انا وزوجي وحبيبته...ابي نصيحه

[latkt7as]

الله يجزاج خير يسمع منج

 

[t0o0fa]

صباح الخير

البنات كفوو و وفو ما قصروا .. بس انا عندي حجوة صغيره

زوجج باختصار طــفــل .. انتي قلتيها بنفسج .. انتي عوضتيه عن حنان الام و صرتي له زوجة

ولو كان يحب هالانسان بشكل جدي و يفكر بالزواج منها .. ما ياب منج عيال !! و الحين انتي حامل بالثاني مشالله

يعني انا شبهت زوجج مثل الطفل اللي يعصي كلام أمه و يشاغبها و بنفس الوقت متعلق فيها اكيد وما يقدر يستغني عنها

و تعلقه بهالانسانه .. مثل اللعبة لا أكثــر .. ممكن تكون لعبه رخيصه مالها أي قيمه بس مجرد تعلق وقتي

و مثل ما قالو البنات اهوا مـُـصر ّ إنه تركها خلاص اخذيها ممسك عليه

دورج الحين تعززين ثقتج بنفسج أكثر و اهتمي بنفسج وتدلعي و خلج مرحه و حبوبه و خلاص انسي هالموضوع

شيلي هالانسانه من باالج نهائيااا و عيشي لنفسج

صدقيني الريال اذا حس انج صرتي غامضه و صعبه بيشتغل عنده الفضول ويبتدي يقرب منج

الله يسخركم حق بعض ويرده لج ردا ً جميلا ً ​

 

[latkt7as]

توفئ كلامج مريح لنفس
الله يريحج دنيا واخره

انتي وكل وحده ردت بالموضوع
وعطتني نصيحه من قلبه
الله لايحرمني منكم

 

[سكرة هانم]

معلش انتقادي لاذع شوي
بس انتي غلطااااااااااااااااااانه كل تصرفاتج غلط بغلط
اولا وين الثقه ؟؟ واذا انتي عادي ؟؟ شوفي احلام وتعلمي الثقه بالنفس
خلج واثقه من نفسج وشنو 25 توج صغيره اللي بعمرج للحين عايشين حياتهم طووول بعرض ولا تفرقينها عن ام 18 سنه
وياحبيبتي دام قالج لا تيبين هالطاري ليش ما سمعتي الكلام ؟؟ خلاص لا تيبينه شغليه فيج وببيتج وبعيالج
يالله امش نسافر امش شاليه نودي ولدنا الالعاب نطلع نشوف فلم بالبيت شغليه خل يحس بالمسؤوليه خل يحس ان مسؤول عن بيت وعيال بس مو بطريقه نكديه لاااااااااااااا .. قعدي معاه ومع ولدكم لعبو سولفو ضحكو استعبطووو خليه يحب هالاجواء

وشكوووووووووووووو تقاريني نفسج معاها
شكو تسالينه عن تفاصيل علاقتهم و ماضيهم
خلاص مالج شغل فيهم بالطقاق المهم تجذبينه صدقيني بينسه ابو اللي خلفها بس غيري طريقتج معااه واهم شي اهي امحيها من بالج اذا ظليتي تفكرين راح تمرضيييين وتتعبين واايد صدقيني

هالحجي مو من فراااغ انا ماره باللي انتي فيه وكنت حامل وبالخامس بعد وشفت المسجات بعيووني

الله يسخرهم لنا

 

[najat88]

دام انه ناوي يتركها هاذي فرصتج
لا تبجين على الأطلال
حسسيه بثقتج فيه وبثقتج انه راح ينساها عشانج
حسسيه شكثر انتي واثقه انج تنحبين اكثر منها
بدون ماتتكلمين
صدقيني انتي الربحانه

 

[شـيـوخـهـ]

احس الي فيج اكبر من سالفة انه كان يحب وحده

بس حبيت افهم ريلج ليلحين يكلمها ولا كاان يكلمها.؟

انتي تحتاجين ثقه بنفسج تحتاجين تحبين نفسج .. ما اقولج تحملي وعيشي حياتج معاه والله يهديه لا لاني ضد هالاسلوب وهالطريقه الغلط غلط وما اتقبله مهما كان والله لا يحدني والله لا يخليني اجربه

ما اقولج ادعي له ان الله يهديه وخليج بره الموضوع وقعدي لبسي له وسوي له لانج مجروجه ومنكسره من اساس والرجل ماهو سي سيد يخدم وهو يكسر ويجرح

بس ريلج اشلون يقولج انه رقم وحده بعد الزواج رقم يعني! لو بعد الزواج احترامي لج انتي سامحه له يقولج عن مقامراته !!

وهم في نقطه مهمه الحمل مخليج حساسه وتحسين بالنقص بعد الولاده اهتمي بروحج وحبي نفسج لنفسج شوفي عيالج واستقلي بنفسج انتي طالما عرفتي انه كان يحبها وخليتيه يسولف لج عنها انتي الي يبتي الحجي لنفسج ماراح تنسين ومستحيل راح تحسين بالثقه معاه رايي اشغلي نفسج عنه تعدل معاج تعدل ما تعدل الاختيار لج تعيشين معاه وتتعايشين مع الوضع او تخلينه

مع اني اشوف مو المفروض تخلينه لها انتي مرته ما تخلين وحده مثلها تلعب فيه صيري كل شي له لين ينسى طوايفها القرار لج محد منا يقدر يساعدج او يعطيج رايي لان الي بنفسج والي بخاطرج انتي بس الي تعرفينه اقول حاربي عشانه عشان عيالج فاد فاد ما فاد انصحج تاخذين قرار ..

 

[latkt7as]

كنت كاتبه رد وانمسح
باختصار
ابي احس انه يغار علي ابي يهتم فيني ويفقدني
ابي يدلعني لو حتي باسمي مع انه لما كان يغلط ويناديني باسمها
كان اسم الدلع مالها

وسالفه انه يرقم واحنا متزوجين
دريت بوقت كنا معصبين
استفزيته وقلت انت اصلا ماتوفي لي
انت توفي لها
قال اصلا كلمت معاه 2
ماتضايقت حيل حسيت هالشي يبرد حرتي فيها
بس مابينت له هالشي
ادري غثيتكم بلخبطتي
بس انا مافتح هالموضوع الا معاه
لان مره حماي مره كانت مسيره علي ومن باب السوالف
قالت ترا فلان/ زوجي\ وفلان / حماي\
كانو يكلمون بنات جيرانا البيت الفلاني
وقتها كانه طراق ع وجهي لاني ماكنو ادري انه بشارعنا

 

[شطانه طفله]

الله يهيديه يارب ويسخره لج وماعليج خلاص لانحطيلها اهتمام واعتبار ما تسواج ومردها راح تتزوج وتلهى انتي خلج في بيتج وعيالج وزوجج بسسس لاتفكرين ولا توسوين خلج واااثقه من نفسج

 

[MiSs-MeMe]

هذي. مشكلتنا لين حملنا اذكري الله ولاتخسرين ريلج عشان وحده طلعي من هالبيت روحي بيت ثاني ولاتضيقين على عمرج الريال ماتاثر عليه الا مرته وبهالوقت مافي شي اسمه حب تراج انتي تخلينه يتجراء وتفتحين جرح الماضي وتخلينه يحن لها

 

[زوجة حياتي]

ترا انتي تدورين خراب بيتج الريال قالج خلاص نساها ليش تذكرينه فيها


اهتمي بنفسج وبريلج وكثري الاستغفار وانسيها


انتي زوجته وهي كانت مجرد نزوة بحياته مو بس ريلج الي مر من هالتجربة وايد رياييل كانت عندهم علاقات قبل الزواج وخلاص نسو كل شي


أخاف من كتر ماتحنين وتذكرينها يرجع لها ديري بالج وانسيه لا تذكرينه فيها

 

[al-musk]

الله يمسح على قلبج .. القوب بيد رب العالمين هو يقلبها مثل مايبي .. أصلحي علاقتج بربج ووكلي أمرج عليه وربج مايخيب ثناج

 

[همي رضى خالقي]

نصيحة

صيري حبيبته

فكري بهالشي وراح توصلين له

خليج مرحة وطلعي سوالف وضعفي اذا كنتي متروسة او متينة

جملي روحج وقسي قلبج شوية وخلج واثقة من نفسج

ونصيحة حاولي تقدين الاغاني لا تسمعين اغاني حرام ونصحي زوجج بهالشي طبقيه انتي وياه

ولا تسكتين عن هالشي لا تقولين انت للحين تكلمها

قوليله بالويه انت الي قاعد تسويه غلط انا مرتك وانا حبيبتك ولا لك غيري ولا لي غيرك والحين تقطع كل شي فيها ولا تكلمها لا تهدم بيتك

 

[عروسة فوشيآ]

حسبي الله عليها

الله يسهل عليج واصبري

مرد الامور تتعدل وعليج بالدعاء

حاولي فيه يلتزم دزي برودكاستات دينيه حثيه عالصلاه


على ترك الاغاني انتي واهو

حاولي فيه يلتزم دينيا وكل شي غيره بيتعدل

داومي عالاستغفار




الله يحبب قلبه ويلهيه عن بنات الحرام

 

[خاشعة للرحمن]

الله يكون بعونج عليج بكثرة الاستغفاار والله يهديه لج ياارب

 

[latkt7as]

فديتكم عالنصايح
اول شي الحمدالله انا قاطعه الاغاني
وتركت اشياء واجد مرضاه وجه ربي
مشكلتي بس صلاتي احيانا ماصليها بوقتها
بسبب النوم
وتحديدا من حملت صرت انام ساعات طويلله وماحس
بشي مثل الميته
وقاعده اشتغل ع هالشي عشان نفسي واخرتي

 

[latkt7as]

بنات تعرفون مراكز استشارات زينه
يفيدوني بحالتي هذي
ياليت تساعدوني بهالخصوص

احيانا افكر اروح دكتور نفسي
عشان اتخلص من الاشياء الي مو زينه فيني
امدحو لي دكتوره بالطب للنفسي اسمها هيا المطيري

انا تابعه لمستشفئ العدان اعرف وحده تراجع عياده النفسيه
للمستشفئ بس ماعرف شنو الاجراءت

مشكورات ماتدرون شكثر ساعدتوني
الله يسعدكم ويبلغنا جنانه يا رب

 

[إيمــآن الكويت]

.
.


انتي مثل حالة رفيجتي بضببببط

اول شي ثقي بالله تمااااما وكثثثثري استغفار
الاستغفار شئ عجيب من تتضايق وتحسين نفسج مكسورة
كثير استغفااااااااار ولا يقص عليج الشيطان عالطول قومي توضي وصلي ركعتين
واشكي همج حق ربج وفرغي كل شئ داخلج وصدقتني ربي ما يخيب ضنج


وربي سبحانه ما يحب العبد الي يتعلق بشي
أنا معاج ريلج وتحبينه بس لا تخلينه اهو سبب ساعدتج وحزنج
ربي يحب العبد الي يوكل أمره لله ويثق أن الله سبب سعادته


ثاني شغله من اليوم غيري طبعج لا تهتمين حيل في
شوي ابتعدي عنه لا تقولين أخاف يرد لها

الريال يمووووووت بالي تحقره وتكون لأهيه عنه
إدري بتقولين اهو ما يهمه بس مع الأيام بيحس انج لأهيه عنه
وبيتضايق وايد ، وانتي خليج شاده ومرخيه


والله العظيم رفيجتي كانت نفس حالتج واللعن استغفر الله
الحين ريلها يمووووووت فيها اقسم لج يموت بالتراب الي تمشي عليه
وكانت تقرا كل يوم سورة البقرة يعني 4 صفحات جذي


والله الي مع ربه ما يضيع
ولا تحاتين معاج ربج أن شاء الله


والله يشرح صدرج ويسخر ريلج لج يارب

 

[latkt7as]

ايمان حبيبتي ماتدرين ردج شكثر ريحني

وعطاني امل

يعني الحين زوج رفيجتج مايحبها مع انه يشوفها
بحكم انهم جيران؟؟

 

[إيمــآن الكويت]

جيران جيران الطوفه لازقه على الطوفه
وكان يكلمها بعد ما تزوج تخيلي وغيره أشياء


صبرت عليه وكلت أمرها لله شوفي حياتها الحين
١٨٠ درجه تغيرت وريلها يموت فيها


انتي لا تشيلين هم ترى الدنيا ما تسوى
شوفي الأشياء الإيجابية بحياتج انتي بعافيه وهذي أكبر نعمة
وعندج ولد والحين حامل ، اهتمي بنفسج وكله طالعي المنظره
وقولي أنا ما فيني عيب الحمد الله ، وأدعي يارب جملني بعيون زوجي


ترى الثقة بنفس سهله كله مدحي روحج عنده والله بيشوفج واااااااااو
لا ادقرين نفسج وتقولين أنا وأنا ، انتي عسسسسسسسسسسسسل
انتي حبيبته وانتي زوجته وانتي أم عياله لا تتضايقين معاج ربج


ضحكي واستانسي وكثري استغفااااار وحطي بالج
بإذن الله أن هذي فترة وبتعدي عاجله أم اجله
وثقي أن ربج اهو الي راح يغيره مؤ أنا ولا انتي الي نغير احد
سبحانه اهو بس ، والحين قومي صلي وأدعي من كل قلبج

 

[latkt7as]

حبيبتي

الله كريم ويعوضني بالي احسن من الي مريت فيه