بنااااات والله العظييم في رفيجات زينين بس قلييييل حييييل
والله من الموضوع اللي حطيت لكم الرابط والله منه لقيت رفيجات عسل عسل عسل والله
وفي اللي اكلمها كل يوم وباليوم اكثر من مرة ماشاءالله الله يبعد عنا العين ويبارك بصداقتنااا
بنات والله في رفيجات زينين بس شوفي اللي تناسبج دورو على اللي اطباعهم تناسب اطباعكم ومن البدايه خليكم صريحيين مع بعض وخليكم على قلب واحد واعتبريهم اختج وخلو علاقتكم لله مو حق شي ثاني والله تصير الدنيا بخير
والله العظيم الحين احس ان لي ظهر انتو ماراح تخسرون شي جربوو
كتبو بالموضووع دورو بمشاركات البنات يمكن تلاقون اخت دنيااا مثل ما انا لقيت
بنات الله يوفقكم ياااارب ويسهل اموركم وتلاقون الرفيجات اللي يكونون خوات دنيااا
ولا يغركم كلامي تراني اكلت تبن حشاكم من رفيجاتي الي قبل وسوالف كبرت واحنا كان بينا اكثر من 8 سنين سوالف وصلت قضايا تخيلي 8 سنين على قلب واحد كنا كل يوم نسولف تلفون مو اقل من 4 ساعات متواصله والله وبعدين بسبه رفيجات خربانين تعرفت اهي عليهم قلبت علي انا يا اني امشي ممشاهم يا تضرني بس الحمدلله اني صاحيه ومنتبهه على نفسي وعارفه الحلال والحرام وبعدت عنهاا
وغيرهم رفيججات المصالح استغفر الله تخرجت من الجامعه ونسوني والله من تخرجت شهر 6 لي الحين ولا وحده منهم دقت او دزت مسج او حتى ايميل او مسنجر او فيس بوك خلاص كل شي انتهى اشدعواا يعني يا في مصلحه يا ان ماكو وبلاوي واايد اللي خلتني اعتزل الصدااقه بشكل نهائي وقعدت فترة طويله حيل من غير رفيجات بس تعبت نفسيا الوحده تذبح لا تقولون عندج اهل خوات اخوان ترى الرفيجات غير غيييير
وفعلا دخلت المنتدى على نياتي لقيت الموضوع وكتبت بنيه صافيه والحين شوفو رفيجات يفقدوني ويسألون عني كل يوم ويعزوني حييل وانا بعد اعزهم حييييل
علشان جذي اقولم اول شي صفو النيه وثاني شي ادعو ربكم يسخر لكم الطيبين من خلقه وبعدين ورو صداقات يعني مو معقوله قاعده بغرفتج وتبين البنات يتعرفون عليج دشو الموضوع مال الصداقات وشوفو منو اللي ودكم تكون رفيجتكم دزيلها رساله خاصه كلميها ضيفيها مسنجر من اول مكالمه راح يبين اذا ترتاحين لها ولا لا واذا ارتحتو لها خير وبركه الحمدلله
عالعموم اسفه طولت عليكم وزدت حيل بالكلامبس بقولكم ان خلو عندكم امل ترى ربي مثل ما خلقنا خلق غيرنا يعني مثل ما خلق اللي قلوبهم نظيفه خلق غيرهم دورو خوات الدنيا وبتلاقونهم
موفقين يااااااارب
وهذا موضوع ودج يكون عندج صديقات:>
http://www.q8yat.net/showthread.php?p=20897490#post20897490
هذا التجمع مال موضوع الصداقات
http://www.q8yat.net/showthread.php?t=720795&page=18
وعلى فكرة ترى انا لما كتبت بالموضوع كنت غاسله ايدي اتعرف على احد وتحسفت وايد اول ماحطيت المشاركه بس عقبها باقل من ربع ساعه بدت توصلني رسايل خاصه وبديت احمد ربي والحين انا كل يوم وبكل صلاه ادعي لرفيجاتي وادعي حق صاحبه الموضوع وواحمد ربي على الوقت اللي دخلت وكتبت بالموضوع
واللي تحب تقرا عني انا كاتبه بصقحه 3 بالموضوع
وسألو عني اي وحده بالموضوع او بالتجمع صارت لي شعبيه الحين ههههههه
سوووووري طولت عليكم
:
