انتشار الحمل بالتوأم اذا سألتها تقولج طبيعي

[داريني]

ماكو توأم صناعي شالحجي
يمكن وسيلة الحمل تختلف وبالنهايه شنو يطلعون توام ولا مو توام هذا رزق من الله

وانا عندي توأم والحمدالله ماحد تجرأ سالني علاج ولا طبيعي ولو بيسالون بقولهم رزق من الله
والحمدالله الي يشوف بناتي راح يعرف انهم ياو علاج ولا طبيعي وما تفرق معاي

 

[[[ عيون جابر ]]]

والله التوائم نعمه من الله يحلوهم صج تعب بس يصيرون مميزين وانا اتفق مع العضوه الي قالت ساعات التوائم ينتجون عن تأخر بالحمل ومع الادويه القويه تصير بالغلط مو شرط طاقه ابره تفجيريه لاتحطين بذمتج

 

[غير كل الناس]

الله يرزقهم

 

[ام عفاف الكويت]

اكثر من مره اسأل اللى اعرفهم
هل الحمل طبيعي او لا والله ياختي مو قصدي الحسد لا حشا الله يعينهم اصلن
بس سبحان الله ظروفنا الصحيه تحتم علينا ان نعمل تنشيط وتبويض
مو مشاكل بالتبويض بس واجهت عن نفسي مشكلتين بالولاده والحمل والانجاب
يعني مو سهل علي ولما اسأل محد يرد
الله كريم ويرزقنا ولا منه احد بالسؤال يحسبون نحسدهم

 

[ام عفاف الكويت]

شوفي قلبي
الولد والبنت والتوائم هذا مو بيد علاج والله عندي وحده من اهلي حاولت وحاولت ولا رزقها ياهل
وعندي وحده اعرفها مافيها شي وحملت ولا علاج ولا بطيخ وتبارك الرحمن ويخلي لها بناتها يابت بنات توائم
ولا فكرت اسألها لانه مالي ويهه وبالعكس ادعي لها دايم ودايم حبيبه تقول مع اني احبج بس بدعي عليج ان الله يرزقج بالتوائم لانه تدري بخاطري بس انا مؤمنه رزقي من الله فعشان جذي لاتتخيلين التوائم مرض لا حرام ولا كل التوائم بالعالم علاج ؟
وتقولين مابي توائم ليش المال والبنون زينه حياة الدنيا
عسى الله يرزقنا والتوائم مو مرض صدقيني الله يرزق من يشاء وفرحتي يوم يجيني مسج من وحده
صار لها مده ماحملت وولدت الحين توائم اقول سبحان الله رب العالمين مايخلي عباده

 

[شيخة الحلوة]

حبيبتي
لا تعيبين عليهم وهذي رزقتهم

ماتدرين الي يرزقهم توأم كلهم متاخرين عن الانجاب

هي ماتروح حق الدكتوره تاخذ علاج الا اذا هي تبي وميته علي الضني

بالعكس المفروض تستانسين لهم وتفرحيلهم لأن الله رزقهم من بعد طول أنتظار
ما اعتثد وحده عندها ياهل بوسنه تروح تعالج حق توأم الا نادر او مثل ماقتلج هي بخاطرها ياهل ثاني

صدقيني الله يبلااااج والدنيا دواااره يا فيج يا ابنااتج لا سمح الله
قولي الحمدالله علي رزقه الله

وفيه بنات ماشالله طبيعي وراااااااثه من الله يعني تعترض علي رزقه الله

ومنو قالج ان مرض ومن وين سامعه هالمعلومه
الحمدالله وايد بنات من عايلتنا يابوا توام يهبلون بكامل صحتهم وماعمري قتلهم انتوا علاج ولا طبيعي لان هذي حياتهم الخاااصه مالنا شغل فيهم قالوا ولا جذبوا المهم نعمه من الله وكل وحده تتمني يكثر نسلهاااا

نفس رايها
:rerrerek:


يمكن انتي في بالج وحده معينه وتبينها تقرا الموضوع وتفهم رايج بالموضوع بس صدقيني مو حلو طريقه طرحج للموضوع

مو قاعده اتهجم عليج او ابي المشاكل بس هذا رايي الشخصي وتقبليه بروح رياضية

 

[om.7madiiin]

رد : انتشار الحمل بالتوأم اذا سألتها تقولج طبيعي

وانا اشهد التوااااءم نعمة مو مرض
انا عندي 2 حمادي و فطامي
شاقين القاع و طالعين

 

[أحـلام * ورديـة]

رد : انتشار الحمل بالتوأم اذا سألتها تقولج طبيعي

حبيبتي انا فاهمه قصدج

انه اذا كانت وحده طبيعيه تقدر تييب عيال من الله سبحانه

مو محتاجه علاج ليش تروح تلعب بنفسها عشان تحمل بتوم

وتقول انا اييب طبيعي صح ؟؟

بس يمكن خاطرها بتوم فقالت اعالج واييب توم استانس فيهم مافيها شي حبيبتي

ويمكن اهي منحرجه تقول علاج ما تدرين اهي ليش ما قالت الصج

عموما الله يهني اللي تييب توم طبيعي والله يوفق اللي تييب توم بعلاج

والله يرزق كل محرومه يا رب العالمين

 

[^هديل الكويت^]

رد : انتشار الحمل بالتوأم اذا سألتها تقولج طبيعي

والله لو تحط قنبلة ذريه ماتييب توام اذا الله مو كااااتب

سبحان الله احيانا ربي يقدر ان فلانه تسوي هالشي وتحصل توم كل شي مكتوب من رب العالمين

وبعدين سؤال ليش الوحده تتليقف وتسال طبيعي ولا ابررر ؟؟؟؟

عن نفسي هذا امر خااااص فيها ومالي دخل وما اصفها لا بالغباء ان انا ما ادري ولا شي

من حقها تخش ومن حقها تقول لان هذا امر خاص فيها

الانسان حبيباتي تنتهي حريته لما يتعدى عالاخرين طالما هذا جسمها وعيالها وتعبها وشقاها خلي قلبج ابيض وباركي لها وماله داعي تعرفين اذا طبيعي ولا بابر تفجير وحبوب وغيره


واذا تبين تعترفين شلون تييبين توام ومن هالمعلومات النت متروووووس او ملياااااان

انا لو وحده بتسافر من حريم اخاوني ما اقولها ليش مسافره لان مالي حق هذي حياتها وحريتها

لو تييب درزن في بطن واحد اقولها الله يهون عليج يالغاليه

لو تييب واحد هم اقولها الله يهون عليج

صدقوني لو الوحده شنو تاااخذ ماتييب توام اذا الله مو كاتب وهذا مايبيله لو ذرة شك

كلها اسباب ربي مخليها بالدنيا وفي ناس يستخدمونها وفي ناس لا

انا حماتي يابت اثنين صبيان توام وطبيعي تعب في البداية لكن الحين اللي متعبها زياده عمرهم صار 20 سنه واهم يتشابهووووووووون يلبسون نفس بعض كللل شي نفس بعض وجم مره سوو حادث وربي سلمهم

كل شي مكتوب لو واحد لو اثنين لو درزن الابره سبب لكن ربي اللي يخلق ويامر يكون او لا يكون

اسفه طولت

لكن صراحه حلو الواحد يبارك ويدعي لغيره مايساله ويتدخل بحياته

وشكرا

 

[دلولي]

الله يرزق الكل ياقلبي

 

[خليفة العظماء]

شكو كل وحده حملت بتوأم يعني علاج ؟؟؟؟؟؟؟؟؟؟؟ او ماخذه ابرا

لا يبا كا عندنا حريم كبار وايد ياييبن توام ايام قبل كان عندهم هالابره مثلا

لاتغتابون الناس ونسوي نفسنا اذكياء حتي لو طبيعي او مو طبيعي احنا شكو كيفها اهيا وزوجها لاندخل نفسنا بخصوصيات الناس عيب


وانمتي الله يرزقني توأم طبيعي من الله واكون ام قولو امين

 

[خليفة العظماء]

بنات
تخيلو سويتو سونار وطلعتي حامل بتوأم وطبيعي من دون علاج من الله

و وحده بكل برود اطالعج بنضره طبيعي ,, بتقولين اي ,, بتحسين انها تضحك وتقول بقلبها اكيد علاج
شنو بيكون موقفج ماتحترين

مو كل الناس ياخذون هالابر والخرابيط كل رزق من الله

 

[ScarletteO'Hara]

كيفهم ما يبوم يقولون لانه موضوع خاص و حساس محد له دخل فيه
انا كنت احسب اني عقيم بس الله سبحانه اثبت لي العكس
و ناوية ان شاء الله بعد ما اييب اول ياهل بعد سبع شهور
الي بعده يا رب بعالج و اييب توأم
لمجرد ان وقت طويل مر على زواجي من غير ياهال ودي اعوض الي طافني
خصوصا و ان لمدة خمس سنين و نص ما يبت عيال
وحدة غيري بهذا الوقت كان ممكن تييب 2 اذا الله سهل عليها
كل واحد و ظروفه لا تدققين على شي ماله داعي
و الحمل بالتوأم يتم من خلال الكلوميد مو ابر التفجير
عادي ناس خذوا كلوميد من غير الابر و حملوا بتوينز
الله يرزق كل محرومة يا رب
و يعطي الي تبي توينز حتى لو اهي طبيعية الي تتمناه

 

[راحيل العبدلي]

واااااي أسلوبج حده سخيييييييف .
بعدين ترى يكون بعلمج التوينز يجوون بطبيعي حتى لو عددهم 10 ..
الله قادر .. سبحانه ..
انا كااا عندي أخت توأم و طبيعي و مرة اخوي جابت 2 توينز و همن طبيعي
يعني في شي اسمه وراثه ..
أنزين ماما ؟!!!!
و ان شاء الله يا رب انك ترزقني بتوأم انا و اختي و الدنياااااااا كلهااااا
.

و بعدين انتي بأي صفه تقولين لوحده طبيعي ولا علاج ؟!!
أمبييييه وجهج مغسول بمرق يعني عيييييب بعد قوليلها متى و شلون الطريقه و مادري شنو ؟؟!!
أستحي على وجهج يا ناااادره أمحق نادره إلا إذا بالحسد اكيد نادره ...
و شنو أرانب ؟!!!
شكلج متروووووسه من الحره روحي يم فوزيه القطان تراها خوش دكتوره أبهالمجال روحيلها ..
و كيفهم ما يبون يقولون لو حتى علاج كيفها تقولج طبيعي أشحارج ؟!
أكيد ما قالتلج إلا لانج مجننتها بحسدج و حقدج وحاشره عمرج بحياتها ..!!!
أمبييييييييييييه حتى أسلوبج خااايس قاعده تتطنزين على بنات خلق الله ارانب و عيالكم علاج ..

صصصصصصصصصصصج انتي شريره و حيزبونه

.
.

 

[*ماي الورد*]

رد : انتشار الحمل بالتوأم اذا سألتها تقولج طبيعي

ليش مرض الحمل بتوام؟؟؟

 

[ياسمين العمري]

الله يرزقنا بتؤام ان شاء الله ...

 

[^مزاييين^]

اولا الله يرزق من يشاء بغير حساب
ثانيا انا عندي 4 عيال وعقب اكلت احبوب مانع سنة ومالي نية احمل بس قلت ابي اريح وحملت ويوم صارلي شهرين سويت سونار جان تقولي الدكتورة انت حامل بتوام انصدمت (ها اشرايج لا علاج ولا ابر بس رزق من الله ) بس بقولج شي ياليتج تحملين بتوام وتشوفين الثقل واللوعة المستمرة وحركت الجهال والخوف من الولاه والطلق مرتين وعقب السهر واذا مرضو والتطعيم والمصرف عشان تقدرين الضروف - طبيعي ولا بابر كله تعب عليها الله يعين كل حامل بتوم ولا بواحد مو شي سهل

 

[miss-winter]

رد : انتشار الحمل بالتوأم اذا سألتها تقولج طبيعي

انتي شعليج ؟

 

[باربي برونزيه]

الرازق في السماء والحاسد في الارض

 

[حرم_طيار]

رد : انتشار الحمل بالتوأم اذا سألتها تقولج طبيعي

انا حملت بعد علاج لان فيني ضعف بالتبويض وعادي ما يهمني ولو احد يسأل راح اقوله شنو يعني
انا خو حامل من ريلي ومن الطوفه