انتـي معا او ضد الزواج من سعودي وانتي كويتيه ..

[أنسأنة غير]

الموضوع اولا واخرااا

قسمــه ونصيــب

بس استخيرى

واسالى ناس مجربه الكويتى لى خذا سعوديه تعيش جنها أميره بس الكويتيه لى خذت سعودى والله تتلعوز وتتعب من اختلاف البيئه هالكلام واااقع واشوفه من كويتيات خذوا سعودين هنى احنا متعودين على الرفاهيه والخدم ونعيش ببيت بروحنا او شقه على قدنا بالسعوديه ببعض المناطق حسره عليها حتى الطلعه والخدامه يعنى الوضع يختلف ونظره المجتمع وحتى الوظيفــه صعبه لغير السعوديه

بس اذا اوضاعه الماديه ممتازه ومركزه محترم وصاحب شهاده هنى تقدرين تضمنين مستقبلج ومستقبل عيالج عشان لايتلعوزون بالكويت ويتعاملون مثل الوافد

اللهم لاشماته أذأ عشتــي بالسعوديــة :d تعالي عطينــآ رأيــك
بـــس ردك ××××××× لآلآلآلآلآلآتعليــــــــــــــق هههههههههه اللهم لاشمـــأتة :d

 

[Cander]

الله ييسر امورج يارب

مافيها اي شي ترى والسعودي والخليجي عايش هني باعتبار ولد الديرة مو وافد ولا لازم اقامة

انتي استخيري ربج و خل اهلج يسألون عن اخلاقة , لان هذا الشي اهو المهم لا الجنسية ولا الفلوس ولا شي اهم من الاخلاق

 

[Cander]

بنات خلوكم اكبر من جذي لا تتهاوشون

بالنهاية راح وحدة ولا ثنتين مايمثل راي الدولة كلها

ولا احد راد على راي احد

تيييييييييك ات ايزيييييييييي

 

[uniqueah]

اناا شخصياا ارفض لان السعووديه عيشتهم مادري شلون صاايره واهوا اكيد مو طول عمره بيقعد بالكويت وفي اشياء ومميزات بالكويتي معروفه وعيالج بيكونون سعودين ؟

فا مادري بس ليش لأ اذا انتي عادي عندج في كويتيات ماخذين سعودين ومرتاحين معاهم بس يكونون من الاهل

ممممم اهم شي الاستخاره واذا ربج كاتبه لج بتاخذينه ​

 

[AL NADA]

اناا شخصياا ارفض لان السعووديه عيشتهم مادري شلون صاايره واهوا اكيد مو طول عمره بيقعد بالكويت وفي اشياء ومميزات بالكويتي معروفه وعيالج بيكونون سعودين ؟ ​

فا مادري بس ليش لأ اذا انتي عادي عندج في كويتيات ماخذين سعودين ومرتاحين معاهم بس يكونون من الاهل ​

ممممم اهم شي الاستخاره واذا ربج كاتبه لج بتاخذينه ​

تكفييييييييييييين ي شيخه
يارب يعطيك نعمة العقل
عيب الكلام هذا ي بنت >>كيف عيشتهم لايكون انتي بالسسعوديه اسستحي عاد !!!
الصراحه كلامك لاتعللللللللللللللللليق ههههههههههههههههههاي ياسسسسسسسسسسسسساتر

 

[جوانا2011]

من ترضون دينه وخلقه
وبعدين الشغله نصيب
واستخيري

 

[شاهي بالحليب]

الموضوع اولا واخرااا

قسمــه ونصيــب

بس استخيرى

واسالى ناس مجربه الكويتى لى خذا سعوديه تعيش جنها أميره بس الكويتيه لى خذت سعودى والله تتلعوز وتتعب من اختلاف البيئه هالكلام واااقع واشوفه من كويتيات خذوا سعودين هنى احنا متعودين على الرفاهيه والخدم ونعيش ببيت بروحنا او شقه على قدنا بالسعوديه ببعض المناطق حسره عليها حتى الطلعه والخدامه يعنى الوضع يختلف ونظره المجتمع وحتى الوظيفــه صعبه لغير السعوديه

بس اذا اوضاعه الماديه ممتازه ومركزه محترم وصاحب شهاده هنى تقدرين تضمنين مستقبلج ومستقبل عيالج عشان لايتلعوزون بالكويت ويتعاملون مثل الوافد

شوفي السعوديه كبيره مدري عن أي منطقه تتكلمين
لكن راح أكلمك عن نجد
من قال اننا نسكن مع الاهل بالعكس مافيه أحد يسكن مع أهله يمكن يسكن مستقل فوق أهله بحالات
ومن خلال زيارتي لقسم الحياة الزوجيه أشوف كثير كويتيات ساكنين مع أهل زوجهم الله يوفقهم

والسكن راح تكون البنت عارفه وين قبل الزواج

أما الطلعه فغلطانه نطلع لكن اذا كنتي تسوقين ومتعوده كل شيء تطلعين تجيبينه فحنا بحكم اننا مانسوق فكل شيء مع الزوج وممكن السواق بس عاد أكيد ماراح يكون فيه سواق بالبدايه

أما الخدامه والله ماأعرف بيت مافيه خدامه

..................................

صاحبة الموضوع
شوفي أنا سعوديه وراح أرد عليك لو كان العكس
السعوديين والكويتيين مافيه فرق بشكل عام وأنت أدرى بأهلك وطبايعكم ووووو فشوفي اذا الرجل وطبايعهم تعجبك أو لا
طبعا الدين والاخلاق هذي أولا

بعدين لازم تسألين وش لك وش عليك من ناحية الأنظمه والأشياء الدبلوماسيه والعمل اذا أنت موظفه والأولاد مستقبلا وفي حال الانفصال
يعني ادرسي الموضوع من كافة الجوانب اذا تناسبك توكلي على الله واذا لا فالله يعوضك

 

[شاهي بالحليب]

اناا شخصياا ارفض لان السعووديه عيشتهم مادري شلون صاايره واهوا اكيد مو طول عمره بيقعد بالكويت وفي اشياء ومميزات بالكويتي معروفه وعيالج بيكونون سعودين ؟ ​

فا مادري بس ليش لأ اذا انتي عادي عندج في كويتيات ماخذين سعودين ومرتاحين معاهم بس يكونون من الاهل ​

ممممم اهم شي الاستخاره واذا ربج كاتبه لج بتاخذينه ​

حددي أختي وش تقصدين علشان نتفق معك أو نعارضك حنا راح نوضح للبنت بكل صراحه بدوون تحيز

وأرجع أقول السعوديه كبيره والأطباع تختلف فاللي بالجنوب غير عن الشمال غير عن نجد ووو
والبدو غير عن المتحضرين

 

[جرح!!]

ماادري والله شقولج بالنسبه لي اانا اتمنى وودي بسعودي
لان اموت بالسعوديه على اني كويتيه واهلي كويتيين
انا مخطوبه لسعودي وخطيبي كله يتذمر من سفرات يعني احسه يتذمر من انه يوديني لاهلي
فعشان جذي انصحج فكري عدل والله يوفقج
واكيد يختلف كل شخص عن الثاني انتي لازم تعرفين شنو هو يخطط عليه وليش فكر يستقر بالكويت واهله لا
ويمكن يفكر بعدين يروح لسعوديه وياخذج معاه
واعرف عوايل وايد سعوديين مستقرين بالكويت وماخذين كويتيات وحياتهم احسن ماتكون
وعيالهم موظفين عندنا وماكو فرق غير الجنسيه تختلف
وللحين ماردو لديرتهم يعني بس يسافرون بالعطل هناك ويردون
استخيري حبيبتي احسن​

 

[غداً القاك]

استخيري هذا اهم شي
اما حياة السعوديه فهي مثل ماهو مثل ماتفضلت الاخت اللي هنا
هي ديره مثل اي ديره ثانيه والحمد لله السكن المستقل موجود الخدم موجودين وعيالنا وظايفهم راقيه وحلوه وهي كلها توافيق من رب العالمين ياقلبي

 

[تسوآهن]

يعطيـها الف عافيه الي ردت وقالت رايها بس بنات انا ببالي هالموضوع قلت استشيركم واستشير بالاخص اليكويتيه ماخذه سعودي وساكنه بالكويت او بالسعوديه بس ماهقيت ان بتصير مشاكل وبالاول والاخير احنا خليجنا واحد وماكنت اظن بيصير في تحيز وهوواش رجاء ابي رايكم وبكل وضوح ياللي متزوجات وانا حبيت انزل هالموضوع للواسه ولتفسير وتوضيح اراء البنات الي متزوجات وابي راي البنات الي مو متزوجات بعد بس مابي مشاكل والي يعافيكم وانا استخرت ربي بالاول والاخير والنصيب له جزء اكبر والله يقدم الي فيه الخير ومشكورين ونبي اراء اكثر للي مجربين ومتزوجين من سعودي والسعوديات بعد وجزاكم الله خير والله يرزق كل بنت على نيتها يارب ...

 

[● ‏ДđmŋT 7uβқ•]

السسسلام هذي اول مششاركه لي وشدني الموضوع

بصراحه انا ضد الزواج من سعودي

اختلاف البيئه يعني اممم احنا بالكويت تعودنا ع حريتنا بس السعوديه متشددين شوي يمكن اصلا نفسس كلام اختي احساس ملكه

الطلعه بتكون بالحسسره وجذي والتفاهم يعني السسعودي تعود ع حياتهم يششوف البنت متغطيه وملتزمين وجذي

بس بالكويت حرييه وجذي

انا اخر شي اقوله ان كل شي قسسمه ونصصصيب وربي يرزقكم ويرزقني معاكم بالزوج الصصالح

تقبلو مروري
اختكم
● ‏ДđmŋT 7uβқ•.

 

[غٌربَة مَشَشآعِر]

انا بقولك قصة امي لأنها نفس حالتك..,

انا امي كويتية وابوي سعودي وعايشيين بالسعوديه
اول ابوي كان يشتغل بالكويت تقريبا قبل 30 سنه
تقدم حق امي على اساس بيعيشون بالكويت
وافقت عليه وعاشوا بالكويت 6 سنوات جابت اختي الكبيره واخوي الكبير
بعد هال 6 سنوات جدي تعب كثيير وصار لازم ابوي يتم عنده
طبعا امي ماتقبلت الوضع انها تعيش بالسعوديه لأنه قبل 30 سنه السعوديه ماكانت بهالتطور والحياة فيها صعبه
واهل ابوي ساكنين بقرية يعني مو بالمدن
اخر شي اقنعها جدي اللي هو ابوهاا انها تروح وياه وكل مابغت تزور الكويت يجيبهاا بنفسه
ضلت على هالحال 4 سنوات كل شهر والثاني رايحه الكويت
الين حست انها مو مستقره وبهذلت عيالها بالسفر
فقررت انها تستقر هي وابوي وجدي بالرياض
ولي يومك هاذا وهي تحمد ربها على العيشه هنا ودايم تقوله لنا
ماتوقعت اني بعيش برا الكويت
والحمدالله وضعها ممتاز حتى خالاتي يحسدونهاا عليـــه

ادري طولت بالكلام بس حبيت افيدك بشي عاد انتي استخيري وربي يكتبلك اللي فيه خير...,
وتأكدي ان اذا ربي كاتبلك التوفيق مع هالرجال راح تعيشين معه باستقرار نفسي مهما اختلف المكان

موفقـــــه...,

 

[Drama.Queen]

والله تبين رايي

وضع عن وضع يختلف يعني الي صاير ويا غيرج مو شرط يصير معاج


استخيري هذا زواج انتي الي بتعيشين مو احنا

اختي تقدملها سعودي عايش بالكويت بس خافت انه باجر يقولونله تروح السعوديه وشلون تفارقنا

الناس قدرات انا ماتخيل افارق اهلي انا بديره واهم بديره
غيري يمكن عادي يتحمل

استخيري وربي يوفقج ويكتبلج الي فيه الصالح والخير

 

[ذهبة بحرينية]

حبيبتي ما يحك ظهرك الا ظفرك

 

[العزووووف]

عاادي حيااتي اذا من الاهل ماكو مشكله
انا كاني عنددج ابووي سعودي وامي كويتيه
وابووي يقرب حق امي حييييييل من قريب كاهو تزووج امي
وابووي سعودي بس حيااته كلهاا بكوويت ويشتغل بكوويت
وعايشييين بكوويت عادي وحياتن احلى منها مافييييه

استخيييري ياحياتي والله يكتب اللي فيييه الخيييييييير

 

[تسوآهن]

تسسلمون الي ردو ويعطيكم الف عافيه والله يكتب الي فيه الخير ويرزق كل بنت ان شاء الله بما تحبه وترضاه

 

[موج-البحر]

لبى السعوديين بس

واللي تقول متشديين ومادري شنو اهيا رايحه هناك علشان تتكلم كل دولة فيها الزين والشين حتى الغرب جت على

السعودية

بس طبعا وضع السعودي يختلف بالكويت احس ماله مستقبل بس اذا عايش بديرته يكون احسن واضمن

والعادات والتقاليد وحدة والدين واحد والحمدالله على كل حال

 

[حبيبي وبس]

اذا بنفس الكويت شغله وعايش هناك وافقي وانتي مغمضه

 

[* بنت المطر *]

عنده جنسيه ويشتغل وسمعته زينه ويصلي خل تستخير وتوكل على الله