الاخلاء بوقت النشاط فما سوينا انشطة



وانا اذاعة وببدع ان شاءالله مع رفيجتي اللي وياي

 

[¤§ زيتونة §¤]

 

[¤§ زيتونة §¤]

وينكم ابلات العربي

 

[عنايد]

هلا زيتونه انا ودي اسوي برنامج عن الترشيد ويكون باسم نشاط الاذاعه يعني تحت اشرافي مو تحت اشراف ابلة الاذاعه لاني تعرفين انا حطوني بنشاط الاذاعه

بس ودي بأفكار

تعرفون أغاني عن الترشيد

انا عندي مصورات بس ودي بصياغة فقرات للبرنامج

 

[¤§ زيتونة §¤]

عنايد

حبيبتي والله الحين ما تحضرني افكار بس بدور لج وارجع للموضوع

 

[عنايد]

ناطرتج زيتونه
واتمنى من ابنات الافاده بعد

 

[سـكـر زيـادة]

مرحبا بنات


شفيكم لهيتوا ويا الوظائف الاشرافية



،،


تعالوا بس تعالوا نسولف



زيتونه وين وصلتي بسادس ( اقصد المنهج )

 

[سـكـر زيـادة]

عنايد حبيبتي

سوي مرسحية ( مسرحية ) عن ان الترشيد


مثلا تطلع بنت وتكلم على اساس انها عداد الكهرباء اللي ببرج الساعه


وتتكلم وتطلب الرحمة من البشر اللي مو مهتم بارتفاع الضغط عليها

وواحد مشغل التلفزيون ورايح وجذي


<-- لو يحولونها ادارية احسن ما تعرف تشرح :>