انتشار ظاهرة السخرية ..........للمناقشـــــــــــــــــــة............. .

[afesa]

الحمد لله والشكر فعلا هذي الظاهره صارت منتشره وواضحه وصارت تنتشر بكل مكان ..احيانا نمشي بالسوق ونلبس لبس عادي ونسمع الاستهزاء بالشكل او طريقه المشي واللبس وساعات يكون بصوت عالي ويسبب الاحراج... وهالظاهره منتشره بين عيالنا بالمدارس وكل واحد
يعتقد انه لما يسوي جذيه ..يكون دمه خفيف ومضحك وبصراحه هذا الشي انفرض علينا من التلفزيون والنت والمسرحيات
والحل هو التمسك بالدين وتنبيه الاطفال وطلبه المدارس انه هالشي غلط

 

[حرة الحرائر]

موضوع جدير بالطرح

البنات ما قصروا ما شاء الله

بس حبيت أضيف ،،،


* الذي دفع الناس لهذا الأمر المشين هو نسيان أن النعمة زوالة

والتفاخر والتباهي بأنعم الله على خلقه سبحانه

* ما ظنكم بالشخص الذي يسخر الناس منه ، كيف مشاعره ، كيف نفسيته وهو يتأذى منهم ؟؟

حسبنا الله وهو نعم الوكيل ، عليه أن يذكر الله في كل حين

وليعلم أن كل ذلك سيكون في ميزان حسناته

وعليه أن يحتسب الأجر ويدعو ربه أن يصبر على إيذاء الغير

فمن يعاشر الناس ويصبر على أذاهم خير ممن لا يعاشر ولا يصبر على أذاهم

* الحـــــــــــــــــــــــــــل ،،،

^ تقوية الوازع الديني في النفوس ( الساخر والمسخور منه )

^ التحلي بالأخلاق الحسنة

^ الصبر والاحتساب وكل ذلك مقدّر ومكتوب

^ الانشغال بعيب النفس خير من الانشغال بعيوب الناس

^ محاولة الاستفادة من الأخطاء حتى لا يقع فيها ثانية ً



حبيبتـــــي ،،،

بارك الله فيج ع الموضوع القيـّـم

 

[SeDuCTive]

ما يصح الا الصحيح

تعقيبا على كلام البنات عن قله الوازع الديني واهو سبب من اهم الاسباب..وكل الكلام الرائع اللي ذكروه البنات..
في نقطه ضعف انا ملاحظتها في مجتمعاتنا وللاسف هالنقطه خطيرره جدا..
وهي عدم التفرقه بين الانتقاد الهادف او ما يسمى بالنقد البناء والسخريه والوقاحه والاستهزاء :eh_s(1):
خواتي الاسلوب ركن اساسي من اركان الطرح.. فلو كل شخص يراقب نفسه ويحاسب على كلماته
قبل لا يبدي رايه باي موضوع..بيساعد بشكل فعال بلفت نظر الناس للقصد من كل حرف يصدر عنهم!
انا ما اتهم كل انسان تكلم بطريقه فيها استخفاف شوي انه قصده الاستهزاء.. لأنه في ناس على نيتهم يقطون
الكلمه ولا يفكرون انه المتلقي بيستقبلها على انها سخريه لا يفكرونها غشمره بالعاميه لأنه بطبيعتنا نحب الظحك والدعابه..
وانا اقول لحد الآن! نعم في ناس على نياتها وما تثمن كلامها لعفويتها البحته في هالزمن!!!!
ياريت من هاللحظه نبتدي نفكر بالفرق بين النقد الجرئ والسخريه الممزوجه بالوقاحه..
انشالله تكون وجهه نظري وصلت ........

يعطيج العافيه عزيزتي موضوع في غايه الخطوره والاهميه..:e3:

 

[hiroshima twinky]

ما شاء الله عليهم خواتي كفوا و وفوا
بس انا اضيف ان الناس صاير مخهم فاضي وماعندهم شي مفيد يشغلهم علشان جذي يسلون روحهم بالتطنز على خلق الله

 

[سحر الشرق@]

النا س صايرة فراغه
ومن الفراغ اللي هم فيه يتطنزون على غيرهم
الفراغ سبب اغلب المصايب

 

[MaZyOoOoNa]

1- ما الذي دفع الناس لهذا الأمر المشين والذي هو منتشر بقبح

حبيبتي مايعيبج الا المعيووب والناس ماتعيب الا من قهرها ولله او تبي تلفت النظر من ناحية الشباب
2- لماذا السخرية وما ظنكم بالشخص الذي يسخر الناس منه ، كيف مشاعره ، كيف نفسيته وهو يتأذى منهم

شي طبيعي بيتأذى ترا محد يحب احد يعيب عليه شي ينكسر بداخله ويقلل الثقه بنفسه وهالشي ولله كلش مو زيييييييييييين
3- ما الحـــــــــــــــــــــــــــل؟؟؟؟؟؟
انا اقوول اي احد يفكر ان يقط كلمة عليكم حقروووه لا تعطونه حتى نظره لان يبي يلفت النظر ولو زودها بكلامة اقرب الامن عشان يخقها

 

[Loyalty]

اي صج وايد جذي والله الواحد قام يشك بنفسه حتى

ويقولج مايعيب الا فيه العيب

 

[brettey]

ويه تعالي شوفي ادارتنا عندنا جم وحده جدامج يا حلوج ويا زينج ومن وراج حش وطنازه : طالع شلابسه ماعندها ذوق -مكياجها لوعه-جسمها يفشل-لبسها خلاجين- واي حدها جيكره -شالدعوه هالمكياج رايحه عرس ؟انزين انتوا شكو وليش هالحش ؟والمشكله تعالي شوفيهم وشوفي ويووهم الحمدلله والشكر لاجمال ولا شي بس جذي يبون يتطنزون بس سمعت ناس تطنزوا عليهم كما تدين تدان
واذكر وحده معاي ايام الثانويه اهي البنت متروسه وبيضه بس مافيها جمال بس ماخلت احد بحاله تتطنز على البنات والابلات وحش مو طبيعي اهي وشلتها الحمدلله والشكر
ووايد مروا عليي اشكال جذي طنازه وحش على خلق الله

 

[Lemon Juice]

والله لو كل واحد يحط نفسه مكان الشخص اللي قاعد يتمسخر فيه .. جان ما صارت كل هالسخريه على خلق الله

الشي اللي ما نرضاه على أنفسنا ... ليش نرضاه على غيرنا ؟

انا مابي أصير مثاليه واقول اني ما عمري تمسخرت على أحد بحياتي

بس كل ما الانسان يكبر .. يفهم ويخاف ربه

الحمد لله تخلصت من هالصفه السلبيه لأني قمت أحط نفسي مكان هالشخص

حرام والله نضيع نفسنا وناخذ ذنوب وآثام بسبة هالأمور

يعطيج العافيه ويزاج الله خيـر .. موضوع يستحق الطرح والنقاش فيـه

 

[مغربية قلبها كويتي]

Welcomeeeeeeeeeeeeeee