انا ... و طليقي ... و العده !!!

[a7la roro]

نسيت اقول لج الحمدالله ع سلامتج ومبروك عليج البيبي يتربي بعزج يارب

 

[ام صالح@@@]

الحمدالله على سلامتكم ومبرووووك عليج عبوووودي
وعسى الله يصلح مابينكم

 

[white haert]

الحمدالله على سلامتج ومبروووك مايااج
وربي يوفقج ويعوضج يااارب

 

[غالية غاليها]

الحمدلله عسلالالالالالالالالامتج

 

[am haron]

الحمد لله علي سلامتك ومبروك البيبي وربي ايسهل امورك وانشاءالله ابنك يتربي مع امه وابوه وايغير في ابوه اللى انتى ماقدرتى اتغيره لان الريال لما ايصير عنده ياهل راح ايحس بالمسؤلية ويتعلق فيه ويخاف عليه من نسمة الهواء والله ايوفقك

 

[زوجة عزيز]

الله يعوضج ابواحد احسن ان شاء الله

 

[big heart]

بسألج سؤال واحد وابيج تكونين صريحه مع نفسج

انتي تبينه؟؟؟ بخاطرج تردين له؟؟

اذا بخاطرج ترجعين له سأليه وقوليله شسالفتك؟؟ وشنو اخر هالمسجات

واذا ما تبينه كلش,,,الافضل حقريه خير شر ولا تردين عليه وحاولي تكيفين نفسج على حياتج اليديده اللي باذن الله راح تكون افضل

قريت قصتج السابقه وبصراحه اسمحي لي اقوولج تصرفات ريلج تصرفات يهال وواحد ما يتحمل المسئووليه

وانا بالنسبه لي الطلاق وايد افضل من اني اتم مع واحد بالاسم ريال وجدام الناس اسمه ريلي ولا بيني وبينه حتى الـ5 دنانير

يستخسرهم فيني!!

شوفي وانا اختج اللي صار يمكن كله خيره وماتدرين الله شنو كاتب لج,, وانشالله كاتب لج كل خير

:eh_s(15): :eh_s(15): :eh_s(15): :eh_s(15): :eh_s(15): :eh_s(15):

شوفي ماتدرين الله شنو كاتب لج بس انا اشوف ان هذي حكمة الله اهوا يبي جذي عشان تشوفين

حياتج اليديدة مع ريال سنع يقدرج ويشيل عنج المسؤوليه ,اسمحيلي ترى ريلج هذا ما منه فايد

مو الحين بس بالمستقبل بعد

 

[صعب أسامح]

حبيبتي هذا شكله ليلحين ماشبع مراهقة يحب الشئ البعيد ولاخذاهاشئ فقد قيمته للاسف
وهو يتعامل معاج علي هالاساس شمعني وانتي بعيدة يدفع ويعطي بكرم ولما بيردج يقول بدون شروط !!!
وسامحيني حبيبتي اذا بكون قاسية شوية !! بس اهو جس نبضج ولقاج خفيفة وبتموتين عليه وخذيتي وعطيتي معاه بسرعة مع انه باعج برخيص ويستحق العقاب بس مو معناته عقاب يهال لان الرجال اذا مصختيها بالزعل والنجره راح يهج ويلاقي اللي تتلقفة
وضعج صعب صراحة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
انا برايي لاتستعجاين نفس مااستعجاتي بالزواج فكري واخذي وقتج حبيبتي بعدين لاتتنازلين عن حقوقج وحبي نفسج راح تلاقين الرجال يحبج !!!! الحركات اللي كان يسويها معاج هذا تاثير حجي الشباب لا تخليها تشيخ عليك او تتعود تاخذ منك فلوس او تمنعك من الديوانية احقرها واتصور هذي نجرة البقاء للاقوي في اول سنة زواج ومن هو ربان السفينة اشغليه حبوبة لوعي جبدة قولي بطلع سوق صالون ماني فاضية لك قولي مااحب اطلع كل ما اطلع يغازلوني بالحييييييلة اجذبيه موبالنجرة
وانتي شوفي اذا حسيتيه تغير اوكي ماتغير هو الخسران

 

[مناته]

ترى في رياييل ما يحلى فعينهم الا اللي مولهم
يعني لو يردج بيرد معاج مثل اول
تركي عندج مسجاته وخلج شديده وياه
وان شاء الله ربي يرزقج اللي احسن منه

 

[سنااااي]

المفروض ماتعطينه على كيفه ترى في ناس جذي لمن يطلق زوجته يخليها رفيجه عشان مايلتزم ويشوف حياته..... اذا دز لج هالمره لاتدزين له شي..... دقي عليه وقولي له انته الحين تعتبر غريب عني اذا تبي شي كلمابوي واخواني وانا مارضها على نفسي..... انا لو منج حتى المطعم ما اخليه يدفع..... اهوا امسوي فيني هذا كله شنو نزوه والا لعب السالفه والله هاخليه يثمن الغلط علي مره ثاني .... اشدراج يمكن يسوي كله هذا عشان ماترفعين دعوة نفقه عليه...الله يهون ولاتج ويرجعج لزوجج واهوا عاقل ويحبج....

 

[Nicki Minaj]

توني قريت سالفتج .. تبين الصج بدون زعل ؟
اللي صار مـصـخـره .. تعرفين شنو يعني مصخره ؟
اول فتره يقولج اللي خبري خبرج مره بالاسبوع وراي نادي لوول !! وبعدين امبيه وين قاعدين من صجه يحاسبج عالخمسه ؟
خلي الخمسه .. شكو ايجار نصه عليج ؟
شكو تروحين تسوقين ما يعطيج فلوس يقولج قرقشي فلوسج ؟
خلي كل هذا على صوب .. شكو شكو شكو يقولج انا تعبان بنام يلا وراي دوام خل أهلج يودونج المستشفى ؟! نعم خير اهوا شنو وظيفته ؟! طمبور طين ولا خيآل مآته ؟!
وآخر شي يقولج انا مابيج اخذي اغراضج يلا على بيت اهلج ؟
ابوج وابوه تدخلو يقولهم يلا يلا مابيها بطلقها !!
وفعلا وصار وتطلقتي ؟!
شناطره ؟؟؟؟؟؟؟
عقب كل هذا شناطره ؟
يدزدز مسجآت محلوه وخرابيط وين قاعدين ؟ مو يقولج محلوه ما محلوه جنج مرافجته !!
صح كلام امج اظاهر متعود قبل من اللي يرافجهم يلقاهم اب أماكن صدفه ويدزدز محلوه ومتغيره وهلم جرا من خرابيط المراهقين ,, لو يبي يردج حبيبتي كلم اهله واييبهم اتوقع يدل بيتكم سوه اتصالاته يه كلمج عند اهلج جدام ابوج وامج واخوانج .. بس والله والله لو تبين الصج هذي خيره لج خلاص لا تردين له هذي نصيحه ما تبين الياهل اخلاقه تصير زفت هذا ابوه ولا يمرمرج بعدين ما يدري عن بيته ولا عنج ولا عن عيالج ولا يكلم عليج خو عادي عنده يسويها .. سحبيله يبا الرياييل على افا من يشيل والله أريحلج هذي وجهة نظري وأتمنى تتقبلينها والله يعوضج باللي احسن منه

 

[آوص ياجرحي سكوت]

الله يعوضك ياقلبي ويفرح قلبك بشوفت بيبيك

 

[لولوة الكويتية]

الله يعينك

 

[$نسيم الصباح$]

والله البنات كلامهم عدل . لو ناوي علي رده جان ردج بس يمكن يلعب فيج انتبهي منه . أخاف يجرحج مره ثانيه ,
ماشفتي خيره وانتي عنده . وأدعي إذا فيه خير يجبه وإذا شر يصرفه.

 

[شواخي]

صج الموضوع قديم ومن شهر ٢ وولدتي بالسلامه وخلصتي

والحمدلله عالسلامه

مادري من رفعه

بس انا توني اقرى موضوعج حيل استغربت انج صابره عليه !!

جان تطلقتي من البدايه!!

ولا بعد حامل منه !! المفروض انتي تغيرين منه و تطلعين من حياته قبل لا يخليج

الله يعينج والله وايد اتنازلين صراحه

لو متطلقه منه من قبل لا تحملين اهون الحين وين !!! صار بينج وبينه رابط

مادري شلون شخصيته وانا ماتحمل هالاشكال صراحه بس الله يعوضج ويهديه

بس صج صج صج اشناطره انتي !! شكله عاجبج الوضع ،، يدز دز مسجات و تردين عليه وساكتت له !!

اقلها غيري رقمج اخذي لج كرت ثاني يبا

اقلها تكلمينه شتبي !!

هذا ينزف مو يحترم !!