صدقتي بكل كلمة قلتيها .. بس في حريم يقولون بحسن نيه يعني انا عن نفسي كانت عندي رفيجه من صغرنا ويوم تزوجت كانت اهي تشوف بعينها اشلون ريلي يعاملني ويسويلي وانا ما كنت اقولها شي بس اهي كانت تشوف بعينها والمصيبه يوم عيد ميلادي ريلي سوالي حفله بمطعم كبير ويابلي سياره هديه وبعدها بيوم الظاهر الاخت ما اقدرت تستحمل وحاولت ومن وراي تكلم ريلي والي فضحها زوجي سجل صوتها واهي تكلمه وسمعني ومن يومها وانا وياها بعاد عن بعض وليومكم هذا ما قلتلها ليش هديتها او اني عرفت كل شي سكت وطلعت من حياتهااا بس بصراحه من فتره شفتها وفز قلبي وكان ودي اروحلها واكلمها بس قلت بقلبي وخري عن المشاكل واهم شي عندج عيالج وريلج
