انتبهووووواااا .. ((سورسير)) يسبب السرطان ؟؟؟

[لعيون ساره]

السلام عليكم ...
من العنوان الله يكفينا ويكفيكم الشر .. قريت بعالم حواء مدري لكي .. المهم وحده كاتبه عن سورسير انه فيه مادة تسبب المرض الشين ..
هذا موضوعها اقرووه واللي عندها معرفه تقولنا شسالفه ؟؟ عاد انا ارتحت عليه بس من قريت هالخبر قمت احس رأسي يعورني >>>>> لوووووول صج ينقص علينا بسرعه بس الله يستر ...:eh_s(1): وبسرعه قولولنا عشان نتصرف نوقفه ولا لأ؟؟:eh_s(13):

 

[* مـذهـلـه *]

اعوذ بالله الله يكافينا الشر شهالكلام ..

حبيبتي خلج من وكالة يقولون لو بتسمعينهم جان ما استخدمتي و لا شي بالعكس سورسير مفيد للشعر و عباره عن تونيك محفز حتى تقدرين تفحصينه و تتأكدين من مكوناته اذا خايفه عباره عن ثوم ..

و على فكره ما خلووو شي ما خلوه يسبب السرطان حتى الكورن فلكس قالو انه يسبب السرطان و ربي لك الحمدالله انا ما استغني عنه من عمري و انا اكله من يوم كنت بالمتوسط ما استغني عنه ..
​

 

[سيدة الكويت]

ما اعتقد لأن يسبب المرض اهوا يابانى الصنع واليابانين صحتهم تمام

وسورسير قديم من زمان عشان الظاهر بسوقون منتجاتهم الشركات الثانيه

 

[لعيون ساره]

اهيه ذكرت اسم مادة موجودة واعتقد اسمها ليثرات اويثيك الصوديوم المهم شي جذي وقالت سووا بحث عن هالمادة وبتعرفون انها لها اضرار واعوذ بالله ... بروح احاول اجيب الموضوع المشكلة من اليوم ابحث ولا لقيته ؟؟
بس لما شفت تفاعلكم الحلو يبيله اجيب راس الموضوع ..

 

[ArEEj]

الله يستر بس
صار لي شهرين استخدمه

 

[لعيون ساره]

انا اللي اعرفه انه يمنع تساقط الشعر على طول ماتستعمليه واذا تركتيه قد يرجع التساقط قليلا ،
ولكنه يساعد في طلوع الشيب .


<<<<<< هذا احد الردود اللي لقيتها لما سويت بحث عنه ... وللحين قاعدة ادور وابحث وسوف ازودكم بكل ماهو جديد ... <<<< خووووووووش مراسله

 

[لعيون ساره]

قولولولولولوليييييييييييش لقيت الموضوع واخيرا .....

يلا افيدونا ...

الموضوع بكامله من المصدر كالتالي :
اسمعوني ياحبايبي أنا مااحب اقول والله فلانه قالت انو مايصلح ويسوي ويفعل من غير ماأتاكد بنفسي .....
الي حصل اني مثل البنات أبغى يكون شعري حلو ومرتب ...
وسمعت عن سورسير ورحت فعلا اشتريته وجربته ماشي ........
عاد في يوم من الايام رحت الصواري لاندمارك الي بجدة ويامحاسن الصدف شوفو اش صار؟..........
فجاءه ماما قالت تبغى الصيدلية فدخلنا طبعا الصيدلية والافجاة المح سورسير الشامبو مستغربة .........
وصرت اقول هذا هو الي بابتي تعب وهو يدور علية ومرة بالغلط جابلي جورجيو والا هو ماادري اش اسمه المهم هما من نفس الشركة ........
وجيت ابغى استخدمته الا قريت انوا يقطع الشعر قلت الحمدلله اساسا موهو الي انا ابغاه طيب ماشيين معاياه ........
وفجاة باستغراب مسكت العلبة ولقيت مكتوب علية بالعربي قمت طبعا قريت ...........
لانوا الي عندي مكتوب عليه بالانجلش .........
وسبحان الله قريت انو من مكوناته سلفات لوريث الصوديوم ...........
من مكوناته ايش ؟ اقرؤا عدل وكويس اتفقنا
طيب ياحبايبي اسمعوا في نفس الموقع هذا قريت عن المادة هاذي وانها والعياذ بالله تسبب المرض الخطير ماودي اكتب اسمه ....
عشان لاتاخذه في خاطركم .......
على العموم انا حابه اثبت لكم كلامي واتمنى انكم تعملوا بحث للكلمة هاذي وتشوفوا على فكرة انا قريت انها في بعض الشامبوهات ومزيلات العرق وغيرة مثل المعجون والى مالا نهاية ....
ياليت الي حابة تتاكد تروح الصيدلية الي هناك وتشوف بنفسها اعتقد اسمها صيدلية ابو سعود والا ماادري اش اسمها لانوا من زمان الكلام هذا المهم الصيدلية بالدور الارضي يعني اول شيء ...


ارجوووووووووووووووووووو التعلييييييييييييق ؟؟؟

 

[bnt q8 in usa]

حبيبه توكلي علي الله ومالج شغل بالكلام علي قولة مذهله قالوا انه الكورن فليكس يسبب سرطان ومقطوع من امريكا وكاني بامريكا واشوفه ترس الارفف منه
مالج شغل بكلام هذا وذاك ......................وماقصرتي والحافظ الله

 

[لعيون ساره]

الله يسمع منج ومنكم كلكم وشاكرة تفاعلكم .. بس انا قلت بعد احد عنده خبر بالموضوع ويقدر يفيدنا ... والله يستر .

 

[مزعلة النسا]

عاد شنو شفتو بعد التجربه يكثف او يطول الشعر ؟؟؟؟؟؟؟؟؟؟؟؟ يعني يستاهل اني اجربه

 

[قمه النعومه و الأنوثه]

صج ماده سولفات لوريث الصوديوم ماده مسرطنه وانا اي شي استخدمه احاول ايكون خالي من الماده ومشكووووووووووره على الموضوع اختي وسالفه الكورن فلكس ترى صاجين جان ما وقفوهم فتره بمريكا والحين بلندن اموقفين كاكاو كادبوري والكميه اللي عندهم يابوها اسواق الشرق الاوسط ..​

 

[لعيون ساره]

ي لا طبناااااااااااااااااااااااااااا ولا غداااااااااااا الشرررررررررر ... )))) :

أختي فيث والله النتايج حلوة ... بس خوفج من هاللي نسمعه هذا ؟؟ مواد مسرطنه ومادري شنو ؟؟

 

[$$مذهلة$$]

والله انا استخدمه صارلي فترة وخلص ويبت غيره

ريلي من تزوجته استخدمه فتره

ومن قبل اتزوج بسنين خواتي استخدموه

يالله لك الحمد والمنة يارب مافينا الا العافية

بصراحه في حريم من نحاستهم لا شافوا الشي زين ذمووه ولا ادري شالحكمه

 

[$$مذهلة$$]

حبيباتي الكورن فليكس اكله من وانا بالروضه والحين تعديت الثلاثين

ومازلت اكله لانه وجبتي المفضله والحمد لله والشكر على نعمه الصحة

والعافية لاتخلوني اوسوس

 

[**سهام**]

يا بنات اقروا المقالة مرة ثانية
اهي قالت شامبو سورسير مو تونك سورسير
وعموما ترى اغلب الشامبوات والصابون تحتوي على مادة لوريث الصوديوم
والمصنعين يعرفون اضرارها ولكن يقولون انهم لم يجدوا لها بديل فهي اللي تخلي الشامبو له رغوة
لذلك ابحثوا واقروا دايما مكونات الشامبو واذا لقيتوا واحد خالي من هالمادة تكفون علموني
واذا ما لقينا شرايكم بصابون الرقي هههههههههه

 

[قمه النعومه و الأنوثه]

يا بنات اقروا المقالة مرة ثانية
اهي قالت شامبو سورسير مو تونك سورسير
وعموما ترى اغلب الشامبوات والصابون تحتوي على مادة لوريث الصوديوم
والمصنعين يعرفون اضرارها ولكن يقولون انهم لم يجدوا لها بديل فهي اللي تخلي الشامبو له رغوة
لذلك ابحثوا واقروا دايما مكونات الشامبو واذا لقيتوا واحد خالي من هالمادة تكفون علموني
واذا ما لقينا شرايكم بصابون الرقي هههههههههه

العضوه نونو جين حطت موضوع من قبل عن ماده سولفات لوريث الصوديوم واعرضت شامبو همالايا خالي من الماده وانا شريته والحين استخدمه.

* عندج معجون اسنان بارودنتكس من خلاصه المسواج والأعشاب في نوع في فلورايد الضار ونوع لأ انا اخذ اللي لأ.

*حق الجسم عندق الصابون الطبيعي روحي اسبا جاليري تلقين انواع اتينن وحتى في شور جل طبيعي.​

 

[marioom]

صح حتى بدي شوب رغوتهم من لوريث الصوديوم
ولما قالولهم يغيرونها ما رضو مالقو لها بديل للرغوه
وسمعت ان حتى سغنل تو رغوته من هالماده
الله يكافينا الشر
ومشكورة على التحذير
يعطيج الف عافيه يارب ​

 

[أم بدير]

اول ما قريت موضوع عن هالماده رحت من الخرعه الجمعيه ادور بالشامبوات ومعاجين الأسنان

لقيت ان كل الشامبوات اللي بالجمعيه فيها هالماده
حتى منتجات بيبي جونسون (واحنا نستعمل بيبي جونسن من عمر وامهاتنا استخدموه لنا)
وهم معجون الاسنان نفس الشي
كل المعاجين فيها الماده

طبعا رحت الصيدليه وقلت باخذ شامبو طبي
لقيت معظمهم فيهم هالماده بعد
بس لقيت شامبو مافيه هالماده
خذيته
ولما استخدمته لاعت جبدي
خمستعش فركه افرك شعري واحس انه مانظف وجني اغسل شعري بكريم مو شامبو
فسألت عن هالماده ناس دارسه كيميا
واكتشفت ان هالماده اهي اللي تسبب الرغوه وتساعد عالتنظيف
يعني بصريح العباره
اذا هالماده مو موجوده بشامبو او معجون فماراح يرغي (مثل اللي استخدمته) ولا راح ينظف
الا جان تستخدمون شامبوات طبيعيه ملوت الحواي
شامبو السدر والثوم والبيض وهذول
بس ينشفون الشعر تنشيف مو طبيعي ويخلونه قفه​

 

[RoMaNcEyA]

امبيه انا امي تستعمله صارلها جم شهر بس اهو وايد زين الشامبو والتونيك يعني اهي استمرت عليه مده وياب نتيجه معاها
معقوله يسبب الشين...؟ بصراحه ماني عارفه ابي اجابه مقنعه ماابي اروح واخرع لمي واقولها انه يسبب هالمرض بدون لااقتنع انه هالخبر اكيد ولو انه يسبب هالمرض جان اقطعوا من زمان ماخلوا جذي الصحه اول باول بالفحص
والله يستر

 

[حواء الكون]

على فكره ما خلووو شي ما خلوه يسبب السرطان حتى الكورن فلكس قالو انه يسبب السرطان و ربي لك الحمدالله انا ما استغني عنه من عمري و انا اكله

صحححححح

كلام مذهله

وترى بنات حواء بعضهم خلوا الماي اييب السرطان لووول

يعني خوف وهواجس احيانا مالها اي لزمه

مجرد كلام فارغ !