انا و مصاصين الدماء .... قصه واقعيه 100% (أريد حلا)

[strawberry89]

السلام عليكم ....


اي مصاصين الدماء ... ما يتراولكم اي انا من صجي :eh_s(16):


الناس الي وقتك حزنهم قبل فرحهم انتي توقفين معاهم وقفه :icon30: لا تنسى

طبعا لله احنا نسويه قبل ليكون لهم

بس .....
يحز بالخاطر لما انتي تكونين مهمومه وحزينه .... ولا ساعات فرحانه


تدورين احد يطبطب عليج او يفرحلج


ما تلقين احد ...:080402ask_prv:

ليش ؟؟ قولولي ... ويسمون نفسهم صديقاتج ؟؟؟؟

تحاولين تتخلصين منهم ما تقدرين تقولين طالعيلج بالسحب ؟؟!!:eh_s(12):


انا لا عت جبدي منهم ومن انانيتهم


ساعات اتمنى يكون عندي قلب من حجر واذا يولي يركضون عندي اكشهم


طبعا انا ما قلت لكم القصه .... لاني ادري انهم مني بالمنتدى

اريد حلا

يا ليت عندي لو بس رفيجه صجيه =اي تكون معاي بالحلوه والمره

:hjy5jewf:

وا ادري اني مو بس انا اعاني من مصاصي الدماء هذوله
وااايد

 

[كتكوته ورديه]

يا اختي هذي الدنيا خليها علي الله ماكو رفيجه ولا وحده بس امك

 

[strawberry89]

^
صاجه

 

[أبتسم ياقلبي]

رد : انا و مصاصين الدماء .... قصه واقعيه 100% (أريد حلا)

هههههههههههههههههههههههه

اعجبتني مصاصين الدماء

اي والله الله يقطعهن

الحاال من بعضه

انا عني صرت ماتكلم لا احد ولا اشكي لا احد

اذا مرره وصلت لحدي تكلمت لوحده متعرفه عليها بالجامعه وانعم الاخت وصديقه الله لايحرمني منهاا

ام صديقاتي الي عشره سنين >>الله يسامحهن

 

[hellen]

رد : انا و مصاصين الدماء .... قصه واقعيه 100% (أريد حلا)

واي حبيبتي صج ما ادري شنو اقولج
انا مشكلتي اذا خلاص رافجت وحده ما ارافج غيرها معني والله اجتماعيه والكل يحب يقعد معاي بس ما احب ارافج الي اتعرف عليهم حتى لو تاكدت مليون بالميه انهم سنعات ويخافون الله خلوقات
بس والله ما ادري شنو اقولج انا معلقه على رفيجاتي الي من عمر يعني ما شا الله من المتوسطه مع بعض
والحين لمن كبرنه الي تزوجت والله بالخير والثانيه مشغوله بوظيفه معنا تواصل خفيف بيناتنا بس هم الواحد محتاج الي يسانده ويحسسج انج موجوده
هع والله ما ادري شقول الحين الكل لاهي بعمره والصراحه انا مالي خلق اصادق بنات يدد واكتشفهم على حقيقتهم بعدين لانه هزمن اغبر واغلبيه الناس صاروا انتهازييين حق مفهوم الصداقه
بس خليها على وصدقيني احسن من صداقه القرآن مافي والحمد الله انه من اضايق اروح افج على صوره البقره واقرها كلها تسويلي رفرش مو صج ولا كأني كنت مضايقه وهم وانا اختج حطيلج قاعده مثل ما انه سويت
سو خير وقله بحر والحمد الله انا ما ارد احد مو عشان خاطره بس عشان رب العباد لانه ارضاء الناس غايه لا تدرك
وصدقيني لا تشتكين الا حق القراب منج يعني اهلج لانه بعدين ما تدرين هذه الرفيجه يمكن تعايرج او شي
ادري وايد هذرت على راسج بس والله من القهر ذكرتني بحالي
انا اقولج خليها على الله وووكلي امورج حق رب العباد
والله يسهل عليج وانشا الله يقسمج بالصحبه الزينه يا رب:yaaaaaarb:

 

[يبقى الوله]

رد : انا و مصاصين الدماء .... قصه واقعيه 100% (أريد حلا)




لله يعينج هالزمن يخرع

 

[وهج الخير]

رد : انا و مصاصين الدماء .... قصه واقعيه 100% (أريد حلا)

الله يرزقك بالصديقه اللي تكون لك اخت دنيا يارب

 

[classicyah]

رد : انا و مصاصين الدماء .... قصه واقعيه 100% (أريد حلا)

محد دآيم لحد ،

آلنآس تركض ورى مصآلحهـآ و بس ،

و الصدآقه في هالزمن نآدره ،

و أنـآ عن نفسي ،

مآ أهتم بالصدآقه أبد ،

عآيشه جي مرتآحه ،

عندي أم و خوآت يسوون الدنيـآ و مآ فيهآ

و معوضيني عن صديقآت هالزمن ، ،

،

و آلله يعينـآ . .

 

[بطوطة @]

من صجج الحين ماكو صداقه انا لا يفوحون لي ولا يحزنزن لي والله مصيبه اصلا صارلي فتره احس نفسي مبتعده عنها شوي بس الح اعمي ماادر ي شسوي

 

[Ms.PeRFeCT]

اذا بعض الخوات الحين صاروا مصاصين دماء

ماتبين اللي مو من لحمج ودمج تصير!

عادي..

 

[fato_kw]

الله يعوضج خيير

يامه ويامه انجرحنا وشفنا بلاوي من رفيجات عمرنا بس شنسوي حسبنا الله ونعم الوكيل

كنت بدز لج رساله خاصه بس مايصير انتي مو حاطه هالخاصيه !!

المهم شوفي هالموضوع حلوو

http://www.q8yat.net/showthread.php?p=20897490#post20897490

 

[a woman on top]

ماكو صداقه بهالزمن انسي الموضوع
هذا رايي الشخصي

 

[جوري الغرام]

رد : انا و مصاصين الدماء .... قصه واقعيه 100% (أريد حلا)

زمن الصداقات بين الرفيجات ولى وراح بلا رجعه

اللحين زمن المصالح والنفاق والحش !!!!!!

جدامج بوجه ومن وراج بوجه ثاني <<<<<< قمة النفاق

أنا عن نفسي حيييييييييييل انقرصت من الرفيجات ومن عقبها صارت علاقاتي رسميه مع الكل

وصديقاتي الحييييييييييييييل اهما أمي وخواتي وبس اللي لايمكن يتشمتون فيني ولا يعايروني لا طحت بمشكله عكس اللي يسمونهم ( الصديقات )

 

[*_*cute bug*_*]

الله يعينج عليهم
بس صج اخترعت افكر ادش الموضوع ولالا لوول >> بسرعه تصدق وتخاف

 

[strawberry89]

fato_kw

الجواب على سؤالج بالموضوع : لانه احنا في زمن الناس الانانيه اذا صرتي لهم عسل كلوووج

طنشي حبيبتي واذا بقيتي ترافجين احد لا تتعمقين وايد لانه والله اكتشفت اني انا احب لهم الخير

و وحده الي كنت اعتقد انها حيل معاي ما ودها الشي الزين يصير لي

انصدمت كنت احسبها مثل اختي بينا عشرة عمر من الطفوله بس انا المغفله

 

[strawberry89]

اكره ان احد يستغلني .... احاول اني اقطع علاقتي فيهم بس تدرون شنو المشكله راح يطلعولي بكل مكان هههههههه

حتى اني قاعده افكر اغير رقم تلفوني بس ما ابي اجذب شقول لهم يعني ؟؟

 

[مارياq8]

رد : انا و مصاصين الدماء .... قصه واقعيه 100% (أريد حلا)

حبيبتي سوي خييير و لاتنطرين شكر من احد

حالي حالج سويت خيرر وقفت معاهم واسمعهم للآخر وللحين ما اشوف احد منهم

 

[عاشقه مودي]

رد : انا و مصاصين الدماء .... قصه واقعيه 100% (أريد حلا)

هذي الدنيا صج صج صعب تلاقين رفيج بدون مصالح

 

[طفـشآنه]

,



العشره مآتهون لكن عندهم تهون و تهون بعد
انآ نفسج انصدمت من صديقآت عمري لكن الشكوى لله ,

 

[ابله شوكه]

رد : انا و مصاصين الدماء .... قصه واقعيه 100% (أريد حلا)

افااااااا عليج يا ستروبري
تزعلين وانا موجوووده انا اصير رفيجتج وترا انا لزقه يعني انتي اللى بتقوليلي يلااا فجي عاد
24 ساعه بتلاقيني عندج واذا بتصيرين رفيجتي عندج الخاص حبيبتي
تراا انا حدي فصله و سوالف هههههههههههه