انتو اخر محطه قبل اتخذ قراري النهائي ان شاء الله

[هب العطر]

حبايبي فديتكم مشكورين ع الردود
و الله انا مخي متشتت و ضاااايعه حدي
اذا تعرفون ارقام مستشارين زواج ممتازين و عن تجربه ياليت تفيدوني

انا بصراحه ما اصرف ع البيت بس ما حققت هالشي بالسااااهل
لا
كر و فر و هواش لين لزمته بواجبه بالبيت
بس يظل ايضا مقصر ببعض الاشياء
و انا صابره و مصره على موقفي
بعض الاشياء تحتاج تجديد بالبيت و و الله انها رخييييصه جدا
لو اعطيكم امثله يمكن تنصدمون
بس انا صامله و كل فتره و الثانيه اعطيه ملاحظه
لاني ادري انه ناطرني اتكفل فيها
بنات و الله مو سالفه نحاسه
لا
انا ابيه يلتزم
ابيه يتعب علينا عشان ما يفرط فينا انا و عيالي بسهوله
انا عارفه مصير اللي تصير ريال البيت و تشيل عن الزوج
بكل بساطه : مزبله التاريخ ههههههه و هذا الواقع
الريال يبي اللي يحس انها تحت جناحه و محتاجه له
و صاحبنا هذا ماخذها شطاره و قاعد يماطل

ادعوا لي و نوروني برايكم

 

[قلوس وردي]

اختي صاحبة. الموضوع ما اطلع بدون ما اعطيج رأيي
اذا زوجج يصرف عالبيت ويدفع الإيجار بس مشكلته مايصرف عليج
فانا انصح تحاولين فيه
شوفي انتي ذكرتي كم نقطه وانا حابه انج تنتبهين لهم
قلتي زوجج اهله يحرضونه وانه غبي نوعا ما
فمعناته زوجج تقدرين اذا كسبتيه تمشينه بكيفج
صدقيني مشكله الريال اللي يمشي على راي الناس ما تنحل الا اذا خليتيه يمشي وراج
هذا رأيي وانا ما اعرف زوجج ولا اعرف ظروفج بس لو في احد من اهلج تحسين انه حكيم اخذي رايه
وطبعا استخيري ‏​‏ و​اللـْْه يكتبلج اللي فيه الخير

 

[قلوس وردي]

وبقولج شغله انا كنت طالبه بالكليه وزوجي خلاني أتكفل بكل تكاليف ولادتي وخدامتي ومادفع ولا فلس
لولا اهلي جان علوم
صدقيني الطلاق مو سهل خاصه مع وجود يهال
والله زوجي كان مكرهني بعيشتي بس والله عطيته طاف والحمدلله توظفت ومشت اموري

 

[أميرة-]

مستغربه من مبدأج

أنا ماقول اصرفي على البيت هذي مسئولية الزوج اذا مقتدر بس تقولين انتي ( اشياء سخيفة محتاجة تغيير وتجديد ) انتي قلتي سخيفة يعني فيه أولويات
ماحب أسلوب الحنة وبقناعتي الزوج اذا شاف مرته حنانه وبس طلبات وانتقادات وجيب وسو وهات بيمل ويحط انها نكديه


بالاخير انتي ابخص بزوجج

 

[MiSsY HottY]

حبيبتي اقولج انتي اول شي حامل يعني هرمونات ونساة مو طايقه ريلج موليه لا تاخذين اي قرار وانتي حامل لنه انا نفس شي لما كنت حامل اتخيل انه ريلي مو شفقان على البيبي بس طلع يحاتي مستقبل الياهل
شغله ثانيه ترا لا تحطين الفلوس والماديات وايد جدامج يعني مو كل وحده تتشيحط تقول ريلي يابلي وريلي يابلي صج مرات تكون اهيا تسوي وتييب لعمرها بس تقص على العالم اذا زواج ريلج منج حطه بديون مهر وشقه واثاث الخ الخ فاهوا اكيد مو قاعد يجذب عليج ولا تحسبين انج اذا حنيتي على راس اي ريال وقلتيله وفرلي فرلي انه بيحس بقيمتج مو شرط يمكن يطفش خصوصا انج عارفه شلون صاير الوضع غلاء معيشي اللي العالم فيه واللي تقول انها ما تساعد ريلها هاذي جذابه حبيبتي مليون بالميه واللحين اغلب الرياييل يتزوجون حريم موظفات مو طمعا منهم لاااا لنه الغلاء معيشي صاير لا يطاق وانتي تبين تسافرين وتروحين اوكي ساعديه يسكر ديونه عشان تسانسون رتبي اولوياتج اللي ابي اوصله تنازلي شوي وساعدي ابو عيالج لنه زوجج ما فيه عله كبيره لا يشرب ولا يخربط وسالفة البخل لنه ديون كاسرته فاعتقد تحسين انه بخيل وتلقينه يشكى الحال لاهله ويكوكوونه عليج بس دام ريلج يتكوك بالساهل فانتي اولى تحطين ريلج بجيبج وتخلينه خاتم بصبعج اتمنى انج فهمتي قصدي وبعطيج نصيحه اخيره بأي شغله بحياتج لا تستسلمين بسرعه دورين اسهل حل طلاق تقدرين تغيرين بريلج لنه من كلامج اهوا شخصيته غبي نفس ما قلتي استخدمي كيدج حبيبتي بدون حنه ورنه وصراخ والله يوفقججججججججججججججججج

 

[هب العطر]

خواتي حبيباتي ما قصرتوا بالردود

اختي اللي تقول لي تساهلي

و الله
و الله
و الله

اني متساااااااهله جدااااا
و ما احن ابدااااا بس المح بأسلوب حلو و على فترات متباعده
و عمري ما استقبلته بتكشير و نكد ابدااااا
طبعي فرفوشه و احب الضحك و الفله و ما اواطن النكد

و ما عندي مانع اتعاون و اساعد اصلا انا شايله عمري من و الى
بس اللي حارق قلبي انه من اولها و هو كاسر فيني
من الملجه
و هو يتحجج و ملوع جبدي و مشيلني الهم
وباخس حقي حتى فرحه ما فرحني
و الله لو انه بالقليل جان عمري ما اعترضت
بس هذا و الله مسحني مسسسسح فشلني جدام اهلي
انا ما اشرط عليه تكاليف غاليه
و الله لو يقص علي بخربوطه جان طوفتها
مو جذي عاد !
هذا كلش نااااشف !!

بادرت انا و قمت اهاديه و اتذكره بمشتراي بالسوق
هذا كلش شحفان القطو
مو مستحي مني و لا من اهلي و طاقنا بالطوفه
كلمناه
بالمحبه بالاخلاق بالطيب
بالتلميح الحلو
عمك اصمخ ؛؛

انا ما يهمني قيمه الشي اللي اييبه
و لا التكاليف
انا فيسي انعدم جدام اهلي
جدام خالاتي و خوالي اللي خطبوني لعيالهم
يوم و الثاني : ما قلنا لج اخذي فلان و اخذي علان
اخباري توصلهم لان كلنا للاسف عايله وحده


حطوا نفسكم بمكاني

اشلون لج خلق تجابلين واحد يعز عليج الدينار و النص دينار ؟
اشلون تعبرين واحد شايفج ميته من التعب و حامل بتوأم ما كلف عمره ولو اييب لج خدامه بالساعات
لو يوم واحد
يوم واااحد بس ؟؟

 

[هب العطر]

و بعدين خواتي انا عرضت عليكم مشكله ثانيه فيه

اذا انا طوفت البخل و حرصت عليه
اشلون اطوف الحش اللي يحشه عني
عند اهله
ربعه
خواته
كلام كذب كذب عني
مطلعني جدامهم ما اسوى فلس
يفتري علي اشياء مو فيني
بشكلي
بسنعي بالبيت
بنظافتي و نظافه بيتي
و انا و الله شااااده الهمه شد و مسويته يا دهينه لا تنكتين
مو ناقصني شي
يمشي بين الناس يقول رفلا
ما تعرف للبيت و لا تعرف تدير امورها
و انا من صغري سنعه و شقرديه و اشطر خواتي و الكل يمدح فيني
الغريب قبل القريب
هذا مطلعني جدامهم زباله !
و هو اعترف لما واجهته
بس حاول يخربطني و قلبها اعصاب و صراخ عشان ما اضيق عليه الخناق
صار اللي يسوى و اللي ما يسوى ماخذ عني فكره غلط
و انا و الله و الله مظلومه
اشلون ارقع ويهي جدام هذيلي كلهم؟
صحيح بعضهم ما يهموني
بس حرام انتي تتعبين و تشقين
و من شهر البصل و انتي مجابله الجدر و الملاس
و الغساله و المخمه
و بعدين تطلعين صفر
ظلم و حرام و الا لا ؟؟


ادري انا اذيتكم معاي
بس و الله لاني ناويه نيه قشرا
و محتاجه اكبر عدد ممكن من الردود لان ما خاب من استشار

 

[بنوته ستايل]

انا ما احب احث احد ع الطلاق الا في حالات اذا كان الزوج سكير ولا راعي بنات ومايتوب ولا راعي مخدرات ولا يطق المرا ليل نهار >>هذولا الحالات الي احث المرا تتطلق عشان ترحم نفسها وعيالها من هالمريض..

بس اي مشاكل ثانيه صاحبه المشكله هي تقرر لان كل مره لها قدره ع التحمل ومن وحده لي وحده يفرق في حريم يصبرون ع الضيم دهرر وفي حريم مايتحملون يوووم...>>هذا بالنسبه لج انتي..

بالنسبه لعيالج واهما الاهم لان الطلاق راح يضرهم اكثر مايضرج الجهال اذا كبرو وفهمو وحسو انهم يفرقون عن الجهال الثانين وان ماعندهم ابو ويشوفون عيال خوالهم عايشين معا ابهاتهم واهما لااا يحز بنفس الجاهل ويأثر عليه لان مايدري بالمشاكل الي بينكم كل الي يبيه ابو يكون له سند بالدنيا ويحميه ويتشيحط فيه جدام الجهال .. فكري بعيالج قبل نفسج وحاولي تعدلين بابوهم عشانهم كل انسان يتغير معا الوقت بس انتي يبيلج صبر حاولي مره ومرتين وثلاث وعشر يمكن تقدرين واذا ماقدرتي كلششش كلششش تقفلت بوجهج تطلقي اذا الطلاق يريحج..

وبالنهايه بقول مثل الاخت الي فوق لاتتخذين اي قرار وانتي حامل نصيييحه
..

 

[MiSsY HottY]

احنا مو عايشين معاج حبيبتي بالاخير انتي ادرا واراء البنات بالموضوع ماراح تقرر حياتج لنج انتي الوحيده اللي عارفه بالوضع وكلامنا ماراح يجدم ولا يأخر

 

[ملامح بريئة]

انتي قاعدة تذمينه ذم معناته ماله قيمهً عندك ويمكن احد موصله انك تذمينه او ماخذ موقف منك وقاعد يعاقبك ترا مايعلم وبعدين من كلامك انتي بروحك ساكنه مو مع حموله اقول طوفي سوالف الدفعً ودايما نامي عند اهلك ومدام حامل انطري يمكن يتغير وامرك بيدك وشكثر حريم بس عايشين مع الزوج كاسم وبس راحو رجال قبل وحتى حريم اول راحو ولا تتاثرين بكلام احد ترا الامور المادية تصدع الراس ً وتعكر صفو الحياة خاصة واذا تفكرين بالطلاق استخيري بعد الولادة وشوفي وضعك هل قادرة تعيشين مع اهلك كمطلقة وهل ضامنه ان احد بيتقدملك واعيالك تضمنين انه بيهتم فيهم بعد الطلاق انا اتوقع قرار صعب لام الاعيال وخاصة اذا بتتطلقين على امور مادية مستعدة تدفعينها كلها لي صرتي عند اهلك مطلقة انتي ادري بمصلحتك ومثل ماقلت اسرار زوجك لا تطلعينها ولا تدخلين احد بحياتك لان الحريم ممكن وحدة تحرضك على زوجك واهي شايله ديوونه على ظهرها وهذا واقع وانتي حرة

 

[ابدا يالغالي مانساك]

الله يعينج